清玉

營業中

休息中

好轉唔轉，連個紙杯都轉埋，真係令人無奈。雖然我明白環保好重要，但這種情況真係唔得。每次買完飲品，未返到屋企就漏曬，成個袋都濕透，實在太過離譜。作為顧客，根本唔可以從我哋角度出發去考慮問題。以前對呢間店印象唔錯，間中幫襯，覺得飲品質素高，但而家真係對佢哋大失所望。難道就咁忽視我哋的感受？環保固然重要，但如果產品有問題，接受唔到，我真係唔會再光顧，因為唔想再面對呢啲麻煩。希望佢哋快啲改善，無下次！😠😠🤬

清玉必推薦👇🏻冬瓜鐵觀音+配料寒天基本上每次去親葵涌廣場買野飲都一定會飲佢！因為好似鋪頭會用鐵觀音嚟溝冬瓜茶。但正正就係哩種組合中和咗本身好甜嘅冬瓜茶，而且飲嘅時候會有鐵觀音茶嘅回甘🤤重點係佢杯野飲啲冰係碎冰嚟！所以就算你放到無晒冰都唔每搞到杯野變淡而且價錢又唔貴＄24加埋配料都唔過$30真係飲品店嚟講算平係台式飲品嚟講清玉嘅鐵觀音冬瓜茶我覺得係數一數二嘅高質！佢依家仲有做學生優惠添，出學生證會有9折㗎👍🏻

小清新手搖飲品之選☁️：📍清玉.前排同朋友去咗葵廣掃街🍿，食到咁上下就想嗌杯嘢飲解渴🥤，經過見到清玉又好耐冇飲就去飲下😋.蘋果冰醋加寒天水晶🍎（$25+6）因為個纬已經食咗好多煎炸嘢，就叫咗杯refreshing嘅蘋果醋🍎手搖飲品🥤嚟講佢相對比較清新☁️負擔感冇較輕😛仲要揀寒天水晶，卡路里應該冇咁高，不過大家記得要揀微甜或者無糖呀🤍.📍 清玉 (葵芳)葵芳葵富路7號葵涌廣場3樓303D號舖

铁观音珍珠奶茶味道👍👍👍铁观音味道很香醇！茶味很重！珍珠是比较小颗的那种！我和小伙伴最喜欢点铁珍奶去冰半糖！喝起来清爽！喝多了也不是很腻！强推！寒天柠檬也很不错！

今日下晝想買杯嘢飲，一開始都見到嗰店員係入面沖緊嘢飲。咁我係門口等左大概一分鐘，見佢都冇諗住過嚟我就諗緊可能佢見我唔到，所以就叫咗聲唔該 ，之後佢完全無反應。咁我諗可能佢忙緊啦，雖然我見到隔離都無人買緊/等緊，咁我就等左一分鐘，佢都係無諗過過黎。我有諗過會唔會係我講嘢太細聲，所以我再叫多聲唔該，之後嗰男店員就好炆咁話唔該都要等我沖埋d嘢先啦…其實你忙緊都可以同我講聲等等先囉，我又無催佢，我又唔係佢心入面條蟲，我講聲唔該都比人鬧🤷🏿‍♀️我明做服務業會做到炆，但係都唔係發洩自己d情緒係d客人身上囉。

呢間係佢新開張嘅時候曾經喺我嘅愛店但之後執咗 咁啱喺葵廣見番就睇吓水準如何😌😌😌仙草鐵觀音奶茶 $29半甜少冰呢間舖頭嘅糖係採用咗蔗糖所以會比較健康同天然飲落唔會有死甜嘅感覺仙草嘅份量非常多佔咗成杯嘅大約三分之二變相奶茶嘅份量相對較低但值得一讚嘅仙草非常之滑溜暫時係我飲過最滑嘅一間❣️❣️鐵觀音味都突出 如果奶茶同仙草比例再協調一下應該就會好高分😌😌😌💕仙草嘅朋友唔好錯過

行行下街突然口渴添飲廢水又好似好罪惡唔怕啦飲完再行過味消耗返曬囉見到呢度都叫多人排除應該有quality掛價錢都叫acceptable不過前面排隊個男人真係無咩禮貌啦成程都不斷擰轉頭bear人好似怕人地會整到佢同佢老婆or打尖咁終於排到我啦叫左杯非傳統巧克力珍珠鮮奶茶半糖少冰啲珍珠比較細粒飲落都幾失望朱古力味唔香濃奶亦比較稀身有啲似朱古力奶開水叫少冰都搞成咁如果正常冰度應該會更淡所以下次應該唔會再叫

朋友話覺得清玉嘅百香果同埋香橙系列都好好飲🙆🏻‍♀️今次經過葵涌廣場見到冇人排隊就買嚟試吓~平日夜晚七點幾都唔多人排隊好快就有得飲(˶‾᷄ ⁻̫ ‾᷅˵)百香益力多 $32有好多百香果籽!!三份一杯都係(⁎⁍̴̛ᴗ⁍̴̛⁎)飲落每啖都會有百香果籽好香嘅百香果味~ 有啲驚喜而且固定冰度 飲落唔會好甜~益力多味都好香 成杯感覺都健康(*¯︶¯*)至於清玉嘅寒天水晶都好好食!!!食落好有口感 好彈牙但好好嚼😍❤️

-餐廳：清玉-安溪鐵觀音加仙草 $22呢個絕對系低卡路里之選，當你口痕想飲既時候你可以買嚟飲。無糖鐵觀音濃而甘香，加上入口即溶既仙草成件事好健康。另外，當你想飲珍珠既時候你可以佢買無糖茶加珍珠都好飲得黎又冇甘有罪惡感。-評分CP值 : 8/10好味😋: 8/10

🇭🇰 清玉·我哋嗰日行完春花落就嚟咗葵廣掃街 不過唔知係咪疫情嘅關係 我覺得葵芳好似少咗吸引嘅嘢食咁🙊🙊🤔·翡翠檸檬愛玉$26呢一個我哋超鍾意飲 尤其係夏天行完山之後超級解渴😍😍因為我哋唔鍾意飲太甜 所以我哋就嗌微甜嘅 就算微甜都唔會話好酸 超級refreshing🍋·📍葵芳葵富路7號葵涌廣場3樓303D號舖)·#rby💛#rbyeat #rby好去處#rby台灣菜 #rby甜品飲品 #rby港式#rby葵涌

清玉嘅鐵觀音珍珠奶茶一直都係我嘅最愛，鐵觀音茶味好香濃，不澀不苦，清甜可口。我亦鍾意佢哋嘅珍珠細細粒，煙靭彈牙。疫情前我經常幫襯葵芳分店，質素一路都好高好平穩，我成日同老公和朋友講：「珍奶我只飲清玉。」但自疫情開始後，我都比較少飲了，喺街度飲成日要除口罩戴口罩好唔方便。今日難得有同事請飲茶，我當然唔客氣，即刻叫咗杯鐵觀音珍珠奶茶（全部正常）回味吓。同事透過某美食快遞手機程式落單，送到嚟嘅時候，都已經感覺有點唔對路，杯嘢主要呈奶白色，茶色好淡。一飲，果然，只有糖水甜味，唔太飲到鐵觀音嘅茶香，好在珍珠還是新鮮彈牙。雖然有點失望，但我都理解嘅，始終唔係即時飲，味道一定會打八折。雖然今次經驗一般，但會繼續俾機會繼續幫襯

雖然小編試過無數杯茶飲 但係清玉作為一間以平價茶飲店主打嘅茶飲店 質素都唔會差！我最鍾意就係冬瓜青茶加珍珠 呢個配搭特別但會比較甜 由於冬瓜茶嘅甜度唔可以調整所以最好唔好走冰 但茶底填到最好揀返三分糖或者半糖！ 夏天熱辣辣嘅時候 飲一杯冬瓜青茶消暑解渴 清新之選另外仲試咗佢哋嘅珍珠奶茶 分別係402珍珠奶茶同鐵觀音珍珠奶茶❣️本人比較鍾意402珍珠奶茶由於鐵觀音嘅茶味比較濃厚 反而402茶底嘅奶茶較清甜配上珍珠味道更好珍珠亦都彈牙有咬口 質素絕對唔差而且甜度充足 好好食😋

永遠讚的冬瓜青茶！😍飲台灣飲品一定係飲清玉最喜歡佢少甜真係無咁甜，好多台灣飲品少甜完都係咁甜。😋同佢唔係糖水味，真係有台灣足料嘅味道。我最鍾意飲佢地嘅冬瓜茶🥤，好有冬瓜味同最緊要無其他嘅咁甜。一定要撐嘅台灣飲品店！😃

公司請飲茶，請間我平時唔會去買嘅珍珠奶茶店，我梗係叫返我最愛嘅奶茶啦，揀咗鐵觀音珍珠奶茶熱飲走甜，貪佢茶味會濃啲，點知😖，認真麻麻，我好少飲唔晒一杯珍奶，但呢杯真係奶苦水，奶水都唔梗要，奶苦水先大穫，唯一可取係啲珠都接受到嘅，同埋平囉！其實飲珍奶真係飲熱嘅同埋走甜會見真章！大家都不妨試下，又無咁富罪惡感！

一杯加珍珠熱阿薩姆鮮奶茶$27+$4，送餐費$20，total $51，用網上外賣平台 $40coupon 買，最尾只需要俾$11，仲送到屋企門口，仲有咩需要出街？（但唔知點解張單係鳳梨茶？）叫得鮮奶茶，奶味就梗係重，茶味相對比較弱。珍珠都幾多，size係比較細粒果種，煙煙韌韌，而且無落好多糖一齊煲，唔會好似天仁茗茶果種一咬就好甜，幾好。茶叫左無糖，但唔知點解飲落都甜，係因為有奶？比預期甜，完全唔洗再落糖。總括而言味道普通，但葵芳清玉係黃店，$11可以唔洗出街支持黃店，完全無投訴。