清原

營業中

休息中

芋見幸福（紅豆•芋圓•芋頭球•珍珠•西米露）芋頭球煮得夠淋，入口綿密有芋香，紅豆甜度適中，形珠同芋圓煙韌有咬口，尤其芋圓好有芋頭香味，果然係招牌甜品黑金燒仙草（芋圓•綠豆•薏仁•珍珠）仙草味濃帶微微甘香，口感滑溜，綠豆同薏仁煲得夠淋，清熱解暑，芋圓依舊係亮點，煙韌有嚼頭，整體味道比較傳統抹茶紅豆雪花冰（珍珠•玉米片•紅豆•抹茶雪花冰）抹茶雪花冰茶味夠濃，帶少許甘苦，平衡到紅豆嘅甜，另一重點嘅雪花冰冰質夠綿，入口即化！冰中內有乾坤，有玉米片、紅豆同珍珠，好有咬口麻薯串串（紫薯味）麻薯煙韌，咬落軟糯，鋪面嘅紫薯香甜唔膩，食完好滿足，煙韌控必試！

今日放假出銅鑼灣經過見到有間門面紫色嘅舖頭望真啲原來係台式甜品店！主打沙冰、芋球、仙草、芋圓等等仲有4款口味嘅 《麻薯片串 $27》 我揀咗紫薯味～～ 麻薯好軟糯，on top有奶油同紫薯蓉。另外仲嗌咗3碗熱+1碗凍嘅糖水芋圓有芋味，亦腍中有彈性，滿足嘅；仙草都夠多，滑嫩；整體小甜唔會膩～ 雙芋頭冰嫩仙草凍 $58 （熱）芋圓、紅豆、芋頭球（附送奶油球）黑金燒仙草 $47 （熱）芋圓、綠豆、薏仁、珍珠（附送硬花生）芋見幸福熱戀中 $62 （熱）芋圓、紅豆、芋頭球、珍珠、西米露甜水子露豆花 $52 （凍）西米、紫芋、豆花

超好食！超好食！超好食！真係好好食嘅，我要講三次！原本約左朋友係銅鑼灣shopping，行到咁上下，比依間甜品店出邊嘅貓貓裝飾、promotion吸引，就同兩個朋友入去坐低諗住傾吓偈，休息下嘩！一見到有勁多Jeff相 ！超開心！仲見到有一塊牌上面有留言，依家餐廳係由明星開嘅？🥰不過我冇問到，都唔係好肯定😅一食佢嘅招牌冰沙，嘩！仲好食過鮮芋仙！唔係碎冰，又唔係綿綿冰，係啲好碎好碎嘅沙冰，超有心思！仲要個配搭唔係太甜，感覺上唔會食肥自己😋見到有promotion，師奶仔嘅我哋梗係like下個社交平台啦，送咗嘅麻糬串都好好食！我兩個朋友就揀咗食豆腐花，話驚太凍唔夠食冰沙喎！不過，佢哋都一齊試吓，然後就話：好味！我都有試過佢哋啲豆腐花，感覺都好特別，唔太甜！不過，我個人比較鍾意有更重豆味嘅豆腐花，如果佢啲豆腐花令更香豆味，我諗我會超鍾意個豆腐花！最後，我哋仲每人買咗一杯手搖飲品，一路行一路飲。不過，唔記得同佢哋另外兩個影相，淨係我自己影咗自己個杯。最後，我仲買咗甜品俾老公食😆

身為一個甜品控，最近俾我發現咗一間隱世甜品店，佢哋嘅甜品款式多到眼花繚亂，而且樣樣都咁精緻，真係睇到都流口水！今次就同大家分享下我試過嘅幾款人氣甜品，保證睇完你會即刻想去試！🫶🏻麻糬串串（士多啤梨味）🫶🏻：呢個麻糬串串絕對係打卡首選！一粒粒粉紅色嘅麻糬串成一串，睇落去好似一串迷你版嘅士多啤梨，超級可愛！麻糬口感煙煙韌韌，咬落去仲有淡淡嘅士多啤梨香，甜度適中，唔會覺得膩。最正嘅係，佢哋嘅麻糬係即叫即做，所以食落去仲係暖笠笠，口感更加軟糯！ 🫶🏻芋見幸福：如果你係芋頭控，咁呢款「芋見幸福」就絕對唔可以錯過！一碗入面有齊西米、珍珠、紅豆、芋頭蓉同芋丸，真係一次過滿足你N個願望！芋頭蓉打得非常幼滑，芋香味濃郁，西米同珍珠煮得啱啱好，煙煙韌韌，紅豆煮到起沙，甜度適中。最驚喜嘅係佢哋嘅芋丸，內裡軟糯，仲食到粒粒芋頭粒，口感非常豐富！ 🫶🏻芒果棉花冰：食返碗芒果棉花冰，真係透心涼！佢哋嘅棉花冰打得非常幼滑，入口即化，芒果味香濃，仲有粒粒新鮮芒果肉，酸甜多汁，令人食到停唔到口！最正嘅係，佢哋嘅棉花冰唔會太甜，食完都唔會覺得口渴，絕對係消暑嘅最佳選擇！ 呢間甜品店嘅甜品款式多樣，而且樣樣都咁精緻，絕對係

琴日銅鑼灣行街，行行吓落大雨！見到有間食芋圓綿綿冰嘅甜品舖即刻入去睇吓。間舖頭有好多種類嘅嘢食，全部都好吸引。我哋叫咗Tiramisu蛋糕冰，啲冰好綿，Tiramisu超級夠味好有驚喜，中心有啲朱古力，同埋底層有手指餅吸晒啲咖啡味好好食😋再叫咗個紫薯串串試吓啦，嘩大大嚿麻糬超煙靭超好食，加埋個面嘅紫薯同埋仲有啲奶蓋嘅味道，好中我哋口味，勁想食多串🥴傾偈傾到好口乾，想飲杯嘢飲，就叫咗芋見泥珍好，一飲即刻好驚豔🤪因為入面係超足料嘅芋圓，珍珠，紅豆，仲有西米露！口感非常豐富，每啖都食得好幸福。另外環境都唔錯，可以睇到街邊風景，又可以慢慢坐傾吓偈，真係下午茶嘅好去處😍去開銅鑼灣都會encore😌

［📍銅鑼灣｜清原］喺銅鑼灣食完飯，諗住喺附近搵間甜品食吓，經過希慎附近，見到呢間食香芋甜品既好似好吸引，就入去試下。今次嗌咗雙芋冰嫩仙草凍，呢碗仙草凍有好多唔同嘅材料，紅豆、芋圓、芋泥乜都齊。特別要讚吓佢哋嘅芋圓同芋泥。芋圓質地夠晒煙靭，咬多兩咬食得出有芋頭嘅香味；佢哋嘅芋泥亦非常真材實料，除咗甜度啱啱好之外，仲特登保留咗芋頭粒係入邊，增加口感。另外仲嗌咗杯楊枝甘露，非常消暑。本身諗住楊枝甘露做飲品會有啲膩，但呢杯完全唔會，入面有好多西柚粒同芒果粒，飲落好清新。見到新品麻薯串串，好奇嗌左串椰子麻薯串串黎試吓，製作好認真。呢串椰子麻糬串串面頭鋪滿椰絲，配埋椰子脆片，旁邊仲有啲椰子味既cream，食落非常之香嘅椰子味，麻糬質地好夠煙靭，好有驚喜。🧊雙芋冰嫩仙草凍 $53🥭楊枝甘露 $48🥥椰子麻薯串串 $27

台灣人氣芋圓嚟到香港，鍾意Q彈煙韌口感台式甜品嘅我一定要嚟試一試招牌仙草冰3號 - 集齊紅豆、芋圓、芋頭球同珍珠，台灣經典味道，口感勁豐富，芋頭球極香濃綿密，仙草滑溜，天氣少少回暖食仙草冰又清涼又解渴芋見幸福熱暖中 - 西米露底甜湯，暖笠笠好滋潤，椰汁香味突出，同樣有齊紅豆、芋圓、芋頭球同珍珠，飲落好有咬口，夠晒足料焦糖串串 - 焦糖口味麻薯串，煙韌Q彈，同焦糖脆脆勁夾，啖啖都人多到滿滿嘅脆脆珍珠奶茶、仙草冰奶茶 - 台灣經典口味，奶茶可以揀唔同嘅茶底，我今次揀咗烏龍茶，茶底香濃，珍珠粒粒分明勁好咬，仙草冰奶茶就豆奶底，幾特別，好好飲堂食都多人，今次外賣拎返屋企慢慢嘆店面乾淨、光猛同闊落，佈置同音樂俾一一種泰國嘅休閒感，感覺好特別好relax，甜品同飲品嘅選擇好多，仲有好多唔同嘅期間限定品，豆腐花、雪花冰、鮮奶飲品、特色飲品、蔗糖系列等等，款款都好吸引，樣樣都想試，保證嚟親都有新鮮感，值得幫襯

在全台灣有超過200間分店的人氣甜品店「清原」進駐銅鑼灣，香港店為亞太區第一分店！主打芋頭甜品及特色飲品。除了芋圓系列外，品牌亦有供應蔗糖剉冰、招牌仙草冰、雪花冰、特色甜品以及暖湯系列。芒芒雪花冰份量十足，有新鮮芒果、曲奇餅乾碎、杏仁片和牛奶雪花冰，再加上芒果醬，味道甜美又有層次感。紫薯麻薯串串：紫薯味顏色鮮艷，麻糬口感煙韌軟糯。楊枝甘露既有新鮮芒果和椰奶的甜味，又有葡萄柚清爽的酸味。熟成奶茶：以經典紅茶搭配鮮奶製成的醇厚奶茶，味道醇香與甘甜。

主打各式各樣的芋圓甜品，嚴選上等優質芋頭，手工製作成芋頭塊、芋泥、芋圓，吃得到芋頭的細膩濃香。「雙芋冰嫩仙草凍」是這𥚃的TOP 1必點🏅仙草凍滑順香甜，配料也是紅豆、芋圓、芋泥球。人氣甜品還有「芋見幸福」芋頭剉冰透心涼，配料包芋圓、紅豆、芋泥球及珍珠。這𥚃的芋頭飲品也是很好的選擇✅「芋見泥珍好」包括：西米露、芋圓、芋頭泥、珍珠及紅豆，芋泥香醇濃郁，加上多種彈牙配料，滿滿飽足感🤩個人最喜歡他們的新推介「麻糬串串」四款味道包括椰子、紫薯、焦糖、士多啤梨，口感煙煙韌韌，非常Q彈，面頭還鋪滿Lotus餅乾碎😍

喺銅鑼灣嘅清原糖水舖，真係一個芋頭控嘅天堂！今次試咗幾款招牌甜品，每樣都好有特色首先係芋頭鮮奶波波（$46），呢款以鮮奶綠為基底，加入綿密嘅芋泥同Q彈嘅小芋圓，口感層次分明，芋香同鮮奶嘅香味結合得好完美，唔會過於甜膩招牌仙草冰（$53）係店裏嘅經典之作，仙草凍滑嫩Q彈，配上紅豆、芋圓、芋頭球同珍珠，配料豐富，冰底清涼甜水芋露豆花（$52），以西米同芋圓為主料，配上黑糖熬煮嘅甜水，口感軟糯，甜而不膩，總括嚟講，清原嘅甜品真係料足味美，環境舒適，星期四晚9:30時段座無虛席，值得大家去試吓！

這間人氣甜品店是來自台灣最大芋頭餐飲集團，登陸銅鑼灣白沙道，鄰近希慎廣場，主打芋頭甜品及特色飲品，引入台灣優質食材，還原正宗的台灣原味道。店內環境寬敞舒適，採用時尚簡潔的日系木為主，播放著港台的流行MV，適合約會或多人聚會。紫薯串串 – $27煙煙韌韌的麻糬粘稠有彈性，柔軟又有嚼勁，淋上濃稠的奶蓋，有綿密的紫薯醬帶點香甜。楊枝甘露 - $48幼滑細膩的芒果冰沙毫無冰塊感，有酸酸甜甜的芒果肉粒，還有香甜多汁的紅葡萄柚果肉，伴隨著濃厚的椰漿好順滑。黑金燒仙草 - $47燒仙草比仙草凍更滑嫩順口，順滑香甜得入口帶化，搭配煙煙韌韌的芋圓、軟糯的綠豆、爽口的薏仁、彈牙的珍珠及香脆的硬花生，配料好豐富。小芋圓熟成奶茶 - $38一粒粒小芋圓綿密細緻，芋香濃郁，而紅茶經過熟成後，口感更加圓潤厚實。仙草凍奶茶 - $36講究茶香和奶香的平衡，清新而不失層次感，再加入滑嫩的仙草更有口感。

今晚同朋友喺銅鑼灣食完晚飯，就嚟咗呢間叫做「清原」嘅台式甜品舖。呢度嘅甜品款式多多，店內環境又幾舒服，難怪咁多人都嚟幫襯。
我哋試咗佢哋嘅芒芒雪花冰，價錢係$148。呢個甜品好豐富，有芒果、曲奇餅乾、芒果醬、杏仁片同埋牛奶雪花冰。芒果好新鮮，曲奇餅乾又夠脆口，加埋幼滑嘅牛奶雪花冰，真係好滿足。舖頭仲額外提供芒果醬，如果覺得唔夠味可以自己加。
另外，我哋仲加咗兩球雲呢拿味雪糕，每球$18。奶香濃郁，甜度適中，同雪花冰一齊食更加係絕配。
期待下次再嚟試埋其他甜品！

每次去台灣，一定會食芋圓，而家香港都有喇！台灣人氣甜品店「清原」🍠香港銅鑼灣開設亞太區首店🎉有芋頭甜品同特色飲品，特別推薦芋頭冰、芋圓😍「清原」自2005年起已擁有超過200間分店🌏遍布全球。店舖引入優質台灣食材，正宗口味🍽️🍠芋見幸福 ❤️紅豆 🍵芋圓 🍡芋頭球 🥔珍珠 🧋西米露 🌾綿密芋頭同香甜紅豆搭配，口感豐富🌿黑金燒仙草 ✨ 芋圓 🍡綠豆 🟢薏仁 🌾珍珠 🧋搭配仙草清涼感🍬焦糖麻薯串串 🍢 麻薯 🥟外層包裹焦糖 🍯 外脆內軟，甜中帶鹹🍠芋見泥珍好 🌈小芋圓 🍡珍珠 🧋紅豆 🍵西米露 🌾多層次口感，十分煙韌清原📍白沙道4號地舖

銅鑼灣開咗一間新嘅芋圓甜品舖😍作為芋圓粉梗係要去試吓啦舖頭非常光猛 而且位置非常多 好闊落完全唔會好似平時啲甜品鋪坐得好迫咁呢個真係值得欣賞👍🏻我哋9:00嚟到已經非常多人 睇得出舖頭好受歡迎😆朋友叫咗一個招牌芋見幸福入邊有非常多料除咗招牌芋圓之外 仲有芋泥、珍珠、紅豆、西米露同埋沙冰呢個配搭超級正見到都覺得好豐富至於我就叫咗一個仙草作為底嘅芋圓招牌甜品雙芋冰嫩仙草凍唔同之處就係我呢個有仙草芋圓超級煙靭而且份量好多珍珠同樣煙靭西米露份量超多，而且甜甜地好正芋泥好軟滑加埋凍凍地嘅仙草凍同同埋配埋嘅花奶真係一個必食嘅甜品另外呢度竟然有奶蓋麻糬串見到佢咁得意，叫咗一串試吓那個超級香濃麻糬煙煙韌韌鍾意煙靭嘅朋友一定要試！

銅鑼灣既甜品🍧係來自台灣嘅, 種類都係圍繞着芋頭, 仙草, 刨冰, 雪花冰種類雪藏宇治金時好大個 天氣咁凍，再食個冰 真係好爽啲綠茶味都幾濃郁 而且有啲煉奶味道入邊有紅豆同埋芋泥一路食都有好多口感 啖啖滋味呢個就係傳統台灣味道既芋頭紅豆牛奶冰牛奶冰上面就係芋泥同埋大量嘅紅豆紅豆好淋，好入味啲芋泥都好軟綿綿食完啲凍嘢再飲返碗銷魂薑母湯啲薑味都好濃 飲落口好舒服入面有芋圓•薏仁•芋頭球•珍珠又健康 又暖笠笠除咗一碗碗嘅甜品，仲有一杯杯嘢飲選擇都幾多㗎