泰然 (順利商場)

營業中

休息中

今日同老公終於可以撐枱腳，雖然是簡單的下午茶，但機會難逢，加上下午茶有優惠，吃得好滿足🙌🏻泰然坐得好舒服，不知不覺，一邊食，坐了整個下午係傾偈好地方。午市套餐抵食，$50-60食到泰菜👍🏻👍🏻今次我依然都係叫咗最喜歡食的炒金邊粉，金邊粉彈牙、大蝦肉質爽加了馬拉盞炒通菜，香香辣辣，甚有泰式風味。老公點了蟹肉炒飯，蟹肉量多，啖啖肉！炒飯有鑊氣，最緊要是夠乾身，粒粒飯分明龍眼冰是泰國特色吧😁龍眼肉好多，好足料啊還點了個酸辣鳳爪，酸酸辣辣，配菜又多，味道層次更豐富椰青好飲！夠冰涼、而且將椰肉吃得光光 😋😋下次都想再嚟🤭

同女兒去順利邨探望舅母，之後去咗商場食午餐。估唔到呢啲舊商場都有高質素嘅餐廳。泰然是一間泰國菜餐廳，裝修簡潔時尚，卡式座位寬敞舒適。而且價錢大眾化，套餐仲好抵食。泰式明爐烏頭大蜆鍋：熱騰騰原條魚上檯，用明爐熱住食，烏頭魚肉鮮甜可口，配搭多種香料煮出來的湯，味道酸酸辣辣，湯連魚肉一同伴吃，味道酸辣，愈吃愈開胃。加了鮮蜆，湯底更鮮味。泰式胡椒燒春雞半隻：燒雞皮脆肉嫩，點些特製醬汁，可提升味道的層次。油飯兩個：金黃色的油飯粒粒分明，吃起來鹹度恰好且十分順口。泰式生海蝦：鮮海蝦冰鎮過後 ，肉質更緊緻富彈性，味道甜鮮有口感 ，再配上香蒜片 及辣椒 ，層次更豐富。甜品拼盤：有西米糕、千層糕、奶茶凍各兩件，甜品甜度適中，口感清甜軟滑。芒果芝士沙冰：芝士厚實鹹香既口感加埋實在既沙冰，真的有豐富味蕾的極致享受。鹹檸七：檸檬味道剛好就好，味道甜甜酸酸中帶一點鹹味，冰涼解喝。

我明晚市係忙但係你20分鐘上唔到菜係真係離譜間鋪又唔算大 洗唔洗整咁耐呀等都算數 服務態度差有個肥肥地個男侍應 串到飛起唔講以為爭佢錢個細路舉手叫佢佢好惡對著個細路講 「你想要咩呀？講啦？係咁舉手又唔出聲，講至得㗎，我點知你要咩呀」 對著個細路洗唔洗咁串呀上菜又係咁錯連錯3次同埋每張檯基本上都追單呢間野之前都黎幾次 每次d運作都好差野食冇咩特別 茶餐廳feel價錢都貴 同九龍城嗰啲差不多價錢再咁做落去遲早執 搞掂你地運作先啦

我真係好鍾意食泰國嘢泰然我一向都好滿意最近先知原來觀塘開咗分店 就嚟試吓水準唔知係咪最近推出嘅套餐呢？超級抵食我咁鍾意食海鮮 毫無懸念地揀咗咖喱蟹隻蟹列明超過一斤重 今晚全日海鮮餐生蝦刺身一打金不換炒大蜆仲有蒜蓉包四條再加青檸梳打先講最主打嘅咖喱蟹真係好大隻 啲蟹新唔新鮮真係一食就知 好多肉 肉質鮮甜彈牙 配埋咖喱汁 非常滋味上菜同時上埋蒜蓉包好有誠意嘅係六邊都沾有蒜蓉牛油 真係外脆內軟 就算唔係點咖喱汁都好好食金不換炒大蜆就正正常常可能豆豉味太重 有啲似食豉椒炒蜆 金不換嘅味道唔多 但勝在啲蜆都好新鮮 所以都係好食嘅 生蝦刺身擺盤一如以往係有兩款口味紅色辣啲 綠色香料味重啲兩款同生蝦都好夾 生蝦肉質都好爽口 $118有一打其實幾抵食青檸梳打係用返泰國嘅梳打水酸甜程度適中 最後好想讚嘅係服務員嘅態度佢哋會好主動嚟換碟 我一晚都換咗三次服務好殷勤👍🏼

呢間泰式餐廳係位於觀塘嘅順利邨3樓D11 D 12號舖，價錢非常抵食，而且份量仲相當多午餐時段已經坐滿客人，地方寬敞，坐得都好舒服海南雞飯雞肉好嫩滑 雞皮爽薄 ，而且仲去埋骨，可以大啖咁樣放心食，配上酸酸辣辣嘅泰式醬汁 ，非常惹味，旁邊嘅雞油飯香氣撲鼻，又唔會太油膩，口感順滑，唔夠味道仲可以加埋旁邊嘅薑蓉一齊食，太滿足了午餐咖喱牛腩配薄餅$60咖喱很香微辣中帶香濃椰漿味牛腩煮得好腍 ，配埋個入味薯仔🥔加上薄餅一齊食，滿足感飽滿，配菜仲有青椒黃椒同埋洋蔥，份量相當充足明爐烏頭$158原條魚上，魚肉肉質尚算 可以食落唔會又泥味，配料香茅，檸檬葉，大蒜，蘑菇，洋䓤加上肉碎配合埋湯汁，味道酸酸辣辣好開胃，粉絲仲索晒味 ，廚師在魚嘅身上畫上幾多能夠將調味料嘅味道滲入魚中泰色鳳爪午餐加$18就有，性價比非常高，鳳爪去晒骨食落爽脆 ，有少少辣 ，配搭埋生菜洋蔥絲同芫荽，健康又惹味，開胃既前菜餐飲叫咗杯熱檸水同埋熱柚子蜜，兩杯都熱辣辣，柚子份量仲相當多，甜甜的

之前叫外賣食過呢間泰式餐廳 ， 佢啲奶茶都幾好味，少有地經過順利呢邊，就去左試佢嘅堂食👍🏻🐰🐰🐰👉🏻馬莎文咖喱牛筋腩，牛筋腩煮得軟爛入味，配上香濃嘅咖喱汁，醬汁濃郁香辣👍🏻👉🏻泰式海鮮炒金邊全日套餐全日套餐好抵食，份量好大，而且加配嘅小食一啲都唔細份🐰🐰🐰泰式海鮮炒金邊粉炒得香口彈牙，海鮮鮮甜，而金邊粉亦吸收咗 酸甜 醬汁嘅味道，好美味！泰式馬拉盞炒通菜亦唔錯，通菜爽脆，配上香辣嘅馬拉盞醬汁，味道鮮美。依間餐廳上年喺順利廣場開咗， 都幾滿座 👍🏻下次黎到可以再試其他🤪👍🏻

估唔到係觀塘既順利邨商場都會有咁多野食，遠處見到泰然嘅招牌，心諗食泰國嘢都唔錯喎，就決定入去試吓啦。餐牌上嘅選擇都好多，無論係單點定係set，但係見到個泰色烤魚，即刻抗拒唔到。套餐仲有兩款食物，有泰式肉碎生菜包同埋泰式生蝦（半打），但呢兩樣我都麻麻地，原來仲有兩款揀，咁我就揀左蟹肉炒飯同鮮蝦金邊粉。先講個主角泰色烤魚，揀左個泰式青花椒味，佢係有泰國菁胡椒，鮮花椒，青辣椒，薯仔同蓮藕片，本身我估佢會好辣同好油，但係原來個味道唔會話好辣同好油，而且唔係好鹹味道都足夠，魚嘅肉質都幾結實，唔係好腍嘅魚。泰國菁胡椒唔係食開既青椒唔會辣到噴火，雖然唔食得辣嘅朋友仔都可以食到，而且佢都好香花椒味，蓮藕片都夠爽口同入味。之後到蟹肉炒飯同鮮蝦金邊粉，兩款既份量都超級多，飯同個金邊粉都炒得夠乾身，蟹肉嘅份量都好多，金邊粉既色香味都俱全。一啖飯一啖魚，一啖粉一啖魚，三扒兩撥就食哂。另外係仲包嘢飲嘅，泰式奶茶值得一試。

今晚又同朋友小聚 , 就近近地公司附近食下晚餐 , 就順佢意食泰菜順利商場裡的泰然 , 被附近的屋村包圍著 , 目測主力做平民街坊生意晚飯時間接近座無虛席 , 環境都算乾淨 , 裝修甚有泰國風情 , 價錢相當親民唔貴店員阿姐都幾客氣 , 推介左一下二人餐餐牌亦見簡而精 , 圖文並茂諗左陣落左二人餐 額外加一個飯餐追加小食同野飲等左唔夠10分鐘就開始有野上枱二人餐$298有得揀焗黃咖喱麵包軟殼蟹。 , 真心抵食同好吸引厚厚吐司鋪滿晒濃郁黃咖喱 , 調教過合港人口味 , 不會過辣 , 濃郁之餘帶濃厚椰香甜 , 層次感十足 , 軟殼蟹 SIZE大而炸得香脆可口招牌去骨豬手煲 , 外皮富有光澤 , 抆得香淋軟嫩入味而又香濃極致 , 醬汁起到提味及提升味道到另一層次馬莎文咖哩牛筋腩 - 也是經改良適合港人口味,椰香甜為主略帶微辣 , 牛筋腩肥瘦相當到位肥而不腻 , 入口綿彈回味悠長去骨海南雞飯份量足 , 食得滑嫩有致 , 雞油味香 , 更有部份雞皮與雞肉間啫喱狀的脂肪乃精髓 , 油飯可口入味 , PS有得選白飯或油飯追加小食 炸蝦餅 , 酥脆口感悠然 , 新鮮Q彈又可口香脆泰式奶茶(凍) + 菠

餐廳係屋邨商場入面 無論平日定假期都經常滿座下午茶時段超級抵食，一碗迷你船麵+飲品都只係3x蚊下午茶份量黎講好足夠 絕對夠晒誠意另外我地仲叫左冬陰公湯飯 同樣係好惹味 勁足料 總括黎講 絕對會再去

今日去左觀塘順利邨食泰國菜，餐廳裝修簡潔，椰樹牆紙，充滿泰國風情。餐牌提供數之不盡既泰式美食，包括各款套餐、頭盤小食、BBQ燒烤、沙律、主菜、海鮮、咖喱、湯類、菜類、湯粉麵飯、特色飲品、沙冰及甜品。椰香鮮蝦柚子沙律：大蝦新鮮，柚子醬汁，酸酸甜甜，開胃前菜。月亮蝦餅：炸得剛好，外脆內嫩，蘸泰式酸辣醬更出色。泰式菠蘿海鮮炒飯配雞肉串燒：炒飯配料豐富，雜錦海鮮味道鮮甜，串燒烤得恰到好處，雞肉無比滑溜，沙嗲醬汁好滋味。泰式豬頸肉炒烏冬：豬頸肉嫩滑，烏冬彈牙，泰式炒法夠香辣。泰式馬拉盞炒通菜：馬拉盞帶微辣，灑左大量炸蒜，加倍惹味。芒果糯米飯：香甜可口既芒果配上口感煙韌既糯米飯，泰國菜必點甜品。總結，食物有水準，份量十足，價格合理，值得推薦。

最近好鍾意食泰國菜，周圍去搵一啲泰國餐廳試，呢間泰國菜有2人、4人或者6人套餐。我哋兩個人叫咗個二人餐$298，🐽曼谷嘅火山排骨真係爆好味！佢嘅燒烤口感好正，肉質嫩滑多汁，配上微微咸香嘅燒烤醬汁，真係令人回味無窮。每一口食落肚，都可以感受到肉質入味，口感好滋好味！但係要注意呢個有少少辣如果唔食得辣嘅記得同佢講要走辣🌜招牌月亮蝦餅🦐呢個招牌菜真係名不虛傳！月亮蝦餅外脆內軟，炸得金黃酥脆，蝦肉鮮甜彈牙，配上酸甜嘅蘸醬，絕對係一個完美嘅開胃小食！鮮蝦炒金邊粉🍤鮮蝦炒金邊粉絕對係試到泰國餐廳嘅真功夫！金邊粉爽滑彈牙，炒得恰到好處，而且佢哋加咗大量新鮮嘅蝦肉，令味道更加鮮美。加入咗泰式辣椒醬，帶點微辣嘅風味，真係令人回味無窮甜品拼盤🍨套餐仲有拼盤，入面有好多款泰國嘅甜品，包括椰汁🥥糕球、芒果🥭果涷、同班蘭糕等。每一款都非常精緻美味，甜而不膩。特別係芒果果涷，食到淡淡嘅芒果香味。今次嘅泰國菜餐廳真係帶俾我一個非常愉快嘅用餐體驗。火山排骨、月亮蝦餅同鮮蝦炒金邊粉都係我強烈推薦嘅菜式，特別係佢哋嘅口味正宗，令我彷彿身處於泰國嘅街頭小食攤。如果你鍾意甜品嘅話，一定要試下佢哋嘅甜品拼盤，絕對會令你回味無窮

去完順利邨探朋友順便搵埋地方食晚餐，見到順利邨商場有間裝修得幾靚嘅泰國菜，Menu仲有啲四人餐價錢都唔貴，於是就入咗去食，發現又幾抵食喎～四人餐 $488以下所有菜式都可以揀小辣，唔食得辣嘅朋友都可以放心叫～泰式經典明爐烏頭出邊食呢個餸好貴，呢度四人餐有得嗌，上枱仲有火爐熱住，相當有誠意，烏頭都鮮甜，配合埋大量嘅泰式配料，香茅味好香，湯底有少少冬陰功味，魚身下面仲有啲粉絲朔晒啲精華，非常入味，幾抵食～馬拉盞豬肉碎炒通菜份量都唔少，通菜新鮮，調味配料同埋馬拉將充滿泰式風情，菜上仲有少少乾蒜喺面做點綴。炭燒豬頸肉呢個份量真係有啲驚喜，豬頸肉好香口，配合雨露辣椒醬，酸酸地，減輕食肉嘅油膩感，仲要有蠟燭喺下面燒着，食咗成晚都仲好熱辣辣。泰式串燒半打呢度嘅串燒真係珍寶size lol ， 串燒全部都大大粒肉，半打有晒豬牛雞，肉質都鮮嫩，調味適中，仲要有兩隻醬料俾人揀，除咗泰式辣辣醬，仲有一隻好似冬陰功味咁嘅酸酸地嘅醬，比較特別，同串燒幾夾。青檸梳打傳統泰式Soda水牌子，配合大大粒青檸，泰式風味，識辣嘢飲啱晒泰式奶茶個人好鍾意飲泰式奶茶，呢度嘅奶茶味都幾香，唔想太多冰嘅朋友可以嗌少冰

今日去完順利邨打波，喺附近呢個屋村商場搵到呢間泰國菜。 望落環境唔錯價錢仲要好平。泰式經典大蜆煲 推介❤️湯底好似冬陰功，但係就冇冬陰功嗰種椰香Creamy嘅味道。 反而我覺得酸酸辣辣嘅湯底更加適合大蜆！ 蜆冇沙，新鮮。 裏面仲有啲粉絲，鮮甜加埋湯底酸酸辣辣，好食！👍🏻泰式經典明爐烏頭 烏頭有時啲餐廳整到好多泥味，呢一間香茅味比較重，而且都幾香辣。所以食唔到烏頭嗰種泥味！ 調味唔錯，魚嘅肉質都新鮮！炭燒豬頸肉呢間餐廳好細心，好多碟菜都會用少少火爐興住！保持到溫度，慢慢食傾吓偈都唔怕。 醬汁都係泰式魚露酸酸辣好過癮。 泰式海鮮炒金邊粉金邊粉麵質唔會太林唔會太硬，味道酸酸甜甜好開胃。泰式酸辣鳳爪沙律另外套餐加咗鳳爪沙律， 加$18有好多小食揀又幾掋。 呢個鳳爪沙律調味酸酸鹹鹹，不過都幾辣。 可能有冇食到啲辣椒子。 鍾意辣嘅必點！咸檸梳打食辣嘢用呢個幾解渴，同埋解辣。不過唔好吉咁多，因為咸味都幾出。 可以試吓吉下飲下，自己調下味。

順利不嬲都係好少餐廳係好食，好難得有一間比較多人食。套餐都有幾多款式可以揀我就揀左泰式海鮮炒金邊粉和泰式乾炒牛河，套餐跟一杯飲品仲有得額外加配小食，揀左月亮蝦餅和泰式酸辣鳳爪沙律🥗，好抵食。泰式海鮮炒金邊粉，配菜有芽菜、豆卜、蝦🦐、魷魚🦑等食物份量充足，金邊粉是比較粗條，加上有花生碎有口感。我加左青檸汁，味道酸酸甜甜好開胃。泰式牛河加多了三色椒，唔會太油膩。泰式生蝦肥美新鮮，亦有紅綠兩款醬汁，如果叫兩人套餐仲有得升級加$68就有。泰式酸辣鳳爪偏辣，喜歡食辣先好叫，鳳爪大隻爽口泰式月亮蝦餅有驚喜，外層有一層好薄的脆皮，餡料彈牙，食得出有蝦肉。最後，食泰國菜必備的甜品芒果糯米飯，芒果🥭甜，椰汁醬好香滑。

泰然觀塘利安道15號順利商場3樓D11-D12號舖順利邨順利商場 抵食泰國菜二人套餐 $298 300 有找可以揀三個泰國美食環境坐得舒服，同埋好多大枱方便一班人gathering泰式經典明爐烏頭烏頭 "ปลาช่อน"（Pla Chon） 一種夠嫩滑既淡水魚魚身被劃上幾刀，以便調味料能夠滲入魚肉中 檸檬葉、香茅、大蒜、辣椒 蘑菇 芫荽酸酸辣辣好開胃 個湯 煮到咁上下可以當飲魚湯去骨海南雞（半隻）無骨 更可以大大啖甘食 雞肉雞皮夠滑泰式串燒半打惹味沙嗲醬雞肉，豬肉各半沙嗲 由辣椒、檸檬草、大蒜、洋蔥、魚露、花生醬組成 有個小小蠟燭係食物架下 令串燒保持熱度