泰閣 (中港城) (已結業)

今天約咗人食飯但昨天一諗到尖沙咀一定人山人海所以上open rice睇有咩好介绍發現中港城有泰國菜而且評論不錯所以即打電話訂位。今天去到環境唔錯喎。我們六點到侍應即送上三杯水服務不錯。打開餐牌見到有二人餐食物唔錯就叫了（$368）另外加了牛油煎餅點咖哩和棷青。一行三人原想再加燒豬脾和沙律但侍應很好叫我們先食住嗰餐加個沙律先唔夠至再叫燒豬脾呢點即加分。上菜速度快，請侍應為我們分湯侍應即刻去取碗分無黑面！三個人吃了六百元抵吃！有機會大家不妨試吓~

公司樓下呢間泰國菜一向人不少，因為懶排隊所以一直都未去食。今次有同事攞定位，終於都可以一試。環境ok，枱比較細，Lunch time大家都出來覓食，搭枱是必然的。同事個泰式豬脾飯認真吸引，勁大份肉，而啲汁油光令令，見者心動。豬皮富有膠質，而肉的口感都幾嫩，抵讚。而我份炒飯同豬脾飯相比，簡直一個天上一個地下。又乾又難食，肉都無幾粒，配埋肉鬆更是難以下咽。加錢配咗兩顆椰青，以清甜椰汁解救我乾涸的喉嚨，裡面椰肉都好嫩，唔好浪費，可以刮埋食。計上加一人均要一百，對於返工lunch黎講，都算幾貴。

大年初十唔想開佢年都唔得！12點半落咗單要午餐既炒金邊粉，等咗半個鐘後，催佢，佢話炒金邊粉係耐啲。哦！多謝晒！最後40分鐘左右先到，雖然味道唔錯，但一.肚.氣。

Lunch set好低食！4個人食, 叫左：豬脾（好好食！大份！多肉！）咖喱牛腩（好食！但得3舊牛腩, 其他系薯仔）海南雞（好食！細份d, 雞有d少）Shrimp Pad Thai（好食！大份）椰汁糕（過得去）凍奶茶（麻麻）椰子x2 （正！）叫咁多野食, 都系每人$120咋！如果冇lunch set menu 叫, 就會貴d嘞！平日Lunch去好多人！記得打去訂位！

昨天晚上和朋友們慶祝生日聖誕節兼交換禮物。已訂好位於尖沙咀中港城的泰閣餐廳，已經是第N次光顧這一間餐廳，因為之前一直覺得這𥚃環境和食物質素不錯。又易訂位。食物味道真的退步好多，例如生蝦以前好大隻肉厚，今次縮了一半水。炸雞翼淡而無味，得雪味，炒金邊粉太濕，粉一團，太油。但最想說的是衛生環境和服務態度。晚飯中其中一位朋友就坐在我對面，談話不久，我看到他頭上天花位喉管有個影，一抬頭便發現老鼠在走動，（好大隻！）我立刻告知朋友，怎料老鼠在喉管上沿著我們方向走來，嚇得我們大叫兼奔跑，一會兒後，店員竟然冷靜地給我們帳單叫我們先買單，（我們沒有叫埋單！！！）然後第二隻較小的老鼠又跟出來，沿著水管走。跟著有兩個商場職員到來用電筒照喉管，（那會照得出什麼？？！）還有，兩個椰青優惠價為50元兩個，兩個椰青前後下單不可以計算為50元兩個，要用原價35元乘二計算，是什麼道理？他們還說不可以改，但最後我們堅持應該用優價計算，及餐牌沒寫明一定要同時間下單，再投訴有老鼠，最後才offer給我們可以改回50元兩個😤😤😤可恨我們實在太驚慌沒有拍照😑😑😑😑BLACKLIST!!!!😫😫😫😫

今日去食晚餐，食食下見到地下有一隻，嚇到想走，但隻老鼠跑左出餐廳，我地無咁驚坐多一陣，無奈又見到一隻，今次係天花板掉左落地，我地嚇到即刻走😱 d店員好似無反應咁，我準備聽日call食環

差到係要開個帳號黎留言！食物等左20分鐘都未黎。問佢要等幾耐就敷衍我要煮所以要等多陣。仲要唔係第一次係咁，公司係附近食過幾次，幾次都係咁既態度！食物再好食都唔會想再去

從澳門回來，順道便在中港城吃晚飯。就在中港城吃。朋友都曾到過泰閣，但我就第一次到。整體都不錯，可以再吃。柚子沙律-柚子夠多，只是沙律汁略嫌甜了泰式鳳爪- 份量很好，但鳳爪淡得幾乎是沒有味道，尤其是在上面沒沾到汁的那些。沙嗲串，沙嗲汁夠味，雞牛豬的肉都不會燒得太乾香酥油餅-略嫌油了點炒河泰式炒飯

我們十個人去吃，點了個八人套餐再外加一個菜，可能因為是在下午六點半，人不多，上菜速度很快。去之前看過不少食評，說大不如前，一開始還是很忐忑，畢竟第一次請姨媽一家吃飯。後來很驚喜發現，大家都挺喜歡吃！

中午去堂食,叫咗個泰式麵,上台時已經覺得細咗好多!以為租金貴,縮咗水!但後來隔離台同樣都叫E個麵,但人地個size大ㄧ倍!叫個部長來,又等左N噉耐!來左又話見唔到兩碟麵,簡直唔成認有問題!未見過D噉差餐廳!!無下次!!!

八點多來到，要等位，以為實係好好食啦。等了十五分鐘，有位。點了柚子沙律、泰式燒雞、冬蔭公、鹹魚介蘭、炒泰式金邊粉。柚子沙律：很酸、唔知點解個底好多汁泰式燒鷄：唔熟、又唔夠乾身冬蔭:算比較好鹹魚介蘭：啲鹹魚係未曬乾，一陣臭腥味炒金邊粉：濕到你唔信盛惠539.00一生人食過最差的一歺泰菜！

有飯局，朋友又鍾意食泰菜，所以揀咗呢間餐廳比佢試吓。泰式拼盤和沙爹當然唔少得 食物送上枱時熱辣辣，春卷同蝦餅都好脆；沙爹燒得剛剛好，唔太乾，味道亦很好。柚子沙律帶微辣 另外叫了蟹煲，隻蟹好大隻，不過就乾咗少少 整體的食物質素都唔錯，服務亦很好。

放工同同事食飯，見近近地，食評又好似唔錯咁，就試啦。星期四，冇book 枱 walkin 都有位，侍應態度唔錯，仲安排卡位比我地。叫左個2人餐，再散叫一個生蝦（$108)。佢個set 份量都幾多，其實3人食都可以。轉個頭已經上咖哩蟹，Er... 前菜都未食之不過見到隻蟹的賣相十分唔錯，又熱辣辣，最貼心係付送膠手套仲要唔係簿ee 果種！隻蟹好味味，肉唔梅但都未去到彈牙，個咖哩汁好正，撈飯一流。見到隻鉗，哇手掌咁大，好好肉，呢個位係彈牙的！而其實正在食緊第一隻蟹時，其他的餸菜都陸續到齊咁d 野食咪會凍曬囉點解會咁先。。。生蝦正常，個汁夠辣同事話太辣，但我覺得ok.冬陰公足料好味但攪笑在入面有炸魚。鳳爪係我有生之年食過最唔好食的，可以形容為...冇味淡茂茂囉，完全唔知發生咩事。炒通菜，平平無奇，菜有d 韌有d 油膩，唔係太好味炒飯乾爭爭味道似楊州炒飯，但楊州炒飯絕對好食過佢... 我地唯有用頭先個咖哩蟹個汁黎撈一撈先叫好 d.最後叫佢上埋甜品，正正常常。總括黎講唔太抵食，食物平平啦呢個價錢可以食更好。應該冇下次。

天氣驟降要搵D暖身食物暖下胃。今曰試試泰閣。餐廳裝潢摩登泰式，有D茶餐廳格局 .午餐單人餐的選擇唔多，多半都是粉麵。 今曰食的是雜錦湯河。 清湯得嚟有D味，份量正常，河粉滑溜。餸有扎肉，豬肉丸和魚丸及蘿蔔。肉丸和魚丸乃普通貨式，正常味道不突出。咖啡：強差人意， 雖是即磨但咖啡豆帶酸味，無論加多少奶，咖啡仍是酸的。以六十多元食這樣普通的粉麵餐，真的有點貴

選擇泰閣, 因她位置比較偏, 一般去食, 人不太多, 適合和朋友飯聚聊天. 所以選擇一月三十日和友人團年飯局.是日, 七位晚飯, 點了一個六人套餐, 另加幾個小菜, 普遍來說, 沒驚喜, 食物不過不失.但唯一令人不滿的是服務, 已預早一星期前通過電話訂枱, 告訴服務員希望留一張圓枱, 但服服員說不能做此服務, 那我們當天提早入座, 希望拿到圓枱, 訂了六時半, 我們六時去到, 看到圓枱, 但服務員說有人一早預訂了.(啊? 那為什麼我預訂時又說不能預留???) 好吧, 店裡有兩名操不太純正廣東話的店員安排了我們坐八人座, 但只給了七張座位, 我們要求可否多拿一張櫈? 因梳化一個座置我們放了七個袋, 七件外套和一些購物東西, 但操不純正廣東話的店員, 堅持不能給我們多一張櫈. 她回應是滿座. (但我們由入座到離開都沒有全滿!)那麼大的一家餐廳不可能給多一張櫈給人客放東西也不行吧? 而且本來是八人座我們來了七人也本應有多一張櫈的. 那兩名操不純正廣東話的店員態度也很差. 後來一短髮女經理出現, 她了解了情況, 才給多一張櫈.如此簡單的事, 也可弄到客人尷尬不開心的, 也真是第一次遇到.