海運餐廳 (已結業)

我是柴灣友, 因為家的附近沒有太多選擇, 唯有光顧海運餐廳, 但其水準真是＋分差劣, 所以我近來已沒有光顧了。 食品 : 味道一般, 不健康 (即使要求少油也是很油膩)!服務 : 從不會主動跟進, 伙計態度敷衍, 可能是廉價勞工吧! 即使是負責收銀的老闆娘, 她的態度也很差、很高傲, 沒有禮貌可言! 總而言之, 服務是海運餐廳最差、差、差的一環!!! 價錢 : 不算便宜!環境及衛生 : 一般!食物普通、價錢貴、環境及衛生一般, 加上差勁的服務態度, 簡直令人不想再光顧! 令海運餐廳不肯改進, 只因在它的附近, 沒有其他同類的選擇, 只致它那麼氣焰, 繼續差下去! 不能接受

水準麻麻二人黃昏時間來食set dinner半間餐廳熄左冷氣;坐在中間,感覺係背部好熱好焗;心口就好凍好大風...攪錯!四面都有大電視,但全關了...-_-"冇辦法啦...-紅湯2碗:-一般啦-白汁焗龍利意粉:-好行,唔難食不過唔滿意-白汁龍利跟薯菜:-都係好行.見友人了了下咁食,不太滿意-奶茶:-唔得,一啖之後成杯冇郁過-檸茶:-友人話唔多得,飲左一半沒必要的話,冇下次了...

我自己本身就住係屯門~不過因為貓zi小姐住係柴灣~小弟免不了都成日要係柴灣食0野~講返呢間Cafe~在下曾多次食呢間餐廳0既下午茶~無他~只係因為貪佢方便夠近~同埋外觀算舒適(相對同區附近的茶餐廳)~但係一打開餐牌(應該話係一張爛爛的餐紙)~見到d choice...求其一個兩餸丁丁面加杯0野飲都要廿幾蚊~大佬~呢家係下午茶時段喎@o@算~你好味我都唔計較~在下就叫0左個沙嗲牛肉雞絲丁面加凍奶茶~貓zi小姐就叫0左個沙嗲牛肉雞翼丁面加凍奶茶~個面0黎到~哇~咩料到...個丁面好似俾人食0左3份1~d料少不得止~仲要唔好味~d雞絲淡口~無雞味~成碗0野真係得幾塊牛肉加少少雞絲再加少少面就話係個下午茶餐~唔係貓zi小姐俾佢d面我食~我諗我真係會餓食街頭~p.s:在下第二次去食(因為實在無得揀~呢次趕時間~佢近巴士站)~都醒目啦~明知佢個面得咁少~在下咪叫加底囉~點知個師奶waitress同我講~無加底喎~一係你叫多個淨面囉...一碗淨面~無記錯好似要十幾蚊~呀師奶你係咪痴線架~然後在下再叫一杯凍華田定唔知凍好立克~佢同我講話無呢d野叫~(在下都唔係好肯定係叫邊樣~但我好肯定係我叫一杯茶餐廳

呢間餐廳~ 我細細個就成日去~番來之後想去搵番個回憶咁就去食左個dinner.. 唉..好難食~ 有顏色, 冇味道...不過我仲想去試多次佢地個lunch~

若如一般茶餐廳比較，此間食物選擇較不少和特別味道亦算不錯。但服務態度真係要改善，叫單叫好耐才應，而態度馬虎並仲要寫錯野。而且假日收加一服務費...實在想不通在服務差情況下憑什麼來收服務費。

超唔得.呢間野d服務唔得老闆仲唔得,問小小野就發火仲要冇禮貌果下先差有陣仲見到樓面d人唔知去曬邊見到d靚仔靚仔去送外賣d女人就唔知去曬邊想搵人落單都唔得有時真係覺得d 靚仔仲勤力過d女人呀落單又慢..趕時間叫佢吹下櫥房快d都唔得仲之真係差老闆工人一樣差啦(有其老闆必有其工人)

貴, 唔緊要; 但唔好食, 服務差, 枱放得太近, 好逼, 又好嘈.唉~ 都話以後都唔再幫襯架喇, 都唔知係咪咁而肚疴添果次....

這間餐\廳真的很差上一次我和我的先生一起去吃東西員工的服務都算好但老闆就真的很差了有一位女老闆獨自坐一張台吃東西(當時我看人客都算多)食品真的很差呢價錢還比當地的餐\廳貴口味差不多與其他餐\廳一樣仲有一次我行去水吧位置見到d師父整d野食好隨便咁..仲要佢\隻手整到d野食好嘔So BAD

因天雨關係, 逼不得要叫外賣, 不過被我發現咗D嘢.我打去叫外賣, 個職員問我要唔要餐具, 因無心理準備佢會咁問, 所以好自然咁"吓"咗一聲, 個職員回答以架支持環保, 如果唔需要, 就唔提供即棄餐具, 如有需要, 亦會如常供應. 我都支持環保, 當然唔會晒嘢啦, 心想話連膠袋都可以慳返唔使比我, 不過邊有可能呀, 唔通叫人哋就咁兩隻手攞上嚟咩. 外賣到, 令我喜出望外, 個外賣仔攞住個藍, 入面放咗我個飯盒同湯喎. 真係連膠袋都可以用少個呀! 嘩! 掂呀! 如果間間餐廳都可以好似佢哋咁問多句, 又或者顧客主動話唔要即棄餐具, 相信臭氧層會小D窿, 香港個冬天都唔會咁快消失.

因工作關係, 成日都會幫襯佢, 但多數叫外賣.普遍食物的質素麻麻, 叫個廿幾蚊炒菜心, d菜心起渣.打電話問番佢點解, 佢話可能d菜心唔靚, (但係成日都係咁-______-". 而且咁普遍既菜都可以搞到咁)有時送野上黎, d湯得番半碗, 一時連食具都唔俾. 次次打去問都解釋"個別事件", 但這些事件時常發生, 有次仲離譜, 叫個意粉.叉都無隻, 求其俾對快子你. 打電話落去問啦, 接電話個人仲大大聲同我講"依家快子食唔到咩", "唔鍾意你以後可以唔叫我地架". 一問之下,原來講呢2句說話個個就係老闆...仲cut線下...咁都得, 老闆就可以趕客, d服務好極有限. 老實過, 我差唔多日日食佢, 食物普遍味濃, 過咸. 食品質素低!!

同同事多來食lunch貪佢選擇多一d食物ok, 一d唔得落單係弱d咖喱唔得炒飯唔得炒麵反而ok常餐ok

在家請客，同太座去市政街市買點菜，拿著大包小包，又魚又肉的，順道來喝下午茶。這裡是之前海運的位置，裝修後易名時來運到，不到個來月又叫番海運。裝修非常的光猛。有幾個LCD電視，一邊亞視一邊就無線，想睇哪一個台都可以。假日下午茶系列選擇都幾多，本想要飛碟，但阿姐話架飛碟機壞了，就要了鹹牛肉多士及美式熱狗。美式熱狗烘熱了的，夾上了生菜及蕃茄，賣相不錯。但吃落就發現條廚師腸是凍凍的，而沙律醬又下得太重手，所以要剔走條腸又撥去多餘的沙律醬，才算是吃得入口；鹹牛肉多士穩穩陣陣，幾難整得難食的。奶茶奶下得不夠，喝起來不夠滑。鴛鴦是茶多過啡，可以更好。不過用上厚身茶啡杯，都算係咁。埋單38蚊，叫幾平。題外話：這裡有一個玻璃房，還以為那個是吸煙間，但原來那個小小的空間才是非吸煙區，我們不怕煙味，當然坐了出來。所以其實怕聞煙味的朋友，幾大聲疾呼都好，吸煙的人，仍然不少，而離食肆全禁煙的日子，還有好一段距離。

今日lunch D同事話再去, 冇意見於是'跟'.上次已指出其樓面效率低--今次仲弊,出事,錯/漏單.追左單D樓面又唔知做乜隔一陣又過黎問係咪要辣;係咪要乜乜;又囉下我地張單check幾次...咁究竟你幫我追左單未?我其餘6個同事都食左一半;連遲來後加單果5個都食緊囉喎......把鬼火唔等唔食,走人.最後個話得事既人好有誠意咁道歉...比我取消order,我飲左2啖既冰檸茶佢都唔使我俾錢...老實講間餐廳絕對係有心有誠意廚房效率都高,但我都幾難再去幫襯了.你知啦我食晏得一個鐘咋...希望阿老細/太子爺快快改革下啦...唔好俾D樓面拖垮...我都希望有緣再幫襯你.

轉手後今日Lunch第一次幫襯除左樓面效率低D之外,都可謂無乜可以彈了.幸好廚房效率奇高,抵消不少樓面落單慢呢個缺點.選擇多,價錢相誼,環境不錯,又有大LCD TV,仲分埋吸煙/非吸煙區-- 乎覆何求?!

唸住海運呢間老字號大裝修後會加價, 點知仲係咁抵食, 同班friend十幾人去食晚飯, 叫咗個8人餐(8餸1湯)只係$338, 有啲friend叫牛排, 雜排(佢用牛頭鐵板, 新式裝修配懷舊鐵板, 好好feel), 全部都大大碟, 食到個個攬住個肚. 最開心仲係佢分咗吸煙同非吸煙區, 我哋仲有得坐VIP房添, 自成一角, 不知幾開心. 聽D伙計講, 佢哋除咗送外賣, 仲可以訂枱添喎, 簡直係超級無敵茶餐廳呀! 正!