海富美食餐廳

營業中

休息中

男友踢完波後，跟他大班朋友晚飯，他們帶我來這裡，因為他們每次啺波後也是在這兒開餐的。各人自點自食，見他們多點要麵食，我也跟風的叫了牛根麵。麵o既湯底有好濃o既蝦殼味，味精極重，頗涸喉，吃完成碗味要狂灌三杯水，極不舒服。

我同朋友Ａ同Ｂ響呢度食下午茶。我食左炸雞翼薯條沙律，我同朋友Ｂ以為跟餐係得薯條or沙律，點知一黎到原來係２樣都有啊～雖然雞翼得１隻，不過薯條同沙律係超大份量，１９蚊一個餐黎計都算抵啊！聽朋友Ｂ說呢度既小炒係好正ＷＯＲ，有機會下次黎試先＾３＾

去車品品前先打底，約埋幾位小姐，來個小姐dinner，不過再加多一位男士。3姑已預先介紹幾款推介。蜜汁叉燒-例牌的份量不細，上時還有些微暖，有肥有瘦，就算是瘦的部份肉質亦不"鞋"，幾出色。鐵板味菜牛柳絲炒麵-幸好茨汁不多，不會令到麵身過淋。不過牛柳就沒有牛內味。生炒骨-名副其實的生炒骨，粒粒都是排骨，不過炸粉略厚身亦唔脆口。咖哩牛肉飯-港式咖哩，咖哩汁較浠身，我覺得椰汁味較重。而金銀蛋莧菜屬一般小炒水準。以屋村的茶餐廳來講，算不錯。

老爸o係海富買左盒椒鹽魷魚加餸. 魷魚大大條, 鮮味就無嫁啦, 但係調味搭夠. 如果可以少油d就更好.

有時媽咪煮飯諗唔到煮乜餸, 我地兩姐妹都會建議外賣d炒餸返屋企加料. 通常都係叫魚米家或者太興, 但係食黎食去都係呢兩間都會悶, 尋日我地一於試新野, 黎對面海富呢間茶餐廳嗌外賣.平時日頭經過都唔覺呢間茶餐廳好旺, 但係原來入夜後, 呢度全場滿座, 而且好香鑊氣味. 佢地個餐牌好多元化, 比一般酒樓過之而無不及, 佢仲歡迎食客自攜海鮮俾廚房加工. 食滿200蚊就可以免費泊車. 我地叫左個中式牛柳, $38, 價錢都幾實惠. 牛柳幾腍, 唯某d部份略嫌肥左d, 但係醬汁做得okay, 都食得過.