泰鬼汁

營業中

休息中

今日行過見到泰鬼汁決左要試新嘢為左個脆豬黎食，但見到有雙拼，有埋豬頸肉順手試埋！個飯一黎到，見到賣相都唔錯👍🏽有擺下盤，又有兩條菜脆豬d皮都算幾脆，不過唔夠鬆化。肉有少少咬口，可能冇太多脂肪，應該要用五花腩？豬頸肉，望落不過不失！不過個人認為切大塊少少口感會好少少！！隨餐奉上佢招牌汁，有別於一般泰國店既汁，同其他泰國餐有啲唔同，有啲誠意既！味道好醒胃，夠酸微辣！真心呢間值得支持既小店🫶🏻🫶🏻

朗屏西鐵站往天橋行左边5-10分鐘嘅一間泰國菜小店，地址(元朗俊賢坊18號權益大樓地下8號舖)，價錢十分親民份量又算多，平均每個人$50-$100，我就叫咗個豬頸肉拼脆肉飯， 豬頸肉食起身好有咬勁再點埋佢嗰個泰式醬幾好食，泰式醬嘅味就會好似泰式生蝦上的醬汁，食起身又香又唔會肥膩，另外雙拼嘅脆肉，其實就係燒腩仔，不過佢上面嘅皮畀燒腩仔脆好多，食起身好似爆谷咁超脆，另外叫咗杯餐飲，同個friend一人一份都係137蚊。 整體嚟講我覺得算又平又好食，住朗屏附近嘅人可以嚟試試。

因為另一間本身想食嘅日料太多人等，行行下行到呢間見到雖然睇落平平無奇，但見到個冬陰功好似好好食，就入咗去。入邊其實ok大，見到個menu有我最愛食嘅豬頸肉，即刻轉態食燒豬頸肉飯。個侍應仲好好咁推薦d隱藏menu（例如綠檸檬茶（飲落好神奇））。黐線，好食！好好食！個豬頸肉燒得啱啱好，仲要份量超多唔係講笑，自己睇相。個汁都好正，酸酸甜甜帶點辣凍檸茶唔係港式個隻，泰式！可以試問有冇隱藏menu（芒果糯米飯）超好食，溫溫熱熱，甜甜糯糯真係會再黎（因為我真係好鐘意食豬頸肉）

朝早出元朗辦完事之後想搵個餐廳食個lunch，誤打誤撞就去左個門口唔係特別顯眼嘅餐廳，本身見到冬陰功好吸引就入去。坐低之後先睇睇環境，其實都幾新淨寬敞，裝修簡潔舒服，心入面已經幾期待。睇睇個餐牌，突然心思思想食豬頸肉，就改變主意～最驚喜係侍應哥哥竟然同我講話「頭先唔係話冬陰功好正咩」，估唔到原來未入門口已經留意到客人需要期待已久嘅豬頸肉終於上檯喇～見到份量比想像中大很多，切得岩岩好，一擺入口連埋自家製嘅汁，酸酸甜甜好開胃，肉質就更加唔洗講，一流！正！野飲係從來都冇試過嘅檸檬綠茶，好特別好新穎，價錢加埋都係$70有找，好正！食飯途中同侍應s傾計有講有笑，言談之中得知原來餐廳廚師對食材好有要求，寧願自己食都唔將唔滿意嘅食材整比客人。可能見我地對佢地嘅出品讚不絕口，佢地主動同我地講話有隱藏甜品menu！梗係要試下先！去到寫到呢句嘅時候仍然滿懷期待等緊甜品上黎，但係已經好肯定呢間係以後會keep住幫襯嘅餐廳，果斷推薦比大家

▫️🔍 Thaikwaychap泰鬼汁📍 香港元朗俊賢坊18號權益大廈地下8號舖▫️📝  ★★★★★ 👍▫️▪️▪️▪️▪️▪️▪️▪️▪️▪️▪️🇹🇭 泰國家庭式經營，樓面兩兄弟超熱情招待 ❤️‍🔥 鬼汁即係捲心河粉既泰文讀音 🔊 喺香港超少見，去元朗不妨試吓 🙌🏻▪️▪️▪️▪️▪️▪️▪️▪️▪️▪️▫️【 招牌鬼汁 】 HK$55🥣 湯底唔辣甜甜地，卷心河粉爽滑彈牙 🛝 仲可以包住啲湯汁一齊食 🐖 脆豬皮香脆，浸落湯索哂湯汁好正 🤩💡老闆仲介紹我哋食鬼汁時，配埋泰式酸辣汁 ，味道會更加昇華🌟👇👇👇👇▫️【 冬陰功湯河 】 HK$53🥘 湯底唔太辣，味道傳統酸酸甜甜易入口 😋👇👇👇👇▫️【 燒魷魚 】 HK$58🦑 大大份價錢好抵，配埋泰式酸辣醬夠惹味 🔥👇👇👇👇▫️【 串燒雞/豬 】 HK$15🐖 豬肉燒完都好juicy 🐓雞肉就略嫌乾身咗少少👇👇👇👇▫️【 樽仔奶茶/綠茶 】 HK$16🧋 飲品貫徹泰式風格，就係好甜！不過茶味濃 🍵👇👇👇👇▫️【 木薯糕 】 Free🍮 老闆送泰式木薯糕俾我哋試下，不過味道偏甜 🥹▫️▫️完！▫️▫️