影片
以上資料只供參考, 請與餐廳確認詳情
呢間咁嘅嘢執咗去算啦，知道開咗好耐，從來冇食過，今日經過第一次入咗去試。個樓面話快餐有湯有嘢飲，好啦，咁叫個叉燒切雞煎蛋飯。個湯同凍飲好快嚟咗 (樓面指甲綑晒黑邊)，但個飯等咗超過三個字，杯凍飲啲冰都溶晒，仲要叫佢加冰，咁你話我有冇作嘢？我等咗三四個字先第一次出聲，個樓面只係一路重複有單有單，叫我等多陣。之後嚟嗰啲人啲嘢都上晒，我先忍唔住話佢：大佬你快餐可以等咁耐嘅？咩叫快餐呀，叉燒切雞斬㗎咋喎。我就係肚餓貪快先叫佢呢個餐，個掃地同個疑似老闆娘聽到我嘈只係望下望下，做乜嘢呢？如果我講得唔啱你可以出聲，但佢哋係冇人出聲，冇人解釋過點解咁遲都出唔到個快餐，當時唔係繁忙時間，得幾個客，亦唔見有外賣。最後終於嚟咗個飯，真係離譜到，啲飯唔熱（未去到凍）都算，但隻蛋都可以唔熱㗎，如果係啱啱煎點解可以唔熱㗎？到底係發生咩事。本身碗湯飲晒，想叫佢加多碗撈湯食飯算，個樓面話加８蚊，ok加錢冇問題，咁佢去咗臼湯，但我係聽到嗰個疑似老闆娘唔知係咪條氣唔順，係度大聲同個樓面講：要加８蚊喎。嘩，你自己有錯在先唔識補償不特止，仲要俾說話個客聽，你咁樣做生意真係死得啦。我真係想淨係俾杯嘢飲錢，連個飯都唔食就算，但費事係度潑婦罵街咁，自己又真係好肚餓，拿拿臨當食豬餿塞飽個肚俾錢走算，到走果一刻個疑似老闆娘都係好努力咁煎緊蛋，但點解我嗰隻可以係攤凍咗好耐咁？人在做天在看呀。最興係全部人係連一句唔好意思都冇。
繼續閱讀
係新蒲崗體育場打完波 自己去對面既一間小店食個lunch 已經食過幾次 大概1點左右 唔洗等位 最鐘意係試下呢d小店既炒河粉 叫左個肉絲濕炒河粉 冇諗過咁高水準 雖然係炒河 但唔係落左好多油 唔會覺得好油 其次係唔會炒到河粉散晒 而且有部分炒到少少起焦 剛剛好 味道出色 好有鑊氣 加上芽菜 蔥 好夾 都唔算叫肉絲 叫肉片好d 因為比較大塊 同埋應該有調過味 整體非常滿意 凍檸茶太多冰 如果唔係就完美價錢就真係好抵食 40蚊加3 蚊凍飲 繼續支持有水準既小店
繼續閱讀
第一次去呢間店。紅日十二點半，唔係好多人。我嗌咗雙餸麵，揀咗雙腸、沙嗲牛肉、公仔麵。腸係廚師腸，腸有煎過，幾正。沙爹牛肉唔算多塊，不過大塊，質素可以。麵就普通茶餐廳公仔麵，我冇加兩蚊要出前一丁。菜兩條，幾好，軟硬煮得剛剛好。辣椒油d味還可以，但食開辣嘅人會覺得完全唔辣。一共36蚊。驚喜係，加兩蚊就有大支裝可樂！一來只係加兩蚊好抵，二來係有支裝，仲要係大支，正！埋單38蚊，茶餐廳來講又算坐得舒服，ok la。
繼續閱讀
淇琳响慈雲山開咗咁耐，竟然無食評，咁又係……佢嘅套餐平平無奇，都係其他茶餐廳嘅菜式，不過唔好俾佢外表呃到，細心去食會發覺佢哋都好有心思，例如燒臘飯，佢嘅豉油係煮過同調較過，炒粉麵飯即炒，有鑊氣~不過想講佢哋隱世食品，唔係呢啲……而係同佢間茶餐其他食品有啲格格不入……酸辣米線。佢嘅酸辣米線要落單至會開始煮，所以等候時間比其他餐耐，但就真係新鮮熱辣，唔知係咪次次即場調味，發覺佢哋到咁上下會有修改，唔會次次一模一樣，不過就真係幾好食，鍾意食米線一定要試下，另外佢仲有個係酸辣水餃，我發覺佢哋似係用灣X碼X,係乜饀就視乎入咗乜嘢貨，有啲撞彩，因為有次食咗自己唔係咁like嘅粟米饀……
繼續閱讀