活蘭印度素食

營業中

休息中

《活蘭印度素食 by Veg Concept》 #食在尖沙咀 #素食📍尖沙咀麼地道62號永安廣場UG 16-17號舖-係尖沙咀食印度野好多人都會去重慶大廈 但其實永安廣場呢到都有間食印度菜 仲要係素食 絕對可以一試一坐低就會比小食你先 類似蝦片 幾好味🔹North Indian Thali 北印度套餐 $105一次過想試多d野嗌左個套餐 有南印度/北印尼揀 今次試下北印度套餐 有2塊薄餅 同一塊脆餅 有8款配料 咖哩有什菜有大豆有薯仔等 每款都唔同味 仲有款係甜嘅就未必太岩港人口味 可以薄餅食或者撈飯食都得🔹Mix Uttappam 班戟 （洋蔥/辣味/椰子） $70我地Mix哂幾款味 不過試完之後覺得洋蔥可以唔要 一黎落得太多 二黎太生，呢個班戟幾特別 我覺得係幾好味嘅 仲有咖哩比你點黎食🔹Mango Lassi 芒果乳酪 $35🔹Pineapple Lassi 菠蘿乳酪 $35好多人都係飲呢杯乳酪 有芒果同菠蘿 一於一人一杯試下芒果味幾濃幾滑 但菠蘿更好飲 超新鮮 不過唯一唔好係唔夠凍✏️平日夜晚黎都滿座 大多數都唔係香港人 店員都唔係 但都識d廣東話 價錢都幾大眾

好想試吓異國風情菜，今日終於的起心肝約埋大同食印度菜，呢間鋪頭好方便，一出尖沙咀地鐵站就到，正正係永安廣場入邊，方便易搵！識食一定係食環境先！估唔到係港式廣場入邊都有一間保留着傳統印度情調嘅餐廳，入邊全部都係印度人而且裝修保留着印度嘅文化色彩，有好靚嘅𥦬簾布同埋民族花紋牆身，十足飛咗去印度一樣！令我諗起幾年前嘅旅行片段！侍應大部份都係講英文，不過有幾位侍應可以用少少廣東話溝通，方便香港人點菜，侍應仲好熱情，見到我哋兩個香港人嚟食，就不斷介紹特色印度菜俾我哋！我哋叫咗個雜菜炒飯，佢係用咗傳統嘅印度米，粒粒都好纖細，而且好爽身，比絲苗更加香口！仲叫咗一個普通size嘅Dosa，非常好食！係必叫嘅食品之一！因為薄餅非常吹口，而且入邊放咗好多芝士，令到薄餅味道濃郁！而且配襯三種印度醬料，非常滋味！尤其係點印度咖喱，令到薄餅帶有少少辣！我哋仲叫咗芒果Lassi，我好開心佢係用印度芒果製成，所以味道比較濃郁！ 另外，我哋仲叫咗一客Dahi Batata Puri，味道非常地道！酸酸甜甜而且又有印度香料味，好啱鍾意試新野嘅人食架！

—Masala Fried 蕃茄洋蔥香料脆薄餅($20)薄薄嘅脆餅盛滿咗新鮮蕃茄粒同洋蔥粒仲有芫荽點綴Mashroom Palak 菠菜蘑菇咖喱($65)咖喱裏面混合打碎咗嘅菠菜蘑菇蓉 出嚟個色都幾菠菜Chapathi 印度烙餅($30/3)當然嗌嚟配咖哩一齊食 Idly Vada 蒸米糕炸團($50/各一件)炸團就似中式炸饅頭蒸米糕就似馬拉糕但係冇味嘅版本要蘸隔離個3碟咖喱汁先得Mysore Onion Rava Plain 辣味洋蔥粗粒麵粉煎餅($70)—————————————————活蘭印度素食 Woodlands Indian Vegetarian Restaurant尖沙咀麼地道62號永安廣場UG 16-17號舖

一向都覺得印度菜分兩種。一是平民價的，環境會稍為遜色，裝潢沒有心思，衞生一般，總有種油膩的感筧。另一種是高級的，價錢較貴，常常不理份量總之要試多幾款的我們，埋單永遠都不便宜，最大問題是這些餐廳去過的全部都是黑漆漆的，燈光昏暗得咖喱只有深色和更深色之分，從來都沒有真正看清楚放入口的是甚麼。友人約了去吃素，來到才發現是燈光充足，裝潢新簇，乾淨企理的印度菜。單是這個整潔的門面，已經大大加分。門口的右邊是出菜的地方，吊著幾盞黃色燈，入面站了個穿著整齊白色制服的印度廚師。收銀處是個穿印度傳統服裝的印度太太。店員們都是年經的印度人。跟常去的印度餐廳不同，沒有油膩或笨重的膠餐牌，只有印滿菜式的墊枱紙。店內相當光猛，坐在窗邊看著尖咀香格里拉的門口，坐得十分舒適。唯獨每張枱上的Bonaqua樽裝水，提醒了我們正身處我自已分類的第一種平民印度菜。餐牌只有密麻麻的英文字，但我曾經去過另一間類似的印度菜，食物選擇幾乎一樣，大概都知道菜式是甚麼。過了一會，店員拿來有中文字和圖片的餐牌，亦稍作推介。邊看餐牌，邊吃餐前小吃。Dahi Batata Puri幾年前去不丹旅行，一到埗便市集買了唯一的一款小吃。少女在發泡

一直都好想食正宗嘅印度菜。今日係誤打誤撞下嘅情況下，就黎咗尖東呢間餐廳食印度菜。一開頭仲以為餐廳主要對象係印度人，但其實入面都不乏有唔少本地人同埋遊客。一開頭望住個menu真係一頭霧水。不過好彩店員之後拎咗個中文menu出嚟，加上老細好熱心咁介紹有咩好食，最後都順利落單。首先嚟到嘅係飲品。左邊果杯係Mango Lassi（芒果乳酪），而右邊係Masala Milk（瑪沙拉香料牛奶）。 芒果乳酪一入口好重芒果味，慢慢再感受到乳酪嘅酸味。店舖故意唔加入冰，等飲品唔會越飲越淡Fried Idly 煎蒸米糕有三款醬，第一款係咖喱，第二款係椰子醬，第三款係蕃茄洋蔥醬。Masala Dosa 瑪沙拉香料煎餅Masala Dosa一上枱真係好有驚喜，一開頭仲以為只係普通卷餅，但原來係一大塊香脆嘅煎餅，足足有成張枱咁長 ，入面再夾住餡料。餡料以薯蓉為主食，再加上唔同嘅豆蓉同埋香料，食落有陣淡淡嘅咖喱味同香料。用煎餅夾住食一流。一打開煎餅就聞到餡料嘅香料味。South Indian Thali 南印度套餐跟住就嚟到今餐嘅重頭戲，亦都係我一直好想試嘅印度套餐。呢款南印度套餐主食有兩款烤餅，三款唔同嘅咖喱，

排毒嚟講，梗係要食素啦。但香港啲素食，嚟嚟去去都係果幾味，想要啲新鮮感？唯有返印度食齋！經過尖東呢間印度素食鋪，見到入面都係印度人就知係家鄉口味。入面啲裝修都靚，唔似重慶大廈果啲咁殘，坐得都舒服。叫咗個南印度套餐，有好多唔同口味嘅醬，仲有塊炸得好脆嘅烤餅，好新鮮。意猶未盡，叫咗個芝士菠菜咖哩，真係粒粒芝士無花無假，仲有淡淡咖哩味，唔會太膩，正！食咖哩又點可以唔配印度薄餅，一流。跟手叫多個煎餅，睇下幾大件，真係第一次見。食落好脆口，入面仲有好香嘅炒蘑菇，正！

今天，帶了一位素來少吃素的朋友吃印度素，你可能會問印度素一是辣？那不一定，這一間活蘭素食，我之前已來過，裝修過後，一切變得好舒適，又有素感，但又不失時尚感，也保留了印度的風格，朋友十分喜歡此格調，我也希望可為他一改吃素的觀念，末必會愛上素但至少不抗拒，我便功德圓滿！餐牌很多選擇，希望我人生也是……印藉的侍應細心講解又溫柔地介紹印北與印南的素菜有什麼分別，原來南印素菜不太辣，醬汁偏液體多，但北印素菜則偏辣而醬汁有疏菜薯仔多，好！一試你們北印素菜啦，刺激下味蕾，震撼下舌上細胞先。點了以下菜式:1.北印度套餐: 其實是一個併盤，有八款醬，也有烤餅及印度長飯，色彩繽紛，目不暇給，烤餅點上有濃味香料的薯仔，一口咬下，口感十足，香料四散。其他配料有咸、有甜(黃色那款)，夾上烤餅，口腔爆發層次不停變化2. Cheese Paper (細size):內外也鋪上芝士，配上兩款蕃茄醬及耶子醬，又是另一個鬼斧神工，份量之大，4人一起吃也可以，印度的不同香料醬汁總是令人喜出望外，意亂情迷!3.Malsala Tea : Woo , 加上印度香料的malsala , 一杯奶茶，不再平凣，好濃又香滑，不禁大叫ma

又到Green Monday, 今日去邊度食素食餐好呢？朋友馬上介紹我去尖東位於永安廣場UG樓「 活蘭印度素食woodlands」來一個印度式Green day。餐廳裝修得非常有印度風味，而且每位職員都係印度人，佢哋仲識講流利廣東話。餐牌上仲有中英合照，而且仲有圖案介紹，我同朋友第一時間睇中Paneer Palak 牛油芝士菠菜蓉咖喱 $65 , 全有牛油，芝士，菠菜蓉打造，呢個咖喱一啲都唔辣，而且仲香口，配飯或薄餅食一流。所以我哋配咗一碟Chapathi 印度烙餅$30，一碟有3塊，烙餅厚身而且仲有好重麥味，感覺好天然。另外叫咗一個North Indian Thali Poori or chapathi 北印度套餐$105，呢個真係包羅萬有，先配炸麵包球，醬油有沙律醬，黃豆咖哩， 雜菜咖哩等等，起碼可以食到6款不同口味，而且仲有埋個正宗印度飯係撈咖喱汁食，真係口味到馬上變咗有選擇困難，不過味道也不錯， 有辣有唔辣，味道十分惹味，總有一款合你口味。飲品方面叫咗Mango lossi 芒果乳酪$ 35芒果味好濃，質地好滑，很不錯。至於杯Masala Tea 瑪沙拉印式奶茶$35，奶同茶味

在香港說到食正宗印度野，都會諗到重慶大廈，然而尖東永安的woodlands印度素食系坐得舒適又正宗。話說，朋友在尖東返工，約左我食中午飯，佢話帶我試下d有特色既口味，于是就帶到了活蘭素食。餐廳裝修充滿異國風情，乾淨大方。餐廳好貼心，准備了中文餐牌，反面仲有圖片，店員系香港長大的印度人，所以可以用流利的廣東話介紹菜式，真的非常好！一坐低，店員就送上印度小食，彩色的脆波波，系免費的。我地試左個北印度套餐，賣相堅靚！糸八種口味的醬同餅，底仲有飯，餅系特色的印度烤餅，脆波波，食既時候壓扁佢，在上面加上喜愛的醬料。我仲將米飯加在餅上，同醬料一起夾住食，感覺真系相當特別，不辣，香港人一定食得慣。呢個系paper masala,超級大的薄脆餅圈，中間就有一份咖哩薯仔，另附一碗湯。咖哩薯仔好綿密。另外仲要左一份薄餅，蕃茄餡，餅皮薄脆，口感不錯！

同朋友兩個人夜晚去左食呢間Woodlands印度素菜，估唔到係尖沙咀居然食到咁平咁好食嘅一餐。餐廳坐得舒服，有中文菜單，而且啲職員都識講廣東話，態度好好, 仲好熱心咁介紹菜色比我地。乳酪薯仔炸米餅外面係薯仔整成的脆片, 內裡係豆同埋特色醬料+乳酪, 上面仲有少少芝士碎, 有少少辣, 甜甜酸酸, 但好好食好惹味, 好特別, 出面食唔到呢隻味, 雖然細細舊, 裡面亦唔係熱, 但好過癮, 力推必試。南印式的套餐酸酸鹹鹹的印度乳酪、濃稠的豆蓉、雜菜乳酪醬、咖喱香料、印式椰子醬等, 香料是印度料理的靈魂, 醬汁中香料多, 辛辣的也不少, 香味十足, 而且溫潤順。濃汁雜豆蓉咖喱咖哩香料極濃極香，吾講吾知，以為自己食緊肉醬，有點辣，但餸飯一流！蕃茄洋蔥香料脆薄餅脆餅的鹹香配蕃茄和洋蔥是絕配! 好惹味呀!磨菇湯 跟出面芒果汁芒果味甚為香濃, 質地亦很稠身, 同時有乳酪的幼滑, 冰冰涼涼甜度剛好, 亦沒有太多冰粒, 乎合大家的口味, 更有效緩和之後的咖喱辣度和濃郁。

情人節同男朋友去食印度素菜 今次仲唔特別!!? HAHAHA!永安廣場 尖東P1 /P2出口都好近~ 好易搵~入到去 爆曬場啊~ 枱面有支水 水都要收費$12架~不過750m 出邊買都差唔多啦~Woodlands Special Thali ~ With Bathura $135係呢到既特色套餐 拼盤中間係炒飯 我好中意食印度飯 好有口感!周邊係8種唔同既醬料 味道個個唔同當中有D辣 有D甜 甜既就係圖中好黃果個 偏甜 但似椰汁西米布丁 好食Masala Dosa  $70  配三款醬汁朋友成日話印度最好食就係Masala的確好好食 仲要好巨型煎到非常薄脆中間果D係薯蓉Paneer Palak $65牛油芝士菠菜咖哩 呢款咖哩係用菠菜整成 味道不唔錯中間有一粒粒芝士 食落冇咩味 點薄餅黎食 好好味  一點點辣~Dahi  Batata Puri $65印度乳酪薯餅!!!必食!!!!呢個係相對地辣左少少  但好正!出面係脆片 入面係特色醬料 豆 乳酪甜甜酸酸+ D辣   好特別!!!!

前日約左朋友食晚飯，去左呢間位於尖沙嘴嘅印度素食餐廳。🍴😋我地叫左三款食物，分別係Dahi Batata Puri(頭盤)、北印度套餐同埋炸咖哩薯仔球。頭盤味道好特別，外層係香脆嘅餅，裡面擺左類似乳酪嘅醬汁，酸酸甜甜，幾醒胃👌🏻炸咖哩薯仔球就好香口，味道亦唔會太辣，可以沾唔同醬汁一齊食，不過其實本身已經好惹味，唔沾醬汁都好OK～北印度咖哩餐非常豐富！😻有香飯、兩款唔同嘅薄餅，可以配上唔同種類嘅咖哩、醃菜、醬汁同乳酪等一齊食。咖哩分別用左唔同嘅蔬菜，例如薯仔、鷹嘴豆、椰菜花等烹調而成。其中有一款醬係甜甜地嘅，所以食落都覺得幾特別，似食緊甜品～我地只係叫左一款飲品，就係mango lassi。Mango Lassi 味道好香甜，芒果味好濃，有淡淡乳酪香味，一開始以為飲落會好膩，但其實唔會，反而飲左覺得幾開胃。😂另外值得一讚嘅係呢間餐廳嘅裝修其實都幾靚，坐得好舒服😌，而且店員都幾親切～鍾意食素嘅朋友真係不妨試下～

當日經過尖沙咀同同事去食飯。😊有幾個餸菜真係好有特色，好難忘。..............................coconut rice機票都慳返唔使去印度。佢哋嘅嘢煮飯比印度更好食更香更濃。他們的特有印度米飯吸收了椰子香味,去其他地方食唔到。mango lassi專係為了女士此如果食野太辣飲一啖佢哋嘅芒果汁，就會覺得舒服好多。對喉嚨有滋補作用。飲完之後真係唔辣。alu tomato masala薯仔番茄架哩。這是我跟舅父的最愛。他們的薯仔又香又滑又大嚿，加上獨有的印度架哩，成個人覺得好refreshing, 最緊要將繁忙嘅都市生活忘記得一乾二淨。這間餐廳裝修一流又有格調而且安靜。最難相信係價錢比較優惠實惠，可以大眾化。就算遲啲復活節再食多幾次都冇乜所謂。民以食為天最緊要佢哋嘅curry系正中同埋份量足。獨有嘅香料令人覺得倍感自然舒適。fried idly蒸米糕, 是他們的特色之一。日本curry衹是甜, 他們的純印度curry更有甘香。於是點了他們出名的薄餅薄餅好香脆又有奶騷味， 更有椰香味。總括而言非常滿意。

今日咁岩去咗尖東飲嘢啲friend話食飯都唔知邊度有嘢食求其行就見到有印度素食啦試試佢囉我都未試過以為食印度野嘅餐廳會好污糟或者好黑暗又唔係喎都幾光喎個裝修都幾靚喎坐低左之後望住張Menu我有讀過書㗎大學畢業㗎不過一粒字都睇唔明咋嘛都唔使咁擔心嘅其實同侍應講佢哋就會比張英文餐牌嚟㗎啦同埋坐低嘅時候佢會俾啲印度小食同埋水你自己開呢個大嘅薄餅好正其實入邊係有啲豆啊薯仔咁樣另外你會見到枱面有三隻醬汁咁其實都係加埋一齊食嘅呢個都有少少辣但係就好香口再嚟一個咖喱椰菜花但係冇辣味嘅然後佢會有啲飯俾你撈埋一齊食超級好味呢個類似蒜蓉包嘅嘢都係超級之好食佢係一啲加咗辣未去炒嘅軟麵包呢個就係Coconut rice ~ 呢個好好味呀其實有少少似炸饅頭甜甜地咁呢個初體驗好正呀有機會我都在要試多次

話說之前食過印度素食之後印象不錯，週末約了同樣喜歡食素的朋友去尖東永安廣場的 Veg Concept。餐牌有中英文，點菜無難度。Paper Masala Dosa - 一直想試印度 dosa, 用米槳煎得非常薄脆，很巨型，圓筒形的dosa中間放了薯蓉，混了紅蘿蔔及粟米等，減低飽滯感覺，另還配三款醬汁。雜菜咖喱 Vegetable Kurma 及三角豆咖喱 Channa Masala - 點了兩款咖喱，前者有薯仔，椰菜花，四季豆及青豆等，豐富之餘又不太辣; 後者三角豆配上不少香料，十分惹味，送鬆軟的印度烙餅一流。芒果乳酪 Mango Lassi - 朋友至愛的印度飲品，芒果香甜，口感非常醇厚。想食素但又不想味道菜式太單調，印度素食是個好選擇。