添好運點心專門店

營業中

休息中

久聞添好運點心好吃，而且經常人頭湧湧要等位，今次趁搭高鐵之前食啲嘢，就試試係咪名符其實先。好彩响門口等一陣已經可以入坐，不過啲位幾密，比較迫夾，其他分店唔知係咪都一樣呢?不過，想慢慢嘆茶都唔會揀呢間。茗茶每位$4又唔貴喎，叫咗三個點心：蝦餃、腸粉和馬拉糕。晶瑩鮮蝦餃一啖入口，兒時跟爸爸上茶樓的情境即時湧現，久違了的味道，餃皮軟糯有韌性，並非一咬就爆裂皮肉分離貨色。蝦仁有蝦味自然本質的脆，體形沒有很大而是適人中，荀絲比例剛剛好，一啖咬下去真好吃，好想再食呀黃沙豬潤腸實而不華的點心，腸粉皮滑得來有質感，豬潤新鮮起沙無啤水，愛吃新鮮豬潤的我，就鐘意呢種口感，不會盲目追求不自然的滑。香滑馬拉糕鬆軟有蛋香，蔗糖的香味也混在一起，吃光了才想到沒有影相，太好吃啦，哈哈!可以再吃的點心

高鐵站內最起眼的食肆價錢比出面好似稍貴盅頭飯熱辣辣鳳爪排骨都好入味滲入白米飯，好惹味叉燒腸粉個粉皮厚到一個點…成口粉，勁少叉燒哇塞…雖說是豉油炒麵，上到台既竟然係米粉有d 凍冰冰最推介莫過於馬拉糕勁香滑甜之之

想食米芝蓮級添好運，等位是常識吧，今日坐高鐵上廣州，碰啱午膳時間，當然醫好五臟六府才北上，在站內遠遠已看到添好運的招牌，於是碰碰運氣看看要等多久，結果五分鐘便能安排入座。高鐵站添好運餐牌與其他店無異，價錢應該一樣，裡面的座位數量相當多，目測枱數達四、五十張，喝了一杯茶後，最後點了馬拉糕、燒賣、蝦餃、牛肉腸、煎蛋牛肉飯、蘿蔔糕和菜苗餃，上菜的速度不錯，點心五、六分鐘便陸續上枱，食物質素依舊，吃了一枱點心才二百五十元，十分超值。

服務一般，食物水平非常之低，真係可以講係好難食，唔相信嘅即管可以挑戰下，你食過咁求其咁難食嘅點心，價錢已經唔係平，香港真係越嚟越倒退，俾啲咁嘅大企業壟斷，仲要hea做

高鐵開幕對我嚟講冇乜感覺，不過迎來嘅好消息，就係開咗好多食肆，其中包括咗添好運喺高鐵站行去添好運，要經過一條專用電梯，一上就係reception。星期六晚巿以為會超多人等位，但基本上攞飛等5分鐘到就有位。餐廳佔地都幾大，食客以本地人為主。點餐紙，同其他分店一樣，一眼睇曬，款式比其他分店少(例如尖椒、春卷都冇)價錢方面，可能位置問題，價錢比其他分店貴一至兩成酥皮焗叉燒包：添好運嘅焗叉燒包真係特別好食，每次嚟都一定叫呢個「鎮店之寶」，外層麵包我皮又薄又鬆脆，叉燒餡好飽滿，最緊要係新鮮整好，仲係熱辣辣陳皮牛肉球：(要咗加量喼汁所以睇落好深色)牛肉球食落質感好軟熟，帶一點點陳皮同香茅嘅清香蜜味叉燒腸：正，好重芫荽香味，腸粉皮夠薄，不過有點過咗火，少咗滑溜嘅質感。家鄉咸水角：一上枱就知出曬事，見到隻碟有好多灰黑色嘅水滴！！！啲水點咁明顯，點解上菜嗰位睇唔到嘅食嗰陣個心都仲係有啲唔安樂，反正味道唔太特別，外皮有點厚，餡料幾新鮮但份量偏少，食一啖就放棄了。埋單兩位$123，以食物質素嚟講，雖然比其他分店貴咗啲，但價錢都仲係幾親民，不過衛生就一定要改善啦！

港人焦點高鉄站，去逛逛，看到香港品牌添好運，去試試水準如何？環境舒服，服務態度友善，我们安排了窗邊位置。琵琶豆腐丸有五粒，是用豆腐加魚肉搓成丸狀再炸，入口外脆內軟，魚肉鮮味，值得一試！牛肉球保持正常港式水準，肉質彈牙新鮮。古法糯米雞，大大隻，餸多過糯米，有大件雞肉和我最愛的膶腸！鲜蝦腸，腸粉皮厚了一點，味道不過不失。酥皮焗叉烧包是添好運鎮店之食物，水準一般，暫時來説，深水埗總店最好味！酥皮可以，但包皮不夠松軟，叉烧甜了一點點。總体來説，中規中矩，坐高鉄前可來這裏吃一會！