泰簡單

今日放工專登去銅鑼灣跟舊同事聚吓舊，原來喺總統戲院上有間超好食嘅泰國菜餐廳，廚師全部都用泰國人非常地道，餐廳環境佈置非常休閒，超級chill同朋友傾偈聚會非常一流。首先係個燒豬頸肉，一上枱已經聞到好香炭燒味！啲肉燒到外皮脆卜卜，帶少少焦香，但入面啲肉汁鎖到實一實，咬落去又嫩又彈牙，點埋個酸酸地嘅辣汁，完全唔膩，真係忍唔住食完一舊又一舊。跟住係個冬陰功湯，呢個真係考功夫！一飲落去，個湯底好濃郁，香茅同南薑嘅味好出，辣度同酸度平衡得啱啱好，飲完成個人暖笠笠。仲要有幾隻大頭蝦，蝦肉爽甜又索晒啲湯汁，非常惹味。第三道係蒜片椰菜苗，估唔到可以咁好食！椰菜苗本身好嫩，冇渣，用大量蒜片同辣椒一齊炒，香氣撲鼻。食落去爽脆得嚟帶少少苦甘味，好有鑊氣，絕對係一道出色嘅青菜。泰式金邊粉酸酸甜甜超開胃、最緊要係個金邊粉入到米，同抄到非常有鑊氣。飲品方面，叫咗個原個椰青水，清甜到不得了！冰凍解渴，飲完成個椰青仲可以刮埋入面啲椰肉食，又滑又香，正到痺！最後整杯凍柚子茶作結，呢杯嘢真心驚喜！唔會死甜，飲到清新嘅柚子果肉，微微嘅甘香同茶底好夾，解膩一流。總括來講，今餐飯每一樣嘢都高水準，味道正宗，食到好滿足。如果你鍾意泰國菜，呢幾款絕對值得試！…查看更多

講下我喺銅鑼灣（CWB）嘅 Thai Simple食過嘅泰國菜。呢度環境簡約舒服，服務員又夠貼心，成晚飯食得勁開心！作為一個鍾意泰國野嘅香港人，我覺得呢度啲菜夠晒正宗，辣度調得啱啱好，唔會食到噴火。Detail 如下：冬陰功湯：呢碗湯一飲落肚，就覺得勁夠晒泰國feel！湯底酸酸辣辣，蝦夠大隻新鮮，仲有香茅同檸檬葉嘅香味，飲到一身暖笠笠。份量都唔少，兩個人share都夠晒飽肚。絕對係開胃之選。皇宮大蝦蛋網炒金邊粉：呢道菜係我最like嘅！大蝦彈牙彈牙，蛋網脆脆地包住，炒埋金邊粉一齊，味道甜甜辣辣，勁有層次。金邊粉吸晒汁，食落唔會太乾，蝦頭都夠晒鮮甜，食到停唔到口。沙嗲串燒：豬、牛、雞各兩串：串燒嚟講，呢度啲沙嗲醬夠晒濃郁，花生味重。豬肉嫩滑唔柴，牛肉juicy有咬頭，雞肉就夠晒入味，烤得外脆內軟。六串加埋一齊，食到好開心。炒芥蘭：簡單但係好掂！芥蘭新鮮脆口，炒得啱啱熟，蒜蓉味香噴噴，唔會太油膩。作為一道青菜，份量足，唔係hea做，證明餐廳有心機。總結嚟講， Thai Simple in CWB 係個好地方，啲菜夠晒泰國風味，價錢合理，下次一定再嚟！想食泰國野解饞，推介嚟呢度試下。…查看更多

泰簡單📍：香港銅鑼灣謝斐道517號總統戲院頂樓🚗：銅鑼灣地鐵D1出口 步行2分鐘📞：+852 2838-2896💲：~HKD260/head for dinnerFood quality✔️：Chicken coconut soup, Lime Soda, Dragon Fruit+Orange👌🏼：Crab meat fried rice, Crispy Rice Cake, Sauteed Morning Glo總結：😋一間喺銅鑼灣嘅地道泰菜餐廳 廚師同侍應都係地道泰國人 食物選擇多👍🏼主要係環境好chill 難怪閒日晚上都頗爆場😋整體飲品正過食物 夜晚有cocktail飲佢杯青檸🍋‍🟩梳打呢啲全世界都有嘅嘢佢整得特別出色 青檸味夠酸夠濃 火龍果橙汁都夠新鮮😋椰子🥥雞湯足料 香茅味超出 😋環境適合打卡有戶外內坐🤔蟹肉炒飯 米餅🍘同飛天通菜都唔錯🤔雖然大部分係泰藉員工 但廣東話好流暢…查看更多

約了朋友去銅鑼灣這間店吃下午茶，食店在一座大廈的頂樓，向街的門口比較細小，不留心就會走過而不知。我們也要問其他路人才找到這大廈的入口。坐電梯上到頂樓，電梯門打開即見招牌。餐廳佈置泰式，待應也是泰國人。店內環境開揚，一列通透的玻璃窗把日光引進室內。全場用木檯椅，甚有熱帶風情的氣氛。雖然擺位較密，但座位不算窄，仍算坐得舒服的。餐廳除了有室內座位，也有戶外座位。下午茶套餐要2:30才供應，我們2:15到，看見仍有午市套餐，於是點了一份午餐，再散叫一份其他的，等到夠鐘又再點一份下午茶套餐。所以這一餐既品嚐午餐又品嚐下午茶餐和散吃。午餐選擇有很多，價格比下午茶餐貴些，相對份量也多些，不收加一，反而下午茶餐和散點要收。在十二款午餐內選了泰式濕炒河，一大碟的河粉上佈滿豬肉和蔬菜，河粉很滑，容易掛汁，濕度剛好不會糊口，豬肉片薄切易吃，汁液的味道適中，不會過鹹，正常的泰式味道。下午茶選擇有八款，有一款名字特別，名噴領雞，看中文不明白這是什麼雞種，但看看英文名稱就知道，Panang是一款泰式咖哩醬的名稱，所以這款菜式就是咖哩雞。一個大黑碟上放了一團白飯，旁邊是咖哩雞。咖哩醬顏色橙橙紅紅，與雞件混和，配上紅西椒。咖哩味道濃郁，雞肉滑，用來配飯吃，十分惹味。散叫的是蟹肉米粉生菜包，擺盤好看，八片綠油油的生菜上放上雪白米粉，米粉上鋪滿蟹肉。中間一碗顏色鮮艷的醬汁為生菜包添上色彩。這醬汁不只是有色更有味，有了它把生菜包的清淡換上層層漸進的濃郁口感。這個菜式淡中有濃，確實好吃。餐飲的熱泰式奶茶味道也很好，入口綿滑有緻，有茶味，不會太甜。今餐吃的泰菜都是簡簡單單，不需要花巧，只要你的味蕾與食物配對了，你就會覺得好吃。…查看更多

平時去開土瓜灣食泰國菜，估唔到大佬今次帶我去銅鑼灣食😋😋。銅鑼灣地鐵站D出口行2分鐘左右就到，樓下已經有種泰國好chill的感覺，入到電梯都放滿泰式風情的海報，電梯打開見到一個小corner用來等位，好岩打卡。仲有餐廳侍應、廚師都是地地道道的泰國人。  ⦁Deep Fried Prawn Cake鮮炸蝦餅🍤，每件都大大舊，即叫即炸熱辣辣。 ⦁Fried Kale with Salty Fish and Garlic咸魚炒芥蘭，味道咸香惹味，芥蘭爽甜幼嫩。 ⦁Spicy and Sour Chicken Soup with Coconut Milk椰汁雞湯，味道濃郁，帶點香辣，入面仲有雞肉、多種菌類，十分豐富。 ⦁King Prawn Fried Noodle in Egg Net 皇宮大蝦蛋網炒金邊粉，大蝦🦐好爽好甜，仲好彈牙！仲配上辣椒粉🌶️、花生碎🥜、青檸🍋‍🟩，全部拌勻，味道更加鮮美。 -飲品-⦁Rambutan Cooler用上紅毛丹水果打成的冰沙，非常解暑解渴 ⦁Water Chestnut in Coconut Milk這杯名字叫「白馬王子」十分有趣。椰奶香味十足，內含彩色馬蹄粒粒，另外還有富有東南亞特色的「亞嗒籽」，令飲品更加豐富！  ✨溫馨提示餐廳亦有晚間cocktail飲，想小酌一杯也可以！🍹 …查看更多

又到星期五，去咗呢間係戲院頂樓嘅泰菜，一入嚟已經有泰式spa店感覺咁chill，廚師及侍應講泰文勁有feel，仲有cocktail 飲，好啱一班人嚟吹水打卡👏煎焗蠔餅好正，外脆內滑，蠔味好濃，食一啖就忍唔住想再嚟多塊！炒通菜都唔錯，鮮嫩又唔油膩，辣得嚟清清爽爽再講下蝦醬炒飯，真係有驚喜！加咗泰式臘腸同炒豬肉，味道層次豐富，蝦醬嘅香味配埋米飯～鮮菠蘿芒果沙冰帶嚟一陣清新，夏天飲返啖，正！仲有必叫椰青，水甜得黎又有椰香！### 泰簡單#銅鑼灣小泰國 #chill #地道泰式 #打卡一流…查看更多

星期六晚，第一次嚟食，訂了位，如果唔係都應該要等！3人叫了以下食物⋯泰式生蝦（$165）😋生蝦大隻、新鮮，夠爽同彈牙，個汁都ok！醃鳳爪（$80）原全唔入味，要自己點入面嘅汁食先得！冬陰功（細）（$92）味道ok，但得一隻1開2嘅蝦，湯料有啲少！牛油炒蜆（$113）又係原全唔入味，本身蜆嘅鮮味都無！黃咖喱雞（$108）原全無辣味，得甜味，雞亦都唔入味！馬拉盞炒椰菜苗（$125）😋😋我覺得係全晚最好食，菜爽脆，好入味同野味，但有啲人可能會覺得鹹，但我覺得幾好，越食越想繼續食！炸釀雞翼（$86）釀嘅部份有肉碎，蝦，馬蹄，芫茜，胡椒整成嘅餡，雞皮炸得香脆，餡夠多，好飽肚，但個味道就無特別！鮮芒果糯米飯（$55）😋可揀黑糯米/普通白色糯米，我地揀普通糯米，糯米軟熟，椰漿已混合，但好似甜咗啲，上面嘅芒果都甜嘅！擺盤亦都幾好！椰青（$58）😋😋😋😋夠凍，鮮甜，多水！…查看更多

銅鑼灣地標戲院樓上，有間泰國餐廳❗️因為位置超方便，就喺總統戲院樓上，交通一流，sogo 地鐵站行幾步就到，所以我成日約朋友去食既 💃 一坐低，就有蝦片，係我嘅至愛啊 🤩菜式大眾化，總有啱口味的 🤭叫左幾款招牌菜❤️冬陰功：我哋去親泰國餐廳，都一定會叫冬陰功，這間的出品酸辣夠味，蝦爽口新鮮，而且唔孤寒，兩人份量有大概四隻蝦，飲落幾順口，唔會太辣 ❤️燒豬頸肉沙律：呢款都係我哋成日嗌，豬頸肉燶香中帶嫩滑，夾埋生菜一齊食，清爽開胃❤️菠蘿炒飯：朋友係碳水控，一定要叫個炒飯🤭呢個菠蘿炒飯好出色❗️飯粒乾爽分明，菠蘿甜香突出，仲有肉鬆增加口感✨菠蘿非常新鮮，我哋食到最後，仲有刮埋下面嘅菠蘿肉 🤭👍👍❤️飛天通菜：調味充足，鍾意食泰式醬料既朋友一定會鐘意，通菜爽口，好食❤️新鮮椰青：椰青清甜解辣，飲落好舒服。 整體味道大眾化，我地夜晚7:30 到，餐廳都full house 👍 無論兩個人嚟，或者一大班朋友，都好適合 ✅ 放工，我哋食得好滿足，而且價錢貴，可以encore ❤️🌟👍…查看更多

最近去咗銅鑼灣一間泰菜館，真係有驚喜！ 餐廳嘅廚師同侍應都係正宗泰國人，菜式選擇豐富。最正係個環境好寫意，難怪就算閒日夜晚都座無虛席一踏入餐廳，所有店員都係泰國面孔，🇹🇭即刻有種置身曼谷嘅感覺，連播放嘅音樂同燈光都散發住濃濃嘅泰國風情。餐廳氣氛非常悠閒，今次試咗椰汁雞湯，係我極力推介～🌴椰汁雞湯Spicy and Sour Chicken Soup with Coconut Milk呢個椰汁雞湯湯頭香濃，帶有少少辛辣，🥥配料仲有嫩滑雞肉同多款菇菌，真係好足料。🥬炒通菜Sauteed morning glory w/bean paste and chilli 通菜炒到恰到好處，爽口脆嫩，鑊氣十足。蝦醬同辣椒嘅味道好突出，鹹香惹味，係地道泰菜嘅精髓餐廳選用嘅通菜都好幼嫩，唔會食到渣。燒豬頸肉Spicy grilled pork neck salad豬頸肉燒到外皮帶點焦香，但內裡依然保持肉質軟嫩。配埋泰式酸辣醬汁~酸酸辣辣好醒胃，做前菜一流。豬頸肉邊位燒得微燶，再點埋個帶有醋香嘅泰式辣汁，味道真係冇得輸。🥳🪵木桶肉鬆欖角蝦炒飯Fried Rice in bucket呢個炒飯用木桶上菜，賣相好特別，而且炒得夠晒鑊氣。面頭鋪滿肉鬆，仲有欖角，我第一次咁食，鹹香味道非常獨特。炒飯入面嘅配料都好豐富，有大隻爽口嘅蝦同埋大量肉鬆，份量十足，睇得出廚師好有料。再飲埋兩杯🍻啤酒真係好爽…查看更多

絕對正宗地道的泰國菜，由侍應去到廚房的員工都是泰國人，睇到佢哋連寫嘢落單都係寫泰文就知道有料到！環境好chill , 係一流嘅打卡餐廳!泰式椰子雞湯有一點酸酸香料味道非常香，有點像食緊完全不辣的冬陰功，好適合覺得冬陰功太辣但又想食香料味道的朋友！肉碎生菜包生菜包的肉碎炒得非常香，有大量洋蔥和香料，味道也不會太辣好適合香港人口味！泰式筒飯香港少有的泰北菜式，木桶入面鋪滿飯非常有特色！有大量肉鬆和大蝦，炒飯的味道充滿層次！馬拉盞炒椰菜苗椰菜的硬度控制得非常好，不會太硬，但保持到椰菜的爽口！馬拉盞都好惹味！新鮮椰青非常甜，食泰國嘢必喝的飲品，消暑又解辣如果想食正宗嘅泰國菜，泰簡單完全食到泰國食材豐富天然香料的味道！…查看更多

之前食過"泰簡單" 呢度嘅泰菜由地道泰國廚師處理, 好正宗👏, 連啲侍應都係泰國人🇨🇷🙏, 所以帶咗鍾意食泰菜嘅朋友, 嚟食生日飯, 呢度環境好Chill🤩, 好啱打卡📸, 朋友好滿意😁, 見到餐牌除咗泰式飲品, 仲有好多Cocktail 同 Mocktail 選擇😍🥔冬陰功🍲 $92湯料十足, 湯裏面放咗蝦頭落去淆製, 難怪咁有鮮味😋🥔鮮炸蝦餅 $96外層酥脆, 蝦肉彈牙, 同甜辣醬超夾🤤🥔烤豬頸肉 $108肉質爽嫩, 油香味十足😘, 不過一定要趁熱食🤗🥔皇宮大蝦蛋網炒金邊粉 $138賣相好靚🤩, 將蛋液造成網狀蓋喺金邊粉上面, 好有技巧👏, 金邊粉酸酸甜甜, 旁邊放咗辣椒粉同花生碎, 我鍾意加花生碎, 夠香口, 朋友食得辣, 佢話辣椒粉啱曬佢😆…查看更多

ෆ⃛ 泰簡單 ෆ⃛♡︎.*▶︎▪︎◀︎.* .*・゜ ♡︎.*▶︎▪︎◀︎.* .:*・゜ ♡︎.*▶︎▪︎◀︎.* .*・゜♡ 烤豬頸沙律 $108 ♪ 豬頸肉烤到個邊微焦的 個汁非常泰式酸醋辣辣的 配埋生菜🥬包住食好fresh 又惹味(❛◡❛✿) ᗦ↞︎◃︎ 值quota指數: ✿✿✿✿ / 5 椰汁雞湯 $75♪ 🥥濃郁有奶香 唔知係配料定係個base 仲有帶點冬陰公嘅香料味道🧂ᗦ↞︎◃︎ 值quota指數: ✿✿✿.5 / 5 菠蘿炒飯 $128♪ 份量好大的🍍有魷魚蝦仁等配料 炒飯底比較濕潤🥄ᗦ↞︎◃︎ 值quota指數: ✿✿✿ / 5 咸魚炒芥蘭 $98♪ 泰式調味嘅芥蘭 油潤清脆🥬ᗦ↞︎◃︎ 值quota指數: ✿✿✿ / 5✎ 總括：打風前夕橫風橫雨都坐滿咁滯😹😹味道都有保證的✌︎✼ 加一服務費✔︎ෆ̈ 泰簡單 (銅鑼灣)✇ 地址：銅鑼灣謝斐道517號總統戲院頂樓 …查看更多

平時都好鐘意食泰國菜，今次跟住朋友帶路去左位於銅鑼灣既「泰簡單」食地道泰菜，環境好chill,好岩打卡，見倒廚師同侍應都係地道泰國人，好有氣氛! 值得一試夜晚仲有cocktail飲，可以同朋友邊食邊飲飛天通菜通菜大大條翠綠清脆，加入調味香口惹味，值得一試皇宮大蝦蛋網炒金邊粉賣相好吸引，蝦大大隻爽口彈牙，蛋網好靚，金邊粉炒至金黃色，可以沾上花生碎一齊食更有口感，好有鑊氣肉碎生菜包肉碎可選豬/牛/雞，切碎更有咬口，香而不膩冬蔭功熱辣辣好香口，入面有好多配料，蝦、菇等，鐘意飲冬蔭功既要試一下…查看更多

這间泰国餐嘅食物很不錯，唯一失望就系大部份食物都不够热喜欢这里有室外内坐位及不限时「小食拼盘」 - 每種小食都有4件「柚子沙拉」 - 沙拉的沙拉汁調校得好好味「Deep Fried Fish」🐟- 魚味道很好，但冇點乾「Grilled Spring Chicken」🐔-還可以「Baked Bread w/ curry」- 包幾香脆，只系咖哩唔太夠…查看更多

銅鑼灣 泰國菜🌃環境好舒服好chill, 成層都係佢，由入門口上樓到裡面都好適合打卡。好地道, 全餐廳都係泰國人💁🏻‍♀️💁🏻‍♂️🍲🥘🍝🧆食物好唔錯，好抵食～食左冬蔭功、皇宮大蝦蛋網炒金邊粉、肉碎生菜包、燒豬頸肉鮮番石榴汁、珍多冰🍹我見佢lunchset好吸引，下次lunch再黎😋😋$2xx/ head晚餐～…查看更多