泰開心泰式美食 (已結業)

SEP 20, 2009 (SUN) DINNER $264好有泰國 feel 嘅泰式餐廳，焗熱到我死吓死吓！拿拿聲order食完快D返去嘆冷氣先！泰式海鮮炒飯 ~ 大碟嘅飯，少少嘅餸，有青口、蝦、最多係魷魚，味道不錯！夠哂飽肚！泰式海鮮炒粉絲 ~ 係追加嘅！唔係唔夠食，而係見到鄰近張檯實在太吸引！哈哈哈！不過明明問咗係扎肉炒粉絲，但係嚟咗海鮮炒粉絲，雖然如此，還是無令人失望喔！:)同個炒飯簡直係相映成趣呀！點解咁講呢？因為呢碟比例剛好相反，少少嘅粉絲，多多嘅海鮮，唔通要秤返勻！HEHE！好多嘅蝦啦、青口啦，最少係魷魚呀！有趣唔有趣！仲唔係數住嚟炒，咁啱嘅！少得好乾身，顏色好靚，味帶微辣，好開胃！泰式燒雞半隻 ~ 等得最辛苦嘅都算係隻雞 lu ！食哂D嘢都仲等咗好耐先嚟！個賣相燒得好靚，上面一層蜜糖嘅甜香，好似燒緊嘢食咁！感覺像日式燒春雞的味道，SIZE 亦是迷你版嚟添！:)甜咖喱燒牛柳 ~ 甜甜的咖喱還是第一次品嚐，一時之間真的分不出咖喱是屬於什麼品種，像是青或是黃，像黃又像青，但一定不是紅咖喱吧！不管了，味道新鮮可口就是喇！牛柳也是像有燒，似無燒之間，真是廚藝的最高境界，但還是好味道呀！:)配菜薯仔就略遜，太硬了，唔夠時辰吧！:(馬拉盞炒通菜 ~ 在這豐富的晚餐，最貴最細碟嘅佢都算是冠軍吧！但通菜鮮嫩，咸香味一流，仲鑊氣十足，算是交足貨喇！:)椰青 ~ 大大個的椰青，清甜多汁，真能解一解一些焗熱喔！椰汁紅荳冰 ~ 紅荳大放提，滿放在整個杯裡，太多了，唔夠椰汁飲呀！白飯 ~ 咖喱汁嘅好拍擋就是呢一碗白飯，大大碗分了四份，滿足一下咖喱汁嘅威力吧！甜品 ~ 椰青糕 (送的) 好夠冰凍，整件放入口份外清涼，椰青味豐富！雖然焗熱咗D，但真係無改錯名呀！真的係一間食得開心嘅泰式餐廳！不停有服務生幫手加水，服務算唔錯呀！…查看更多

大人牛一之喜,跟弟弟夫婦一起在這間泰菜館為大人慶生,也將第900個食評留給大人的生日飯。四個人勁點了:酸辣鳳爪特別點給愛辣的弟婦,鳳爪雪得凍凍,外皮吃來彈牙,本身味道欠奉,蘸上少少辣汁同吃就刺激得多,又酸又辣的味道令人又愛又恨!!弟婦連伴碟的洋蔥也不放過,原來弟弟娶了一個辣妹!炸蝦餅炸得香氣撲鼻, 外皮香酥中帶點兒韌勁,可以炸得更香脆就好了!蝦肉也鮮美彈牙,可能是流量不太大關係,這裡的蝦餅沒有九龍城所吃過的美味,在泰農那次吃的蝦餅真的很JUICY,蝦肉鮮味中有肉汁的,這裡的稍為乾了一點。冬蔭功湯點了小 的份量嘗試一下,湯底味道椰香較重,所以喝來比較香滑,酸辣程度不太重,連我都可以飲的一定不會很辣,但真的頗開胃! 湯底也用上不少香茅和草菇,帶來特別香味之餘也有東西可吃;大頭蝦半隻也頗肥美,肉質雪白應該頗新鮮。泰式炒雜菜份量很少,寥寥幾棵芥蘭/生菜和椰菜花,以份量和價錢來看是有點昂貴!雖然味道真的很香,蔬菜也很新鮮,不過真的不太抵吃哩!!黃咖喱牛腩只吃了薯仔,粉粉的薯仔,配合椰汁味重又帶點微辣的咖喱真的好吃,不過還是喜歡濃味一點的紅咖喱多一點。三味魚是造型相當好看的一味菜式。像咕嚕肉汁的蕃茄汁惹味非常,甜酸中又有點辣,莫非就是所說的"三味"?!炸得香脆的魚肉脆卜卜的相當脆口,配上那惹味醬汁真的要來碗白飯才過癮!!這味魚是可以推介的。泰式炒金邊粉味道偏甜,金邊粉也很彈牙,只是覺得在葵涌廣場已結業那間小泰菜館的金邊粉炒得最好吃,那些材料比這裡重手得多,連紅色蝦毛仔也多很多,這裡只是零星的幾小隻,不算很好。青咖喱蝦炒飯是鄰桌所點而吸引了弟婦所點的。 青咖喱味道比黃咖喱更清,可幸炒飯混了不少金不換同炒,那特別香氣即時將平平無奇的炒飯提升了味道,也變得特別得多了!! 炸蝦似乎一早炸好,軟趴趴的炸漿一點也不吸引,本來鮮美的蝦肉也因放涼了而扣分,可惜可惜!!奇異果大菜糕是當晚所送的甜品,以我喜歡吃甜品的人也覺得不好吃,不提也罷!! 結果回家再吃為大人預訂的生日蛋糕才算完滿!埋單四百多元,價格可以接受! 不過炒菜份量真的要改進一下了!!題外話: 原來現在網路上有不少私人開設的蛋糕店,今次的生日餅就從網路中找到的,價錢跟坊間有名餅店相若,但最重要是可以送貨,方便得很!! 店主Kenny先生非常有禮,我這個麻煩客人要求多多也可辦到,而且味道真的不俗,而且又造得漂亮,引得壽星媽非常開心!! …查看更多

今日黑雨閞係 ~ 我同老公去到哩間距離屋企不遠的餐廳開飯 ~ 入到去只見2枱客, 坐下我同老公就order 了, 泰式通菜, 燒豬頸肉, 咖哩蟹, 蒜茸包.泰式通菜, 燒豬頸肉都OK 但無咩驚喜, 咖哩蟹就真係very good, 蟹本身非常新鮮, 多羔,份量夠, 因為有2隻 個汁都 加埋蒜茸包, 真係天作之合.食完仲有椰汁糕送 ~ 服務真係一流.…查看更多

睇到以下食評，到屯門搵朋友後順到一試。門面雖然不太起眼，走進店鋪內，整齊清潔，坐下不久己全埸爆滿，可能是星期日的關係。我們一行五人共點了以下食物︰酸辣鳳爪、雜錦併盤、馬拉盞炒通菜、咖哩炒大頭蝦、面包雞、蒜蓉包、芒果糯米飯。其實想叫咖哩蟹，因見鄰枱的買相不錯，但很快已沽清。以上食物質素真的很不錯，尤其是面包雞及雜錦併盤很美味、必食。面包雞的買相很吸引，已令胃口大增。另外老闆特別推介香茅冰，味道很特別，很清新，不防一試。…查看更多

之前阿女睇左食評, 今晚就一行5人去試下, 味道不錯, 可以再去!辣椒膏大頭蝦, 好惹味, 大頭蝦好大隻!冬蔭公湯, 材料多, 不過酸左d!泰式炒雜菜, 味道普通, 都ok!甜咖喱牛肉粒, 好香咖喱味!蒜蓉包 ,好多蒜蓉, 不過咸左d!薄餅都ok!蝦餅, 好彈牙!辣椒肉碎炒飯, 好味!老板娘話可以預早訂燒蠔或者其他燒物, 下次我地時間許可的話, 都可以訂定!…查看更多