清原

營業中

休息中

上星期去左呢間新糖水舖食，開左唔夠一個月喺銅鑼灣市中心地段，驟眼睇有一個樓面服務員，一黎就好熱情打招呼講解餐牌。等五分鐘左右店員帶位入坐。自助式要去cashier落單，取餐要聽實店員喺bar枱大叫單number去拎。一行人嗌左五個野食，逐份逐份出，店員要嗌足五次。店面都幾大，日日咁嗌真係要好好中氣先得。😮‍💨價錢預期之中，中上價位 成本去哂鋪租裝修。份量味道都正正常常，但餐具要洗乾淨啲，以及未抹乾嘅餐具，少許影響觀感。店間有少少亂，因為自助式 會有比較多人走動。好彩枱與枱都有一定距離，光線充足，唔會有壓迫感。整體係合格 唯獨希望改善下取餐方式 愛護下店員嘅聲帶。🫢

成日去台灣旅行都要去清原食返餐估唔到香港都開咗間清原😝我就食咗個芋見幸福我朋友就食咗個銷魂薑母湯好食到爆啲芋圓好彈牙！銷魂薑母湯個薑汁好算辣一個唔食得薑嘅人都食到真係好想日日食

好好味好好味好好味，同台灣既味道一樣點解咁遲先開，我以前係台灣做野已經成日食係香港都會久唔久掛住，而家可以隨時都有得食，真係好感恩我最鐘意既熱戀中，薑母銷魂湯我，遇見苺好，巨峰葡萄玉露，芋頭鮮奶露日日都會買杯野飲芋頭好足料，最鐘意佢地落好多芋泥同芋球係香港之前搵極都食唔到好味既芋頭野飲而家有喇😊好開心芋頭控天花板世一Sorry可能你地會覺得我好over 但我個人本身就係咁over haha 仲有個stuff 好有禮貌好nice 好friendly

太失望導致第一次嘅食評獻咗俾清原原本想食八時神仙草點知俾班大陸人霸佔咗堂食位置見到呢間新開台灣嚟嘅芋圓就來試吓真係超級唔抵食性價比好低仲要成碗嘢超甜芋圓食完之後唔消化唔知道其他甜品店嘅做法但係我睇住佢成碗攞入微波爐叮就知道應該今次賴嘢未打完呢篇食評已經食晒成碗$62嚟講份量真係少得可憐不過好彩算少，因為真係唔好食要讚一讚嘅係樓面得一位職員但10分好服務可能睇咗OpenRice嘅評論有改進非常好客，非常好態度，仲好熱情好敬業，仲介紹嘢食叫嘢食方面，因為間舖頭都算大基本上出餐位置嗌Number係冇人聽到建議用返好似food court嗰種既會好啲如果唔係每次都要攞住個咪嗌

嗌咗一杯楊枝甘露，本身問店員冰度糖度可唔可以調整，但係店員表示因為係沙冰，所以甜度冰度固定，Ok的因為每一間舖頭都有唔同食譜~然後店員拎左一壺預先打好咗個芒果冰出嚟，然後再加埋其他配料，成杯野稠到好似芒果刨冰咁，然後所謂嘅芒果肉都係同芒果冰一齊預先冰左，咬落去有冰感🙂敏感牙齒人士請三思🙂杯野要溶少少先飲到，但味道偏淡，芒果味定椰子味都唔出，冰味最出🙂仲要加咗$12加小芋圓，埋單$60🙂(PS. 知道佢地試業中，真心希望可以進步下，各方面都有啲雞手鴨腳，好記得埋單個陣店員A問店員B 「你記得點整架呵？」店員B答「你比張單我睇就記得」🙂加油吧🙂)

外賣小芋圓熟成奶茶揀左微糖微冰甜度啱啱好 唔會太甜芋圓超級Q彈有咬口奶茶味濃佢地所有野都係現做 所以要等一陣 但等待時間適中值得我等佢即整嘅！同就咁「不」出黎嘅現成野冇得比 推介！

最近見好多寫食評推介銅鑼灣新開芋圓甜品店，就打算同朋友食完午餐就去試新嘢，一入去完全無職員理會，應該係自由入座，求其有位就坐低左，由於有最低消費，每人都要叫一份甜品，價錢偏貴，配料亦偏少，最特別是有些系列甜品會列明附贈不同配料，但餐牌最底又寫限量供應。當日點的甜品都寫明會附贈奶油球，但拎餐個陣乜都無，詢問職員，態度十分敷衍，被告知原來已售完，但當時點餐才1點30分，如果連「奶」這種也限量，去食鮮芋仙較相宜。最後等餐過程，有蚊同蒼蠅飛來飛來去

今次我食嘅係銷魂薑母湯。個糖水薑味十足，冬天食就夠晒暖胃。材料方面有薏仁，芋圓，黑糖珍珠，芋泥。真係好少見糖水有薏仁，薏仁去水對身體好。（每個人的體質不同，請酌量進食）芋圓份量適中，煙靭有口感，煮嘅程度岩岩好，唔太淋，中間又唔會實。咁講聽落好普通，但呢幾年香港開咁多整芋圓嘅甜品店，真係唔係間間都好食，呢間真係叫OK。黑糖珍珠嘅口感都係適中。最後要讚下佢個芋泥球。佢啲大甲芋頭真係好靚，所以整出嚟個芋泥球就非常好食。

叫左熱戀中。芋頭幾香 唔太甜。 另外果個薑湯意米都推介嘅，薑味重。芋圓都算Q彈 質或唔錯，老板服務好好，成日問我地覺得啲野食點，如果食得多鮮芋仙都可以一試清原，我自己覺得清原好味啲。

唔知係新開幕定管理不善，整個進食的感覺都非常差。首先沒有員工安排座位，客人好似在爭位，然後落單又等好耐，之後明明堂食就落錯堂食，提醒職員是堂食，最後都係外賣碗🫠🫠🫠落單後等咗30分鐘才有食物，可能唔夠員工，成日聽到佢哋話冇呢樣冇果樣。紅豆相思湯本來有珍珠，食極都冇，問職員，然後回覆賣晒，所以換咗第二啲嘢！（但無同客人講）🫠🫠招牌3號味道正常是唯一的安慰！不過相比之下其實可能師傅先仲好味一個好差嘅進食體驗….

最近行街行過銅鑼灣發現左一間新開嘅台灣過江龍芋圓甜品店黎左香港試業中作為芋圓控嘅我梗係唔可以錯過😍店面感覺到係新開張 環境好乾淨企理空間都非常闊落 唔會覺得坐到好迫運作模式大概係去counter自己點餐然後等叫號碼野食方面 Top 1推介芋見幸福有晒芋圓紅豆芋泥西米配個冰底 凍食一流滿足所有願望🥰野飲 Top3推介紫芋波波沙都唔錯 可以叫杯拎走慢慢飲 不過同Top1有啲重覆建議如果唔想堂食可以叫杯外賣慢慢飲止下癮都唔錯

在社交媒體網站看到有間新開的餐廳推薦，店內主推芋頭芋圓的甜品美食，深受吸引，新春有空打算抽空一試。等了大約半小時終於排到了，內心極度渴望食芋圓。因為本人是一個芋圓的忠實fans，對芋圓食品感到極度有興趣。第一次試食，叫咗一碗糖水和一杯飲品。點知勁失望！$62一碗的芋見幸福，勁少料！兩啖就食完，與圖片所展示的食品外貌不符。另外叫了一杯綠豆沙牛奶，成杯都係冰，啲冰多到啜唔到。等冰溶咗之後，成杯飲品只飲到糖的味道，沒有半點綠豆沙應有的綠豆味和綠豆蓉。感到極度失望，絕對不會再光顧。無下次👋🏻

突然好口渴想飲杯嘢飲，經過見到有間新開飲品店就試下，叫咗杯芋頭鮮奶波波飲，點知杯芋頭奶完全冇芋頭味，明明係鮮奶，但係唔知點解有茶嘅苦澀味，好難飲，飲咗少少苦到頂唔順，未試過飲過一杯芋頭奶咁難飲，要即時打字上嚟，希望大家唔好中伏😣😣

完全比佢嘅紫色鋪面吸引入去😍 見到連平日的下午時間都好多客人，於是入去試試，原來係剛開業的台灣過江龍甜品鋪，果然係污頭專家，芋香濃郁😋😋芋頭控必試👍🏻👍🏻.▪️芋見幸福好足料，中間大大粒芋頭球係最吸睛，仲有西米、珍珠、紅豆、芋圓，不得不讚芋頭球真的十分出色！！ 除咗芋頭份量足之外，味道都非常濃郁，口感棉密😍 而台灣芋圓出名煙靭，呢間過江龍舖頭當然亦不例外，口感十分煙韌👍🏻👍🏻大愛💓.▪️雙芋冰嫩仙草凍都係有必試嘅芋頭球👍🏻 仲配上冰底、仙草凍、芋圓、紅豆，喜歡清涼口感嘅你可以試吓呢款，呢個組合令味道更鮮甜，令人愛不釋手.▪️紫芋波波沙紫薯泥➕芋泥➕芋頭沙冰，成杯都芋香味爆錶，沙冰嘅清爽口感令飲料不會太稠，而味道亦不會過甜，令口感更加融合👍🏻

早兩晚去左呢間係銅鑼灣新開既甜品鋪，估唔到有驚喜喎👍🏻👍🏻#芋見幸福熱戀中- 我地兩個人當日嗌左呢款甜品，可以講絕對無欺場，因為好足料，有芋圓、紅豆、芋頭球、珍珠同西米露我個人最鍾意個芋頭球，其實即係一pat芋泥搓成球狀，加埋個糖水暖暖地，岩晒呢個冬天食完暖笠笠，店員同我地講，d芋圓有好多口味，例如純芋頭、芋頭加紫心蕃薯同芋頭加蕃薯，大家可以黎試下食唔食得出唔同口味下次經過銅鑼灣再黎試下其他甜品先🤤