海港酒家

營業中

休息中

食到－肚氣，去到已經叫最貴的燉湯，最貴的餸同長腳蟹去支持海港，點知味精湯，臭蟹，長腳蟹攞去炸已經知道賴嘢，點知蟹肉嗅的，叫服務員取消仲要俾人啤住，冇人同我講可以取消擺走左隻蟹，問佢做乜攞咗我隻鞋佢仲大大聲聲同我講’你話取消吖嘛，咁咪攞走佢囉！’哇好似食到隻臭蟹係我唔啱咁，取消咗隻蟹之前跟餐嘅菜仲要收返我$98. 之前叫咗鹽燒鮑魚，黎到又係炸嘅，即係鮑魚又係唔新鮮啦！四個人食埋單$800唔計隻蟹,都唔係平啦! 如果附近開一間稍為好啲嘅酒樓，海港都等執笠啦！

店名: 海港酒家地址: 西環石塘咀卑路乍街8號西寶城2樓243號舖香港大學站C2出口，行1分鐘環境: 3.5/5價錢:4.5/5味道: 4/5呢間比上次上環食個間，膠務好好多，起碼啲店員間會唔理我地，差好遠😦熱門孖寶包挪威長腳蟹一隻(約2.5斤)同脆皮燒雞半隻隻$6985個人黎講，2.5斤都好夠，而且仲有叫其他小菜👍🏻👏🏻我哋再次揀左清蒸，因為本身都新鮮😗怕炒嘅話仲食唔到個鮮味但佢呢隻無上次咁多膏同蟹籽，而且望落細隻好多😦蒜蓉西蘭花🥦$98西蘭花🥦食落爽口唔太硬，好有鑊氣秋葵安格斯牛肉粒$168本來以為咁炒會奇怪，但點知又唔會，牛肉粒嘅份量都算多，都幾有牛肉味，秋葵比較爽口，兩樣炒埋同樣係好有鑊氣☺️🤩焦糖燉蛋/楊枝甘露/南瓜西米露$26/$26/$21同上次一樣，個焦糖燉蛋好食，下面蛋好滑，上面焦糖份量又多又脆，有出面嘅水準🥳🤩另外2個甜品就無咩特別，楊枝甘露落左好多花奶🙈#stitchfoodie西環#hongkong #foodie #香港美食#灣仔#北角 #銅鑼灣 #旺角 #尖沙咀 #油麻地 #大角咀 #觀塘 #吃貨 #美食推介 #港島美食 #九龍美食 #食好西 #香港吃貨

2022年11月5日 (星期六) 6:00pm 21°C 環境光亮整潔，餐具乾淨。 我喜歡瓷杯、瓷碟均印有紅色花卉圖案，秀麗典雅，散發一種淑女氣質 ❤_❤ 每個座位都各自提供公筷和私筷，衛生意識高，值得一讚！ 侍應生人數明顯減少，收拾碟子的速度變慢了。 人數：5 人 家人於早一天前訂座 不用排隊 上湯焗澳洲龍蝦 -『 澳洲龍蝦 』， 重約 2 斤。當侍應生奉上枱時，巨大的碟子，盛載著龐大的份量，足以令人驚喜尖叫！單看賣相，充滿霸氣，值 100 分。上湯灑在龍蝦身上，且擺放明顯經過的細心舖排和點綴，猶如藝術品般，精緻美觀。熱騰騰的上湯香味撲鼻而來，濃郁香滑，鹹味適中，拌勻伊麵來吃，份外美味。龍蝦肉質鮮甜肥美，每啖都是肉，教人吃個不停，十分滿足。伊麵麵條爽口彈牙，不會太腍，拌隨上湯汁一起吃，滋味無窮。【推介之選】❤❤❤ 海港燒鵝皇 - 鵝肉美味，完全不靱，大大塊，啖啖肉，回味無窮！碟底設置爉燭，溫火佐熱，感覺別緻又窩心。【推介之選】❤❤❤ 清炒豆苗 - 綠油油，纖維高，散發豆苗獨有的味道。在吃肥美的龍蝦與燒鵝之際，也吃些素菜，平衡一吓，感覺比較健康。《 環 境 》《 餐 牌 》【 溫 馨

結婚周年一圍人食飯，點知後面果兩枱有人食煙但職員完全唔理，唯有拿拿林埋單走，食得好難受野食唔算好差，價錢都合理，坐得有啲逼但無所謂啦，後面果枱人飲醉酒大吵大鬧都無所謂，但職員好應該制止佢地，職員完全唔理會，果陣大煙既程度同埋陣煙味大到無可能忽略，職員肯定係知道但縱容佢地，如果我知去海港食飯可以食煙我本身會寧願唔去，吸二手煙好影響健康同食慾，感覺自己係俾錢買難受。成家人本身係想開開心心慶祝，點知最後會係咁，唉

【#飲茶精選🍵 】#海港酒家之前曾經介紹過 #西營盤 區內既酒樓，當時並未包括海港。因為認為佢比之前差咗好多，而且又有其他選擇🤔 所以有一段長時間冇再幫襯。今日要去西寶城買野，加上之前大力推介果間海悅差咗唔少，於是就決定再來海港試試。坦白講係冇期望，但往往就係咁先有驚喜🤣望見張早茶特價紙，$8.8😱 以為自己未訓醒😴 再睇真D，係好幾樣野都係$8.8，咁抵🤔#南乳豬手 同 #鳳爪排骨飯 都係$8.8，心諗份量都唔會多啦🤔 事實係，個飯同平時叫開冇乜分別，即係一個正常既盅頭飯，而豬手係得三舊，不過件件都有肉，而且味道較得唔錯👍#沙爹金錢肚 只係$12.8，唔係卦😄 好淋，應該都「 乸」得幾緊要，老人家都食到🤣 唔係度度有得食既 #黑椒牛仔骨 ，$15.8😁 OMG😱 有四五件，都算大件，當中有兩件比較實，應該過咗火，同樣味道都做得幾好👍另外仲叫咗個孖寶$28，#皮蛋瘦肉粥 同 #蔥花炸兩腸 ，粥底屬於杰身果種，料頭都多，仲有好大陣果皮味。最驚喜係，粥度有幾片油炸鬼，仲係脆架😍 好耐冇食過脆既油器♥炸兩腸同樣都夠脆，係中間位開始變淋，腸粉都夠滑，幾好食。今餐茶好似冇乜野可以挑剔，好似之前好

2022年7月22號: 西環西寶城香煎蘿蔔糕附送曱甴一隻!原本以為係XO醬 點知係一隻完整曱甴!好恐怖 睇完都無餵口即刻叫waiter處理 點知佢黎到 只係將隻曱甴用張紙撥落地下就算 又無幫我地換枱 只係話你地孖寶 換其他俾你地😞之後隔左成10幾分鐘先黎掃果曱甴！真係好離譜呀！

早前母親節時 疫情雖然緩和咗但係預計應該會好多人一齊出去食唔想咁逼同埋想食得安心啲我哋就決定喺酒樓買外賣套餐返屋企食👅*******************************食物s:西澳洲龍蝦套餐(6位用) (外賣價 $1088)🦞上湯焗西澳洲龍蝦伊麵(1斤半)龍蝦伊麵用個高身又實淨嘅錫紙盤裝住一打開 只見面上鋪滿咗龍蝦肉大約有十舊左右 食落新鮮伊麵掛滿湯汁 口感同味道都唔錯如果有埋芝士就更加正了🤤🐟私房欖豉蒸龍躉班(約2斤)哇❗條魚好大條好重手❗屋企人都話一定足2斤用欖角同豉汁蒸嘅龍躉班十份滋味好鐘意撈埋啲配料上魚肉度 魚肉食落都算鮮甜 不過可能外賣焗耐咗 有少少過熟口感就冇之前堂食時咁好🦪鹽燒六頭鮑魚(6隻)食落比較似炸多啲 好香口加咗重調味嘅食法第一次試味道啱啱好 其實都幾好食🦢招牌燒鵝皇(半隻)呢碟燒鵝無論係色澤定擺盤都好靚 一打開盒就聞到勁香嘅燒鵝味😍忍唔住第一樣就試咗佢先😋燒鵝皮好香脆😈平時走開皮嘅我都決定放肆返一次成碟算係皮多肉少嘅今次真係咩減肥都通通抛諸腦後滿足咗個口同個胃先講🤤🥦西蘭花帶子珊瑚蚌食完咁多肉 終於有返個菜中和下呢碟紅紅綠綠咁 睇落都唔差丫入面除咗有

上年食過同一間海港嘅外賣長腳蟹好得好好食，今年請屋企人嚟堂食。職員幫手揀咗隻幾生猛嘅，點知蒸好上枱時俾啲蟹膏嚇親，成兜坑渠水咁(見圖1），好唔正常。上年啲膏係好靚好好食(見圖2)，蟹腳肉亦好鮮甜，我地都喺其他地方食過好多次，但都冇見過係咁，又聞唔到鮮味。兩位職員都堅持蟹沒有問題，又不肯換，我們只能取消order去另一間食。我們對餐廳很失望，不知道是職員換了不新鮮的蟹還是他們入的貨唔靚，大家小心啲。

今夜因為我哋只得兩個人，冇食到呢間餐廳嘅海鮮，不過呢啲人都好多啦需要等幾耐先有位子坐低。落咗一個野菌燒豆腐，野菌好靓不過好似唔係好正宗，可以慢慢食。仲有一個香妃雞，半隻喺$98，就係最普通嘅切雞。第次人多啲要試吓佢哋嘅海鮮。

平日夜晚黎到西環呢間海港食晚飯，平日夜晚人少少，唔使訂位直接有得入座。今晚叫咗兩個孖寶試吓。孖寶有清蒸海上鮮配搭燒鵝例牌蒸魚都OK，啱啱熟都幾滑燒鵝份量都OK，味道正常另一款孖寶叫咗上湯焗龍蝦，同埋上湯菜一開始黎就夾咗龍蝦唔記得影相，龍蝦好細隻，細隻過平時食自助餐嗰啲，伊麵好淋，食完呢個有啲漏上湯浸菜，好普通呢度連埋加一茶介，四位都係六百幾蚊，價錢都幾平，但係食物質素一般。環境都算衛生，職員服務都殷勤，食到一半就幫我哋換碟。

今日放假和太太約咗朋友去西環海港飲茶，去之前個狀態係非常肚餓因為遲起身冇食早餐，一心諗住食多啲，去到等位大嘅等20分鐘到，飲茶嚟講重要星期五都可以接受，有位入去坐低就即刻叫點心，等咗大約15分鐘到點心就開始到，點知我只係食咗小小就停咗，原因係 1, 炒米粉乾到好似鐵線咁（本人係非常鐘意食炒米粉）2, XO醬炒腸粉完全冇XO醬重要係散晒冇味 3, 炒四季豆又係乾到好似放咗成個星期就咁翻熱攞出嚟咁，就係咁我連最想食嘅甜品都唔敢叫，本身放假想飲個茶食個包點知到最後非常失望，希望今晚嘅晚餐可以補償番啦

今晚同家人補祝母親節，老人家最愛吃鮑魚同埋龍躉兩味，而剛好海港酒樓又有勁抵食嘅四人$518套餐，真係啱曬一家大細。<泰式蝦餅>這個泰式蝦餅不是跟套餐的，不過見衹係$78一碟，都算抵食，當然要試下啦！蝦餅炸得非常金黃，外面好香脆，蝦嘅肉質非常彈牙，而且每一塊都好大塊。<蒸鮑魚>跟套餐的鮑魚有8隻，鮑魚用醬油來清蒸，係鮑魚下面有少少金菇菜做伴碟，鮑魚每一隻都不算大隻，肉質反而有少少韌，不過味道是不錯的。<清蒸龍躉頭腩>龍躉頭腩肉嘅魚肉肉質都幾嫩滑，而且都幾大碟，唔會話有太多骨，都幾多肉。<翡翠炒龍躉球>龍躉球魚肉都幾大塊，肉多骨小，炒得幾美味，魚肉夠厚，肉質亦不算太鞋，而且佢用上好多蔬菜雲耳同瓜類來炒呢個龍躉肉，所以都算幾有誠意。<西蘭花炒帶子>西蘭花同帶子都份量都好多，只不過係帶子切得比較薄身，反而有點失望，不過西蘭花炒得夠腍，味道是不錯的。<燒雞半隻>燒雞嘅雞肉都非常嫩滑，而且連雞皮都好香脆，味道亦都夠惹味。<上湯蝦球伊麵>呢個上湯蝦球伊麵嘅質素非常之高，因為蝦球係完全去曬蝦

兩年前母親大人和她的友人們泥過呢度食蟹之後就一發不可收拾 去了數次 而我都好幸運堂食過然後Covid-19嘅來臨將無盡嘅東西打亂晒連吃蟹都被它拖累父母親大人亦都時常將這阿拉斯加蟹掛在口邊終於發現有做外賣 他倆大喜就買個5.4大斤四人吃就算是家裏吃 都好吃到喊出嚟啖啖肉 勁肥美啲肉多到砸扁人啲膏多到浸親人鮮甜有肉汁 又蟹味濃最正嘅方法係將成條蟹肉點隊落佢啲creamy的蟹膏度跟住大大啖咬落去大食嘅我其實食兩條腿已經不行了 仲有其他餸 真係不得了嚕幸運的我 戈個月一次過食咗三次很瘋吧 海港酒家 阿拉斯加長腳蟹 238/斤 📍西寶城分店

自問中意食點心嘅我，酒樓真係試左好多間，而呢家連鎖‘海港’就性價比都唔錯。第一次試個間係太子，今次來到西寶城分店，疫情關係，唔洗等位，直接入，天氣凍叫左個臘味三拼飯食，仲有豬腳薑，韭菜豬紅煲，胡椒鹹菜豬肚煲，全部都係暖身食物😋，呢四樣都做緊午市特惠優惠，每樣$28，而且份量絕對唔少，睇圖就知。點心繼續保持水準，價錢又唔會貴，相比起其他連鎖酒樓或者米芝蓮酒樓，呢間真係高CP，一路食一路同fd吹水，不斷都見到有街坊熟客來訂海鮮，特別係長腳蟹，係疫情之下，只要真材實料同有口碑，先做得長久。

今日喺堅尼地城同朋友食飯見朋友呢排密密喺屋企食咁鬼大隻蟹蟹真係流曬口水一問之下原來係呢間 海港酒樓全香港九龍新界有成10幾間分店 可以揀間最近自己嘅去攞🦀🦀🦀今日喺堅尼地城所以㨂呢間最近香港大學站C2 出口地鐵上地面 右手邊西寶城入商場上2 樓電梯後左方莎莎向前行少少就見到243 號鋪預訂係點呢～～首先上返佢哋嘅網站用QR code開最方便 選酒家 👉🏼外賣自取👉🏼日期時間👉🏼手機號碼👉🏼海鮮類👉🏼信用卡付款 預訂襟幾個制就搞掂 好方便始終屋企唔會蒸到咁大隻海鮮而且要親手整瓜佢都會心有餘悸 阿彌陀佛🙏🏼Order完最快半個鐘左右就可以去攞喇～酒樓會幫你蒸好晒放喺個大盒俾你攞走隨盒附送Wasabi同埋豉油一盒不過我朋友同我講佢平時係送醋的唔知點解今晚變咗做Wasabi？不過都OK好味啦 開頭食嘅時候我都係原味好鮮甜 珍寶蟹柳 放落口 今晚得兩個人食 四斤半真係綽綽有餘見琴晚仲剩咗少少冷飯就模仿日本餐 將個殼啲膏倒落啲飯度加啲蔬菜白菇一齊煮咗個泡飯 只係加少少雞汁調味嘩～真係好鮮味 最近真係個個都係廚神下次如果多人啲我會試吓叫五斤半都係$1200 左右因為間間分店有嘅蟹嘅重量都唔同不過聽朋