海韻素食菜館

營業中

休息中

琴日一行六人，其中一個朋友幫襯咗三十幾年，同老闆好熟。我就第一次去，舖頭係全家人自己做晒嘅，老細就做埋廚師。粟米魚肚羹物超所值，八寶鴨就係必食，鹽焗雞就只係okay，冇傳聞咁好。所有嘢都超水準，價錢唔算平，但都算合理。另外因為個朋友同佢哋好熟，老細幫我哋買埋海鮮，而老細啲廚藝亦都相當好。腰果露係我第一次食，线本身唔鍾意食甜嘢，都覺得冇得頂。

終於試晒兩間大澳名店，可以同大家報告一下，因為唔想喺人哋個page寫另一間的餸，所以要睇晒兩間比較嘅朋友就麻煩去晒兩個openrice page睇。必食推介：1）紅燒豆腐/椒鹽豆腐：據說豆腐係老闆娘自家製，所以豆味特別香濃。2）豆漿：有靚豆腐梗係有靚豆漿啦，一jar jar咁叫先係正嘅。3）荔蓉炸卷：腐皮加芋頭蓉卷起再來一個厚切，落鑊炸再上碟，好食。4）芋頭魚：我估只要芋頭靚就一定做得好，滯就滯d，不過真係好味。5）腰果露：要預訂，長假期唔做，因為太花功夫。6）蝦醬炒飯：用大澳蝦醬都唔洗我多講啦。注意事項：1）有晚市。2）最好book位，落單一次過，加單有機會要等，因為真係太多人幫襯，book咗位都要等。3）有d侍應nice d，有d就cool d，大家落order最緊要守規矩🤣

如果唔係當地原居民推介真係唔知有呢間好野，雖然叫素食，不過又有肉食，有趣，計我話最緊要好食。一口氣叫了五個餸，最有驚喜的是豆腐，豆味好香濃，問了店員才知道原來是老闆娘自家製，另外佢推介我地試埋個豆漿，一樣咁正。第二最愛就係荔蓉炸卷，由簡單的芋頭加上腐竹炸成，真心好食，我最愛香口野。排第三的係芋頭魚，佢都好好食，不過就係差荔蓉炸卷少少，但係都值得試，我最欣賞佢唔太油。第四樣我會揀腰果露，做到又香又滑，想試的朋友記住Book位時預訂。最後仲有鹽焗雞同八寶鴨，兩樣都好食的，只係無前面講的幾樣野食咁有驚喜。總結︰呢間野超旺，如果想食最好都係訂定位，而且訂咗位都基本上要等，不過D店員都好有禮貌同好好服務，等一陣都係非常值得的。

海韻素食唔係食素.....呢間係大澳好出名嘅食店，馳名嘅除咗八寶鴨就係鹽焗雞，腰果露，同埋豆腐。招牌素食就有芋頭卷，素雞等等。據聞以前真係賣素食嘅，所以佢餐牌入邊都有好多素食嘅選項，後來才有葷菜供應。八寶鴨係手工菜，唔係度度都有得食，而且要預訂，不過我就數來數去都數唔到入邊有八樣嘢，鴨入面最多嘅就係蓮子，栗子同咸蛋黃就最好食，其實就似係將隻鹹肉糭/裹蒸糭放咗入隻鴨入邊炆。呢啲嘢係會好想試，但就唔會成日都想食。鹽焗雞，好味，有雞味，嫩滑得來唔會覺得入面血淋淋。豆腐就真係正，無論係紅燒豆腐定係蒸豆腐，嗰個豆腐係有豆味，同街一般食到嗰啲唔同，香滑好多。對比其他傳統中菜館，佢嘅味道算係中上，不過中菜唔係我杯茶，始終太多汁，太多獻，太油膩，太濃味，一年或幾年食一次可以了。如果係去開大澳，都可以試下。唔記得講佢個腰果露，質素唔係次次一樣，今次朋友們話好食，我太飽冇食，上年食過覺得得個甜字。服務同埋環境就...大排檔格局，大排檔招呼，唔好太有要求。

伙記傲慢無禮，態度之差之惡劣，絕對冠絕全港  不明白顧客為何要受氣、要被呼喝  地方不清潔  坐得擠逼  食物水準低下    烹飪功夫劣拙   白白浪費自攜貴價海鮮    撫心自問   不明白為何有人讚好   萬分奇怪  絕對不推介

去過大澳無數次，唔知點解無去過海韻素食館? 由大澳村口都要行上數分鐘才到達。知名菜式必須提前預留！我自己真的不知道為什麼佢個名係素食館，但係又有肉食，而且不論素或葷菜也見出色！在限聚令下，我們一行六人要分開兩枱坐。我們預留了一隻八寶鴨$450，（據說鹽焗雞也很出色，下次要試吓）。我自己不在狀態，點了一個白粥$12，其他還有椒鹽鮮魷$85、又要荔芋香酥卷$85、香菇時菜$72。因為要分枱坐，隻鴨也要分開上，相片好似唔係好吸引，其實真係好好食，好多料係入面，包括我最愛的漏油咸蛋王。一隻鴨有四個咸蛋王添，點都夠分那掛！個白粥也煲得好出色，好香好綿！我自己只係對個荔芋香酥卷有啲意見，個腐皮太厚了，不過各人各有口味，朋友又話好好，見仁見智吧！今餐食得好滿足！下次要再到訪！😋😋😋

近期到大澳旅遊嘅人多了 ，他們的生意亦好了 ，所以不愁沒有客人。態度極之差劣 ！他們的招牌雞，不是新鲜鷄，但價錢是新鮮雞的價錢， 絕對不值一試 。其他菜色都是平平。 本來山長水遠 去幫襯佢哋， 可惜態度極差失望而回。 一間餐廳除了食物質素及環境外，最重要係 服務態度 。就算一間餐廳 菜色十分美味， 但要客人受氣 哪裏有胃口吃呢？ 不要短暫的生意興隆 就囂張個人 ，只不過係近排香港人冇地方好去 四處吃喝玩樂， 這間餐廳才生意好了起來。做人不要一朝得志 語無倫次。 希望佢哋好運！

難得到了大澳，因為素菜聞名而來，本來已經走得累了，服務員的態度卻是更令人反感，尤其一名接待客人入座的門面，明明是他一直沒理會在門外等的客人，卻理直氣壯，惡狠狠的反駁說是有其他東西在忙。而且他還讓後到的客人先進餐廰。雖然食物的質素尚好，但這名員工的態度令人不悅以及生氣，他完全沒有服務應有的態度，相信不會再光顧他們了。還有，餐廳內環境不錯，可是坐位十分擁擠，枱上的分隔板又矮又隨便，而且等位的制度很亂，一大堆人擠在一起，在疫情下很危險。

聽說這店子很不錯。到大嶼山stayaction，從梅窩趕車到大澳，在暖陽下再走鄉間的小路約15分鐘才到。來者何人?小女子聞風而至。前天電話預訂了酥炸芋頭魚和腰果糊，來到海韻時，被告知腰果糊廚房只可盡力，眼見小店內客人滿瀉，現實明明白白。同行友人，同意先來一客紅燒豆腐。紅燒豆腐（$75）-份量十足，有十多件豆腐，雖不是超級嫰滑，卻帶豆香，明明是紅燒，但不油不膩。正! 配菜有不少冬菇、時菜，材料豐富，不一會便被我們全部消滅。酥炸芋頭魚（$100）-是海韻名物，新鮮熱辣上場。炸魚很大很香，但形狀、圖案、線條都較雜亂，影響外表觀感。芋頭質地很軟腍，酥皮有層次、很脆。附上的甜酸汁，味道甚佳，蘸點汁來吃，酥皮更有風味和口感。腰果糊（$85/細窩）-這個得來不易的甜品最叫人期待，滿滿腰果香，吃得我一嘴巴的甜蜜。建議腰果先用烤箱焗/白鑊炒，應更香。每人分了兩碗，今夜小肚子恐怕會不依不饒的了。不用刻意地飄洋過海、攀山涉水巴巴的來；來了曬曬太陽；聽聽海韻，也沒甚麼好吐糟…漫長人生路，都是小事。

前果排猛咁開新素食po飛(buffet)呀，放題呀咁，令我地都猛咁試po飛呀，放題呀咁。A！係悶悶地之際，今次終於可以掃番間素食菜館喇！而且今次我地重出人頭地，衝出香港九龍，越洋過海，去到一個比香港(島)更大既島：大嶼山，裡面既大澳掃素添！呢間就係「海韻素食菜館」！大牌檔式素菜，人家是第一次唷～所謂「隻腳踏左入黎，就唔好諗咁易出得番去」，就係用黎形容呢到喇！知道大澳有素食，點可以唔試下就走呢～對於只有「大澳=蝦醬」呢個概念既我地黎講，南涌村13B就好似宇宙中既一個座標。不過，其實係非常易去：巴士落車後唔好「正常」地入市集，而係反方向去鹽田遊樂場，跟住隔離果條直路一直行，基本上已經可以到。沿路差唔多冇野遮頭，天時暑熱都真係金金地，不過兩邊既風景加埋寧靜既環境，都可以令你忘記自己既汗味。好，品嚐完汗味之後我地終於到左，YEAH！巨大招牌，重要係呢啲字款～地方唔係好大，但唔會太迫，所以都OK。照例食完個殼就開始驗真身喇！嗯？咦？個menu好似有啲違和感，但又講唔出係啲乜……其實呢到除左有素菜之外，亦有肉食適合唔同既食客。亦因為咁，我地只show素菜部份主要既menu。估唔到淨係兩版都已經揀到

大家近日都避炎，紛紛到郊外呼吸新鮮空氣。我們都不例外，行山過後先到橋附近買蝦和魚，帶到海韻加工，加幾個小菜就個個滿足咁回程。先來一個豉油王大蝦，餐廳好細心咁幫我哋開邊炒，蝦肉都沾上味道，好正！跟住就必叫的椒鹽鮮魷，炸粉唔厚，魷魚啖啖肉，彈牙鮮甜！然後有兩條帶來加工的清蒸魚，火喉剛剛好，唔會un!!加一個金銀蛋白菜同揚州炒飯，真係好滿足。今餐唔計帶去的海鮮只係7百多元，非常抵食！已經食過海韻好幾次，每次都唔會令人失望的！

武漢肺炎疫情嚴重，人人自危都不敢外出。但在家實在太悶，決定去行山，去郊外吸新鮮空氣⛰。今次行東澳古道，東涌去大澳。每次到大澳除了食沙翁小食之外，都好懷念食素菜，決定黎到大澳南涌村既海韻素食館緬懷一番。一行三人， 座無虛席，好多行山人士高談闊論，識食既人先會黎到呢間素食餐廳搵食。店員反應迅速，先遞上熱茶，再放下餐牌🥰菠蘿生根🍍 （HKD 75): 生根打邊爐🍲就食得多，食落好似咕嚕肉味但竟然係齋，低卡路里，一口接一口， 酸酸甜甜既咕嚕汁好開胃，配料吾簡單，用上三色椒炒，罐頭🥫菠蘿片，絕不馬虎。大推酥炸芋魚（HKD 100): 香氣撲鼻，其實是用上新鮮香芋做成魚既造型，炸芋魚份量十足，手掌🖐️咁大，外層炸粉一點都不厚，金黃色外表好吸引，一大開全是芋泥溶，焾身到呀婆都食到，蒸得好透徹，食到源材料既芋香味，淋上甜酸汁，提升到另一層次。西檸豬扒（HKD 75): 吾係好夠酸同埋檸檬🍋味，似豉汁炒豬扒咁，不過吾緊要出奇地好食，因為豬扒好夠鬆軟，又吾會有鬆肉粉既味，仲要一絲絲既豬肉絲都咬到出黎，吾緊好似食緊有汁既豬肉乾。😃羅漢齋炒麵🥢 （HKD 58): 麵底非常脆口，個汁又吾會太咸，素菜料又多，吾錯

大澳落船後，沿橋走向二澳方向，係橋既出口已有指示牌指向海韻素食菜館。二人同行，點左兩個菜式。一係：腐皮卷雙拼素鴨。本來猶豫緊要邊樣素菜，老闆娘話可以雙拼，於是揀左腐皮卷同素鴨。兩樣食落唔算油膩，但比較之下，腐皮卷較為出色。腐皮卷包住荳芽、紅蘿蔔絲、木耳絲，爽口得黎食多幾舊都唔膩。第二樣係：麻婆豆腐，可選素肉粒或豬肉，我地今次就揀左豬肉。豆腐大大舊，微炸既表面同滑滑既質感配合，撈埋肉碎落白飯係唔錯既選擇。另外叫左一杯老闆娘話係自家製既豆漿，細細杯但豆味都幾香濃。注意既係，呢到70-80$不等既小菜份量偏多，二人叫兩個餸未必食得曬，我地最後都要將食淨既素鵝拎走。

前兩年一試難忘架百寶鴨同手磨架腰果糊，個時係大澳買海味架舖頭老闆娘介紹的，她果然冇介紹錯，唔係個個都識去，因為好多人都係在食街個邊找尋食。因為佢係巴士落車總站，向碼頭方向，仲要經過條長橋後轉左邊第一間舖頭就係拉。因早上雷暴大雨，大家商議後就說死就死拉，入去大澳後天暗又冇雨，清涼唔熱唔凍。正，重要係星期六都冇太多人潮個下正。推介食物：椒鹽豆腐：自家製豆腐，豆味香濃。八寶鴨：記得要預訂，因每日限量。唔係就有得睇冇得食。鴨肉蚊到用刀輕輕切也切得散開，勁淋勁入味。内藏幾粒咸蛋黃，加埋半邊淋了的蓮子同栗子加埋d汁拌食，真心勁好好好好好味！我仲打包埋d餸尾走。腰果糊：係老闆娘親自做，腰果抄完後即磨，一上枱已被香味吸引，未食都知有幾好味，8大1小叫了中碗，每人仲飲到2碗超值。真的好鬼好味！姪女食到唔停口就知掂！鹽香雞：真係雞有雞味架。

工作關係到左大澳呢間野食飯，當日係食晏， 個餐牌冇乜特別，所以五個人都係就咁叫碟碟頭飯， 個侍應嚟到，我同佢講要碟芙蓉蛋飯 ， 因為太肚餓嘅關係，我就同佢講話要多飯，跟住另外個同事又話要多飯，跟住個侍應態度就非常差同埋非常大聲仲鬧人，同我哋講話唔會同你哋逐個寫，因為太麻煩又，又話多飯又話少飯，出到來你哋唔夠先算 ，我既感覺實在非常震撼，因為未試過食飯幫襯都會畀人鬧 ，真係陰公豬， 碟芙蓉蛋飯淨係得蛋同埋火腿非常精彩，相信第二度會好難食得到咁嘅風格。