海悠

營業中

休息中

好耐之前已經聽過📍觀塘有一間超出名既海皇醬炒飯🦀上星期終於有機會去觀塘熟食市場一探究竟🤟🏼位於APM後方觀塘熟食市場1樓既✨海悠食品✨除左備受本地唔同媒體介紹之外📺更被台灣中天新聞﹑CNN Travel介紹「巷子內的美食」😻窮煮婦超鐘意食蟹同鹹蛋黃🧡海悠簡直成為左口袋名單✅絕對係會再Encore🉐大件夾抵食既觀塘新世紀福音食事🎉⋯衝出國際の炒飯🚀新派大排檔港式真風味🔥✨海悠✨一齊睇下窮煮婦食左咩 (每樣都係必食)💁🏻‍♀🔸紅顏炸子雞🐥HK$68即叫即炸🔥雞皮香脆爽口又唔油膩💛肉質鮮嫩唔會太乾身💦半隻都至少夠4️⃣人食👍🏼🔸秘製蟹黃醬海皇炒飯🦀🍚$58飯粒炒得夠乾身粒粒分明🔥紅遍海外既秘製蟹黃醬🦀聞落啖啖蟹香🦀食落咸咸香香🧡海鮮配料豐富🈵有蝦🦐八爪魚粒🐙元貝粒🐚份量絕對同價錢不成正比🉐抵食到喊🥹🔸芝心咕嚕肉🧀🐷HK$128用豬頸肉製成🐖口感爽口彈牙唔柴皮🌸大廚用豬頸肉包住芝心🧀上粉漿炸至香脆外層沾滿酸酸甜甜更有特色既士多啤梨汁🍓係目測每檯食客都有Order既必點菜式🔥🔸黃金脆米翠肉瓜💛🥒HK$98主材料簡簡單單只有翠肉瓜🥒加咗海量鹹蛋黃醬同炸脆米💥口感同味道即上另一層次🥰鹹蛋黃控絕對不能錯過

觀塘打工仔應該都有聽過駿業街熟食中心「海悠」嘅大名我由最初一開業就幫襯，雖然換過大廚，但食物質素一直都keep到水準，而且價錢合理，草左唔少回頭客。今次係夜晚堂食，都坐無虛席，好彩咁岩仲有2個位。我地叫左桂花蟹肉炒粉絲、蒜蓉炒翠玉瓜、紅酒燴牛肋條，仲有每次幫襯都會嗌嘅黑松露滑蛋炒蝦仁每樣食物都好出色，樣樣都好好味而且樓面管理亦都改善左唔少。記得最初人手安排好混亂、會出現漏單情況，但依家已經大大改善，有得QR CODE落單，而且付款方式多元化，唔一定要俾現金希望「海悠」可以愈做愈好，搬大鋪

______________________________ 位於觀塘熟食市場嘅 隱世•高質餐廳!食完之後勁想私心唔介紹 實在太高質😙最多人介紹嘅 一定係佢哋嘅招牌炸子雞！聽其他人講唔是通常好快就已經售罄所以有興趣的話 記得要預先同餐廳預留好彩有先預留 否則我嗰次晚市都唔會食到🥹______________________________ / 紅顏炸子雞•半隻 / ʜᴋᴅ68⚠︎︎⚠︎︎ 必食!! 必食!! 必食!! 必食推介!! ⚠︎︎⚠︎︎分別有半隻同原隻 中午已經開始供應!‪炸子炸得金黃 皮脆肉嫩 真係好完美肉質嫩滑多汁 連雞胸都係滑捋捋🥹真係好耐冇食過咁高質嘅炸子雞 超喜歡！🔥/ 秘製蟹黃醬海皇炒飯 / ʜᴋᴅ58⚠︎︎⚠︎︎ 另一個必食推介!! ⚠︎︎⚠︎︎近期食過最高質 最有鑊氣嘅炒飯 有蝦仁• 帶子•翠肉瓜粒•雞蛋•蔥粒飯粒炒得金黃粒粒分明 鑊氣十足 調味啱啱好惹味又唔會過鹹 而且完全唔油膩講起又想encore了🥹🔥/ 黑松露滑蛋蝦仁飯 / ʜᴋᴅ58 滑蛋炒得好嫩滑 生熟度啱啱好蛋香同黑松露香都好濃 仲帶少少牛油香蝦仁食落口感好爽彈 仲有大量蟹柳粒!本身係配白飯 亦都可以轉做米粉連米粉都係大大碗分量十

觀塘區出名又逼又多人，lunch食咩真係諗爆頭！好多間餐廳普普通通都可以大排長龍，所以經常同同事發掘下有咩好西！直到幾個月前喺熟食街市撞到海悠！當時佢剛剛開展午市，所以老細都好緊張個menu同味道，不停親自想問我哋意見，態度都勁親切友善，之後睇住佢生意愈來愈好，都好戥佢開心！食過好多次之後，強力推薦炸子雞(成日售罄，最好早啲嚟食或者預留！)，秘製蟹黃醬海皇炒飯，桂花蟹肉炒粉絲呢味！真係必食！好味得嚟份量又足料！

由開業到而家，每次過親觀塘都會幫襯，又平又好食，份量好足，老闆好好人，不過出名之後繁忙時間要等幾耐下，去之前要預時間。個蛋真係無得頂，好滑！調味啱啱好，黑松露味畫龍點睛，而且唔係一般餐廳快炒嘅蛋，呢隻質感係要慢火慢慢滑熟，好有誠意！淨係想講好好食，但係個系統要200字先至可以俾好評，咁我講多幾句啦，見到差評嗰啲全部都唔係因為味道，我諗應該係開業初期由人手落單轉做系統落單，同埋啲師傅未齊人做成嘅唔好用餐廳體驗，呢樣嘢我都感受到，不過最近去嘅時候已經冇晒呢啲問題，夠字！

最近發掘到觀塘駿業熟食市場有好多餐廳🤓鍾意中菜嘅朋友唔好錯過🥢 今次試咗3款招牌菜😋 平日2:15pm到都9成滿座🥹 下次試埋炒飯同其他小菜🫶🏼🐓 紅顏炸子雞 (半隻) $68（跟白飯）: 一講炸子雞就見到幾台都有嗌!! 即叫即整，落咗單等咗15分鐘以上先有😆 雞皮好脆 唔油膩 脆卜卜好過癮👍🏼 雞肉肉質嫩口 唔會乾，雞胸部位都唔錯，加甜酸汁食幾惹味☺️🦐黑松露滑蛋蝦仁飯 $58: 原來另一個招牌就係黑松露炒蛋😝 炒滑蛋滑到要用匙羹先夾到🥚 黑松露份量多到不得了❤️ 炒埋蝦同蟹柳 送白飯好正😝🥢桂花蟹肉炒粉絲 $58: 比期望更有驚喜~ 味道有少少似星洲炒米 有啲咖喱粉同少少辣味🌶️ 炒得夠乾身 唔痴唔油👍🏼👍🏼 有蛋花、椰菜絲同蟹柳肉幾香口🤍

之前睇過某YouTube channel 介紹呢間好岀色又平的炸子雞，所以難得休平日就去試一試，可惜炸子雞售罄無得食今次叫左2個餐，份量夠大又足料，女士們帶定飯盒裝起 足夠食兩餐都唔成問題秘製蟹黃醬海皇炒飯🦀️$58先講飯粒：屬於偏硬身有咬口，炒得乾身粒粒分明，掂！配料：欣賞佢哋唔孤寒，落足料👍🏻蝦🦐、帶子、八爪魚粒 🐙都有4-5粒🤣雖然只係急凍海鮮配料精華：嗰pat蟹黃令成碟飯好好味道，建議逐少逐少撈落炒飯度食用，勁好味😋靈魂所在🤭雖然都加左少少🤏價，但呢個價位食到呢種質素嘅炒飯，絕對收貨推薦度5/5黑松露滑蛋炒蝦仁 配白飯 $63看似簡單，又好難整得好食某大台電視劇早餐橋段經常出現嘅黑松露炒蛋，夏天熱辣辣無胃口，濕濕滑滑配飯食都唔錯 👍🏻而且蟹柳同蝦仁🍤份量都好多，勁足料，覺得好抵食😚黑松露香外，炒滑蛋確實好滑，真係好啱夏天食推薦度 4/5店內環境衛生一般食客絡繹不絕，街市熟食中心格局，真係幾多部冷氣都冇用🫤🥲ps炸子雞每日限量，要食趁早讚👍🏻另外枱上有好大方成包tempo 紙巾任你用無加一海悠 (觀塘)觀塘駿業街67號駿業熟食市場1樓52-53, 56號舖

睇咗YouTube介紹，有料廚師一腳踢，午市仲要有幾十蚊抵食客飯，就叫個外賣試下。現場非常熱，亦有好多人排緊隊等位同埋等外賣，非常受歡迎心諗實冇死本來想試蟹皇炒飯，點知俾錯咗蝦仁炒蛋，仲要冇跟飯...外賣袋落重本用保溫袋，有誠意但係只用十幾分鐘路程，有點浪費。夏日炎炎就唔行返轉頭換。炒蛋的確好滑，蝦仁亦爽口（似係有好好處理過，唔係hea 做嘅凍貨）。可惜好水，成個底都係蛋汁溝油。加上，需知要蛋滑就一定要多油，食到一半已經油膩到食唔到落去 可能撈飯會中和返比較正常

手機落單，索性做埋手機付款吧 🤣食過外賣，落單繁複，要預繳，限時限刻，話試過撻單喎，梗係啦，說好的預訂，到舖又要等，怕影響出品可以唔接外賣 🤷睇開飯得知廚師已轉手，報導話前廚師係游艇會乜乜乜...食品質素係正常之上。預訂難，堂食有面色睇；你去嘞 🤣埋單一個交感都覺不友善，幾好食都無下次啦。建議手機付款較適合，少啲交流摩擦面色反應，送餐員服務正常 👍靚：（俾現金）闆：有冇8蚊？靚：無。闆：payme?!靚：（心諗payme無錢）靚心諗乜嘢，闆又點會知。靚：支付寶？！（推測：闆可能覺得點解唔一早講用支付寶）闆：（不友善面色收錢 🤷）靚：（幾虛偽都講句) Thank you！🤣血淋淋嘅負評未必被審批，全睇開飯造化 🙏靚只係為啖氣，網評係自由嘅。認為好可以讚，相反可以彈。闆係代表公司，作為闆有面色俾客睇 👍🤷，唔算好麻煩嘅一件小事，硬係逼靚將事情講出來，放下唔到身段做幕後囉，最好唔好喺舖面出現啦，趕客 🤣

【觀塘區】【海悠】喺 1am1050 嘅時候同世一哥嚟呢間隱世餐廳試咗幾樣嘢，炒咗兩個飯同食咗炸子雞。今次同十幾年好友蕉媽媽同埋痕姨姨一齊過嚟試，難得今次日本朋友嚟香港，一定唔可以求其食。再食 $68 半隻「紅顏炸子雞」配白飯。招牌菜果然冇甩拖，外脆內嫩就係外脆內嫩。同場有兩位日本小朋友在場，佢哋都好快食晒啲雞同送晒啲飯，原來佢哋平時食嘢都好奄尖，都忍唔住係咁食呢碟呀。半隻雞我最後好似食得一舊，其他全部被呢兩大兩小食晒。（按：蕉媽媽話點炸子雞個泰式醬都好正喎，佢作為 1amfoodie 嘅忠實讀者，我就特登喺度加一段仔佢嘅意見畀大家睇啦，哈哈！）之後 $298 嘅「新鮮長腳蟹腳蝦湯海皇燴飯」反而係我哋幾個大人食晒。佢拆晒啲新鮮長腳蟹腳啲肉鋪喺個勁 creamy 又蝦味濃嘅飯上面，鹹鹹哋濕濕哋咁。裡面仲加入勁多海鮮粒，口感上同埋味道上都係好高級嘅享受嚟。忍唔住同老細讚碟飯，佢細細聲同我講個飯被人詬病整得慢，我心諗，佢四五個字出到呢碟嘢已經算好叻，畀著我係老細可能會叫個客去麥當勞食蝦堡，嗰度啲蝦咪一分鐘起貨囉。所以我知自己係唔適合做老細，會鬧走啲客。之後到 $900 嘅兩斤「新鮮活紅長腳蟹

比返啲責任，不如專做堂食客啦做唔切咪接外賣啦食飯得一粒鐘等左40分鐘仲邊有時間食？或者做唔切既咪出咁多個餐啦客人既時間唔係時間？咁既天氣 冇冷氣30幾度企左40分鐘期間不停出堂食炒飯 炒粉絲 雞最後似係炒到冇哂單 先排到整我個飯一個滑蛋蝦仁飯有幾難整？還是因為得我一個叫 所以故意排到最最最後先整？一定唔會有下次知你有好多捧場客既明白多我一個唔多 小我一個唔小既請專心做堂食客吧！客人既時間好寶貴的！唔想再有其他受害者！

長腳蟹蒸得幾好個蟹醬好好食好重黑松露味瀨尿蝦多膏幾好喎炸子雞麻麻好似放咗一段時間可能因為送貨時間延遲咗😅象拔蚌刺身唔錯整體嚟請個蒸蟹係最好食點個黑松露醬超正！

海悠由第一個師父食到而家佢冇做🥲第一個師父有鑊氣好功夫好掛住佢😭下次要試返炒嘢睇下新廚有冇氣😬👉🏼松露滑蛋蝦仁飯 $58頭幾啖好夠石油氣食食下石油氣散咗蛋滑但食到尾漏漏地👉🏼炸子雞 半隻 $68雞皮脆夠入味係隻有誠意嘅雞味道：🌕🌕🌕🌗🌑CP：🌕🌕🌕🌗🌑--------------------

[ 海悠 ]之前食過海悠私房菜小炒，確實唔錯。近來見到佢地好多客人都訂蟹食，今日等我都訂翻隻加餸先。✿ 日本活松葉蟹 2斤 $600 代客清蒸熱食+$150松葉蟹足足2斤半重，份量十足。店舖可以代客清蒸或者有其他煮法，拎翻屋企就可以直接食用。值得一讚包裝得好，最貼心有發熱包包裹住，令蟹蟹🦀可以保持溫度大約2-3小時。原隻日本活松葉蟹有手臂咁長，拆開肉質非常鮮甜，啖啖肉好滋味😋😋，基本上唔沾醬汁都已經好好食。蟹膏部分好澎湃，用來餸飯食一流，無腥臭味。✿ 蟹醋 免費附送✿ 自家製黑松露蛋黃醬 +$50雖然蟹肉本身已經好夠鮮美，但配上呢2款醬汁，更加提升到蟹嘅味道。蟹醋食落有d似天婦羅醬汁，甜甜的。另外自家製黑松露蛋黃醬好有驚喜，松露味突出之餘不膩口，沾上蟹肉，非常搭配組合，推介要試！總結🫦不論蟹嘅新鮮度以至醬汁都做得唔錯，難怪咁多人訂來食，真材實料。松葉蟹🦀除咗外賣，堂食都可以，但記得預先訂購啦😋😋。✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿海悠地址: 觀塘駿業街67號駿業熟食市場1樓52-53, 56號舖電話: 98479707✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿

今日同朋友去駿業街街市出名蟹皇醬炒飯的舖頭食個晏，排隊等位時看門口餐牌，但因牙痛放棄食炸子雞改食海皇冷烏冬$58唔包飲品。坐低用apps 入單，朋友揸旗幫我入單。坐下坐下見到張單冷烏冬$68，這時烏冬來了，我問姐姐，佢話要問問其他人，轉頭回來說「老闆話加咗價」就走了。埋單時我同收錢姐姐說加左價點解唔係鋪面張餐單updated ，這時姐姐望住個男人話….. 老闆…佢，跟住那老闆話，即刻去撕走門口張餐單，但轉頭入番廚房。無行動亦無一句唔好意思都唔扮吓嘢，真有性格。呢啲飲食名小店，多我一個唔多，少我一個唔在乎。祝你好運。