泰‧蘭花 (MegaBox) (已結業)

岩岩食個lunch ,已經唔係多人，湯同沙律都唔知去左邊，用左45分鐘追左4次先黎，餐飲叫凍齋啡就黎杯凍咖啡走糖，食到2點都冇哂人啦，叫埋單又要等成十幾分鐘，完全唔掂唔怪之得食晏時間都唔駛等位，walk in 都有位，原來係咁

12點鍾去到冇book都好彩仲有位仲要有梳化位Set lunch有沙律/湯飲今日係札肉沙律微微辣開下胃一陣食多d海南雞飯嫩滑配上特制的飯味道倍增(其實唔係我食，我聽我fd形容)咖哩軟殼蟹配白飯超正! 軟殼蟹份量有一整隻雖然 餐牌上有一隻辣椒但係其實唔多辣，沙律仲辣個 咖哩汁勁香濃 配上 椰汁及蛋花配上軟殼蟹送飯一流

漏單(冬陰公湯及炒椰菜苗)。。。追了四次。。。等了一小時。。。只來了湯。。。再追兩次。。。再等了半小時。。。問經理。。。等，等，等。。。經理繞路避開咁嘅服務，差差差。

I like Thai food very much, so I checked this restaurant out. My family and I ordered the 2 people set dinner and some appetizersThe food was as great as expected. Lots of herbs. Very Thai ! The eating environment was decent as well. Comfortable and not too noisy. My favorite was the tom Yung Kung soup. At first I was scared it would be too spicy but it tasted very good! Flavorful and the chef wasn't selfish with the herbs I would recommend this.

今日嚟咗宜家shopping,行到勁攰先食晚飯。原本想去食茶木，但要等成十幾張枱，有位都唔比人入，仲點等....朋友間唔中lunch會食呢間， 見呢間唔洗點等位（等兩枱姐），ok 啦。我平時都間中食泰菜，但呢間就少食。兩個人叫咗個蝦🦐膠讓皮蛋，皮蛋好juicy,但🦐膠比較薄。仲有椰青海鮮焗飯同喊魚炒芥蘭，呢個椰靑焗飯就正喇，汁嘅濃度及味道岩岩好，少少甜，而且海鮮足料，份量比想像中多。但個炒芥蘭就唔得喇，無乜喊🐟香味，加上芥蘭很老。最後朋友叫咗杯菠蘿冰，佢話平時lunch成日無....但佢話今日杯冰都一般姐，無之前咁好飲。不過睇杯冰個樣都知啦

星期六晚要喺九龍灣搵食，mega box人流冇咁多，實在係gathering好地方！同幾位姊妹行完街，黎食泰國野～店內9成滿，唔洗等位！店內環境唔錯，我地仲有卡位坐，但係個吊燈好大舊好有壓迫感，朋友都爭d撞到，雖然我地坐底時侍應都提點小心，其實不如換左佢啦講完廢話～野食大致不錯我地4個女仔都食到飽飽的！小食拼盤，非常豐富！較敗筆係葉包雞的雞肉比較鞋口，唔夠滑冬陰公湯推介！好味又足料，讚飛天通菜，不過不失！豬肉生菜包少少微辣，生菜夠新鮮爽口，推介！泰式金邊粉，份量夠，酸酸甜甜夠醒胃～青檸烏頭魚，塔塔子本身麻麻地烏頭，但呢碟魚夠鮮，湯夠濃，青檸夠酸夾下夾下都食唔少塔塔子喜歡的泰式奶茶，唔會太甜，有茶香，解辣一流另外朋友叫左咸檸梳打也不錯～食咁多野最後埋單都係每人$200左右，我地都覺得抵食環境亦適合坐耐d下計，happy Saturday!

是日下午6:00到達, 一行六人, 不用等位, 點了以下菜式 :1) 炭燒豬頸肉 $88 (個汁一d都唔辣, 只是咸咸地)2) 串燒 雞牛豬 各兩串 $108 (串燒既肉唔錯, 但個沙爹汁就...又稀又淡仲要放埋一齊)3) 芒果炒牛柳粒 $128 (尚算ok, 最好食係芒果, 夠甜)4) 菠蘿炒豬仔骨 $138 (豬仔骨超大件, 應該再切開一半的話, 就更易放入口)5) 紅咖哩配燒鴨 $98 (唔錯, 鴨無"酥"味)6) 冬蔭功大蝦湯 $98 (夠濃夠酸, 仲帶少少辣, 唔錯)7) 鹹蛋王抄魷魚 $98 ( 正 ! )8) 原隻椰青炒雜菜 $86 (好特別既菜式, 唔錯)9) 蟹肉炒粉絲 $96 (唔似蟹肉炒粉絲, 同招牌炒金邊粉一樣既味道)因原本"蟹肉炒粉絲" 黎左 "蟹肉炒西蘭花 $86" (都唔錯, 只係西蘭花硬左少少)後加 : 招牌炒金邊粉 $96 (比較濕, 唔似出面泰國菜咁乾身)總括黎講, 食物出品都算唔錯架啦 ! 只係其中一道菜黎錯左, 都唔緊要, 黎錯既 "蟹肉炒西蘭花" 我地話可以照要, 因為黎錯左, 呢樣可否比個折頭, 而 "蟹肉炒粉絲" 便要重新落單, 而侍應話幫

復活節第二日假期，去試下呢晚餐，六點開始唔使訂枱，香炸蝦餅皮蛋好味新奇又應節，流芯皮蛋外脆內軟再點上泰式酸甜醬好開胃。燒烤魷魚軟綿綿唔會好靱。炸軟殼蟹完全唔覺得油膩，唔會太鹹味道恰到好處，我們對以上三款食物讚不絕口，服務人員態度好友善，做事好有效率啊！下次會再來。活節第二日假期，去試下呢晚餐，六點開始唔使訂枱，香炸蝦餅皮蛋好味新奇又應節，流芯皮蛋外脆內軟再點上泰式酸甜醬好開胃。燒烤魷魚軟綿綿唔會好靱。炸軟殼蟹完全唔覺得油膩，唔會太鹹味道恰到好處，我們對以上三款食物讚不絕口，其次泰式海南雞叫了半隻，好有鷄味，肉質嫩滑，一點也不感到鞋，完全估不到；青咖哩牛腩就失色咗了，牛腩不夠入味同埋一啲都唔覺得辣，最後甜品，試了第一次食的香芒糯米，超出預期的好味，芒果唔酸好好味配合糯米同紫糯米原來是咁夾的。整體來說呢間餐廳環境給我有一個好舒服嘅感覺，好relax ，服務人員態度好友善，做事好有效率啊！下次會再來食過和試下其他新菜色。

約左朋友係megabox行街，行完搵飯食，咁岩大家都鍾意食泰菜，就揀左呢間泰蘭花喇！兩個人食嗌唔到太多野，小食叫左個我至愛的炸蝦餅其實佢係有8小件（我地食左兩件先記得要影相🙈），蝦餅炸得都算鬆脆另外叫左個紅咖哩配雞肉，雞肉不過不失，我幾鍾意個紅咖哩，幾惹味，但可以再辣少少配埋個薄餅，正！食泰菜必點的炒金邊粉，好大碟，但得兩隻蝦我覺得個粉炒得濕左少少，唔係我食過最好食的炒金邊粉。總括而言呢餐都算合格，最鍾意個蝦餅同紅咖哩配薄餅！

公司一行8個人，收爐前拆餐泰菜！比起九龍城，呢度當然係環境坐位都寛敞闊落，唔洗坐街，不過味道差過九龍城好多！照例先講好食既！青咖哩雞肉+包（辣味岩岩好，個包款都好夾，包面唔乾，吸左汁口感都ok，不過汁略厭少，等我地仲+左蒜蓉包同薄餅粘，完全唔夠）飛天通菜（都嫩既）串燒 雞+牛（雖然燒到有啲乾，但係個沙嗲汁好食！不過朋友問點解唔係分上！）薄餅（一落台無哂）中間既有～芒果炒飯濕炒河粉（兩個都唔係好記得全名，無咩味）芒果糯米飯（個白糯米無味，紫既好啲）唔得既有蝦多士（炸到成舊唔知咩野禁，件多士係隻蝦既10陪，只係蒜蓉包個種包，加粒蝦仔係頂，然後羅去炸到超大舊）蒜蓉包（又乾又硬，口）估唔到蝦多士係禁，呢兩樣揀直係重order！野飲完全唔掂椰汁冰得奶味，喊檸7，青檸梳打同檸蜜無分別，食完先上都不在話下，上到錯哂，黎極都係錯既起碼有6杯，薑啤等到傻，想埋單先同我地講無侍應都點點下菜無啦啦話兩份，“下？兩份？”侍應 “唔係同你地講，我同我啲同事講”到幫返我地點菜既時候，問我地係咪要兩份９唔答8，又無禮貌！野飲罷底唔講係咩！杯杯都有粒檸檬，仲要青檸，咸檸一樣色下次都係去九龍城食好過！

在商場消費儲積分，換了泰蘭花的無骨豬手煲，可以免費食好西😂這個熱辣辣的無骨豬手煲等了半小時才上枱，豬手又滑又嫩，很入味，重點是沒有骨，值得推介👍🏻我們另外點了泰式濕抄河和蟹肉扒西蘭花，由於我很喜歡吃西蘭花，Nosir很喜歡濕抄河，所以雖然沒有飯，但最後我們將蟹肉混在濕抄河中一超吃😂當然蟹肉扒西蘭花還是配飯最好😅對我們來說泰蘭花是有點貴的，所以每次都等商場會員推出積分換領卷才會光顧，年中省了很多$啊🤑

每次嚟到MegaBox都會想食呢間泰國菜因為覺得佢食物質素好高非常有泰式風味來到當然要點冬陰公湯入邊真係有成隻大蝦絕不欺場呢個冬陰公湯酸味較為重唔算好辣我屋企人怕辣都飲唔到飲完覺得好開胃跟住就點左一個黃金炸魷魚佢係用鹹蛋黃調味之後再油炸食落去會比較油膩不過真係炸得好香口呢啲野都係少食多滋味另外點做個小食拼盤入面有魚餅蝦餅春卷蝦片蝦片夠香脆春卷入邊有粉絲同埋雜菜春卷皮厚度適中魚餅就有好香嘅香茅味至於蝦餅夠彈牙！

下午茶。$178加一。普普通通。甜品有大菜糕 西米糕 千層糕。西米糕的西米未熟透。千層糕最香香葉味 亦都算軟熟。熱食～串燒 蝦餅 魚餅 香葉雞 春卷 蝦片 豬頸肉 豬肉生菜包。魚餅蝦餅彈牙 夠熱辣。蝦片不脆。春卷不過不失。香葉雞比較硬。豬頸肉唔夠熱 但肉質OK. 豬肉生菜包的豬肉超硬又凍 擺明煮左好內。總括來說 應該唔會食下次。飲品包兩杯。咸檸七 青檸梳打 叫左走甜 都可以好甜。好奇怪。

約左好耐無見既朋友出來食飯, 本身唸住一齊食放題但係已經訂唔到位LU, 咁就轉左去食呢個泰國菜啦, 出奇地好食呢間野!酸辣無骨鳳爪沙律 – 凍凍既鳳爪加上佢酸酸辣辣既汁非常開胃好食, 而且鳳爪已經去埋骨可以好方便咁食.泰式小食拼盤 – 佢分別有蝦餅, 魚餅, 炭燒豬頸肉, 香葉包雞同春卷, 整體過得去啦. 豬頸肉唔會好乾而且仲得出炭燒味道, 而且佢既醬汁都好好味!原隻燒魷魚 – 好大隻既魷魚, 睇落去好似好乾咁但其實仲有肉汁, 而味道就好似魷魚乾, 但小心食滯! 哈蝦串燒 - 蝦肉彈牙, 但燒得乾身左小小.椰漿海鮮炒飯 – 賣相已經唔錯, 而個飯沖滿椰漿, 所以睇落會濕濕地但好好食的, 而且仲有小小海鮮.鹹魚炒芥菜 – 炒得好野味, 合格啦.整體食物真係唔錯, 特別鳳爪沙律酸酸辣辣真係想食多幾次! 哈

返工午餐經常求其食。耐不耐都要對自己好一點。今日食貴少少啦。前菜有泰式粉絲沙律，真係幾辣下！酸酸辣辣，好醒胃！泰式肥牛湯河，湯底色澤清澈，但味十足，肥牛肥瘦適中而不韌，河粉很滑👍🏻大菜糕+椰汁糕呢間甜點確不錯。大菜糕清甜，椰汁糕的椰奶很香滑👍🏻