深深甜品

營業中

休息中

今日難得行開深水埗，行完街之後都想喺附近搵吓有咩嘢食外賣返屋企，之後就見到呢一間糖水舖見到餐牌裏面竟然有芋圓食，即時心心眼，於是就同老婆每人叫咗一碗甜品外賣返屋企。其實見到價錢都唔算太貴，而且難以甜品同一樣價錢添返到屋企打開糖水都仲係暖暖地，見到裏面嘅配料都幾多，我係要咗紅豆沙加芋圓，不過芋圓份量唔太多，而且唔太煙靭，感覺一般。加上紅豆沙好似冇落陳皮，所以味道都一般，有少少失望

深水埗附近真係好多間芋圓甜品店，食極都食唔晒嘅感覺🤣今次去到深深甜品 @shumshumdesserts 試吓先～店舖裝修行懷舊風，好靚好特別。而餐牌上邊亦都見到有傳統中式糖水，亦都有啲新派啲甜品選擇～美中不足嘅係，當日去到冇晒一心想去試嘅冰烤紫薯雪糕🥺又比多個藉口自己再幫襯過😃.so many taro balls to choose from in shum shui po area 😆 decided to try @shumshumdesserts 😋 loved their old school vibe & decor! overall, the taro balls were pretty decent 👍 slightly above average but not my fav! price is also really good as well 😊 next time gotta come and try their sweet purple potato ice cream 🍦.💫整體體驗 𝐎𝐯𝐞𝐫𝐚𝐥𝐥 𝐄𝐱𝐩𝐞𝐫𝐢𝐞𝐧𝐜𝐞✨食物 𝐟𝐨𝐨𝐝 7.5/10環境 𝐞

呢間絕對係深水埗傳統糖水以外必食既良心小店之一。❤️叫左2⃣️款甜品，每款都係幾十蚊。但就可以一次過試晒芋圓，豆花，菠蘿，雪糕，爆珠，西米.....甜度適中，芋圓Q彈，每款配料都做返自己嘅本分。實在岩曬有選擇困難症+ 貪心既朋友👍👍👍

大家都要小心疫情，食外賣的話都要支持黃店！深水埗又是黃店林立的地區😌 食完正餐就要吃甜品😚⠀🍨 仙草紫草園 $38有黑糖水晶、蜜紅豆、芋圓、冰烤紫薯雪糕同仙草😌 見到有紫薯同芋圓就即刻揀咗～ 紫薯雪糕冇令我失望😌 雪糕有紫薯味，而且仲有粒粒紫薯😙 好吃～ 仙草都好食，夠嫩滑，不過有埋花奶就更好🥳 芋圓煙韌嘅，不過唔算好重芋頭同蕃薯味～ 另外個人本身麻麻哋黑糖水晶😂 覺得佢口感好怪😂😂 其他都ok!😙

甜品控嘅我每隔一段時間就要食一次甜品🙂🙂而我今次就去左試呢間名為深深甜品嘅舖頭——————————我係嗌咗呢間舖頭招牌主打嘅甜品（應該係😂）就係叁元豆花（$33）⭐️⭐️呢個甜品都算有好多種配料，分別有豆腐花、芋圓、地瓜圓、黑糖珍珠同埋紫薯西米，之後可以係呢4⃣️款之中（香草雪糕/愛玉/紅豆/芒果）再揀多一款，我就揀左要香草雪糕 我覺得呢度嘅豆腐花配合埋雪糕簡直係Perfect Match😋😋而芋圓好有口感得嚟又好有芋頭嘅香味，紫薯配埋西米有一種好fresh嘅感覺，黑糖珍珠亦都真係好入味，所以一定係值得Encore之選😍😍下次試埋其他先

深水埗有咁多糖水鋪 以我所知 以芋圓做主打既 都有3間以上🧐今次就試下深深甜品💛店入面充滿住復古風格 掛住d好港式既裝飾 有舊信箱📪 舊地塼 仲有好特別既一對對聯👇🏽🤣紫薯控🍠見到冰烤紫薯雪糕系列就即刻心心眼😍最後決定叫左👇🏽紫花園 ($38)面頭有少少桂花碎 的確襯托到「花園」呢個名☺️紫薯雪糕好真材實料 紫薯味濃郁 仲有少少紫薯粒除左有雪糕 仲有芋圓、豆腐花、黑糖水晶、紫米 好豐富啊! 🤩芋圓好煙韌啊 不過得兩隻色 同埋味道唔太出~~黑糖水晶爽爽der 水晶同紫米份量都好多 所以食完好飽肚😋椰汁西米配包心芋圓 ($29)椰汁底🥥好正 西米大大粒!包心芋圓更突出材料既原味😋 紫薯圓同地瓜圓入面係芋泥餡 芋頭圓入面係地瓜餡~~食完深深甜品 第二個胃表示好滿足啊🥰

叫左呢個冰茶，有蜂蜜綠茶凍，紅豆寒天，芋圓地瓜圓，同菠蘿冰。唔好睇佢好似好小碗，其實作為飯後甜品都幾飽，三十幾蚊都要抵食！夏日點可以唔食菠蘿冰，真係涼透心架，正！

其實佢有好多款甜品同唔同配搭，因為我又想食珍珠又想食芋圓，所以就叫咗呢個😋呢個係豆腐花底，上面中有芋圓，地瓜圓，黑糖珍珠同紫薯西米作配料，你仲可以揀雪糕芒果等等芋圓係好有彈牙煙韌，唔會係一pat粉咁。珍珠就唔係平時飲開嘅珍珠奶茶咁大粒，佢係細粒啲嘅，但唔會影響佢嘅口感。 不過紫薯西米就冇咩紫薯味。而且選配嘅芒果都好甜，佢唔係罐頭芒果而係新鮮芒果🥭。

同閨蜜喺深水埗食完三個鐘頭晚飯，已經差唔多10點，離開餐廳準備要返屋企，但係好似有啲意猶未盡，加上晚飯嗰三粒鐘我哋兩個不停傾偈講笑，喉嚨有啲乾，咁閨蜜就提議不如食碗糖水滋潤下，我舉腳贊成🥰~即刻Google一下，搵到呢間口碑唔錯，兼行兩步就到，就即刻行過去，差唔多10點唔使等位😁。我哋叫咗「芝麻糊湯圓$30」同「黑珍珠檸檬愛玉$27」分甘同味。芝麻糊好香芝麻，湯圓煙煙韌韌，滿意。黑珍珠好清淡，愛玉滑脫脫，帶小小檸檬香，味道可以。兩個甜品都唔太甜，幾滋潤，啱晒我哋乾乾地嘅喉嚨。

同男朋友深水埗食完飯，覺得意猶未盡，於是揾間糖水鋪食糖水。深水埗都幾多糖水鋪，但我之前見呢間好多後生仔女排隊，咁岩時間尚早，唔洗排，決定同男朋友試一試。男朋友叫左呢個<椰汁西米露包心芋圓>佢碗西米露本身唔算甜，甜在於佢入面既紅豆。另外包心芋圓既餡係芋泥，鐘意食芋泥既朋友可能有驚喜，但因為咁樣，好似減低左芋圓本身俾到既QQ感。😛我叫左個<紫米露清心丸>同椰汁西米露一樣，佢個紫米露唔算甜，甜在於d清心丸。清心丸煮得夠哂煙韌又夠甜，chew下chew下就食哂。總括黎講，呢間糖水鋪唔算甜，岩哂我呢d又想食甜野但又怕好甜既人🤣 而且感覺呢間糖水鋪有心做好高質既糖水，不錯！會再黎試其他😁

呢間糖水舖位置好易搵，店面唔算大，但係佢既裝修就好有懷舊復古既味道，亦算係坐得舒服，店員服務態度正常。本身其實一心係想黎試佢既叁元豆花既，但一坐底，發現有款寫住冰烤紫薯雪糕，腦電波太弱，直接決定試＜仙草紫草園＞黑糖水晶我唔太喜歡，太甜而且有Ｄ怪，仙草口感好，夠曬嫩滑，如有花奶更好，芋圓同埋地瓜圓份量比較少，都幾煙韌，但係佢無乜芋頭味同埋地瓜味，一般般，冰烤紫薯雪糕有紫薯味，並有紫薯粒粒，為成碗野帶來冰冰凍凍同埋色彩既效果。整體可以，雖無驚喜，一試無妨～

去完文記食車仔麵,見到有一間甜品舖。本身我好喜歡食芋圓,見到有當然唔會錯過啦.我見有人排隊,就叫外賣拎返屋企食.叫咗個椰汁西米露包心芋圓.份量都幾足下,三色芋圓內嘅餡料都不同.紫薯芋圓外皮偏梗.個人比較喜歡包心芋頭芋圓.價錢勝在平,可以一試.

今晚係附近食完晚飯, 朋友就帶左小妹嚟左深深甜品到食糖水😊, 支持一下小店💛, 因為實在太多人嘅關係👫🏻👭🏻👨‍👩‍👧, 所以都要排一陣隊, 而係等緊嘅同時就緊係睇定👀想食咩啦😝, 餐牌上種類都幾多, 由傳統嘅中式糖水到新派d嘅芋圓都有, 款款都好似好正咁好難揀🙉🙈! 最後小妹同朋友大約等左20分鐘到就入到去食啦!☺️😆腐竹馬蹄清心丸🥣腐竹同馬蹄露融為一體, 質感濃稠, 糖水味道清甜, 清心丸口感獨特, 滑韌Q彈, 兩者配搭一齊食, 非常清新😋👍🏻石磨芝麻糊🥣芝麻味道又香又濃, 口感細膩, 粘稠順滑, 味道唔錯!😊

深水埗其實有好多甜品糖水店，但想找一間有齊我所有要求：特色新潮甜品、傳統中式甜品、不太需要等位就有位坐、黃店，我只想到這一間💛*豆花紫草園 (HK$38)有香滑豆腐花、爽口嘅黑糖水晶和煮得好腍嘅紫米，當然仲有主角 — 靚靚冰烤紫薯雪糕，單食紫薯味幾濃，另外紫薯雪糕在半溶狀態下與其他食材一齊食也很好味。哈密瓜西米露 (HK$24)冰凍嘅椰汁西米露，西米粒粒分明，通透有咬口，配上清甜的哈密瓜，好味😋*仙草凍西米露 (HK$24)同樣是西米露，配上仙草凍，冰涼爽滑😋

第三次寫食評深水埗，三人行，飯後想食甜品，於是去了深深甜品。各人點了自己喜歡的糖水，包括：馬碲露，黑糖珍珠檸檬愛玉，冰茶龍珠。馬碲露：唔太杰，唔太甜，爽口黑糖珍珠檸檬愛玉：賣相ok, 第一次食糖水有得食檸檬冰茶龍珠：值得推介，因有懷舊冰菠蘿，入口確實夠冰凍，配合凍綠茶，涼入心