影片
呢間海港之前都嚟過，今日諗住嚟沙田行吓，順便行吓禾輋舊區 所以嚟呢度不過下次可能未必因為呢度始終太多人咁飲茶 就算係茶王廳都好麻煩呢度上菜超級快而且好新鮮，熱辣辣所以就算兩點入座都好快3.0食完就可以走 成個過程食得好快🤣嘢食質素整體其實OK嘅 不過啲人就非常之忙，講緊侍應 質素好參差，整體而言覺得呢度啲侍應比較內地風格，唔係服務好好嗰種，而係好香下嗰種格 有啲人又偷懶 睇唔順眼油雞米線，油雞好味多肉 推薦米線大大碗彈牙唔會好碎佢韭黃線下長度正常發揮 金錢肚好多，軟腍腍適中，厚度適中底下有三個芋頭都幾好味 今日肚餓竟然食晒🤣呢個蒜蓉蒸鮮魷 都係招牌，不過睇返張相原來咁多油㗎🤣🤣阿媽好鍾意食底下嘅粉絲，不過今次份量比較少食兩啖冇晒潮州粉果皮薄餡靚大大粒好足料入面有齊花生蝦米蔥 好香最後驚老竇唔夠飽嗌龍叉燒包俾佢，入面竟然好有驚喜成大粒叉燒 好靚仔整體而言食物質素好好，但係環境真係麻麻埋單$235 ，如果平日會平啲
繼續閱讀
一向都係海港酒家嘅常客，今日中午去完大圍拜祖先，媽咪話肚餓咁我知道禾輋開咗新店就帶佢下午茶。見下午茶推介有個金蒜斑腩蒸飯好似都幾抵食，咁就叫啦！一嚟到見到好多金蒜，我嫌太多就剷走晒！斑腩都幾新鮮又冇腥味，媽咪食咗幾啖炒飯就話俾我聽好油！起初我都唔信，後尾我再認真睇吓！嘩！真係離晒譜喎！以後都唔去呢間，新店都做得咁差⋯⋯真係唔知點樣管理的！而家經濟唔好又想能夠保留客人，酒樓真係認真需要改善食品質素，唔好只係投訴客人北上消費，如果出品好的自有捧場客！
繼續閱讀
最近試過禾輋商場海港酒樓嘅灌湯餃，38蚊嘅價錢都算抵食，因為都算真材實料，材料有花膠、鮑魚同灌湯餃，先講鮑魚唔算細隻同幾淋有咬口，花膠就少啲叫做有，至於湯底值得一讚，精味不重但非常清甜，咁嘅價錢算係物有所值，值得一試。
繼續閱讀
聽說沙田禾輋商場開了一間叫港威酒家，比較出名海鮮，今日食6人團年飯即管試一試，入到去格局同傳統酒家嘅格局大同小異，中間枱冇人，但反而安排喺個走廊位，有少少奇怪。亦都可能平日，今晚其他食晚飯的人數不算太多，又或者新開無人知吧。有考慮叫套餐，但最後都決定散叫，今晚叫咗鮑魚，清蒸魚，咕嚕肉，炒芥蘭，蟹黃伊麵，炸子雞等等……非常之豐富。特別想講吓個鮑魚，同傳統嘅整法有些不同。唔係用鮑汁去炆，反而去炸咗個鮑魚再加啲乾蔥在鮑魚上面，食落去，唔會覺得太油膩，仍然保持鮑魚嘅彈性，同口感。食完一隻會再想食第二隻。其次炸子雞，炸得非常之恰到好處。我仲記得上一次去冬菇亭食嘅時候，嗰隻炸子雞完全係炸乾晒。之後退返入去。真係會有大排檔或者酒樓係唔識整炸子雞。咕嚕肉和清蒸魚及伊麵不過不失。唯獨是我覺得有啲失色嘅就係碟蒜蓉炒芥蘭，一碟看似咁容易整嘅菜式，就係要睇師傅嘅功力，切工係有嘅，但係食落嘅味道好明顯就冇喺最後嘅時候加水焗一焗佢。所以就好似普通炒芥蘭一樣口感一般，但值得支持嘅，我應該會再食呢間酒家。
繼續閱讀