洞天茶餐廳 (已結業)

野食ok, 環境太迫, ok乾淨, 服務表面ok, 但態度唔要得.好像搶客似的, 唔理已坐客人, 掛住大叫搶客..冇位話有位...等人入左先算.落錯單黎錯野唔想換.

不停叫人入來, 但根本沒有位. 都算數.食野期間, 有人叫炒河, 黎左炒意..果個人同佢講話唔係要意, 係河...個女待應扮聽唔到行開左...跟住不來係俾錯客..因為另一個叫炒意...但俾左之前果個客既炒河佢...個好似老闆既女人竟然大大聲叫個女待應"睇下有冇客要...賣左佢啦" 唔係咁做生意呀?? 好似蝕唔起一碟炒意咁...跟住有客走個女待應叫佢收錢...佢話.."我叫緊人入黎食呀..去左隔離果間啦..."要個客等佢拉完客先收錢....真係唔知咩做生意既態度... 野食方面...叫左常餐同焗吞拿魚意粉...麻麻...焗吞拿魚意粉係下午茶...但同午餐一樣價錢....

** 此食肆的第五個笑面**16-2-2008 (Sat 年初十),同女友人CK,CL,男友人EC唱完K後,由於唔太滿足且口痕,於是沿路行去警察遊樂會時就順便搵茶餐廳.大約5:15pm o黎到,我o地叫o左下午茶餐,我要$15.00 o既奶油多加$3.00o既凍檸水.我呢個咁簡單多士,牛油唔係好多,不過都不過不失o既.CL要$18.00o既西多士,飲熱檸水佢加o左好多糖漿,我試食一件,覺得好漏CK要$20.00薯條魚柳沙律,飲熱檸茶佢話魚柳好正,好熱,好好味.我又試吓,係喎,幾好味,好過麥當勞o既.EC要$20.00薯條雞髀沙律,飲熱檸茶又係雞髀?o黎到時,CL第一句問隻雞髀有事啊?(因比Neway o既更細隻),我冇問EC呢個點樣,不過應該都OK o既.原來呢o度o既熱飲唔係細杯o個種,都幾抵喎.服務:女侍應應該係新手,我o地叫o野要等佢寫完一樣至可以叫下一樣.環境:唔太舊o既荼餐廳,卡位枱同椅o既距離不足,太貼,但長度就夠.註: 點解話競爭激烈呢,因沿西洋菜街行時,中途有個人勁sale一間樓上café,我o地冇睇清楚咩名,亦冇理佢,但佢都’跟’o左我o地起碼四步.而o

今晚收工約老友【小不良】,因佢去完石埉尾踢完波,會合到太子搵地方食飯。經過呢度發覺價錢唔錯又有位,而【小不良】又話勁口喝,咁就一齊入去坐低先。阿姐服務都幾有禮貌,不過就完全似外行新手,【小不良】話要炒公仔麵,阿姐竟然報價$18元,我重複提點佢都係當湯麵,之後都唔維難阿姐,大家都係打份工搵食唧!【小不良】叫左豬潤湯米+凍檸茶,我就叫梅菜扣肉+凍奶茶。【小不良】食佢冇俾意見,亦冇話好唔好食,所以唔多清楚無謂亂比食評。我果碟梅菜扣肉飯,10分滿我俾8分,味道好梅菜加扣肉份量多,碟飯又大碟好抵食。杯凍奶茶又係10分滿俾8.5分,果條街$30元一碟飯,凍飲另加$3元。例湯又係送一般普通,但送都算可接受,加埋共$33元,旺角講真係好抵食。座位ok好坐,鋪內空間淺窄少少。但下次我一定會再幫襯~

見這裡的食評，好像幾好，但給的分數竟然這樣高，而且又是非會員，但也想來一試，看看食物質數是否真的這樣高。看完餐牌，決定叫海鮮什菜煲和薑蔥蒸紅，套餐跟例湯。例湯- 味道幾鮮甜，飲完都唔會好口喝，幾好。海鮮什菜煲- 海鮮主要得魷魚和蝦乾，而魷魚又煮得偏韌，蝦乾又不能送飯，最好食只有粉絲，都算幾貨不對板，真好笑。薑蔥蒸紅- 因為係蒸魚，等了很久才上，自已最喜歡魚汁撈飯，但看到條魚，怎麼完全沒有鼓油汁呢？心想：唔緊要啦，條魚好味就得啦；第一口食下去，魚肉偏韌，完全蒸過火的感覺，魚肉沒有什麼味道，薑蔥味又唔夠，實在非常失望。兩味菜都這樣，最多只可以說是普通，離開好還相差很遠。

今天和朋友試了這間茶餐廳的沙薑雞、蒜蓉蒸鱔和琵琶豆腐。即叫即做，好好食的呢，又很大碟，十分開心！

星期日打完波, 見呢間新開餐廳咁新淨，就試。我一家4個人叫4個小菜套餐:西蘭花斑片椒鹽鮮魷涼瓜黃立倉紫羅雞球除鮮魷硬d 之外, 全部都好好味, 有酒樓的水準, 而且碟好大, 碗飯好大, d湯冇味精。如果我屋企附近有一間咁茶餐廳, 我一定會時時去食!

這天和家人去到旺角閒暇，無意發現始創中心後面有一間新開的茶餐廳．見它很光猛潔淨，便和家人走進去試一試，反正沒其他心水．我們點了一些中式菜，包括一份涼瓜黃立．這份菜可以形容為喜出望外，因為它做得實在出色．涼瓜很甘甜，很易入口．和老闆閒聊，這些涼瓜原來經過三天的冰鎮，始有這般甘甜的味道，口感更佳．魚也煎得很香很滑．一份套餐連老火湯，菜及白飯，都比一般餐廳的大，而價錢相宜，才４０元，抵讚！