泰皇閣泰國菜館

營業中

休息中

諗住去九龍城食泰菜 ……….朋友介紹左呢間 一入去 心諗伏伏地……………得兩枱客 點知真係中伏 …………….服務差………………………..又貴又唔好食 真係唔建議再去………..

好耐冇同老公撐枱腳去九龍城食泰國嘢， 估唔到呢一間，由燒雞翼到香辣鱸魚、 煮蜆，每一款都食到停唔到口！🍢燒雞翼-香口得嚟肉汁豐盈，外皮微脆， 燒得剛剛好也不會太燶 , 每一啖 都散化著濃濃的雞翼味， 雞翼肉好滑，不會太晏， 暖呼呼食超正🐟 香辣鱸魚- 食泰國嘢點少得鱸魚,辣勁夠哂啦，香料味好突出，魚肉滑漏 ～香辣得嚟又唔掩蓋咗鱸魚鮮味，不錯🥬 馬拉盞通 - 通菜炒得爽口，馬拉盞香辣不膩， 連埋醬汁好好食呀🫕 煮蜆- 湯頭清甜，蜆肉飽滿無沙，啖啖鮮味， 融入粉絲同蜆加埋一齊真是冇得頂 仲要配搭埋西瓜汁簡直一流整體嚟講，呢餐真係簡單食材，超凡的水準！簡單得嚟好味

喺OpenRice見佢分數高叫個外賣諗住試吓我去到拎外賣嗰時個職員指一指門口話喺出邊竟然將個外賣放咗喺等位嗰啲膠凳度膠凳上面有垃圾隔離有另一個人坐咗喺另一張膠凳度食緊煙啲煙灰跌緊落去我外賣度外邊完全冇職員睇住俾人加咗料都唔知夏天出邊成30幾度正常都唔會咁處理我知香港寸金尺土不過我都係第一次見有餐廳咁樣將啲外賣放喺出邊拎咗個飯之後我都係決定掉左佢雖然好浪費不過生命誠可貴難怪香港食肆做唔住略有名氣啲態度就好差