泰爸爸

營業中

休息中

本身呢排都冇出街食飯了，但上星期於奧海城附近放工，見都夜了，又勁肚餓，就直接附近搵餐廳食飯吧揀泰爸爸呢間餐廳純粹因為好耐好耐冇食泰國野，超級想念冬陰功同埋泰式串燒。由於政府限制餐廳入座率，所以我地被安排坐戶外，其實我反而覺得幾有氣氛，只係嗰日咁啱落雨，有少少清涼海鮮冬陰功同串燒係必點啦！串燒就6牛3豬3雞，再加燒魷魚，撈濛同埋金邊粉我地本身以為分量會唔多，所以先叫咗2個主食配幾份小食，係估唔到分量真係超級足咯！金邊粉同撈濛，簡直係兩人分量嘅size，超級足夠！我食嘅係金邊粉，麵條幾彈，炒得幾香口，有d中餐廳炒粉麵嘅鑊氣😂入面好多蝦球，超滿足嘅（分量真係好足，我食咗d小食之後超飽，所以個粉食剩少少）燒魷魚彈牙唔韌，咸香咸香，幾推薦串燒高質啦，又係大大份！兩碟串燒上台，已經畀到我一種食緊放題嘅錯覺😂串燒夠熱，牛肉最正，texture最好，配埋醬料，味道啱啱好我最中意嘅冬陰功都冇令我失望，味道超濃郁，香料味十足！但要小心唔好咬到辣椒，因為味道好爆😂我地叫嘅係細嘅冬陰功，分量都係非常足，包括入面嘅海鮮，有蝦、魷魚、青口，就算一直食，去到底都依然撈到海鮮，抵讚總結：味道滿意，分量充足，絕對係對得

今晚朋友話帶我去奧海城三期的一間泰國菜試吓，氹吓我開心，因為受疫情影響，原本的泰國之旅要取消了。到步後，選擇了坐outdoor，又真係幾好feel，又有些滿天星既燈飾，撞啱天氣又清爽，真係好舒服😊。先黎個泰式拼盤先，有炸蝦餅，炸魚餅，春卷，串燒雞x2。炸蝦餅炸到金黃色又脆卜卜，點d泰式辣醬正爆😘😘，串燒雞又嫩滑點沙嗲醬又係一大美食👍🏻。之後嚟過海南雞，雞又係嫩滑無得頂，配上油雞～正。再來個燒豬頸肉撈檬粉，燒豬頸肉燒到脆口，好味😋再加個蒜蓉炒椰菜苗，飽晒。不過食完唔想走住，整返杯泰式奶茶慢慢坐下飲下野，同朋友吹下水，都幾有泰國風味

之前聽同事講奧海城地下有一間好出名既泰國菜，今次放工就約左友人一齊去試下。可能因為而家唔俾四人以上既聚會，所有間餐廳無咩人等位，七點幾去到就即刻有得入座。餐廳既一個特別之處就係勝在有戶外座位，但個晚比較凍所以我地揀左坐入面。餐牌好有泰國既設計特色，入面菜式都算幾多，整體黎講價錢價錢中規中矩。我自己就首先叫左杯椰汁冰，椰香十足，飲落仲有少少椰絲。雖然我地只係得兩個人，但係見佢個泰式拼盤價錢唔係特別貴又多小食，所以就叫左一份。炸蝦餅好脆好爽口，炸魚餅就普普通通，另外春卷入面既料多到爆晒出黎，而串燒雞就比較軟身幾易入口。另外叫左一份泰式炒椰菜苗，熱辣辣炒得好惹味。個菜係面頭鋪左少少炸蒜，令到食落更加香口，唔知依個係米就係泰式既做法呢？食泰國野緊係要試下佢既海南雞啦。雖然我地只係叫左半隻，但佢既份量遠遠比我地想象中大好多，足足係我地Expect既雙倍份量。雞件好滑身，油香十足，加埋酸酸甜甜既醬汁簡直係絕配。最後我地再叫左一個菠蘿海鮮炒飯。淨係睇個樣都知道d飯多到跌晒出黎，而且都好足料，有幾隻蝦同青口，飯粒都炒得好粒粒分明，超級好食！咁既價錢食到咁足料既泰國菜，十分值得推介！

喜歡吃泰國菜的朋友介紹我去這間，講份量十足而且價錢都不貴，今日就來到吃飯。首先來的是椰汁三色冰，第一口已經覺得椰汁味十分濃又香，入面的材料勁多而且口感幾爽身好食。之後來到的咸魚炒芥蘭咸魚都不少又惹味，芥蘭炒得新鮮剛好仲有爽身口感帶丁點微辣好惹味，而且份量十足有驚喜。差不多去每間泰國餐廳入叫的鮮蝦炒金邊粉，這裡都炒得幾好而且放得都幾靚，不會太濕帶酸辣香，蝦都幾爽口，金邊粉十分入味，仲有不少蝦仔增加口感，其他配料如蛋都不少。這裡服務都十分好，有熱水供應而且好快落單又好笑容。

奧海城有幾期，都不少食市，所以有時想不到吃什麼就會過來，原來在三期有間泰國菜未食過就見早不用等位就入去吃飯。這裡的座位都幾舒服，選擇都幾多。我心大心細當然最後就叫了一個泰式併盤，內有沙嗲雞肉，沙嗲好香幾濃又多花生碎，燒得好惹味。蝦餅同魚餅都有二大片仲要十分厚身啖啖肉，春卷夠脆材料又多，醬汁都有幾款幾窩心。等了一陣泰式燒牛柳沙律都來到，一心以為下面好多都是菜，沒想到原來都有牛肉，應該是一大片牛柳切出來十分抵食，食多幾片都幾辣但好惹味，配菜都入味，必食的沙律。最後甜品芒果糯米飯，飯身軟熟仲有二款米口感不同，芒果又夠甜好滿足。

近排都好喜歡食泰國野，今晚黎到奧海城第三期搵到呢間泰爸爸，可以選擇室外或者室內用餐，甘我就揀左室內。地方好乾淨，位置都坐得好闊落鮮菠蘿海鮮炒飯 原隻菠蘿蓋配上腰果、魷魚、肉鬆、番茄、青瓜片，魷魚煙韌彈牙，各樣既配料同炒到色澤金黃色，粒粒分明既炒飯配合得合到好處，唔太濃但唔太淡，係好高水準既炒飯鮮蝦扎肉米紙卷呢個米紙卷有紅蘿蔔絲、青瓜絲仲有蝦等等既配料，味道偏淡一點，但口感好豐富，而且點左佢預備既泰色辣醬一齊食就幾好食😋，而且6件都係68蚊，好抵食！金不換辣椒膏炒蜆呢碟炒蜆每一隻都係好大粒好多肉，如果唔係太食得辣既朋友都不用擔心，因為蜆肉都入哂香濃既辣椒膏味，非常惹味之餘亦唔會太辣，最適合一路食一路飲泰國啤酒。

奧海城雖然已經開放多年，但仍然保持著一份新鮮和寧靜的感覺，今天經過發現這間環境開揚優美，食物也不錯的泰國餐廳。環境相當舒適開揚，因為是吃泰國菜的，所以也按泰國的地道露天食店一樣選址和擺設嗎？也有室內座位，筆者當然不浪費享受環境的機會選了個室外的座位。老闆娘是泰國人，但廣東話講得很好。會禮貌地幫客人量體溫(還會和你說幾多度，試過有些餐廳只是量完就算)。她介紹午市套餐很實惠，於是就點了個午餐，一場來到當然想食得豐富點，就加埋串燒和甜品。餐飲選了升級為泰式凍奶茶，不要以為看下去很平實，喝下去又香又滑。凍飲能喝到這麼濃厚的茶香真是十分難得，茶味與港式奶茶的紅茶很不同，反而有點似香味升級了的普洱茶。甜度適中，既解渴又好味。接著來的是串燒，一碟4串平均每串也只是12蚊，但份量十足，加起來差不多有一塊豬排和雞扒那麼多。而且燒得香口又保留肉汁，相當鮮味。午餐的黃咖喱牛腩飯也來了後就拍張大合照（雖然串燒已經差不多被我吃完）咖喱偏向香甜，不太辣，有椰香很清新。牛腩就非常出色，肥瘦得宜，還有一些筋位，一舊有很豐富的口感。而且燜得很淋很入味。再加埋甜品椰汁西米糕，這餐就豐富又完滿。西米糕味道清甜，西米和粟米有

3月最後一晚，2020年都過咗1/4喇，香港冇起色，全世界都一齊沈下去，唔只冇旅行去，行個街都覺得有罪疚感，飛機冇得搭啫，飯都要食㗎食吓泰國嘢當自己去咗轉泰國㗎喇，反正香港啲泰國嘢仲好食過當地嗰啲。呢碟炒飯遠處傳來已經好大陣蟹香，芒果又大大粒又甜，份量仲要幾可觀蝦餅真係去泰國必食，去泰國時未食過，而家食返夠本，大大舊脆脆口，內裡仲幾彈牙𠻹點埋個醬簡直畫龍點睛燒雞要等耐少少，不過一切都值得嘅，雖則半隻，但都好夠食，醃料勁香口，雞肉好纏綿點唔點醬都咁好食

無意中發現這間有露天座位的泰國餐廳，餐牌價錢中規中矩，咖喱蟹非常岩我呢D唔係食得好辣嘅人，香料同旦汁好配合，加上蒜蓉飽，非常滋味。冬陰功海鮮湯，夠濃足料唔算辣，平時唔飲冬陰功湯嘅我都飲左兩碗。燒魷魚新鮮大隻，最後驚喜係甜品，芒果沙冰，千層糕和椰子大菜糕，芒果糯米飯都係食到停唔到口，非常回味。

今年的生日飯選擇了打破常規，不再重複西日韓，而是選擇了和往年不一樣的種類-泰國菜。泰爸爸在奧海城三期商場外面地舖，以前食過一次，味道不錯而且環境舒適。餐廳有露天位置，坐在靠門口位置或是露天位置，看著懸掛半空的小燈泡燈飾，很是寫意。生日日子要食得豪華啲，點了個細紅燒泰國翅，翅汁鮮甜，口感爽口。泰式海南雞和鮮菠蘿海鮮炒飯是招牌菜。海南雞雞肉滑嫩，油香十足，回味無窮。強烈建議先品嚐了雞肉原味，記住了它的鮮甜，才去點帶頗濃烈辣味的醬汁，因為在有比較的情況下，才更能體會到原汁原味的風味。海南雞與這個鮮菠蘿炒飯是絕配。炒飯炒得乾身，口感極佳；海鮮配料新鮮；吃到底，把底部的菠蘿肉刮出來，酸酸甜甜，好像把剛才吃的油膩感一下除掉了。泰式炒椰菜苗炒得不錯，如果炒得乾身一點便更好。吃泰菜，沒有一個原個鮮椰青總是覺得缺少了些什麼的。這個椰青甜味十足，而且喝完以後，還可以刮出裏面的椰子肉來吃，椰肉肉質甜香而且完全不硬，邊吃邊感恩有如此運氣吃到了一個咁靚的椰子，打笑著說：如果大一歲事事如此幸運和順利就發達了。

好耐冇食過泰國嘢了，今次同埋屋企人出嚟食飯，行開奧海城，經過呢間鋪頭好似好吸引，又諗起去完泰國之後好耐冇食過泰國菜，所以就上嚟試吓啦。環境有分室內同室外，我哋今次揀咗室內楚，因為好怕熱，不過室內嘅位唔算太多，同埋都幾多人，所以都要等一陣位。食物嘅價錢都幾大眾化，見到個泰式煎豪餅好得意，所以叫咗個試下。先來個泰式蝦餅，蝦餅炸得好鬆脆，個皮好薄，個餡好夠味，好重蝦味。之後叫咗個串燒，燒得啱啱好，又唔會太過燶，同埋啲肉好淋。最後仲叫咗個煎豪餅，個份量兩個人食啱啱好，唔會太多，查出嚟嘅豪好夠味，一流。

本身熊貓安排了泰國旅行，可是最近疫情嚴重，被迫取消是次行程。不過熊貓對泰國美食的熱情從未減退，今次不經意在奧海城發掘了一間高質又抵食的泰國美食，很想推薦給大家！泰爸爸——這間泰國美食店位奧海城內的食街，有室內和室外座位可以選擇，不過今天天氣比較凍，所以熊貓選擇了室內的座位。（其實室外座位也很不錯）而這間泰國餐館的侍應和廚師都是正宗的泰國人主理！其中最推介給大家就是冬陰功海鮮湯！非常足料，包括有青口、魷魚、等等。湯底濃郁而不油膩，必食之選👍🏽另外這條炒蜆強力推薦給大家。$88的價格，換來大大碟的炒蜆，廚師功力深厚，美味無窮。這個價錢自己在街市買也買不到這麼大隻和大份的蜆。食泰國菜當然不少得炒通菜吧，推薦！泰式咖喱雞亦是滿分👍🏽下次大家來奧海城的時候，不妨光顧這間泰式食店，必定回味無窮😋

餐廳由泰國人主理，真係好有泰國風味!間餐廳有得揀坐室內定室外，不過天氣凍就坐室內好D~冬陰功海鮮湯(小)　$88有魷魚、魚片、青口等等，好新鮮，唔算太辣，幾岩我口味～馬拉盞鮮魷炒通菜 $88勁多鮮魷，好惹味！金不換辣椒膏炒蜆 $88勁大隻蜆，呢個價錢超值！因為怕辣，所以落單時特別講左要少辣，炒得好香！泰式黃咖哩薯仔雞 $88份量好多，平時叫咖哩薯仔雞個重點係薯仔，我超鐘意食咖哩薯仔，薯仔都有幾舊，雞肉又多，價錢都係$88~鮮椰青好清甜又解渴，仲可以食埋啲果肉。朋友就叫左青檸梳打～咁岩樣樣野都係$88，好抵！！又坐得舒服，下次會再黎！

今日同中同出嚟食飯，喺奧海城買完肉桂卷之後就去咗地下個層嘅泰爸爸食泰國菜🤤餐廳面積唔算大，但勝在有露天位坐，想chill 啲都可以坐出面，我哋就揀咗坐入面😌泰式拼盤（$138）上菜時啱啱炸好，仲係熱辣辣。入面有炸蝦餅、炸魚餅、春卷、串燒雞各2件，每件都好大舊，餐廳仲好貼心幫我哋切件。炸魚餅同平時食嘅有啲唔同，食落去較鬆散，香料比較多，味道好特別。個人最鍾意食就係串燒雞，醃得啱啱好，再點埋沙嗲醬好惹味！泰式青咖喱雞（$88）青咖喱雞椰奶味好香，雞柳嫩滑，撈飯一流，可惜佢唔配飯，聽店員話晏晝先會配埋飯，如果再熱啲會更好食。椰汁三色冰（$30）三色冰以椰汁作底，椰奶味好出，入面有染成紅、黃、綠色嘅馬蹄，口感爽口煙韌，解辣一流！泰式凍奶茶（$28）每次去泰國必飲嘅奶茶，不過成日都覺得太甜。呢杯好啱鍾意飲奶茶嘅香港人，甜味啱啱好，茶味好濃郁。

原來澳海城三期外圍對街好多餐廳, 氣氛好好，上面吊住一粒粒既LED燈。呢度環境夠寬敞，半開放式餐廳, 坐outdoor都幾CHILL。 除了環境格局相當吸引，還有暖暖既暖爐係旁邊，可以呼吸清新空氣又唔怕涷。泰爸爸午餐都幾抵，50元多包嘢飲，下次可以嚟試下第一樣我認為值得推介的美食為小食拼盤, 有4款小食, 兩件炸魚餅，兩件炸蝦餅，兩條炸春卷同埋兩串雞肉串燒。最鍾意雞肉串燒, 好juicy。跟拼盤配咖喱醬，甜酸醬，酸辣醬。拼盤全部熱辣辣, 蝦餅好彈牙餐廳食物既份量算多，叫左一碗豬頸肉檬粉，豬頸肉係可以鋪滿一整碗。想靜靜地食餐飯, 呢度係好選擇。