泰發泰國餐廳

營業中

休息中

前幾日收工好想食炸蝦餅，即刻諗起泰發😝，大概晚上7:00去到唔使等位。我哋兩個人叫咗木瓜沙律，炸蝦餅，檸檬牛肉。環境都企理乾淨，座位雖然唔係好闊落，但係都唔會覺得太壓迫。店員姐姐都好有禮貌。我最鍾意呢度既木瓜沙律，份量慷慨，$58一座山咁高🤣而且調味啱啱好，唔會太鹹，酸酸辣辣好開胃。兩個人5分鐘已經K.O.一碟🤣炸蝦餅亦都唔使多講，即叫即炸，上到枱熱辣辣好香口。檸檬牛肉話係招牌菜，我哋當然要一試，牛肉加埋蒜片辣椒一齊食，味道幾清新，但我就覺得可以再燒熟啲，咁就再香啲啦。總括嚟講，要講元朗最好食嘅泰菜，我一定推介泰發。

一次極不愉快嘅用餐經歷❌❌❌❌❌🍴檸檬燒牛肉💰HK$129✨推薦指數：8/10燒牛肉真係幾好食，食落唔會太乾身，而且幾大份🍴生菜雞肉包💰HK$65✨推薦指數：-10/10本身有得揀雞肉碎好開心，得同朋友食左兩塊生菜之後，到我拎生菜，發現有兩隻蚊定烏蠅咁嘅屍體係菜度，一隻係中間，另一隻係側邊，咁我梗係叫佢地換！佢地一句對唔住都冇，就話「我換俾你」；佢地換完之後，我又係中間抽塊菜出黎，發現側邊仲有屍體係度，我極度懷疑佢冇換過碟，只係抺走我話佢知中間個隻，再塞返兩塊菜入隻碗度😡咁我梗係好唔敢再食啦，就同佢講我地唔要菜啦，叫佢扣返呢碟嘅錢，佢地本身話好；咁我地就繼續食，食到埋單個陣，第一次張單冇扣到錢，我地同佢講返，佢地第二次扣咗我地$8🤷🏻‍♀️成碟生菜雞肉包$65，佢淨係扣我地$8？？？？咁我地就梗係問返佢點解，佢質問我地有冇食到碟肉碎，有嘅話淨係扣$8（因為碟菜另加係$8，所以扣返我地$8 ONLY😰）What!?🤬我地就同佢理論話，佢本身又唔講係咁樣扣，如果係我地就俾返碟肉碎佢啦😡😡😡後尾佢地先肯扣返俾我地🫠總括而言，食物味道正常，價錢合理，但係衛生同服務態度差到一個點‼️‼️‼️有時菜有蟲我

前排去咗元朗覓食，咁啱想食下泰國嘢，就揀咗呢間由泰國人開嘅餐廳，希望食左當去咗泰國👨‍🍳‼︎-1.泰式冬陰公雞湯河湯底方面：酸酸辣辣亦有魚露提鮮，辣味主要以青辣椒同紅辣椒🌶️旁邊仲有小小車厘茄增酸，雞肉嫩滑但欠缺調味，最後仲有芫荽作裝飾：）-2.泰式海南雞飯🐓飯嘅雞油味好重‼︎湯好清甜醬汁咸咸地辣辣地，雞肉厚實鮮嫩，但都係欠調味，要靠醬汁來調味。-3.特飲龍眼冰+凍泰式奶茶龍眼肉幾甜，凍奶茶嘅茶香味幾重👍🏻

原來元朗泰發搬了鋪在鳳群街，一邊鋪位做BBQ，一邊舖位做泰國菜。今天天氣回暖，同屋企人去食泰國菜先。先來開胃小食，泰式酸辣鳳爪$66，已有一段時間沒光顧，搬了舖位水準依舊保持到，夠酸又夠辣，分量又多，鳳爪爽口入味，最適合幾個人一齊分享。泰式香葉肉碎生菜包$65，是我最喜歡的泰式食物之一，見到滿瀉的肉碎，已經覺得超值，包著生菜吃，味道小辣，加了檸檬葉，夠香又惹味。有生菜清新口腔，不會覺得很辣的，吃得過癮。蟹肉炒飯$65，是相對清淡的菜式，像揚州炒飯一樣，有雜豆做配料，加入蟹肉，增添一點鮮味。份量大，可以同家人一起分享。午市的套餐送飲品，特指定特飲加$8，很抵食。點了雞肉炒河$45，非常有鑊氣，炒得夠香，雞肉是大大粒厚肉，食肉獸吃得很過癮。配料有蔬菜，增加爽口感覺。餐飲加$8選了椰汁冰,喜歡這裏的椰汁冰味道夠香甜，濃而不膩，是真材實料的泰式味道。另點了一杯珍多冰$29，這裏的珍多冰做得非常美味，椰汁夠香，彩色珍多煮得夠淋又煙靭，過足口癮。我們一家都喜歡來用餐，價錢不貴，沒有加一，而且份量非常大，味道也不錯，令人一再光顧。

天陰陰落住毛毛雨，近近地去屋企附近條食街食晏算啦，屋企人話想食泰國野，就去街口間泰發啦。無黎一排，而加隔離個舖都係佢地喎，個邊做串燒小食個啲，正舖就炒粉麵飯，舖細細分流下都好。叫左兩份午餐，再加跟餐小食，屋企人話想食串燒又叫左四串，夠豐富，呵呵！先來的冬蔭功湯河，賣相唔錯嘛，雖然好快到，但碗粉熱辣辣㗎，先試下個湯底先，冬蔭功湯酸甜酸辣辣帶鹹鮮味好正，唔算太辣飲晒都無問題呀。配餸揀左要雞肉，份量都幾多，雞肉大大件無骨。河粉都幾煙韌，連湯食好正。食完碗湯河個炒金邊粉就到，即炒好香喎，份量都唔細。有花生碎，豆干，菜莆，芽菜，蛋花，雞肉等，味道酸酸甜甜幾好味，食到底略微油左少少。等左一陣啲小食就到了，嘩嘩，店家擺到成個小食併盤咁好靚喎，即炸的十分燙口，好熱好熱。串燒叫左兩串豬兩串雞，屋企人唔食牛就無叫牛肉了。串燒肉好大串，燒得香口唔乾，醃過有少許香茅味，點埋個沙嗲醬勁正。另外小食就叫左炸春卷，炸蝦餅同皮蛋讓蝦餅，春卷入面包左芋頭，紅蘿蔔，椰菜絲等，同港式春卷差不多。炸蝦餅超彈牙夾口，正喎，讓左皮蛋又係另一種食法，綿綿的皮蛋心好好味。飲品叫左鹹檸七同椰汁冰，前者鹹鹹地幾好飲，後者好香椰汁味，兩杯

成日係九龍城食泰發，聽朋友講原來元朗都新開，今次經過元朗食lunch，就即刻同朋友去食，由西鐵大商場行過去10分鐘左右，都算方便。 正宗泰國菜的lunch 竟然只係大約50蚊，已經有得食，價錢合理，選擇又多，另外仲有香口小食選擇，比起夜晚更抵食。點了2款lunch，另外單點小食，埋單260，好豐富好飽！海南雞飯 (加$5轉雞脾) $60雞髀肉質鮮嫩多汁，肥美厚肉，份量多，配埋油飯和秘製酸辣雞汁，十分搭配，雞飯送一碗東瓜湯，加上蔥花胡椒煮成，好有泰國街頭風味，加埋晒係神一般的享受。 泰式炒金邊粉 $49鑊氣夠，炒的乾身又香口，用秘製泰式香料調製，味道帶點甜味，口感豐富，用豬肉、芽菜、豆腐乾和韭菜，近似曼谷的夜市風味，唔會太鹹或太酸，地道正宗，值得推介! 肉碎生菜包 (豬肉) $65辣度剛好，炒得唔會太油，豬肉肥瘦剛好，配埋香料和洋蔥，十分惹味，加上生菜包著食，有清新去膩的成效。 泰式生蝦 $86生蝦大隻超彈牙，另有炸蝦頭一齊食，配上蒜片和辣椒絲，點醬有泰式酸辣醬，食落口感微辣，整體滿足。

元朗站📍泰發泰國餐廳-今日去食返個early dinner，5點食黎講都幾早😹二訪呢間泰國菜，呢個鐘數就唔洗排隊✌🏻招牌檸檬燒牛肉（$129)呢個係餐廳推介，等左15分鐘左右就上台，睇落細細碟，但都幾多舊燒牛肉。燒牛肉好嫩，唔會太熟同埋靭，配埋蒜、芫茜、酸辣汁、檸檬汁好開胃，酸酸辣辣👍🏻牛肉底仲有d芥蘭，好爽脆🥬泰式炒金邊粉（$58）金邊粉炒得唔會太濕太淋，口感唔錯，有蝦有雞，配埋花生碎，惹味！泰式炒通菜（$59）食泰國菜點都要食炒通菜，醬汁惹味，少少辣，如果份量多d就正🤤芒果糯米飯（$63）呢個好大碟，糯米飯都5舊😹綠色係斑蘭味，藍色係蝶豆花味，黑色係黑糯米，白色就係普通糯米。糯米飯煙靭，唔會太淋，配埋芒果椰漿一流😋芒果都好香甜🥭兩個人食泰國菜真係食唔到好多款，本來想叫埋生蝦，但女朋友又話飽又話「想」減肥，都廢事叫咁多😹尤其糯米飯咁鬼多舊，其實都食唔晒。如果同多幾多個朋友食就多d選擇🤟🏻環境方面，都算整齊企理，而且我地去個個鐘數比較少人，坐得舒服😌

這間位於元朗Yoho附近的泰國餐廳，舖仔細細但五臟俱全，全部即叫即做，十分新鮮。冬蔭功湯有泰國香料的味道，酸酸辣辣十分開胃，用了大頭蝦，蝦膏比較少，而且辣度不重，比較大眾化。招牌檸檬燒牛肉牛肉表面略燒至變色，中間還帶粉紅，以蒜、泰式酸辣汁拌勻，入口酸甜辛辣，牛肉有咬口，而且唔會騷，味道不錯。菠蘿海鮮炒飯加煎蛋炒飯新鮮熱辣，炒至粒粒金黃色，裏面有爽蝦仁、魷魚、雞肉等配料，用料十足，加上煎至燶邊的荷包蛋，蛋汁流出，非常出色。最後當然不少得啤酒啦！

元朗都幾多泰國菜餐廳，呢間性價比都算高，抵食又好味，而且份量十足，全香港有5間分店，九龍城同屯門都有💁🏻‍♀️青檸名爐魚(烏頭) $159呢道菜用新鮮烏頭炮製，泰式嘅做法係用香茅、檸檬葉同南薑去腥，以上嘅材料再配埋青檸煮成嘅酸辣魚湯，比起中式蒸魚佢會有一種檸檬嘅清爽酸味，同魚肉嘅鮮甜真係好夾，另外火侯都掌握得好好，魚肉十分嫩滑，湯底香濃惹味🤤菠蘿海鮮炒飯 $63完全係水準之上，鮮蝦仁Q彈，菠蘿鮮甜，雞蛋鮮香，紅蘿蔔脆卜卜，加埋果仁同肉鬆，真係啖啖滿足😋珍多冰 $29椰香味勁濃，味道清甜唔膩，而且珍多嘅質感都好爽滑😍

記得平安夜都唔凍 仲揀左熱辣辣的泰菜慶祝🥳🥳 泰國姐姐一齊過聖誕😂😂招牌檸檬燒牛肉 $129燒牛大概5成熟 見到中心仲少許生但滑口 個sauce好夠酸辣！唔記得叫佢小辣….木瓜沙律 $59泰餐必備沙律🥗 好味！ 比外邊的做得普通少少 但我覺得岩岩好 唔會太鹹青咖喱雞 $755件蒜蓉包 $28平心而論 青咖喱係調得好食 但只用上雞髀肉同少量疏菜就略嫌不足🤏 然後等左一陣先到的蒜蓉包 😍 驚為天人！ 新鮮烤焗出黎 好鬆軟 配咖喱食 直係停唔到落黎😆😆 佢做到蒜蓉味剛剛好 同青咖喱配合得天衣無縫 「誰都沒有搶過誰的風頭」😏泰式炒金邊粉 $58點菜時低估左他家的份量🙈 結果叫埋炒粉 合格👍🏻👍🏻飲品珍多冰 $28龍眼冰$28 👈🏻推薦!! Jeng!!埋單$408 無加收10%服務費👍🏻地方係比較細坐得唔算舒服 但食物質素及服務 都非常好❤️ 性價比高會回頭！

非常地道、價錢親民的泰國菜。餐廳分為兩個鋪位，一邊主打燒烤，一邊主打沙律及熱食。用餐當天已過了午飯時間，但仍然座無虛席。午餐泰式菠蘿炒飯 $52（+3泰式凍奶茶）配料有菠蘿、肉碎、三色豆、臘腸、雞肉及蛋，分量十足。炒飯的濕度剛好，不太乾不太濕。配合完美的泰式奶茶一個很好的午餐。招牌檸檬燒牛肉 $129 ～必食牛肉燒得乾身，配合檸檬辣醬汁食用，相當滋味。牛肉底下墊滿白灼的芥蘭，如2人食用的話，不用多點一道青菜都很足夠。泰國金柚海鮮沙律 $76 ～必食除了主要的金柚、大蝦及魷魚外。配料啊泰式蝦乾、洋蔥、聰、炸香的小白飯魚，鹹香鮮美又清新口感相當豐富。泰國空運椰青 $32椰青水非常清甜，椰肉也嫩滑。

表姐放假，相約到元朗食泰國菜，因為表姐住洪水橋。一打開門有位泰國靚婷姨姨熱情招呼我地。12：30 店內坐滿人客，剛好有一枱埋單。坐低點野食 午餐非常抵食，但我們決定單點。黃咖哩雞$88 喜歡甜甜的咖哩，點 蒜蓉包$28 好香脆好好食。 黃咖哩好多配菜而且雞肉件數好多。$88 好抵食，送白飯一流。 馬拉盞炒通菜$63 少少微辣，好夠鑊氣，而且通菜很新鮮。 泰式濕炒河$60 河粉係先炒過嘅，濕濕地不太辣好食，唔會油膩。 肉碎生菜包$65 分量好多，酸酸辣辣，好味。配一杯咸檸七，好爽。明白點解咁多客， 價錢抵食，而且又正宗。

今日落雨又凍 行出元朗西鐵站見到有泰國菜又多人食就同朋友走入去食番d熱野 🍲細冬陰功湯 $68呢個湯有好多香料 迷你蕃茄仔仲有一隻大頭蝦 好足料 飲落有層次感 開頭冇咁辣 但越飲就越出味 細碗都夠兩至三人share飲🥘黃咖喱雞 $88雞肉份量算多 仲要冇肥肉 配上雞蛋同埋青紅椒 撈飯就最夾 職員仲推薦配搭蒜蓉包或者薄餅黎食 估計有另一番風味 如果鍾意食辣不妨試下青咖喱🍚蟹肉炒飯 $65份量超大 除咗有一絲絲既蟹肉仲有青豆蘿蔔粟米 因為味道較淡 食落唔會太油 所以比較健康 三至四個人食都冇問題🍹珍多冰 $29裏面d一條條幾好食 唔係平時見到嘅綠色 如果可以多d冰就更加好 夠晒解辣

元朗都幾多泰國菜，但唯獨呢間我覺得性價比高得黎又好食，重點真心好抵食。今日放假黎食lunch，仲有lunch menu幾十蚊包野飲👍🏻.🍴泰式海南雞飯$55 (lunch)轉髀 +$5跟餐送例湯，泰式海南雞皮脆肉厚，咬落有肉汁，強烈建議+5轉髀，會滑好多。.🍴香葉辣椒肉碎煎蛋拌飯 $52辣椒肉碎份量勁多，多過成碟飯😅少少辣好香九層塔味，仲有隻重點煎蛋👍🏻.lunch set 有優惠價加配小食，「泰式炸春卷（2條）$26」、「泰式炸皮蛋釀蝦餅（1件）$30」，春卷有特色，裡面係炒絲+肉碎+芋頭，充滿芋頭香；皮蛋蝦大大隻，皮蛋甘香配蝦滑彈牙，口感不錯。.🍴串燒串燒最少叫2串起，豬肉$14/牛肉$16/雞全翼$20，串燒香味重，沙嗲汁好香花生味，絕對係重點✅.🍴泰式炒通菜 $59$5x炒咁大碟菜，無咩炸型啦，同埋我真心鍾意泰國鋪既幼身通菜，爽口唔會老。.Lunch set 仲包埋野飲，鹹檸樂加8蚊，熱檸蜜加3蚊。

泰發泰國餐廳 (元朗)元朗鳳群街2號年發大廈地下3-4號舖串燒 $15/串 （雞牛）傳說笑得非常惹味，雞肉串和牛肉串香口有BBQ風味，雖然燒到乾身，但裏面還是很有肉感。馬拉盞炒通菜$63通菜爽口，馬拉盞香口，馬拉盞炒通菜視為必食。泰式海南雞飯$55 （轉雞髀加$5）成碟海南雞飯的精髓就在於雞油飯，雞油包裹着每一粒飯！非常香口，加上雞件滑溜，外皮有咬口，一碟飯，有整隻雞髀，吃的時候很滿足。跟餐泰式雞卷$30 （六粒）泰式雞卷啲雞肉彈牙，外面炸得香脆，很是特別，我還是第一次吃。泰發地到船河$45 （雞或牛）泰式船可的湯底非常濃郁，有淡淡的肉蝦我呀香料味，牛肉件滑溜，河粉吸收了湯頭吃的時候滿是滋味。泰式蝦餅跟餐加$30泰式蝦餅炸得香脆，蝦肉新鮮。哽親叫很大，都只是$30。