深深甜品

營業中

休息中

黑糖珍珠檸檬愛玉（$29）酸酸甜甜好開胃，愛玉清爽，珍珠煙韌，好啱天氣熱食。叁元豆花（$37）除咗豆腐花（有豆味），仲有芋圓（煙韌，但冇咩芋味）、地瓜圓（煙韌，但冇咩蕃薯味）、黑糖珍珠（煙韌，甜甜）、紫薯西米（有些少紫薯味），再加四選一愛玉（清爽）。

心血來潮好想食清心丸！於是星期六晚收工買咗凍嘅清心丸馬蹄露同其他糖水返去做宵夜。然後夜晚食糖水嘅時候發現啲清心丸未熟透！係完全食唔到，真係第一次見。於是我想打返電話返去鋪頭同佢講返，但已經閂咗門lu。朋友食嘅糖水都覺得麻麻哋。都唔係第一次咁烏龍。以前都試過買過同樣糖水返屋企發現冇落清心丸…打電話返去，佢同我講叫我拎返落去加返俾我。每次都錯啲咁普通嘅嘢，覺得越嚟越差…每次買嘢都好驚佢會出錯。冇下次lu

呢間糖水鋪人氣非常高企，疫情前經常出現人龍，每次去都一定要等位🥲舖面裝修特色以懷舊風味為主，充滿住60、70年代老香港風格，鍾意vintage嘅您一定畀佢吸引住🤣♡ 叁元豆花 $35呢碗豆腐花超多配料，包括芋圓、地瓜圓、黑糖珍珠、紫薯西米露、芒果，仲可以on top 加雪糕😋芋圓粒粒食落超煙韌口，豆腐花食落都好香豆味又滑溜🤤

芋圓糖水1️⃣豆腐花，芋圓，地瓜圓，黑糖珍珠，紫薯西米配香草雪糕一碗有齊咁多野真係幾滿足，份量又多，芋圓煙韌度ok，個人認為淋多少少更好。黑糖味好夠👍🏻😍又唔會太多，控制得岩岩好，仲配埋豆腐花，增加口感。依碗真係好好食🥰💰HKD$352️⃣紫薯雪糕，愛玉，黑糖水晶，蜜桃🥶可能係唔中意紫薯味，個桃係罐頭桃，雪得太耐搞到好硬，成碗都比紫薯搶哂個味，黑糖味都已經食唔出。麻麻💰HKD$38

本來想買中式甜品食，可惜心儀嘅糖水店新年冇開舖🥲🥲咁就試下另一間喺深水埗屹立一段時間嘅深深甜品。🌟椰汁西米配包心芋圓店員話咁岩芋圓賣曬，結果喺冇堂食又凍嘅日子喺舖頭門外等咗20分鐘😫☃️。三色包心芋圓煙靭，餡料分別有黃心番薯🍠同芋頭，兩款餡料都不太甜。椰汁西米露仲有啲紅豆粒，🥥略嫌煮得稀溜溜，椰汁味道唔算濃厚，西米軟硬適中。🌟紫米露清心丸紫米露唔算甜，米粒寫得比較腍身冇咬口，清心丸晶瑩剔透，可惜同樣冇咩咬口，中規中矩🙂。

呢晚喺外賣平台搵甜品食，見到呢間嘅評分都幾高，而且選擇好多。最後就叫咗深深甜品嘅仙草愛玉凍另加芋圓地瓜圓。仙草凍甜度剛剛好，但係配合少少酸味偏fresh嘅愛玉就覺得唔太夾。但係分開兩樣咁食其實都幾好味😂。加錢要咗芋圓地瓜圓，一食落口最大嘅問題係…完全沒有任何芋頭同番薯肉喺裏面！食落去雖然都有番薯同芋頭嘅香味，口感都唔會粉，算qq，但係無左芋頭粒粒係裏面質感真係差好遠。今次第一次食落冇咩驚喜，感覺麻麻。不過有機會都會試吓其他中式傳統甜品。

喺深水埗食完晚飯必去嘅良心糖水舖無論想食凍定熱都做得幾好👍🏽•紫草園 $39 📊6/10仙草|黑糖水晶|蜜紅豆|冰烤紫薯雪糕|芋圓紫薯雪糕都幾濃味 基本上全碗整體嘅味道都係由個雪糕到嚟全碗野唔會話好甜 甜度都幾適中唯一覺得芋圓要整得好食d 因為小編我好鍾意食😂黑糖薑茶配包心芋圓 $30 📊6.5/10個薑茶出奇地非常濃 係真係有啲辣喉嚨嗰隻!而淡淡嘅黑糖味都幾襯個薑茶包心芋圓入邊係包住一堆芋泥 jeng 幾好食Overall 🔥6.5/10會唔會再去: 經過深水埗不妨一試🔥

上次試咗“凍愛玉仙草“， 同埋“椰果檸檬愛玉“， 前者嘅組合都幾夾，我唔太鍾意食芋圓，覺得食完太飽肚又晾住個胃， 愛玉＋仙草加上少少淡奶， 食完都唔會太飽， 又唔會太甜。“椰果檸檬愛玉“， 係感覺比較清新嘅甜品，好似食緊檸檬茶愛玉咁， 比較健康，減低食甜品嘅邪惡感， 仲有粒熊仔糖放咗喺入面，幾得意🐻🐻今次試咗“腐竹馬蹄露“， 呢個不過不失， 馬蹄足料， 唯獨腐竹味不夠濃。因為今次買嘅糖水一凍一熱， 員工刻意幫我分開咗兩個袋， 好細心

作為芋圓愛好者，只要見到店內有芋圓嘅糖水就會心心眼。😍 再加上經過嘅時候見到店舖裝修幾懷舊又幾特別，決定坐低試一試。😋今次我地嗌左店內嘅招牌糖水——叁元豆花。我地係4款配料入面揀左其中兩種：🥄豆腐花、芋圓、地瓜圓、黑糖珍珠、紫薯西米+*香草雪糕*🥄豆腐花、芋圓、地瓜圓、黑糖珍珠、紫薯西米+*愛玉*整體而言味道淡淡地，可以話係不過不失。而且當日店內人流唔多，兩個人靜靜咁傾下計，都坐得幾舒服。😉

同老公去深水埗, 行到攰諗住食個糖水.上網見到咁多好平就諗住去試吓. 我同我老公都叫同一碗甜品, 我老公話應該冇伏. 賣相唔錯, 因為佢紫色嘅西米真係幾靚用嚟打卡真係不錯. 但係講起味道真係一啲都唔得. 成碗野得個甜字…其他味道一啲都食唔到, 成碗嘢一啲層次都冇. 真係一啲都唔好食. 我自己真係覺得麻麻哋. 老公話覺得食咗碗嘢好似嘥咗個quota, 早知食其他嘢仲覺得好啲. 仲有提提大家嗰度係冇廁所嘅, 如果要去廁所就要去出返出邊搵.

🔥深深甜品🔥▪️懷舊裝修 融合新式甜品▪️1. 叄元豆花(配芒果)🔻啱曬三心兩意嘅我 一碗可以食曬所有自己鍾意嘅嘢 一次過包括 芒果 豆腐花 芋圓 地瓜圓 黑頭珍珠 紫薯西米 而且唔會勁甜2. 紫米露配清心丸🔻傳統港式甜品 清心丸好似買少見少 而且勝在份量十足 夠曬大碗 加埋紫米露 勁有飽足感 #hkfoodbrowser #深水埗browser #hkfoodie #hk #food #foodie #foodporn #foodphotography #foodblogger #foodlover

延續香港地特色餐廳系列而家啲天氣真係難攪，過埋中秋都咁熱，行街行都標哂汗，就近呢間深深啱哂心水，裝修都比較懷舊，入面牆身仲有啲九龍皇帝字裝飾，九龍皇帝真心經典，不過我諗會逐漸被人遺忘，00後可能見都未見過真跡，少啲共鳴要清熱，當然揀凍綠豆，古人智慧，清熱解毒，入面嘅海帶更加偏寒涼，寒底嘅我，唔食得太多，適可而止，呢碗綠豆夠冰凍，煲到爆哂花，唔會水還水渣還渣，帶臭草香，海帶爽口，高質，但係真係唔敢食太多除左清熱，仲見到有清心丸，呢味野真係懷舊到不得了，細細個喺酒樓飲茶推車仔食過，我知九龍城有得食，但係比較少去果頭，其他區好似冇乜見過，店員推介我配搭馬蹄爽，聽到個爽字就唔洗諗，即叫，爽一爽。清心丸透明，好似粒骰仔，超級彈牙，帶微甜，同埋馬蹄一齊食，好有口感層次，清唔清心我唔知，食完真係清涼左，因為冷氣夠涼咋

傳統港式糖水鋪 買少見少 味道出色抵食腐竹馬蹄露清心丸再加一球雪糕清心丸 份量勁多又大粒 有椰果的爽彈 又有芋圓的煙韌於一身 口感係非常獨特美味滋潤糖水之選! 超清涼又鮮甜  清爽馬蹄同腐竹碎絲 入口糖水唔會太過甜 成碗食曬都唔覺膩 價錢又平又好食平均消費$40評分8/10Shop C, G/F, 46 Kweilin Street, Sham Shui Po

深深甜品食完飯之後經過深水埗，俾佢門口吸引咗，食返碗糖水先🙌🏻如果鍾意食中式傳統糖水嘅話，可以入去試試，都幾多選擇叄元豆花~$37入邊有豆腐花，地瓜圓，芋圓，黑糖珍珠，紫薯西米，咦又幾好食喎，地瓜圓，芋圓，煙煙韌韌，真係好好食，都唔太甜🤘🏻😊腐竹馬蹄清心丸熱~$31朋友想食清心丸，入邊有馬蹄，腐竹同清心丸，非常滋潤嘅，馬蹄係好爽嘅，而佢嗰種甜係清甜並唔係好甜嗰種甜，明唔明😂，簡單來講就係好食😋深深甜品 🏠：深水埗桂林街46號恆安樓地下C舖

建議：早食早享受😂 晚市陸陸續續好多人去開深水步食飯，路經過幾次深深甜品 都係好多人排隊。所以今次特登食左糖水先🤣 佢既店面同滔滔甜品都好似，一開始直頭以為係同一間⁉️ 但係上網睇過又搵唔到相關資訊🧐 (請指教)今次試左：▫️叁元豆花 (HK$37)坐底之後，都爭扎左一陣😆 到底食芋圓豆花系列好呀？定係紫薯雪糕系列好🤭 最後都係揀左豆花系列，因為配料有得揀愛玉👍 除左愛玉，豆花系列仲有3️⃣款配料揀：香草雪糕、芒果同紅豆。雖然碗糖水睇落好似細細碗，不過入面都好足料，有齊豆腐花、紫薯西米、芋圓+地瓜圓 同黑糖珍珠。最估唔到紫薯西米，真係食到紫薯味，但口感就偏淋😂 而芋圓份量都算幾多。下次會再黎試下其他系列，食緊既時候都見到好多外賣。所以晚市後排哂隊，又真係好正常😌