淵記 (已結業)

嚟過幾次粉嶺聯和道真係有正嘢，夜晚周街泊車都方便。呢間上海飯店好家庭式，老闆好親切，有少少canteen feel。我無論去邊度飯店、酒樓飲茶四圍食一定要食小籠包，唔使講呢間食小籠包:)最好！最好！今次同上幾次水準一樣咁好。白菜仔肉片炒年糕好正清清哋唔會太油，好多時候以爲炒年糕會好肥，其實應該改觀。第一次order鹹肉粉條先知道喺用清湯，不是炒，味道唔會太濃。重好過叫碗麵啦，呢個驚喜唔錯！假如我住粉嶺的話， 應該會一星期嚟柯打3次小籠包。…查看更多

間中入聯和墟揾食, 總會發現好野.今日我無乜胃口, 行行下見到呢間寫住有江南輕食, 糕點餃子, 就入去食少少, 不過見佢鋪就大, 不過無裝修, 又無乜客, 心諗唔方好味, 不過店員已經沖出黎招呼, 就試一次啦.原來呢係食京滬菜, 即係上海, 北京菜, 我地兩條友, 朋友仲要麻麻地鐘意上海野, 都唔知叫咩, 最後叫左十個小籠包, 一個奶油雲腰娃娃菜, 見到人地食緊個鐵版, 我地學佢叫, 原來係鐵板京蔥牛肉.先上個菜, 哇, 個奶油上湯, 加上雲腿咸咸地好食呀, 其他菜未到就差唔多食晒....跟住上小籠包, 見等左好耐, 應該係即蒸啦, 果然無失望, 個籠一打開, 超大煙超熱, 一睇就合格, 因為真係皮薄淊靚, 個皮包到見到d大大舊既肉架, 跟住試下, 果然正呀, 包到湯入去, 味道好好, 我試過好多港島貴既上海菜, 呢度既係有過之而無不及, 最重要係平好多呀麻.最後係個京蔥牛肉, 哇, 簡直又係正, 佢地用肥牛京蔥抄, d牛o岩o岩好唔會太熟, 加上香港人比較少食但我地最愛既京蔥, 真係超正, 加上佢個特製牛肉汁, 轉個頭食晒啦.所以話, 好多時唔可以睇表面, 估唔到一間咁既食店原來係咁好食. 不過我覺得佢地細間d加番少少裝修會吸引到多d客. 唔洗而家咁, 佢地都張貼話因為唔夠客, 所以星期一二都唔僧開門.…查看更多