流浮山小白屋 (已結業)

環境寧靜很美，天氣好的話，看日落一流，梳化座很舒適寬敞，食物OK,過了一個浪漫的生日…希望下次去的時候，餐牌會有更多選擇及相片，檔次可更提升一點整體感覺很好，店員服務態度熱情，很主動及樂意替顧客拍照留念慶祝生日，求婚，週年紀念可先預訂及通知餐廳，問問他們有什麼可以預備給你白泥那邊亦有釣魚塲及農莊可以消磨半天，再到流浮山海產商店街逛逛買買，最後來個靚景晚餐，預啱日子的話，從餐廳望過去遠處的世界之窗，晚上八時半會有煙花匯演…查看更多

第一次為左呢間餐廳而寫食評，因為唔想再有人中伏！話說聖誕節前一個星期已在Facebook 訂位, 講明想要窗口位，對方應承。到聖誕節當日中午都未收到confirm booking call. 於是我自己主動打電話去問，接電話個阿姐竟然反問我「乜我無打俾你咩？！」...真係好笑！我再次問對方係咪有窗口位？對方答有，我先過去。我booking 係晚上6點，我地未夠6點已經到達，眼見窗口位都坐滿人，你仲邊度有窗口位俾我？？有個阿姐招呼我地入去，叫我地坐住先，一有窗口位就安排調枱，我姑且信多你一次，惡夢就開始了！坐低叫野食後20分鐘，連一碗湯或飲品都無，我見其他食客都係呆坐。三催四請下終於有野食！我地叫左1個牛扒1個三文魚，要求全熟，點知一切開牛扒只係約5成熟！三文魚就外熟裡面生，食唔到囉。薯餅居然用雪藏薯餅，難食過麥當奴。飲品、甜品已經無希望，唔使多講。中間我地問過其中一個應該高級少少既阿姐點解應承左但提供唔到窗口位？佢話應承我果個係兼職的，唔知頭唔知路，呢個理由好牽強！我出示Facebook 訂位記錄，要求佢俾discount 我，最後俾左9折！ 全程唯一最高效率就係收錢！ 我寧願俾貴d去流浮山食海鮮,都唔會再去呢間垃圾餐廳！P.S 由於太嬲，唔想影相…查看更多

以前食過一次好好食，全部後生仔，有禮服務質素好，但今次再回頭幫襯，令到我失望，我絕對深信轉左手，食物質素180度反轉，全部員工變灑阿姐。點解會變成禁=皿=!!!…查看更多

依間餐廳呢上年試過，D質素都唔錯嘅。咁我今年聖誕就黎再食一個聖誕餐啦！今次真係令到我好失望，首先去餐廳嗰啲枱擺得好密，令到啲客人坐得唔舒服。另外佢個湯呢真係淡而無味，牛扒同羊架我哋叫咗五成熟最後起碼煎到有七至八成熟，個伴菜竟然用薯餅黎做，黑椒汁同茶餐廳嘅水準一樣，最後個甜品同美心西餅買啲蛋糕冇分別。希望大家唔好中伏！！…查看更多

懐住滿心歡喜山長水遠到來，震撼嘅景，又跟我們說開瓶費只收80元，開多小也是一個費用！十分抵. ( 朋友訂坐時, 留位的姐姐說開瓶費一支80) 看看餐牌，最貴一個扒才收298，一點也不貴喔⋯⋯人未到齊，叫一個雞亦薯條食住等啦，一看份量都幾大，味道也不錯終於人到齊喇，急不及待點餐，是日餐湯南瓜湯，個個也不好甜，冇人要湯我們有三個小朋友，諗住叫一個意粉一個頂級肉眼扒給她們share食，諗住足夠！點知意粉到來一看，份量細得不敢相信，我們隨即多點一客，因為那麼小，一定唔夠分:(其中一友人, 點了大蝦沙律, 嘩, 一個膠桶個底裝著小量沙律菜, 菜面上放了幾隻一點也不大沒有味的凍蝦! 心想, 賣相加味道, 你好意思收我百多元一客? 各人點的扒開始到...羊扒，朋友一路食，一路鬧，說肉質差，味道差！牛扒⋯⋯點解可以咁？不是5成熟嗎？為何咬得牙關發軟也咬不開？我們承認，是中伏了！來時我們看到美麗的風景, 叫上的小食, 又夠份量美味, 開瓶費又只收80, 各方條件令我們說好下次再來聚餐過一晚也實在不錯!但一切由意粉, 沙律, 羊扒, 牛冧扒, 頂級肉眼的出現及嘗後感而全面改變. 我們一邊食, 一邊說永有下次, 但其中一友人說, 到來飲下酒, 食小吃, 有美景, 都不是太差啦!埋單時刻到了, 一看張單, 為何收我們開瓶費240呢? 那侍應說, 她攪錯了, 是一支80元, 我們開了三支, 所以收240! 我們非常不滿, 你知自己攪錯, 為什麼不早跟我們說清楚, 她說她也是剛剛才知道, 說句"唔好意思" 便要我們埋單.  埋單二千八百多元. 想講, 味道好服務好, 我們是冇所謂, 但味道不好, 份量不夠, 再有係沒有服務才覺不滿不值! 全晚除了送餐, 沒有一個人來招呼我們, 水是我們自己斟, 枱上的蠟燭台也是我們自己點!…查看更多

來過兩次，很愛這裡舒適的環境和美味的食物。幾個月沒來，餐單轉了不要緊，但原來全變了散點，但菜單卻沒列明。我們還以為跟以前一樣是套餐。湯依舊美味，帶子也好吃。但牛扒的配菜也只是急凍薯餅。意大利粉質素也下跌。肯定廚師換了，但價格依舊。希望小白屋改善餐牌及食物質素。…查看更多

適逢今日中秋假期，聽說流浮山小白屋看日落好靚就輿太太一齊去食晚餐，點了兩客磨菇湯覺得好鹹一客西蘭羊扒及一客M6澳洲牛冧肉扒全部十足千年凍肉完全沒有半點肉味。合計埋單$642。除了個日落風景，食物水凖物非所值。…查看更多

之前朋友到此慶生，仲話小白屋好好食！今次到我試下嘞😄去前當然要做下準備功夫…上fb睇下啲食評，仲睇到有段短片…原來係小白屋拍嚟教人點行去既！我同朋友6:15到流浮山牌坊，泊好車，泊全日都係$20,再响大街行入去，跟住短片教路，去到李光記轉右行多幾分鐘就到…一啲都唔難揾！呢個時間去到當然增取時間影日落靚相啦~不過因為天氣關係、有少少雨，個咸蛋黃冇咁靚…但環境係令人好relax、好舒服既！跟住有個講話温文有禮既大隻佬嚟介紹下今晚有咩食，我地叫左黑松露磨菇湯($48)、美國肉眼扒($288)、帶子白汁意粉($168)！一飲個湯…😱😱😱出奇地驚喜，好茸、好香、好多磨菇碎粒，比外出飲既…真係好好多！👍👍👍到個帶子白汁意粉嘞…我本人不嬲對白汁麻麻地的…但意粉只得白汁、茄汁可選擇，所以揀左白汁…一嚟就見到3大隻厚肉既帶子，一試…鮮甜無比👏👏，再食個意粉…真係好食到唔識點形容…啲汁有好香濃既芝士，一啲都唔需要另加芝士粉！到肉眼扒…個份量超大…有成10oz咁大，我地叫左5成熟…剛剛好…肉汁鮮嫩…一個字"正"!再嚟個士多啤梨乳酪蛋糕($28件)，完全冇諗過啲花畫得咁靚…查看更多

流浮山⋯ 一聽到此地方，就會想起蠔，海鮮，魚乾，鬧哄哄的，熱鬧的，滿滿鄉土情懷的。沒想到，明天洞天～小白屋！小小的餐廳，欲有點像走進高級餐廳的感覺。窗邊放了三張二人枱，中間有兩張4日枱。初時以為舖子真的這麼好，還慶幸有訂枱😁原來還有二樓的。風景一流！全海景！可惜天公不作美，今天的天氣都是陰陰的，埋沒了漂亮的日落😔不過到晚上，又是另一新景象⋯ 太美了😍景色怡人，但食物沒什大驚喜啊, 只可以說不過不失。黑𩃭露磨菇忌廉湯，很香，味道很好，但如果磨菇再碎一點，茸一點，口感可以更好！白酒忌廉煮青口，汁調味蠻不錯慢煮牛臉頰，菜式特別，但有點失望，有點像牛𦟌，可能是我吃不慣吧😅咖啡加了甜的奶，但友人不太喜歡，因為咖啡味不濃，本人覺得蠻好的，可能我本來就喜歡這種淡淡的咖啡加大量香滑的甜奶吧…查看更多

地點：事前要睇熟個video 認路。我地個 network 去到收得唔太好load 唔返個video.搵咗10分鐘先搵到首先，我唔係身纏萬貫，無餐牌無價錢真係唔係幾comfortable. 雖然店員口述咗個main course, 但有快速失憶嘅我只係記得有牛扒 個set 有d 咩... 佢比咩我地咪食咩囉 酒 ~ 無記錯好似得1款，店員口述咗個酒名及價錢，原本諗住配牛扒，但明顯佢忘記了... 我亦就此作罷 - 慳返 1. 沙律 ~ 用料新鮮，dressing 好味 2. 湯 ~ 如果無記錯應該係磨菇湯，上面加咗粟一燒，感覺係新奇，味道都算搭配嘅。唯獨唔知係由廚房到上枱等咗太耐 or what, 粟一燒有 d 已走氣淋滋滋嘅口感 3. 牛扒 ~ 個人覺得太硬，有d 乾。um... 唔好食 4. 甜品 ~ 因為no menu, 唔知呢個咩名堂。但都算好食。 總結： 私房菜神秘Menu 天天不同無問題，但其實黎個手寫menu 都可以好有特色丫。起碼食客可以知道有咩食/食咗d 咩。比客人知道價錢都好重要！…查看更多

每次去流浮山都只係識食海鮮...有一日係網上見到LEE間小白屋...決定節日時刻一定要試試...本身想BOOK早段但平安夜相公冇得收早唯有BOOK8:00, 上網睇定點黎做晒功課...同之前一樣泊出面迴旋處停車場..跟住行入去其實唔難搵~~但條路有D黑...小心就OK.BOOK左8:00..我地早左到..大約7:40就入座...其實我係BOOK左窗口位..可能前個轉既人都未走所以我都冇出聲話要坐窗口位...當然之後都冇轉位...坐左靠牆邊...個景係幾靚..如果黃昏黎到應該會仲正一入去...覺得個鼻好辛苦..因為陣香味實在太濃太濃..濃到不得之了....事後我D衫..袋..電話要幾日先散到陣味...其實有冇諗過鼻敏感人士呢???今晚係食指定SET只要選好主菜就可以...大約7:50送上第一道菜式....生果非常之新鮮.....蔬菜都一流..只係太少....同埋請問煙三文魚去左邊呢??飲得出係真材實料...味道唔錯~~飲到尾聲有粒粒細薯蓉等左好耐...終於有得食....我地另加珍寶帶子...絕對係唔珍寶同埋煎得耐左少少..入面有D老係勁等既情況之下終於有頭盤食...就係大蝦配雲吞...雲吞我真係唔識欣賞...好漏~~~~~~~~~~食左佢都飽左幾成...大蝦又確係唔錯...好爽口仲有好多膏好香~~無無聊聊越坐越凍..唯有叫杯餐飲先...普普通通係多次三催四請之下..終於有得食主菜...已經係9:15既事..真係火起!!!!!!!!!!點知食落好好食..外脆內軟...三文魚味好香...加埋芥苿醬真係唔錯...再等多2個字約9:25送上另一個主菜...又係好好味..但心情就真係唔多好囉.....最後再食埋個甜品...已經係9:45....味道好好..睇得出廚司好有心機整...埋單時大隻仔比左個9折我地..因為我地真係等得太耐...坐係到呆等凍到要著外套...就算環境幾好幾令都會悶GA...我發覺所有菜式都係一次過上...我以為係慳火喉..點知大隻仔話佢地得一個廚司係台灣過黎....好用心做...要一次過出..我話我都估到係一個廚司...但你一次出都要顧及下其他食客...我真係呆等到火都黎.但平安夜又唔想因為咁而影響心情...最衰係其實D野又真係幾好食....希望佢地LEE方面會有D改善...如果唔計時間食左三個鐘既西餐..其實環境同食物真係唔錯...LEE D環境係香港應該好少有..就算有都會係勁貴個隻....如果唔係咁我一定會再黎..但今次慢成咁我真係要再考慮~~…查看更多