海底撈火鍋 (九龍行)

營業中

休息中

今日一行6人去打邊爐，聽人講就講得多，買點開24小時，服務一流，仲有3層咁多，終於輪到我地黎食啦，一入黎已經有賓至如歸既感覺啦，電梯到未上到，電梯口已經有人等住你坐底啦醬料區有超過二十款比你選擇我地點左個椰子雞同麻辣湯底，個椰子雞湯底好清甜，一陣椰香味，我地每人‘筆’左一碗飲。叫左一堆野食，芝士牛丸，牛肉，鴨血，響鈴，蝦滑，魚皮餃，炸魚皮，午餐肉等等，可以叫半份，可以每樣試少少。雖然今日位置有點迫，6人又係坐呢到，2人都係坐呢到⋯⋯⋯但不得不讚服務員態度超好，超細心，不停幫我地添飲，清湯底d泡同油，換碟咁⋯⋯⋯仲話要幫我地碌食野又問有咩可以幫手，超讚超讚有得睇師傅拉面，即叫即整，仲有表演睇，吸精聽說有變面睇，表演者都要係小鮮肉，可惜今日冇添。如果有咩慶祝例如生日咁，仲可以包房玩，細房房價160蚊，坐到8人，夠晒私人，有人幫手怖置房間添。總結今日有種貴賓既感覺，服務一流冇得彈呀，食物不錯，叫半份每樣試少少，仲有表演睇

由於未試過，又唔想等位號稱24小時營業所以約齊朋友早上8點黎幫襯但今日去到佢地竟然話7~10係清潔時間唔做生意既然係咁又點可以話自己係24小時營業？個哥哥仔仲話我地係清潔唔係唔做生意你行個圈再黎啦我唔可以入座幫襯又點可以話係做生意？唔係24唔緊要你要講清講楚，唔好等人黎曬就話做清潔咁樣係唔ok

利申: 幫襯左好多次午市晚市根據openrice資料同佢facebook官方資料，係廿四小時營業的，但今日去到，話每日早上七至十時係清潔時間，咁就唔好claim自己廿四小時營業。真係暈响度。

之前係深圳已經食過幾次海底撈 真係耐人尋味 香港開左分店之後決定黎試下 食物同服務 對比深圳而言係差唔多 不過價錢就比大陸貴大約3倍 但如果想食海底撈既又唔想去到深圳咁遠 可以去油麻地呢間試下

湯底,叫了雙拼, 椰水雞拼麻辣湯 - 椰水一般, 食出是溝水加糖煮, 一般, 雞爽口, 有雞味. 麻辣湯好夠香,又夠辣.毛肚, - 爽口巴沙魚肉,- 肉柔嫩, 又滑, 又無骨, 好鮮味鮮枝竹-好香豆味豆花-好香豆味, 比一般豆腐滑,容易散撈麵-人手拉麵, 有彈性,爽口蝦滑- 爽口, 鮮味滑牛- 夠滑生蝦-鮮甜新鮮小牛排 -肉味濃紅薯粉-彈牙青荀-爽口,清甜豬血-ok,

人人食過海底撈都話香港店不及內地店，當然！性格比遠遠不及內地呢！無可否認，香港店真的一般，但排隊的人依然多到不很！試業第一天，我去試左，感覺都算okay啦！不要忘記，海底撈由此至終都是賣服務的，香港地少人多，租貴人工貴，海底撈可以保持一貫服務，飯前修甲，食飯唔洗你夾（餸），表演任睇，真係算係咁。香港都有好野，睇你捨唔捨得香港店有樣野非讚不可👍🏿美國安格斯雪花肥牛其實仲靚過好多日本名店，打邊爐當然肥美爽口啦，我就喜歡生食，一樣正到爆燈。重點係，內地店是沒有的哦。如果要試香港海底撈，試過肥牛先話畀人知好唔好食吧！

單純就口味來講、各家自由特色、不做過多評論！環境而言稍微略顯侷促不過在香港咯沒有辦法。但凡我吃過的海底撈、無論上海北京還是香港、服務都是令人滿意的！就香港而言、大多數服務普通甚至可以講實在是barely any service餐廳都是強制收取10%服務費而言的地方來看、大約能讓我覺得Okay還可以接受的餐廳不多。服務服務服務！因為餐飲行業也沒有服務那為什麼不乾脆回家吃阿姨燒的菜好了。所以海底撈做得很好、繼續努力！

一直到好想去海底澇都食，想體驗下佢地服務係真係有幾好但係之前真係太多人等位啦。咁啱經過九龍行又咁啱肚餓，再咁啱未到放工時間，就去朝聖一下。去到五點幾，完全唔洗等位，即刻入座。一入座已經有人serve你，圍裙，橡筋，電話保護袋都有齊。我地叫左雙拼，個staff話咁樣抵啲，所以就聽佢講。雙拼叫咗蕃茄湯底同埋麻辣湯底。蕃茄湯底真係真係好甜又清，麻辣湯底啱啱好，麻以不辣。去打邊爐就一定叫牛肉，幾新鮮。之前成日睇海底撈有人會拉一條麵，我地都叫咗，其實佢係你面前拉，都幾尷尬吓。不過係好食嘅。仲叫咗牛柏葉同鵝腸，滾幾秒就很，好爽口。紅薯粉落蕃茄湯底度最正。如果以味黎講，都係同出面有少少質素嘅火鍋店差唔多。但服務真係okay!

深圳食過幾次，好味又平今次試下香港呢間，平日10am-7pm會有7折，叫左最愛既清油同大骨湯 (好似即係三鮮湯底)，清油好似無深圳甘濃味甘，不過都ok啦，牛肉幾好食既，其實好似唔算多野食揀，唔算好平，都係深圳食抵D又好味D，熟食又少，另外廁所得兩格，排左好耐隊，地下又濕。唔太好。哈哈，跟住見到隔離檯得一個人黎食，員工會擺隻公仔係對面，陪住你食，幾好笑。哈哈。

今日朋友慶祝生日，去了這間火鍋。這次埋單$990, 4位。值得從幾方便讚這餐廳。1. 服務waiters非常細心勤力，不斷幫你倒果汁加裝免費果汁，提意你點餐過多，主動幫你隔火鍋上的油，給你手機袋，圍裙，免你弄污糟衣物，幫你keep袋等等~ Hey, 香港而家出名購物地獄，店員唔黑你面已經俾面，去邊揾咁好服務！2. 食物我地叫4個湯，牛肉湯同豬骨湯好普通。雜菌湯very nice, 麻辣湯好刺激，正！手拉麵好味，又有師父表演拉麵，勁！其他都係正常火鍋食材。佢有免費小食，黑木耳，涼菜，水果，十分可口，無限重取。甜品都有雪耳糖水，正！值得一提，waiter比錯左魚塊，牛肉，生菜，菇，豬喉，我地叫佢check單，佢地話比錯左，但公司基於衛生問題，佢地唔會收返，可以送比我地食~ 加分！3.表演我地食食下，竟然有人出來表演變面，變面師父仲要同客人互動，滿足所有朋友，大人細路都睇得開心~4. 生日驚喜除左有3-4個員工唱生日歌，舉生日牌，仲要有生日禮物，係火鍋蕃茄湯底一日，yeah, 可以去朋友屋企再打邊爐 :-)總結這間火鍋服務一流，食物ok, 可以同朋友好好享受時間~ :-)

服務衣之棒，不再話下。須然品種不算多，也不算有什麼特色，但是食品都很新鮮，還有一樣特点，係每樣食品都可叫半份，這樣可多叫其他食品，而價錢都算OK。還有一些小表演娛賓，真是直得一贊

久仰海底撈呢個大名，難得佢開到黎香港，即刻去試一試！因為訂咗位，唔使等，試唔到佢出名嘅等位服務全間鋪都係用iPad點菜，揀湯底都好特別啊，可以揀最多四個唔同湯底肥牛同羊肉都好好食，特別係個羊肉，好夠蘇佢啲前菜同生果係任食任攞的，質素都唔錯食食下仲有表演睇，係國粹變臉啊！估佢唔到又幾好睇喎值得一題係佢嘅服務真係好好，雖然未至於食殘廢餐咁，但都令人感覺好舒服由於餐係生日飯，除咗有員工一齊唱生日歌同埋舉燈牌之外，仲有禮物送！係兩個海底撈湯底啊

朋友生日，指明要去海底撈，要個閃燈浮誇生日牌慶祝喎。預先訂位，所以唔需要等就直接入。香港地方少，同內地唔同，眼見張四人枱可以迫五至七人，唔係呀麻，好彩我地剛剛四人，就算四個人都只係剛剛好，唔可以叫舒適鬆動。湯底㨂了四款，麻辣湯，雜菇鍋，牛肉鍋同牛乳湯，四個湯底最好味係雜菇湯，濃郁的肝菌味，配響鈴、凍豆腐、紅薯粉、冬菇一流，味道好夾。麻辣湯唔夠辣，食落只有麻。其餘兩個湯底太普通，不用寫了。我地叫了很多得多火鍋配料：牛羊是不少得的，另外還有手打丸，老油條，配料整整佈滿了三層架及一整張枱。分享特別的經歷：其實有些配料我們沒有點的，傳菜員送錯了，我們同服務員說，她查閱完後，確定送錯了，但公司規定衛生問題，她只能掉食物，不能回收到廚房，就這樣，她送了幾款食物給我們。食物質素正常，無咩特別驚喜，材料都係新鮮。最開心睇表演，功夫麵，變臉仲好精彩，咁近睇真係第一次，完全找不到破綻位。最後，個生日牌要出場了，生日牌差不多枱枱都要用，我地沒有預備蛋糕，服務員很細心地自制了一個。

1.班員工係絕對唔會比你喺等位期間企喺度，佢哋會比櫈你坐👍🏻👍🏻👍🏻2.此外，如果你叫咗蝦，佢係會同你剝埋殼，超正👍🏻👍🏻👍🏻3.食野之前會比熱毛巾你抹手同埋圍裙比你帶，非常貼心👍🏻👍🏻👍🏻4.野食都ok，會食到你覺得好飽😋😋😋5.如果你慶祝生日，佢會有個驚喜同禮物比你架，超正😆😆😆6.野食方面，最正就係日本和牛，雖然價錢就貴咗啲，但係和牛入口即溶，配埋胡麻醬，簡直就係天皇級嘅享受呀🤤🤤🤤

今日好熱鬧呀，10個人一齊去試海底撈。之前喺北京食過一次，覺得不錯，特別是細心嘅服務，又睇下香港係咪都一樣先！海底撈黎到香港一排，都依然好多人呀！我地只能book到9點果輪，去到都仲有好多人等緊枱，我都就坐埋一邊，食住佢d零食等枱。終於到我地喇！因為無大枱嘅原故，我地被安排兩張連枱，都ok嘅。一坐低就揀湯底，我地依邊就鴛鴦湯，係蕃茄同埋麻辣，而隔離枱就叫左個四宮格 (自選4款湯底)。我個人就推介蕃茄湯底，因為都真係幾濃郁架！叫完湯底同配料之後，就可以混醬喇！醬料有好多野可以加，葱花，蒜茸，辣椒粒果d就當然有啦，佢仲有提供炸菜，XO醬等等，可以混得出神入化！旁邊仲有冷盤，雲耳同海帶，兩樣都幾正架！打邊爐配料陸續上枱喇！侍應服務都不錯，俾我地每人一條圍裙，仲有透明袋仔放電話，同抹眼鏡嘅小紙巾！不錯呀！打邊爐配料:真係叫左好多野食呀！有d都無影到相我地仲有叫到拉麵添呀！師傅會走黎張枱度表演拉麵，食食下仲有變臉睇，真係有好多娛樂呀！我地個個都食到捧住個肚走，好滿足呀！