影片
我估我點都係呢家酒樓開業28年﹐最後一個的食評喇。結業前三日﹐一眾食家說要來見證最後的日子﹔我從來沒有來過﹐這是我第一次來﹐亦是最後一次了。當日FoodKing 預先來巡視環境﹐說看來沒有問題﹐於是便照原定計劃了。我從中環過來﹐都用了半個小時。我其實不知道是在那裡﹐要問人才知道。我坐低時發覺燈光好暗﹐與現時一般酒樓光猛的情況截然不同。其他食家說﹕當然喇﹐呢度係夜總會來架嘛。係窩﹐我地坐大堂﹐後面就是一個大舞台。舞台有幾十尺長﹐而且都幾深﹐重有些古舊的布簾裝飾添。除了一些普通點心外﹐車仔檔重有煎蘿蔔糕和豬/牛什﹐較特別的是銀絲流沙球﹐吃時裡面的奶油真的流出來﹐但我覺得過甜。另外又叫了海蜇併叉燒﹐叉燒不算味美﹐只屬一般。由於多男士的問題﹐叫了許多點心﹐我也吃了很多﹐非常地飽。其他食家還在點一些點心時﹐我卻要走了。雖然是臨近結業﹐而且據說很多員工都無法取得遣散費﹐但服務並沒有因此而變差﹐相反一些侍應態度特別友善﹐有種老朋友的感覺﹐只是某個部長看來神情獃滯﹔考慮員工的心情﹐服務我給了滿分。之後看報紙﹐見到有食客在最後一天拍照留念﹐又加添了幾分不捨。
繼續閱讀
今日係LAST DAY 了, 我有幸可於今天於此地見証了! 今日朱咪咪做嘉賓! 睇到呢度有食評家話開左30年多, 其實好似得28年!講得冇錯, 咁大既場! 九龍區真係好少見, 最重要係佢地有自已私伙音響供場!如果外圍果D 環境就麻麻!佢地冇分店以後都食唔到了!
繼續閱讀
朋友們提議在酒樓收爐前來一個懷舊午餐聚會, 到達時已點了好幾款點心, 份量十足實而不華, 其中比較突出的是銀絲流沙球, 比一般流沙飽更加飽滿, 一不小心可能會燙傷口腔. 閒談時原來有幾位朋友都和自己一樣, 童年時曾經和家人在這酒樓夜總會中欣賞過歌聲的表達, 記憶中當年還不到八歲, 真的光陰似箭......
繼續閱讀
『臨摺前都幫趁下』話時話，雖然這裡好近公司，但都好少去。見聽到呢到話就摺，都黎幫趁下啦。一行三個人，叫了四碟點心，有蝦餃、燒賣等，另再加多兩碟菜，分別是叉燒併油雞，同涼瓜炒牛肉。點心大大碟，蝦餃燒賣等的餡料亦沒有偷功減料，食落唔錯，以酒樓來講算是唔錯了。另外反而想讚下個叉燒，蜜汁加上燒得剛好的叉燒，真係想馬上再來一個叉燒飯先掂。涼瓜不太苦，容易入口，牛肉亦煮得腍腍入味。酒樓開左三十幾年，真係第一次在大禮堂果邊食飯，在香港能有這麼大的酒樓，充滿本地色彩，但都難逃被淘汰的一面，實屬可惜。
繼續閱讀
舊同學約食飯，一行九人．有灼蝦（很小很小的蝦），有海蜇乳豬拼盤（味道OK），還有其他好幾樣餸，但已記不清楚，反正味道沒什麼特別，而且碟頭細，食完好似唔係好夠飽，應該唔會再黎．
繼續閱讀