海記合桃坊甜品 (已結業)

芝麻糊：夠冰凍不太甜，芝麻味不夠香濃楊枝甘露：清涼可口，味道尚可，但感覺不夠均勻芒果西米露：西米略硬、少，芒果味道都係唔多香總括：價錢便宜但味道一般

放聖誕假前的一天, 節目豐富, 又 K 又南丫島又看戲.臨跟朋友說再見前, 就一起來吃個甜品.也許節目關係, 隔璧的義順一早關了門, 似乎某部份的食客好像我, 過客一樣, 見這裡其門如市, 就走了進來.這裡有每日特價糖水, 不過經濟不景, 當日的都賣完.這裡也兼撈法式燉蛋, 純粹玩野, 要了一個, 見又有杏仁糊合桃糊, 又兩溝; 要多一個綠豆沙, 就飽飽返屋企了.法式燉蛋當然不是那回事, 焦糖勁厚, 入面變左中式燉蛋, 味道都不算離譜的.兩溝糊中合桃糊比較霸道, 所以吃到偏合桃糊多.綠豆沙是稀版, 渣就中規中矩; 不過人越大, 不知何解越來越想吃多點臭草...服務也幾好, 阿姐忙到甩轆似客氣給了匙.(下面價錢也是約數).

這次點了凍芝麻糊加清心丸﹝這是我必加的配料﹞唔......或許是我吃慣熱的感覺凍吃怪怪的不過還是不會過甜吃到芝麻香

今次再黎食都係為左d『清心丸』叫左清心丸蓮子腐竹雞蛋糖水﹝凍食﹞唔會過甜, 入口清清地, 夠凍, d清心丸好嚼口可惜.....蓮子好硬有待改善!

見佢今日個清心丸蓮子紅豆沙做等價, $10, 好抵, 即刻食返碗叫左凍既.....可惜未夠冰凍, 只係暖暖地.....不過都足料既~d清心丸幾好咬, 唔錯d蓮子好多, 再煲稔d就好喇~依哩個價錢黎講, 唔係咁啦~

尋日聖誕節行完尖東就飛０左去旺角等小巴回家，見有少少餓＋又有０的凍意所以去０左依度食０下糖水，見到個合桃糊燉奶，幾得意，就試０下啦食落～味道幾好，唔太甜０岩我～又有奶味，都幾香～～會再０黎糖水都係16大元,我覺得係抵食~環境係細0左0的,但出糖水都好快~~

大舊 : 什果涼粉, 頗多不同生果, 加埋涼粉, 清熱不錯呢 Nana : 芝麻糊 "鄧”奶 : 奶及芝麻糊都不夠香, 但好彩都仲叫滑 水準平平, 但由於同區無乜好選擇, 所以都有回頭

** 此 食 肆 的 第 二 個 笑 **尋晚(15-10-2008 Wed)同男友,男友人SZ o係男友人LKH家中食完美味私房菜後,一齊行到旺角,呢兩個男人竟然重話要食甜品,我可唔可以唔食啊?SZ係旺角人,佢帶我o地o黎呢o度食,佢話呢間傳統甜品會好味啲,佢叫o左杏仁糊,男友要楊枝金露,我要綠豆西米.好快,我o既先到o黎,海帶綠豆沙被雪到實一實,正在攪拌時,SZ問我o地要唔要試佢o既杏仁糊,我同男友都試一匙,我覺得杏仁味o岩o岩好.之後我食我o既綠豆西米,唔太甜,綠豆都煲得好腍,雖然冇起沙,西米就軟綿綿的.我食o左一半再食唔落,男友一早話我食唔晒可以畀佢清,於是我就畀o左佢,佢一食就大讚話真係好味.不過佢冇講佢o既楊枝金露係點.環境衛生:好光猛,好闊落亦好乾淨.服務:亞姐好nice,好親切.埋單$46.00

食完晚飯唔夠飽,行過見到有甜品鋪,貢咗入去.先叫咗個自己至愛的楊枝甘露,唔知係唔係食慣西貢出名的滿x,呢度啲楊枝甘露又澀又酸又少芒果,$20唔扺食.另外叫咗個清心丸芝麻糊,開頭以為清心丸是一粒粒細細粒的,點知原來係幾大舊的,無味的.芝麻糊唔甜,又沒有芝麻的香味,$16唔係好得,早知慳返$3叫個剩芝麻糊算數.

幫襯過兩次，一次食熱合桃糊，另一次食熱綠豆沙蓮子。合桃糊係海記既招牌甜品，其實都唔錯，合桃味香，但相對銅鑼灣灣既翠苑甜品就略為遜色。之於個綠豆沙就認真麻麻，綠豆煲得唔夠起沙，成碗好稀，亦唔太覺加臭草一齊煲。兩樣甜品好在甜度適中！

在新蒲崗見到都好想入去試的,今次在旺角見它是新開而且又有試食價即入去.伙計完全唔識做野,叫她都唔識回應. 落單又唔識,埋單又唔理,而且店內貼了很多見工者的全名,年齡及電話等私隠,有心者要抄底都好容易. 糖水太甜,完全無合桃味. 因此亦打消我再去他們的其他分店.

,喜歡的食物有時發覺它原來不是太特別.只是它們有着應有的味道而已.正如這裡的紅綠豆沙,當你發現坊中賣的是紅綠豆糖水而不是起沙的紅豆沙,重遇起沙的蓮子紅豆一樣起沙的糖水..就如遇上初戀情人. 這裡就是這麼簡單,全部同你起沙.已是第二家的店希望品質如一,不要學上大良八記.本物是否最好我不知道,但造糖水的就是正正經經的,變是會有的.但記得巴基本做好.這是間好的糖水店....快來吃,他朝賣fan柴...有無得食返..唔包!!