泰禾美

營業中

休息中

📍 街坊價錢 泰國風味大爆發 九龍城泰菜多到眼花，今次試咗泰禾美，$377兩個人食到捧住個肚走，仲要樣樣高質，性價比之王當之無愧！ 🍛 黃咖喱雞（配薄餅）- 🌟 份量驚人！雞肉多 - 咖喱香濃帶椰香，辣度溫和，撈薄餅食超邪惡 - 薄餅外脆內軟，點咖喱汁一流 🍢 串燒拼盤（雞牛豬）- 即叫即燒，炭香味十足 - 肉質嫩滑，點埋沙嗲醬更惹味 - 最正係可以拎串燒點黃咖喱，雙重享受 🍚 香葉肉碎飯（免費轉炒飯）- 鑊氣十足，肉碎炒到乾身香口 - 流心煎蛋一篤穿，蛋漿撈飯超滿足 - 雖然唔係傳統撈飯，但味道一樣正 🥬 炒通菜- 必點！蒜香十足，菜莖爽脆 - 少少辣超開胃，送飯一流 🥭 芒果沙冰- 甜度爆燈，芒果味濃 - 冰打得細滑，飲到尾都冇水汪汪 🪑 環境服務 - 典型街坊小店格局，坐得比較逼 - 冷氣夠勁，唔會食到出汗 - 服務爽快，上菜速度驚人

每樣野都食到流年忘返 全部我都比到9.5分野食上 食左燒雞 串燒 燒魚 雜菜 師陰 個汁同d野食個味都好夾 神有佢個沙嗲醬係難得地好食 燒魚係燒到好鎖汁 唔乾身已經係一個好高技巧 推薦大家去食

週末帶佐小朋友去新蒲崗果邊，之前去九龍城果邊食過一間泰國菜感覺唔錯，咁近城隍廟肯定再去二刷其他鋪頭啦。🥙什錦拼盤：食材豐富品種多樣，雞串同牛串醃得入味，春捲香脆。雞亦金黃香口，蝦餅彈牙。🥗泰式炒通菜：辣味恰到好處，清脆爽口，而且唔會太油膩。🍋泰式酸辣鳳：同泰國當地既口味一模一樣，酸辣適中，而且仲好貼心去埋骨，一啖一隻簡直不要太爽。🍝泰式辣椒炒河：牛肉鮮嫩，比普通炒牛河多一份刺激既辣味，越食越上頭。🍲泰式冬蔭功湯：酸爽中帶住一絲微辣，濃郁中帶住清新，讓人一口就上癮～材料層次豐富，既暖胃又開胃。🍛泰式芒果肉碎炒飯：炒飯惹味有鍋氣，炒過既芒果依然清甜多汁不失口感。🐔泰式青咖喱~雞：雖然青咖喱不算濃稠，但不影響佢既味道，依然系送飯神器。🫓特式薄餅：餅皮脆薄，加埋咖喱一齊食簡直就系絕配。🥤奇異果沙冰：富含維生素C、膳食纖維和益生菌，能夠幫助美膚、促進消化，清爽又健康。🍹菠蘿沙冰：菠蘿既甜卻最令人著迷，清甜中帶有熱帶雨林的氣息，甜中帶酸，酸中帶爽。環境：整間鋪分開兩個店面，餐廳較密，但不影響用餐體驗。店員細心，菜式多樣。

平安夜諗住食好啲，諗住叫個炒蟹嚟食吓，咖喱炒蟹$300，呢個真係超級大伏，應該係肉蟹？但又冇乜肉🥲然後又好細隻，$300好似食空氣咁。。。真係超級伏，呢碟嘢比佢$100都多🥲唔建議食呢個咁嘅炒蟹，不過佢咖喱係好食嘅，但係真係完全唔值呢個價！建議食返佢其他炒嘢起碼唔會嬲先🥹我最推薦都係佢嘅炒飯同埋河粉，兩個都好惹味，好香好好食。豬肉生菜都係正常味道，都不錯。最鍾意食佢嘅烤雞半隻，燒得好香個雞皮係脆嘅，肉質好嫩。

昨晚嚟泰禾美補返做冬晚飯，佢哋馳名嘅燒烤例如串燒、炭燒豬頸肉真係名不虛傳! 要試一間泰國菜得唔得，第一道一定係要點佢哋嘅豬頸肉。豬頸肉燒得好香，唔肥膩，最緊要肉質鮮美。呢間泰國菜最重要係唔使加一收費，泰好味泰貼地！🇹🇭

吃了多年不同地區的泰國菜，頭一次吃這些超差的泰國菜！開始時的菜式都不錯！飲品都ok!直至我哋叫了青咖喱海鮮，發現水多過汁，有要求職員更換，卻講不能換！要再點選多一款咖喱自付！隔離食客好心幫口講，最後都是不能換！我老婆有多次提對方更換，對方無再理會，堅持叫我們再另選小菜，但一樣要付款，不會補回同樣的菜式價錢，服務超差！不會再幫襯！下次不會再來，也叫朋友不好光顧這店！真心非常差勁！泰禾美這個名已臭晒了！

今次去到九龍城，主要目的係慶祝朋友生日，而壽星自己揀咗呢間餐廳，所以就試咗呢間泰國菜🇹🇭——🇹🇭🍽️· 🐖燒豬頸肉 - 中規中矩，食落口唔會有驚喜嘅感覺，係平時食到嘅味道 · 什錦拼盤(S)（炸蝦餅、春卷、串燒）各2件 - 感覺一般般，炸物相對黎講都乾身，蝦餅冇乜蝦味，春卷都比較油膩，串燒唔係好夠味· 泰式炒通菜（🌶️） - 炒得幾好食，辣辣地，而且通菜炒得爽脆，唔會太油膩，辣味都恰到好處· 白灼司奄 - 之前喺泰國嘅時候唔小心叫咗個血司奄，真係完全唔夠膽食😂 而呢道菜我都係未接受到所以係無食到，啲frd話都有啲腥😿· 🦐生蝦刺身 - 啲蝦幾爽口彈牙🤤，好新鮮，肉質好鮮甜，加埋蒜頭一齊食，真係一流· 肉碎生菜包（豬肉） - 食落去會比較鹹甜，但係唔會太突出· 泰式黃咖喱（雞🐔） - 唔算係好濃郁嘅咖喱，帶有少少辣味· 特式薄餅 - 薄脆嘅餅皮幾香口，加埋咖喱一齊食係絕配· 🍍菠蘿炒飯 - 上面有啲肉鬆，食落去比較香甜，帶有菠蘿嘅香味，都幾好食～——🥤飲品方面，就一定係泰國餐廳🖊️有嘅象啤🍺 、泰式奶茶🥛、椰青🥥另外仲有咸檸七🍋，特別係泰式青檸檬茶☕️ - 酸酸甜甜，好解渴——總括嚟講價

見到呢間比另外一間「泰美X」好評好似多啲，所以諗住比較一下試吓🟡青炒椰菜苗正常味道OK🟡燒雞翼個皮有啲脆都OK 但係其實食落去又唔似BBQ嗰隻燒雞翼味 應該係覺得佢個味道唔係好濃佢期望有啲大 所以有少少失望🟡炒河簡單啲類似乾炒牛河但係跟住轉咗豬肉碎都可以嘅🟡燒鯽魚肉質各方面都可以，不過太近內臟位嘅話都有啲腥臭味🟡燒牛肉呢碟係我有史以來淨係食一啖嘅燒牛肉 完全唔係食開嗰回事🤣🤣個味道好怪又硬 又冇牛肉味絕對唔建議

想食泰國🇹🇭嘢，第一時間就會諗起九龍城！九龍城泰禾美是一家優質平民食堂，提供著各種泰式美味的菜餚，價格非常合理！（媲美深圳‼️）🦐泰式生蝦：蝦肉新鮮彈牙，配合秘製醬料，生蒜及辣椒，目測大部份乘客都有Order 🌟🌟🌟🍢各式串燒：秘製沙嗲醬口感豐富，串燒牛，雞略嫌乾身🐔燒雞翼：我鍾意食～😙🎼 港人至愛嘅燒雞翼皮脆肉嫩，烤肉香氣令人食慾倍增🌟♨️炒金邊粉：金邊粉炒得恰到好處，配以風味調味料增添層次感🌟食評指數：8/10💁🏻‍♀️人均消費～HKD160🗺️ 地址： 九龍城龍崗道11-13號

九龍城服務好，抵食又好味嘅泰國菜！🇹🇭😋 每次黎九龍城都會食依間- 泰禾美😝 而且就算由晏晝5點幾開始排都一樣咁多人，人氣頗高🌟 炒金邊同炒飯好夠穫氣，材料十足同味道正宗！😋 炸蝦餅都好值得一試，彈牙有蝦味😝 螄蚶亦都好新鮮，個醬好好味😆其實每一樣都唔錯，好有泰國正宗風味。🌟1️⃣泰式炒金邊粉🌟2️⃣泰式蝦醬炒飯 🦐🍚🌟3️⃣青木瓜沙律 🥗🌟4️⃣炸蝦餅5️⃣泰式燒鰂魚🐟6️⃣泰式炒通菜🌟7️⃣沙嗲串燒🌟8️⃣白灼螄蚶9️⃣芒果沙冰🥭

今日同老公去咗九龍城Divine 享受泰式按摩，之後就過咗去呢間泰禾美食晚飯。之前每次按摩後，都會食呢一間，每次嚟到都好多人，今晚都唔例外，出面都排晒長龍。點解成日過嚟呢間？因為我覺得呢間性價比好高！價錢唔貴，份量一碟算好多，而且好食，每次兩個人嚟食都食到好飽。串燒呢度好食，今次叫咗雞全翼，燒到啲雞肉好滑！唔使點沙嗲醬都好味。泰式炒通菜，夠鑊氣惹味！今晚唔係食泰式炒金邊粉，叫咗個炒粉絲(都好出色)。最後試咗個新菜式，茄子炒豬頸肉，都幾特別。唯一缺點係泰式奶茶太甜😂

老闆娘。您好叻好堅強。您要加油🫡🫡您個種親切笑容❤️❤️我真係好鐘意本身睇到YouTube 介紹。媽咪又係泰國人。就放膽再博一博。試一試因為香港真係無邊間泰菜係好味😑入到去。待應已經好好招呼同簡單講述自己要寫號碼落單。係星期日晚上十點半。都可以全埸坐滿諗住上菜一定慢。點知比預期快除左串燒比較耐小小。真係食到泰國風味。同埋泰國人個種人情味價錢真係好抵食。我最愛生蝦同＊海Ken＊ 好新鮮🥰🥰側魚都好大條😉同泰國食個隻一樣味😆寸燒。雞。牛。豬。雞腎個雞腎勁正😚完全唔＊Un＊又係有驚喜😋😋芝心蝦丸勁大粒😅😅上台個陣嘩左幾聲😆好好味。好彈牙飛天通菜都好大碟。好有獲氣不過都係唔夠辣😆😆下次要加辣Pai Thai 比預期中好味好多。有驚喜平時好小食。因為間間都整都有種甜味紅咖哩雞 + 薄餅我覺得可以辣返多D😆😆唔夠辣我就飲左芒果沙冰好甜。好好飲。唔係假甜個D糖水味。係真材實料嘅芒果打碎媽咪就飲椰汁冰。老公就飲泰式咖啡。都係好好飲

又黎九龍城食泰菜 實在太多泰國餐廳今次揀呢間價錢中等 唔算好貴有兩個舖位 6點半食已經滿左一半！泰式炒金邊粉 ($58)一黎到炒得有點濕 不過之後就乾身翻d唔算好多料 有蝦 豆卜 味道少酸 都幾好份量味道同價錢成正比 可接受😌黃咖喱青口 ($128)黃咖喱偏貴 不過有海鮮揀 對比翻又ok有6隻青口 每隻都幾大隻 唔靭 冇沙👍🏼黃咖喱少甜 唔重咖喱味 都冇咩椰汁味有點失望🥲 不過都適合撈飯所以另外都叫左蒜蓉包 ($30)有6塊 太重蒜蓉味 點落個黃咖喱到完全蓋過左咖喱味 仲偏咸左可能都係同薄餅/白飽夾d同埋係蒜蓉包唔夠脆 可以香口d飲品叫左泰式奶茶 ($25)同一般泰式奶茶一樣 都係偏甜但都可以接受 味道正常整體唔係話特別好食 唔使加一九龍城黎講都可以一試嘅～

餐廳📍泰禾味地址：九龍城龍崗道11-13號菜式：泰國菜適合：朋友聚會、宵夜價錢：$$整體評分: 8.9/10回頭指數： 9.5/10 （性價比高）九龍城有小泰國之稱，偶爾發現左一間性價比高、又平靚正嘅泰國菜宵夜，小編每個月平均會食一、兩次，而家每次嚟九龍城，第一時間會諗起泰禾味❣️燒豬頸肉 $78 有炭燒嘅味道，生熟程度剛好，肉質軟嫩，配埋泰式辣汁，非常配合❣️泰式酸辣鳳爪 $58 每次食泰國菜必點的菜式，就是泰式酸辣鳳爪。泰和味的鳳爪酸辣到適中及入味，鳳爪爽口彈牙無骨，最重要係泰式酸辣汁調配十分惹味😍😍❣️泰式炒通菜 $58 有穫氣夠同熱辣辣既泰式炒通菜的確惹味，唔會太鹹或太辣❣️泰式紅咖喱雞 $78 原本想叫個咖喱配蒜蓉包，以往是叫開青咖喱，今次想改試紅咖喱，但比較一般，如果配搭蒜蓉包，還是青咖喱或黃咖喱比較合適❣️蒜蓉包-6件 $30 熱辣辣既蒜蓉包，鬆脆之餘，蒜蓉味足夠，是配咖喱不二之選❣️泰式蝦醬炒飯 $48加咗炒煎蛋在泰式蝦醬炒飯面，而剛好襯出蝦醬咸鮮甜香米飯味道。❣️椰青 $35

這家第二次去了，價錢算平，味道一流，但要早點去先有位，過左6點要等好耐先有位，太多人了位的距離有點窄，但都可以去接受，都係個句，早去早揀位前菜來個酸辣鳳爪，打開了我的胃，但辣度超出我界限，第一次試獅奄，配上酸辣汁，好正，食唔停口，青咖喱點薄餅，唔辣又清新好食，拿來送炒飯仲正第一次叫燒鰂魚，估唔到咁香口，配上酸辣汁又係食唔停口，太香太野味了仲點了我最愛的炸蝦餅同生蝦，無得頂，配支象啤，簡直快活過神仙，正