海南

營業中

休息中

Lunch第一次試佢，間舖頭幾簡單，入去其實得三四樣嘢揀，當然就揀咗佢嘅招牌海南雞啦，下次先再試吓佢嗰個豬手。佢有紅酒牛尾、四川口水雞、海南雞、同埋紅燒豬蹄。不過我覺得四川口水雞應該都係海南雞加辣椒，所以都係食返正宗嘢。個餐係一碗油飯包雞有少少沙律菜同埋一碗湯，碗湯值得一讚喎，係瑤柱冬瓜煲雞，清清地，都有一粒瑤柱同埋兩舊冬瓜俾我食。雞，好嫩滑，雞髀再配雞胸，不知不覺食晒，三個醬汁就係甜豉油辣椒同埋薑蓉，我覺得辣嗰個汁可以俾多啲。整體嚟講都唔錯嘅，下次可以試吓其他。

今日去龍脊行山，就經過呢一間餐廳！喺紅色小巴站附近！見到下午茶$45就有一個去骨海南雞飯！本身見到舖頭入面一個人都冇，以為係唔係唔好食？但原來仲差幾分鐘先到下午茶時間，入咗去之後一到下午茶時間人流就漸漸聲，坐到成間舖頭都滿晒！入面仲有好多好可愛嘅小雞公仔作為裝飾添！午市套餐店員聲稱肉量會比較多，所以價錢亦比較貴$59先有一個海南雞飯！如果係下午茶餐就$45就有啦！呢度嘅海南雞真係整得幾滑！有飯有幾香整體都好滿意！但如果如果發$59去食，我就覺得有少少貴啦！唯有等2:30下午茶時間先嚟食啦！

🌻無骨海南雞飯🐱其實我本身唔係超級鍾意食海南雞飯，因為我次次都因為怕肥而將個好味嘅油飯轉成白飯，感覺好差，不過同事們大家都話呢間海南雞飯好好味而且真心係滑滑雞，即管唔怕肥試試佢啦! 嘩，原來真係好滑，D雞肉就算係雞胸竟然都係一D都唔柴，最令人驚喜係醬汁，三種醬汁包括薑蓉、泰式辣汁同埋黑醬油都真係好正，三種都比同行其他地方做得好味道!可惜我都係將油飯轉左白飯，唔爭氣，不過同事們一樣係大讚個油飯架~📍 海南筲箕灣寶文街8號地舖⚡️為食貓：😻😻😻😻⚡️氣氛貓：😹😹😹⚡️翻食貓：😸😸😸😸

之前見到呢間店開張，已經想嚟試下，因本人甚喜吃海南雞飯终於有機會試到啦星期日中午唔想等位，就過嚟食個簡單午餐，入內見店舖唔算大，客人亦不多，但幾乎都係清一色食海南雞飯，呢度有個特色，就係俾咗錢先，然後至揀嘢食。上次食過午餐，雞同飯都足夠份量，雞肉幾嫩滑，油飯唔算太油，裡面有啲炸過嘅蒜頭，估唔到小店舖出品嘅海南雞可以咁好食今日第二次嚟食下午茶，同樣叫海南雞飯，又係先俾錢，後点餐。海南雞飯好快送上，下午茶雞肉無上次咁多，但個人覺得份量剛剛好，飯亦足夠，下午茶更抵食，食飽飽，心满意足離開。整體呢間店嘅海南雞飯，雞肉嫩滑同足料，飯亦唔错，店員禮貌週週，此店舖值得推薦

{去骨海南雞飯 - $57}而家食個午餐閒閒地都要50蚊，呢間比外面貴少少，菇九寒嘅麻甩成日唔捨得食！打工佬慳得幾蚊得幾蚊啦，但講真，呢個海南雞實在係有佢嘅功架！啲雞真係滑到跣親系列，而三個醬料都真係出色，平時海南雞店嘅黑醬油好多時都有陣苦味，但呢個咸中帶少少甜又有香味！等我下次出糧再黎😂美味程度：😋😋😋😋環境指數：🎇🎇🎇番食機會：🦍🦍🦍🦍📍#海南 (筲箕灣)筲箕灣寶文街8號地舖

發現樓下剛剛開張著一間藏在转角的宝藏店铺哦！店面不大，但是環境仲不錯嘅👍想著大中午又晒又熱進來吃個午餐啦，冷氣剛剛好窩，唔會像一點餐廳太凍啦！想不到嘅就是坐在靠門邊竟然都不會熱，服務員姐姐仲好貼心叫我小心出入開門☺️看著店名叫海南🐥，所以就叫了個去骨海南雞飯（即是A餐）啦哈哈😄一個A餐裡面有雞🐤啦 有元貝冬瓜湯🥣（讓人驚喜的系這個湯的元貝味竟然好濃喔 它不是僅僅一個名字而已窩）仲有一個油飯🍚（飯裡面呢仲有一點炸蒜🧄還撈埋一起 再用香茅 雞油這些配料調成，飯的味道就上升了不止一個層次）我這些不喜歡吃飯的人竟然都一大碗吃完了這個雞真的非常滑，而且有濃郁的雞味，肥瘦剛剛好，份量好足，再搭一點小配菜🥒🍅，葷素搭配得來又真系不錯的特別特別是點上那個酸酸辣辣的醬（微辣🌶️），真的絕配，像我這種重口味的一定要試試這個醬🤩店內仲有很多🐥🐥公仔，非常可愛😍哈哈哈推薦大家得閒都可以過來試試，真的不錯👍價錢又不會貴，比較親民，老少咸宜，合適上班族🧑‍💼下班來同朋友閒聊又適宜老人家 小朋友來吃飯，符合大眾口味，平時不想煮飯想放鬆一下自己的時候這裡就是不二選擇了🤩

食物質素幾好，海南雞雞無骨幾滑，而且有三種醬料提供，油飯幾香，而且元貝冬瓜雞湯唔會太鹹，味道適中。上菜速度快，店員態度幾好，幾有禮貌。性格比幾高，下次會再去食！

新舗開業不久，立即試試。只有4款餸選擇。海南雞滑，味道不錯。豬碲有些部位滑，有些部位鞋，厚的部位不太入味。油飯不太油。冬瓜湯無咩味。餐廳有"請先購票"的指示牌，但原來先購票又得，食完才畀錢亦得。店員好友善。上菜速度好快。