洪記海鮮酒樓

營業中

休息中

昨天係復活節假期的第二日，西貢超多人，心中已預計品質出品一定唔會好，我哋一行四個人叫咗個四人海鮮餐，點咗芝士龍蝦伊面底、蒸元貝、蒸海上鮮、豉油王大蝦。當啲海鮮上枱嘅時候真係嚇親，尤其碟龍蝦，係龍蝦殻伊面底，我當時真係以為係其他枱食完攞比我，第一時間同職員理論，啲職員啲態度真係仲惡過啲客，到最後都有換過一碟好小小嘅芝士龍蝦伊面底上枱，其他餸非常普通，冇嘢直得講啦！原本已經冇乜期望都可以超失望，我喺呢度奉勸大家西貢大把海鮮酒家，小心選擇，而家大家搵錢都已經唔容易，比錢食飯唔好食到一肚氣！

西貢週日人山人海，到處食肆都排隊等位，行完山，唔想食西餐，想飲茶，這家唯一不用等位，即管坐低，因為都有點累了。無探熱、無消毒液，算啦！自己手袋有消毒液。幸好都有提供一碗熱水洗杯碗。叫了 5 個點心，蝦餃、燒賣、鳳爪排骨飯、珍珠雞、雞扎；茶錢每位 $12, 加一，結帳 $190, 點心味道真的很一般 ！

先唔講等咗50分先上第一道菜白灼蝦，見到菜單有好多唔同嘅套餐，最平嘅二人餐係488，我哋叫咗588嘅二人套餐，個分別好似係多咗一味餸，分別講吓每一道餸先，第一道餸白灼蝦，冇乜特別，有幾隻大嘅蝦再撈埋一啲細嘅下一齊，第二，椒鹽賴尿蝦，唔係熱辣辣嘅，應該唔係啱啱炒起，同埋個份量都好少，得兩隻，第三味菜係炒生菜，我覺得成餐飯最好味係碟炒生菜，第四味餸係鮑魚，一見到個樣就即刻唔開胃，咁都可以攞出嚟，上面黑蚊蚊又冇擦，同埋一睇就知係唔新鮮，食落去係偏硬一啲都唔爽口第五味餸係一條蒸魚，直情眼都突埋，餐牌上面寫清蒸海上鮮，真係冇諗過係食啲一款魚，平時喺街市買$25.1條，茶餐廳食$78，但係我想講茶餐廳都好過佢好多，蒸魚都可以overcook，大家可以睇相，如圖片一樣，鞋的好啦最後一道餸係薑蔥炒蟹，好多漿應該落得太多生粉，食完即刻去OpenRice睇吓，點知係咁多負評，又中伏，最後連埋個白飯埋單648，普通茶餐廳或者大排檔都好食過佢，如果特登入西貢食海鮮嘅朋友可以試第二間

去西貢chok下墨魚，唔知上船後運氣有多少，有墨魚就有嘢食。所以都係上船前食個海鮮餐先，喺西貢碼頭旁邊啲船仔自攜海鮮，都海鮮酒家主。上湯龍蝦伊麵，豉椒蟶子，蒜蓉粉絲蒸帶子，椒鹽賴尿蝦，講得出嘅煮法都可以。炒野炸嘢都好香口，唔算多味精。龍蝦伊麵好夠味，嫌買得太少添。仲有咕嚕肉，肉質都好新鮮，order多啲炸嘢，所以喺屋企煮可以唔使開咁大鑊油。

同朋友出完CAMP之後，就馬上搵間餐廳醫下肚仔!本身想去CAFE食，可惜條隊太長的關係，我地最後就決定去食海鮮!!!!我地今次叫左3個點心+一個2人海鮮餐點心就普普通通啦~同平時飲茶就差唔多~海鮮方面我地點左個HK$488的二人套餐，可以係十幾款菜色揀買款海鮮，今次就揀左豉椒炒蜆豉椒炒蜆炒得好入味，好正!!粉絲帶子帶子反而蒸得有點過火，比較硬身!清蒸海上鮮條魚就蒸得好滑嫩好好味，反而我朋友覺得個豉油有點咸清蒸蝦白灼蝦就好鮮甜!!總括黎講，個海鮮餐都算唔錯!!!幾好味!!1

過年前自駕遊到西貢買年花，順便吃頓海鮮餐。我們選擇了A.二人超值套餐$588，有魚有蝦有蟹，甚是豐富。蒸魚方面，我們加$100轉沙巴大龍躉，店方蒸功不錯，一尾魚熟成得剛剛好，魚肉細嫩而鮮美。白灼基圍蝦蝦肉新鮮爽彈，蘸點辣椒豉油吃，風味至佳。清蒸鮑魚仔不過不失，只因小人從來都覺得鮑魚仔的鮑魚味是淡的。薑蔥蟹煮得入味，薑和蔥的香味盡情發揮。椒鹽瀨尿蝦乃惹味之作，椒鹽炒得夠香，瀨尿蝦亦容易拆肉。相對地清炒時蔬略嫌油份太重。餐後還有水果盤，茶錢每位$15，連小費整餐共計$750，CP值算高。

整體不錯，環境很好，d餸既味道都不錯😋海鮮都很新鮮！覺得最出色既係象拔蚌刺身，超級鮮甜！一個龍蝦可以要求兩種做法，用身做刺身，頭和尾做芝士龍蝦伊麵！龍蝦刺身和芝士龍蝦伊麵相比，我覺得芝士龍蝦伊麵更勝一籌！平時不愛芝士的我，對於芝士龍蝦伊麵也大愛😋😋很香濃的奶油味。還叫了一碟炒花甲，花甲洗的很乾淨，沒有沙👍🏻👍🏻粉絲蒜蓉蒸蟶子，味道普普通通，比較清淡。下次要試試豉椒炒😋美中不足的就是叫了一碟炒豆苗，豆苗有點老

龍蝦唔見咗2個鉗！廚師偷食咗? 心血來潮想食芝士龍蝦伊麵，兩個人分，嗰碟好大隻.伊麵林啤啤，芝士味冇乜.可能我中咗肺炎冇咗味覺. 芝士味冇! 叫佢揀隻偏細俾我.因為已經下午3點.返到屋企諗諗吓點解冇咗兩個龍蝦前鉗.（龍蝦$398+廚部$100）🤨肉量ok. 鮮度👍🏻叫咗蝦餃同埋蘿蔔糕。蝦餃OK（$30）皮較厚.蘿蔔糕（$28）早知唔叫、難食。Claws missing. Ordered a lobster E-fu noodles. Not sure about the pricing in General. $398 +$100 kitchen fee.... whatever. Cheese is tasteless, maybe I need to go for a COVID test... Am I loosing my senses, LOL Shrimp dumpling is not bad, Turnip cake is very hard. Waste my kcal intake. Not going bad.

行山前同屋企人見肚餓就向西貢碼頭搵下野食醫肚仔，經過向門口見到咁多人食就諗住試下，見到又海鮮又點心咁好多選擇又入去。點心係自助自己去叫既，我地去點左幾樣點心，全部都唔夠熱，炒腸粉凍到硬哂，牛肉球都係凍既，而且有筋。蝦餃皮好厚...再黎叫左個蟹肉燴伊麵...完全令人失望。麵只係用水滾一滾完全無味。就咁淋左一pat無味既蟹肉加汁向面。入口零味道，蟹肉少，麵硬而且無味。試過一次真係好失望..真係行過都唔會再入黎試😶

點了個2人餐，份量十足。龍蝦肉彈牙。薑葱炒蟹多肉，咬開發現蟹肉雪白juicy，薑葱都十分野味。鮮魷，椒鹽得黎仍保留到食材嘅鮮嫩，新鮮就係lee個口感。蟶子是蟶子皇，來佬貨，無砂，鮮甜爽口。4款海鮮，咬落去就知用料新鮮。用餐當晚食客不算多，坐戶外享受海風，十分寫意。盼能保持水準，會再幫襯。

行完橋咀洲，一點半番到黎西貢平日西貢真係無咩人，決定試下d 海鮮揀左最近碼頭既洪記我地得三個人～二人餐都係四百幾，有四款海鮮加送碟菜其實都已經夠食我地叫左龍蝦e 面，比既龍蝦都算多肉起碼一人有兩舊，即係有成六舊但個面勁碎。。連埋個汁成pat 野，真係無乜胃口椒鹽鮮魷反而正，份量都夠，而且又脆口又夠味蟶子佢就按二人就上兩條，但都算大條既配菜都夠多，味道唔會太鹹，都幾好味仲有個蒸扇貝，都係得兩件，扇貝蒸完就好細舊啦仲有碟菜係送既，無得揀，都正常水準，三個人都夠食最後送埋生果～d 橙好甜，每人有兩舊仔都ok 架～建議上二樓，窗邊望住個海食野都幾chill

朝早入到西貢經過碼頭個邊 對面一排海鮮酒家坐到都8-9 成滿係炎炎既夏日成三十幾度竟然係室外位置比較多人選擇有一家大世有人帶住寵物非常熱鬧坐低即刻畫左好多點心特別要推介咖喱魷魚 非常入味 魷魚非常爽脆 仲有個煎腸粉都係推薦之一煎到非常香口 另外仲叫左乾炒牛河同海鮮湯飯午市特價 大約40蚊個 非常大件夾抵食唔記得影相大碟過一般茶記海鮮湯飯好足料好快比人清哂今餐食得好滿足點心充滿懷舊風味價格平民午餐不妨去嗰度試吓同人6個人 叫左10個點心兩碟飯麵 平均70蚊左右

同朋友入咗嚟西貢食海鮮，是但揀咗一家。叫咗個2人套餐，另外加100蚊加多條魚，同埋叫咗個花雕鴨舌小食。鴨舌無論點整都覺得好好味，所以冇評價。龍蝦伊麵味道幾好，龍蝦爽口彈牙，不過啲麵底太腍喇，烟韌果d就唔洗諗了，一夾就碎。No good no good...薑蔥炒蟹好好味。蟹肉好甜，d肉都好飽滿，成碟餸幾乎比我一個人食曬😂。蒸魚嘅時間控制得啱啱好，魚肉好滑。其他嘅餸正正常常，不過不失啦。兩個人食左六百幾，都算好抵！！

從來不寫食評，今次花了4000買難受。必須提醒手足小心中伏。由通記食到變成洪記，越來越差，完全唔掂。壟斷獨市的弊端顯露無遺。茶介20一位，買海鮮價錢偏高都唔計了，加工費又加左。椒鹽魷魚，應該係香口又爽脆，但是炸到又油又軟，勁難食。粉絲大蜆，個殻就大過個手掌，上面全部都係啲肉得手指尾乸細，而且居然有苦味兼未吐完沙，作為一間海鮮酒家，竟然有呢啲低級錯誤，真係大開眼界。Anyway, it’s totally not worth of my money. It should let Gordon to teach them how to be a basic seafood restaurant.$&@“””

每次去西貢食海鮮都係去洪記。今次冇叫套餐，自己係大海鮮缸揀海鮮。叫左6樣海鮮，芝士龍蝦伊麵，超大元貝，聖子，賴尿蝦，炒蜆，象拔蚌。象拔蚌刺身食，擺得好靚，切得好薄芝士龍蝦伊面，龍蝦我哋揀一大隻，伊面略嫌乾咗少少，食嘅時候痴到一嚿嚿聖子，元貝，蜆都係超巨型，啖啖肉，炒同蒸既時間都掌握得好好，唔會過老賴尿蝦我哋椒鹽炒，太大隻佢上枱個時已經一分為二。可能因為太大隻食嘅時候都幾麻煩同埋啲殼好硬，一定要用鉸剪剪開，不過入面啲肉好口同埋有膏。另外炒咗一碟腐乳通菜，燒鵝，海鮮湯。呢度啲燒鵝都OK皮脆，海鮮湯真係要飲，好鮮甜，入邊有蝦蝦，魚，豆腐，菜，必定要飲！八大兩小埋單五千幾