津城 名廚點心 (已結業)

終於第一次嚟食，好幾次都錯過咗，聽聞唔平，不過都唔錯，即管試下。店員比我感覺……係舒服嘅，招呼我一坐低，就主動話我知今日有乜例湯？邊個菜式仲剩返最後一碟？然後;話比我知有兩款茶，我可以選擇。首先，我叫咗個菊花普利茶，菊花味……好香，普利茶……好滑！可惜，個例湯……水多料少，得個"咸"字，呢個扣分！鴛鴦燒賣皇，賣相幾靚，材料都好足，味道平平！好彩之後嘅……芥茉煙三文魚春卷、XO醬煎蘿蔔糕、豉汁排骨陳村粉及鮑魚雞粒炆飯，色、香、味都好正！特別一提，要讚……食物都夠熱！

新開張，特登去試吓好唔好食！以海怡商場既食店來說，津城既裝修算是很好，有格調，令人覺得佢好有誠意。👏🏻他們的茶是自己泡製的。雖然是任添，不過不是一壺壺上，要叫侍應添茶，令人有點不好意思，所以雖然給了茶錢，最後也只是飲了兩杯。如果每桌有自己的一壺茶會好點！馬拉糕好味！鹹蛋魚皮三文魚飯幾香！海鮮泡飯ok，湯多過餸。陳村粉也算特別。最後唔夠飽，所以再叫了一個炒烏冬，不過不失。整體來說也不錯。感覺不是屋苑食店，好似出左去銅鑼灣食飯咁。不過以每碟餸既份量來說，價錢都算偏貴，一試也無妨吧！

現在試業中，營業時間為上午10時至下午四時，下午六時至晚上10時。今天和家人去試晚餐，要六點去入席，否則坐滿了就要等到七時以後。我們叫了鹹蛋魚皮三文魚炒飯，排骨陳村粉，小籠包，和蘋果燉桃膠。最好吃是排骨陳村粉，其次是鹹蛋魚皮三文魚炒飯。蘋果燉桃膠是半價的所以試試，都幾好味😋。小籠包也很好味，總之點心上菜都是非常熱的，很好👍🏻👍🏻👍🏻下次想早些來試試其他點心，因為很多點心都是供應至四時而已。

「津城名廚點心」是剛開業的新店，採用深色色調作設計，裝潢略帶泰式風味。餐廳全天候供應各式點心，另有少量小食小炒可供選擇。整體而言，點心水準只屬中規中矩。做得相對好的食品有「日月蝦餅」及「蒜蓉炒萵荀」。前者勝在香脆，後者勝在爽嫩。「津城鮮蝦餃」、「醬皇蒸鳳爪」及「鐵板黑椒豬手」水準平平。「鐵板黑椒豬手」炆得幾腍，但欠缺脆皮有點美中不足。「蜜汁薰魚」及「海皇脆米泡飯」是做得比較差的食品。薰魚用上龍脷柳完全乏味，口感鬆散。泡飯雖然用「海皇湯」浸煮，但效果有欠理想，海鮮不太出味，食味單調。以「沖繩黑糖馬拉糕」及「蘋果燉桃膠」作甜品。「蘋果燉桃膠」膠質感不重，味道甜中帶酸，挺醒胃，放在飯餐末段也不覺負擔。未知是否新張緣故，各糖水有半價優惠。「津城名廚點心」既然以點心作招牌菜，小編難免對有關食品的要求會高一點。小編也明白新店新張期間磨合需時，下回會再次光顧，期待各方面也有所進步。