洪強原味清湯腩咖喱專門店

營業中

休息中

今日經過附近見有淸湯腩食就同朋友試下，一試果然唔錯。清湯腩(我地叫左爽腩)味道好鮮，肉好嫩，咖喱牛腩好香濃，相比番茄湯麵，可能另外兩様太好，相比下有d清淡。去開附近可以一試。

今天是重陽，來個到洪橋的小遠行，一試平時人多勢眾的牛腩鋪。時候還早剛啓市，揀了最凉快的中間座，的確是個好開始，召來了招牌咖喱牛腩湯伊麵和清湯腩粗麵，兩麵皆有嚼勁，咖喱算是廣式但香料很夠，配上洋葱蓉碎看得出用心做的，清湯也不馬虎少味精，腩是上等肉腩不肥也嫩滑，伴上適量夠腍的牛筋好充實，入味就更不在話下，值得一提是這裡的牛不很酥的對怕酥的人是佳音，分别是$35及$28的麵如此講求質量十分超值，也多得老闆棄市區而選租金較廉的屯門鋪址了。

咖哩豬排飯咖哩好香， 好多煎香左既豬排， 好好食！ 食唔哂最後打包走！咖哩筋腩伊伊面唔會太淋， 牛筋同牛腩勁入味同淋！ 熱蜂蜜咸柑桔必試！ 真係浸出黎個d~ 總結， 食物好味道+食完唔口渴！ 疑似老闆既男人態度好到不得了， 對客人好親切！一定會再黎

敢在屯門牛腩河的名店（屯門人一定知道的）對面開一間「清湯腩」，簡直就是一種挑戰啊。佩服老闆之膽識，週末就來一試。店裏佈置寬鬆，採用厚實的木桌，感覺不錯。我和老婆叫了清湯崩沙腩與清湯腩,另加腐乳通菜與魚皮...老婆的牛腩河先到，一試牛腩，有點失望...牛肉汁沒有鎖住，就像放在湯中煮了很久的肉渣，而且不太咬得動（韌）...清湯清淡，味道單一...可以判斷是沒有味精的，但也缺少了食物的那種鮮味。剛剛開始的鋪頭就要達到對面的水準，是我要求過高嗎？屯門牛腩河的店不多，希望這家也能夠繼續進步吧！

有日放工好想食清湯腩。搵左成個屯門都係得呢間，所以黎試下，男伙記（可能係老闆）招呼周到，讚。清湯腩肉幾爽，有牛味，湯亦都好味，比起中環九記呢間更加有心做，下次會再去！

之前一直有黎食開佢既清湯腩，今次同友人黎本身諗住試佢既原味清湯腩！發現有新產品，就係蕃茄濃湯大胃王，我決定推薦友人試原味清湯腩而我就試佢既蕃茄濃湯牛坑腩，估唔到蕃茄湯同牛腩味咁配襯，比一般的蕃茄牛肉麵要好食幾倍，而且食完唔口渴 。而友人試過清湯腩後亦表示味道不錯，牛腩爽口不黐牙。除左傳統的牛腩河仲有較新式而且不太膩的選擇實在太好，環境光猛整潔，係落街食飯好選擇。

住左屯門廿幾年都未聽過有清湯腩專門店食，今次黎到試左佢既清湯崩沙腩！而友人叫了佢既咖哩腩伊麵，崩沙腩好爽好有咬口，牛味亦好重。清湯食到有牛骨香味，而且食完唔好口渴 。而友人的伊麵配上咖哩竟然如此配襯，咖哩味香濃但不膩。另外佢既特飲咸柑桔亦不錯。只能說我會加進我的日常飯堂名單，其中原因是老闆非常好客，此店亦有電視播放，舒適小店。

今午去試清湯牛坑腩和清湯崩沙腩，除了這兩種，還有肥牛腩，牛腩及牛根腩，自製牛丸，鯪魚頭選擇，而湯底方面：不錯，很清沒潻加味精 (也是他們標榜)！牛腩有咬口，但對於一些沒有牙力的年長老朋記，就比較黏牙的感覺！相對附近兩間麵店，已經相當不錯！隨了一般清湯外，還有蕃茄濃湯及咖哩選擇！下次該會再來試餘下兩款味！可惜是沒有外送服務！若要回家亨受！就要親身到店或致電自取！

之前住鰂魚涌成日去佑民街食清湯腩，冇比較就以為好好食，㸃知搬左入屯門找到一間好食個佢十倍既清湯腩，清湯金香腩，咖喱爽腩，湯底濃香冇味精，本人覺得𠈄既咖喱好特別一定要試吓！