泰煌居 (已結業)

今日係男友既父親大人生日....我地會打邊爐慶祝!!5:30pm收工就即刻走人,因為唔想男友佢地一定人等我好彩返到屯門都好早...7pm左右8點幾男友既屋企人已經拎左位la...咁我就同男友去搵佢地!!當男友帶我去到"泰煌居"門口時...我就問佢"係e間打邊爐????有得打嫁咩??"因為我見到間野既門面裝修似係食泰國菜...而唔係打邊爐lo~男友就話"係丫...仲好抵....$88好多款野食俾你揀"入到去我地坐卡位再加多1張櫈....因為6個人唔夠位坐~唔知係唔係人多.....可以揀2個湯底(冬陰公/沙嗲)見到張點餸真係令我驚訝...好多泰式野食...都係包埋??$88...多數都只係得打邊爐...依家包埋咁多泰式野食!!!真係抵丫..我地tick左好多泰式野食....手打蝦餅 : 雖然切成一片片,但依然食得出佢彈牙既口感..點埋d甜酸醬..正!!好值得食!!沙嗲豬,牛,雞串燒 : 沙嗲味夠濃夠香...配合埋串燒食一流!!可選擇雞同豬肉,口感比較好,因為牛肉色澤唔太好,而且太任..香茅豬扒 : 香味足~但好乾身....香茅雞中翼 : 味道還可以..不太特別春卷 : 皮夠脆..入面d係粉絲好足.....好味!!.焗蒜蓉包 : 賣相幾好,亦好香....但食落去陣蒜蓉好似有d怪..泰式鳳爪 : 味道還不錯..但細隻左d…所以我地叫左2轉!!碗仔翅 : 見到已經....唔想食><炭燒豬頸肉 : 比較乾身左d..比唔食泰國菜既地方馬拉棧炒通菜 : 炒得岩岩好,唔會太老...都見到通菜好新鮮送1份海南雞半隻 : 如果係免費我地會一叫再叫...d雞肉一d都唔肥膩,而且好嫩滑,成碟雞都好入味!!正正正丫!!tick左既打邊爐既野食...肥牛 / 芝士腸 / 芝士丸 / 雲吞 / 墨丸 / 龍蝦丸 / 金菇 等等..叫左好多都5記得了!!!其實今晚目的係打邊爐...但我地都覺得,今餐似係食泰國餐,而5係打邊爐!!哈哈因為...淨食d串燒,雞亦,蝦餅,菜等等都已經8成飽la!!!哈哈...$88 食e餐野真係非非非常之抵..如果係上水都有e間餐就好la...我一定會成日同班fd去食...因為實左太抵la!!!!…查看更多

以前食過兩次，一次差過一次。 今晚五人火鍋任食，每位$96~服務 :明顯菜色種類任食少過以前，點一次菜，一係冇尼，尼到嘅，一人都分唔到一件，點野食都用晒D時間 ~環境 :今晚室外氣溫有三十度，室內至少廿八九度，事關店舖太小，今晚開足台台都係火鍋，個個客人成頭汗，如果要做火鍋既，冷氣一D都唔夠 !!!食物味道及賣相 :以前可以任食海南雞，泰式鳳爪，青檸梳打.…等等，已經改為限量供應。之前有泰式生蝦刺身又冇埋。1. 海南雞 ~ 限4位可點半隻 , 大小似足大家樂燒春雞 , 每人可分到兩小件 2. 泰式鳳爪 ~ 點了5次單 , 除左第三次單尼過幾隻外 , 完全冇見影 , 仲要係正常一隻雞腳碎開三份 , 而尼果碟加埋唔夠兩隻雞腳3. 冬陰功 ~ 冇味 , 好似一份冬陰功開多一份水4. 脆肉鯇 ~ 標明脆肉鯇唔理你點多少件，一律比3~4小塊，仲要只係普通鯇魚片，而且好唔新鮮。5. 泰式炒檬粉 ~ 味道尚可6 蝦餅 ~ ok 尼樣又冇，果樣又冇，仲要收$96／位。以後唔洗預我!!!!!…查看更多

第一次寫食評!哈哈，又到左一個月一次的家族聚會=]（其實係中學時代的好友）千辛萬苦先就到時間約齊咁多位朋友，但最終其中一個朋友都係無黎到，可惜。下次希望齊人啦!!我地讀既中學係o係屯門，大家又住屯門，所以gathering總係離不開屯門XDo係屯門已經無咩好食……之前朋友黎過泰煌居食放題覺得黎好，再黎openrice search下就決定黎喇!$88有泰式美食連打邊爐,都幾抵呀!D野都幾好食~雞有雞味,芝士丸有芝士味,墨魚丸有墨丸味......XDD以上我同朋友搞gag時講的無聊野，哈哈!不過d野真係幾好食架~放題點菜紙前後兩面~首先泰式放題-小食/主菜/飯/湯/甜品區都算幾多野食呀!好開心呀!然後打邊爐區有正常打邊爐食既野~幾好架~湯底有三個揀,分別係沙嗲,冬蔭公同肉碎豆腐湯~(但餐廳show出黎既牌仲有蕃茄薯仔湯同羅宋湯~)野飲都幾好呀有幾樣揀~有汽水~酸梅湯~青檸梳打同菊花蜜~我地叫左個沙嗲湯底~幾足料呀@@好香辣辣地~好夠味~打邊爐d料幾好食喎~雖然豬頸肉唔爽口~係淋的~但好好味=]雞肉都係好鮮味~好嫩~梅頭肉係好淋好淋的豬肉,都幾好味既=]其他果d都唔錯架~餐廳黎講佢d料真係幾正喎除左打邊爐,當然我地都叫左好多泰式野食=]咖喱雞我地揀左紅咖喱~其實我都唔知青,紅,黃咖喱有乜分別XD咖喱好味呀~~唔辣,但好香=]係咪加左椰汁呢?不過唔知點解個咖喱好甜XDD比日式咖喱仲要甜好多香辣肉碎生菜包=]都幾得意呀~生菜包住d肉~生菜幾鮮甜,肉碎就酸酸地,辣辣地配埋d肉感覺幾新奇有趣不過d肉碎就咸左d囉蠔仔炒蛋~好味呀!!蠔仔無腥味=]雖然油係多左d~不過真係唔錯出街食飯都係多油架啦,哈哈吉烈魚柳~好好味呀!!勁鬆化~好似入口即溶咁......XD香葉包雞~勁得意~佢細細粒咁~大約半個掌心大啦~個樣有d似粽~打開左係一件雞塊好鮮嫩好味!!菊花蜜~好好味呀=]佢有少少薑既辣味~不過沖得好甜......@@加番多d水就好喇依度d野飲好矜貴......因為要追單3次先會上一次野飲XDD可能家庭式經營實在太忙吧=]所以我地都無怪佢地~哈哈佢地服務態度真係唔錯架~雖然有時會漏單,但幾親切的=]其實我地仲食左好多野,礙於openrice一個食評只可以post8張相我只好無相簡介一下:泰式鳳爪起左骨~我無食,但點左泰式醬我朋友話好好味~串燒豬/雞味道ok呀~不過上枱時唔算好熱~個sauce咸左少少~依間餐廳d野食整體上真係唔錯~又唔貴~餐廳環境方面,舖頭唔算好大,但都唔細環境幾乾淨,卡位幾舒服,又唔太嘈=]今日我同d朋友叫到成枱都係野~依頭清左dd野食,轉頭又上一大堆XD同朋友黎依度食飯食得好開心真係覺得依間舖頭值得黎食=]不論情侶或一大班朋友都好呀~(但一大班朋友可以試多d野囉=P)…查看更多

平時經過都好爆，大部份都係學生等位多，學生味道最直接，好味的地方離學校幾遠都好都會去吃，不好味的地方離學校最近都是小貓三兩隻，所以有時見到不知名食店有學手聚集都會望一望，泰式邊爐其實同港式邊爐差不多，係個多了冬陰公湯底，其他火鍋配料大致一樣，反而我對小食同醬汁有些興趣。雞牛豬沙爹串燒味道ok，小炒都幾好，但油太多了，甜品有大菜糕和杏汁雪耳，味道蠻好。生菜包肉碎，第一口都未辣，到第三口就有少少辣，辣得真陰濕，無需加一，不收茶芥和醬料費，好過去酒樓打邊爐。…查看更多

Chris為小妹慶祝生日, 有飯食, 又有禮物 超開心呢間泰煌居開左半年左右, 大家都係第一次食選擇好似好少咁, 不過佢份量多, 每樣叫一份, 叫左一轉, 我倆都已經食到飽晒~好味冬蔭公湯, 炭燒豬頸肉, 手打蝦餅, 香茅雞翼, 串燒, 蠔蛋, 蝦醬炒飯, 泰式炒金邊粉普通椒鹽魚柳, 生蝦刺身, 青咖哩:可選牛/豬/雞, 焗蒜蓉包, 甘柚沙律服務都好好…查看更多