洪記海鮮酒樓

營業中

休息中

😱 同事 “妮可” 組織 “西貢海鮮午餐”, 選址大眾化嘅 “洪記”, 之後一齊去三星灣探險. 訂十人枱, 最後只有五個人嚟到, 我諗起90年代流行曲: 十個救火的少年.🥢 “洪記” 屬西貢大舖之一, 喺西貢市中心近海旁, 用餐區主要為半露天散座, 幾十張枱, 差唔多全院滿座, 真誇張. 室內環境比較舒服, 但冇海風, 冇咁好氣氛.🤗 擾攘一輪, 點咗六人精美海鮮套餐, $1880, 茶芥位位 $20. 未食先判: 平價套餐冇乜好嘢.椒鹽焗鮮魷白灼游水海蝦芝士波龍伊麵底薑蔥焗海蟹蒜香粉絲蒸元貝清蒸海上鮮西貢靚時菜楊州炒飯🦑 椒鹽焗鮮魷. 金黃色, 賣相吸引. 魷魚肉薄, 炸粉唔夠乾脆, 味道唔均勻. 睇返菜牌, 原來係 “焗” 鮮魷, 唔係 “炸” 鮮魷, 表現麻麻哋.🦐 白灼游水海蝦. 殼脆肉爽, 非常新鮮, 但無烹功可言.🦞 芝士波龍伊麵底. 殼多肉少, 都俾我食咗幾舊, 甜美彈牙. 芝士伊麵唔算太厚汁, 合格. 另外, 搵唔到龍蝦鉗, 十分離奇.📖 翻查資料: 波士頓龍蝦又名 “美州鰲龍蝦”, 是一種鰲蝦, 跟大陸盛行嘅小龍蝦同一個種類, 其實不算是龍蝦. 波士頓龍蝦有鉗, 澳洲

舖位近海，能夠強烈感受到海風海鮮交雜嘅味道，地理環境全勝，食物份量超大，價錢相宜。今次能出席用餐已經非常難得，只可惜我有事早退，朋友話要消脂，大夥兒去攀登三星灣，一個字「服」！領導遊揀咗個 6 位精美海鮮套餐特價 $1,880白灼游水海蝦清蒸海上鮮芝士波龍伊麵底蒜香粉絲蒸元貝薑蔥焗海蟹椒鹽焗鮮魷揚州炒飯西貢靚時菜按心水排，貝粉嘅我當然首推蒜香粉絲蒸元貝，海蝦唔沾醬油一樣鮮味，跟住鮮魚，係我少數一次食咁多嘅，之後蟹同波龍，最後菜、鮮魷，無錯不設排名嘅有揚州炒飯，由於大家已經十分飽足，所以俾我打包咗返去，不過炒飯都好好味。

周六到西貢洪記晚餐，叫了一個二人餐，價錢是$538 （要再加兩人茶錢共$40）揀了上湯龍蝦，豉椒炒蟶子，蒜蓉粉絲蒸扇貝和加$100轉蒸龍躉仔味道方面，覺得龍蝦不夠新鮮，最差係扇貝食落有沙和十分嚡😢其餘果兩味都算合格，可能下次會試一試其他餐廳作比較😀再者，發現隻碗仔和匙羹有啡色漬，洗得不夠乾淨。

西貢海邊海鮮晚餐 🦞星期日天氣風和日麗，就去西貢海邊行吓，順便見下可愛狗仔🐶一個鐘之後，而家5.9左右就天黑喇，橫掂返到屋企又唔想煮，所以我哋索性喺西貢食埋先返屋企！點知海鮮嘅質素都好驚喜☺️ 日落時分，望住過海食大排檔咁，無拘無束，別有一番風味❤️好似去咗個小旅行咁！📍西貢洪記海鮮酒家 ($𝟻𝟹𝟾) 𝟷)芝士波龍伊麵底𝟸) 薑蔥焗海蟹𝟹) 豉椒炒蟶子𝟺) 蒜蓉粉絲蒸元貝𝟻) 清炒時蔬另收每人$𝟸𝟻茶芥龍蝦嘅質素好驚喜，啖啖肉，好多件😂啱晒鐘意食🦞既爸爸！蟶子都好好食，有肉地，每人都食咗三四件！元貝雖然得兩件🥹🥲但味道係正既！蒜味十足！🤩仲要係全部熱辣辣咁上！好有風味！（蟹可以唔好叫🤫）$600唔使可以食到4款海鮮 開心仔🤭️🙌🏻香港人係要興鬆下既🫰🏻❤️YOLO!!!

入西貢行完山，自然要去海鮮街食埋海鮮餐。因為得 2個人，所以都係套餐抵食啲，最後揀咗老字號既洪記。餐牌就十幾年都冇變，係價錢貴咗，2人餐可以揀 4款海鮮，送埋清炒時蔬，共 $538。- 芝士波龍伊麵底第一樣梗係芝士波龍伊麵底，因為好食，同埋要回本。 龍蝦份量足，多肉，爽口彈牙，伊麵吸收芝士湯汁，非常美味。- 椒鹽焗鮮魷魷魚新鮮彈牙，外皮香脆，水準一流。- 豉椒炒蟶子蟶子有兩隻，肉厚，炒得火候十足，豉椒味都唔錯。- 清蒸海上鮮加錢就可以轉沙巴大龍躉。蒸䱽魚都好大條，肉質鮮美，美味可口。- 清炒時蔬套餐包咗，有碟菜食下，都幾好。總體而言，海鮮都比較新鮮，套餐份量都足，味道都保持到水準，可以再去。

係西貢staycation，家人想食奄仔蟹，就過去碼頭附近買外賣。怪就怪自己唔識楝海鮮，$150一隻奄仔蟹，我哋叫咗三隻，埋單嗰陣先知原來要再加$100廚部費用，其實都唔緊要，最緊要好食。返到酒店一開隻奄仔蟹，好似坑渠污糟水咁，真係嚇到呆咗，不嬲食開啲奄仔蟹嘅膏都係橙色硬味道甘香，究竟呢Pat綠色好似泥咁嘅係乜嘢。真係後悔俾錢之前冇睇一睇OpenRice啲comments ，anyway，都應該唔會有下一次

兩碟海鮮價錢$200都唔夠，完全冇同人講或者喺餐牌寫明飲水都收每位$20，在家廚費$50, 結果要俾成差唔多多一倍價錢埋單。問佢邊度寫呢啲Terms，佢話喺餐廳門口喎。。想請問喺海旁食嘢，會唔會走到去餐廳門口唔知情情況底下走去睇到呢啲Terms？佢哋話係咁個喎。完全係明搶，點食得開心？下次一定唔會嚟。

去開西貢點會唔去拜訪西貢碼頭拜訪，西貢海鮮街。今次揀咗去洪記海鮮酒家，點咗個二人餐。天氣有啲熱，所以坐室內，先嚟個酸蕎頭同花生。芝士龍蝦伊麵底龍蝦鮮甜爽彈，伊麵吸收龍蝦湯汁加上芝士，非常美味。豉椒炒蟶子火候十足，蟶子肉厚，十分爽甜。清蒸海上鮮魚肉鮮美，營養豐富，美味可口。白灼花螺白灼原汁原味，肉質鮮嫩，帶香甜口感，加上牙籤挑出螺肉，蘸上蘸料，非常鮮美。清炒時菜份量得多，鮮嫩爽脆。非常豐富嘅二人餐。

垃圾級食物黎講，好貴，唯有當買個教訓。職員態度亦唔好，一黎就黑面，環境衛生欠佳，好無胃口，直接令我發左誓唔會再去。已將呢間野列入黑名單，想食垃圾同埋想付費比人黑面既可以去試下。方便返黎香港既旅客，translation.Junk, so expensive because it’s taste as rubbish. Staff’s attitude was extremely bad and rude. The environmental sanitation is really bad, and I have no appetite, which directly makes me swear that I will not go to here again. This restaurant has been blacklisted, you can try it if you want to eat garbage.

一間只希望做遊客，豪客的餐廳疫情前，西貢海鮮酒家出名貴唔係做本地人生意，一向以遊客為主。本來都好小去。疫情時，生意唔好，經過時態度非常誠懇，直情做到劉德華所講服務業標準一流。有餸小菜有餸湯。套餐又平又新鮮，客氣好客之道無得頂。疫情後通關，多咗大陸豪客，台台過萬。啲侍應不可一世態度又重現江湖。當日四人去食叫個988套餐，再點多個炸生蠔同四隻扇貝。到埋位時，老婆一睇單，除咗海鮮外加多咗幾百蚊。問個侍應點解？又無寫係乜。多謝佢地個態度我以後唔會再去。佢話加工費，係菜單有寫，我話我無睇過菜單，加工價幾多我叫海鮮時你應該講。佢話寫咗架啦 係出面買海鮮入來加工費仲貴啊，我地幾十年都係做咁你地少來啫。嘩，個女侍應嗰個表情直程當我乞兒咁。你哋唔諗吓當初疫情嗰陣時冇生意，你哋嗰面口。一餐飯睇清晒一間餐廳嘅態度，唔怪得知西貢海鮮餐廳俾人哋印象咁差，永遠都係覺得俾人搵笨。

啲阿姐服務真係超差， 我哋四個人－入嚟想坐窗口位，但係佢叫我坐厠所位，問佢點解，佢話窗口位要轉大枱，驚啲圓盤撞到我哋，點知𨍭個圈頭張枱比咗個三人客！叫啲阿姐斟水，居然掛住傾計唔彩我，－定冇下次！明明叫咗鳳爪，點知來了牛肉，仲話係我地剔錯，最後死死氣先換，等咗好耐未來，原來俾咗隔離枱。茶介收20元位，但係啲茶係普通貨式，都係果句，真係冇下次。冇下次冇下次冇下次冇下次冇下次冇下次冇下次冇下次冇下次冇下次

6月12日天氣酷熱，因唔想再被困冷氣空間内用饍，揾食肥華决定帶靚媽入西貢，選檡呢間近碼頭海傍嘅酒楼，飲茶食午餐，平日星期一至星期六午飯時間，此酒楼都有特價碟頭粉，麵，飯，供應，收費相宜，加上點心及茶位收費，亦係一般市區酒楼水平，但若你選擇此點室外坐位進餐，就可以擁有到一個，令你心曠神怡，碧海藍天，嘅靚景陪你共晋午餐，而此店自制點心及食品，雖非特出但亦算Ok，再配合四週自然漁港環境，可以令肥華和靚媽，呢餐海景午膳飯，嘆足兩小時💯👍👍👍👍🤩🤩

洪記海鮮酒樓豆豉炒蟶子蟶子新鮮👍不過炒得有d咸蒜蓉粉絲蒸元貝依碟餸係唯一全晚熱辣辣嘅餸🫣而且係最好食，元貝鮮甜🙌🙌🙌👍而且粉絲調味得好好龍蝦炒伊麵都幾多龍蝦🦞而且都啖啖肉，不過龍蝦就唔係好夠新鮮🥲同埋唔夠爽甜彈牙🥲但好彩個伊麵都好食👍薑蔥焗蟹份量都幾多，而且都炒得幾入味😎👍📍 洪記海鮮酒樓 (西貢)西貢海旁廣場兆日大樓地下6號及9-10號❤️‍🔥價錢：6.5/10❤️‍🔥味道：5.5/10❤️‍🔥服務：8/10#hkfoodie #西貢美食 #西貢海鮮 #西貢好去處 #香港海鮮

嚟到西貢又點可以唔食海鮮🦞，之前成日都好驚食海鮮會俾人劏，呢一度嘅二人海鮮套餐就啱晒我哋嘅口味，除咗份量足料之外，仲可以食到想食嘅嘢！$498就可以喺item裏面任揀四款，性價比高之作💖四款裏面，🖤黑白配⚪️就揀咗芝士波龍伊麵、清蒸䱽魚、豉椒炒蜆、白灼海生蝦仲會送埋清炒蔬菜俾你👍🏻👍🏻👍🏻䱽魚用咗甜豉油同埋大量芫荽清蒸，所以食落去個魚係好入味好夠味 🐠 炒蜆略嫌有啲美中不足就係都食到有沙，不過勝在佢個豉椒味重，所以食落去幾開胃白灼蝦個質感幾新鮮，同埋都食到蝦嘅鮮甜味芝士波龍伊麵🧀係🖤黑白配⚪️嘅最愛🙀，份量足料之餘仲真係食到龍蝦嘅啖啖肉

疫情後剛剛開關，我們還未準備好出外旅行，於是到了西貢一天遊。走累了，就在附近找一間海鮮餐廳晚膳。雖然當晚客人很多，但還是很快找到位置。餐牌有二人餐四人餐和八人餐，價錢由500至2000都有。雖然說是二人餐，但動不動就最少包四個餸或七個餸，份量很多，基本上三個人share還可以。最後，我們決定點一個$498優惠二人餐，包四餸一菜。四餸一菜包括；清蒸海上鮮白灼海生蝦豉椒炒蟶子椒鹽焗鮮魷上湯白菜質素方面，雖不說很美味，但都是正常發揮，物有所值。相信更隔壁幾間海鮮餐廳質素差不多，該有的鮮味還是有，該有的調味全都不缺。但不要期望有什麼服務質素可言。始終這類大排檔買的不是服務，總之不是太惡劣就算數了。