影片
開飯介紹
泰式火鍋放題餐廳，逾90款食材及飲品可任飲任食；湯底主打數泰式口味，更設有一人一鍋可供選擇。
繼續閱讀
營業時間
今日營業
11:30 - 23:00
星期一至四
11:30 - 22:30
星期五至六
11:30 - 23:00
星期日
11:30 - 22:30
公眾假期
11:30 - 23:00
公眾假期前夕
11:30 - 23:00
以上資料只供參考, 請與餐廳確認詳情
有關獎賞計劃
現在火鍋款式層出不窮，屢見新意。想食泰菜又想打邊爐，泰金鍋一次滿足你兩個願望，真係好正🙌🏻🙌🏻。✨風生水起秘撈雞✨吃火鍋之前可以先食名菜，五選一，分別有特色泰金烤魚煲、風生水起秘撈雞、藤椒烤魚煲、農家回味雞煲及濃湯花膠雞煲(+$98)。我們選了風生水起秘撈雞😍，很有泰式風情。香蔥、芫荽、雞肉、洋蔥、花生及檸檬汁，酸甜開胃，非常清爽👍🏻✨湯底✨多款湯底可供選擇，而且可以一人一鍋，我們分別選了泰金冬陰功鍋、馬來娘惹叻沙鍋、極之鰹魚湯，日式泰式風情俱備，同朋友非常滿足。✨活捉海鮮✨新鮮生猛海鮮任捉，游水海蝦爽口彈牙，鮑魚大隻鮮甜，真係好正。✨澳洲產下肩胛肉眼餐✨牛、羊、豬也包含在內🐮🐑🐷。羊肩肉羶味不重，非常嫩口。肉眼及牛胸腹肉色鮮紅，油花清晰，豚梅肉肉質細嫩，配芝麻醬份外好食。✨自行落單✨炸蝦餅配上泰式辣醬，令我心心念念。榴槤炸彈外脆內軟，榴槤蓉爆餡而出。還有不少沙嗲串燒，啖啖肉，十分惹味。而且仲有煲仔飯，十分有驚喜。✨自助區✨多款熱盤可供選擇，聽店員講每日更新。令我印象深刻的有泰式海南雞，香辣惹味；泰國清邁炸豬皮，鬆脆可口；港式碗仔翅、咖喱魚蛋、牛腩等香濃入味。✨甜品✨除雪糕外，還有綿綿冰機，更有多款泰式甜品，如泰式椰汁西米糕及千層椰汁糕，花多眼亂，但令人甚是滿足。餐廳環境寬敞明亮，服務態度殷勤，菜式選擇甚多，的確是開心的晚餐。想睇更多介紹，馬上Follow我啦😁。#thaifood #hkfood #thairestaurant #foodie #高質 #香港美食 #泰國菜 #泰金鍋 #全港第一間泰式火鍋店 #火鍋放題 #火鍋 #泰國菜 #觀塘美食 ##big_big_foodie #big_big_foodie食勻觀塘 #big_big_foodie食勻香港
繼續閱讀
路個亞太中心有個姐姐派傳單，見到呢間新開嘅「泰金鍋」 泰式🇹🇭火鍋放題幾特別又幾抵食，一於試吓啦. 原來佢哋旺角同荃灣都有分店㗎，今次插旗觀塘，九龍東嘅朋友又多個選擇. 晚市有三個套餐都係食120分鐘，價錢平日由$268 至$328 不等，7:30前埋單仲有早鳥優惠每個餐每人平多$30‼️我哋叫咗中等價錢呢個set B 澳洲產下肩胛肉眼餐，除咗套餐食物可以手機落單任點，自助區仲有超過80款美食、配料、甜品等，而且日日款式都唔同. 飲品櫃選擇超多最特別就係有自家製泰式奶茶同埋香茅水❤️ 想開胃就先食下沙律. 炸物區大推泰式豬皮、蝦片. 熟食區有肉碎生菜包、蒲燒鰻魚、海南雞、炒花甲等等. 點心蝦餃同小籠包都唔錯. 至於火鍋配料區呢都幾豐富，有好多蔬菜、菇類、丸類、麵食，有新鮮蟲草花夠健康. 醬料區超豐富有冬陰功醬好特色. 中上價位兩個套餐包咗前菜三選一，可以揀烤魚煲、雞煲或者撈起. 我哋叫咗呢個好鮮嫩炙烤魚煲. 醬汁好惹味，魚肉嫩滑. 食完可以選擇直接加湯打邊爐，或者可以免費轉八款基本湯底，有四款泰式選擇，今次我哋清清地就選咗檸檬青茅，真係第一次食呢款湯底. 肉類就有三款包括肩胛肉眼、牛胸腹、豚梅肉，有肉味又新鮮. 海鮮類有六款，沙白、扇貝、墨魚滑、墨魚仔、水魷、花甲，質素唔錯幾新鮮亦冇咩沙. 炸物有七款，個人大愛泰式榴槤炸彈，蝦餅都好彈牙. 等個湯底吸滿食材精華，落返個泰式米粉就最正啦. 食飽飽最後唔少得甜品. 🔥DIY棉花冰一定不能錯過，好多配料而且唔少仲充滿泰國風味. 另外都有雪糕雪條同西米椰汁糕. 健康啲食水果.✅最驚喜嘅係臨走店員叫我哋follow佢哋社交媒體就即刻有個⭐️靚靚帆布袋，裏面仲有神秘禮物，好驚喜. 門口仲有估泰文遊戲添，估中仲可以當錢用㗎，真係有得食又有得玩.
繼續閱讀
餐廳內好舒服，座位舒適又闊落！如點選B或C套餐，火鍋前仲送土雞煲/烤魚煲或者手抓雞撈起！🐄牛：可選澳州產下肩胛肉眼、特級牛胸腹牛肉質素好好，入口好淋身😋，好有牛香！另外也可點🐷 - 特選梅豚肉肉質同樣不錯👍滾耐咗都唔會變橡筋外面有大量小食和甜品～小食有點心（燒賣、蝦餃、叉燒包、奶皇包、小籠包⋯），仲有日式燒鰻魚（正），冬陰功湯，泰式炸物😋😋甜品就有椰汁西米糕、🉐DIY綿綿冰🍧、千層椰汁糕、綠豆沙⋯⋯一餐由頭食到尾都未食得哂所有款式😆可以食到泰式火鍋、撈起或者雞煲、日式小食、仲有得食綿綿冰🍧，非常豐富！
繼續閱讀
同frd去咗觀塘亞太中心「泰金鍋」打邊爐，120分鐘放題真係抵食！我哋揀咗**Set B澳洲下肩胛肉眼餐**（早鳥$268/位），套餐包埋「親自捉鮑魚海蝦」體驗，捉生猛海鮮超過癮！湯底一定要試**泰式冬陰功**，酸辣勁道十足，香茅同椰香完美平衡，我忍唔住飲咗兩碗！肉類方面，肩胛肉眼雪花紋靚，牛味濃郁。前菜五選一我地揀左**農家回味雞煲**，雞肉嫩滑，香辣惹味 B餐包括110款放題！熟食吧每日換款，炸物仲有榴槤炸彈，外脆內流心！甜品控必衝DIY綿綿冰，17款原料任你揀，夾埋千層椰汁糕，填飽另一個胃😋
繼續閱讀
喺我哋屋企附近，最近開咗一間日泰式火鍋放題店‼️ 有齊烤魚、雞煲、火鍋，而且仲可以即捉即食活蝦、活鮑魚，我哋梗係唔可以錯過呢個機會，去試吓先🤩今次我哋就揀咗特色泰金烤魚煲🐟🥘 烤魚真係好出色，可以話係色香味俱全😋 之後我哋轉左青檸椰奶雞湯鍋，係一個好清新嘅感覺，絕對有泰式風味👍最鍾意佢哋自助吧嘅嘢食，每日都會更換唔同嘅款式，就算食完再食都唔會覺得厭！ 不得不佢哋嘅「DIY綿綿冰」🍧 ，真係會令你食過返尋味，佢個冰底係用咗奶茶味，而且上面嘅配料可以根據自己嘅喜好去添加，唔夠仲可以繼續refill🤩 啱晒我呢啲鍾意食配料嘅🥰如果唔夠飽，佢哋每個套餐嘅火鍋放題都包咗九款煲仔飯，而且仲係即叫即做，我呢啲餐餐要食飯嘅，今次就叫咗蒲燒鰻魚煲仔飯，食落都唔錯👍
繼續閱讀