泰潮 (已結業)

今晚同男友幫襯，食海南雞飯，翼尖的雞爪沒有剪走，而且雞翼斬得不好，十分多尖及碎的骨，我男友稍不留神，當場界損口，口腔不停流血，我們把情況告訴老細，希望佢可以注意一下，下次把雞處理好一點，我們沒有追究。她態度惡劣，竟說:"這是你的問題，不關我們事"，臨走俾錢，我們不知道食油飯要加$5，想問清楚，她當面向樓面伙計說我們cheap, 俾唔起錢不要出街食，這是甚麼道理，服務態度差到不得了。真是食到一肚氣!!!!

*冬瓜湯*隨飯(豬手飯都得)附送冬瓜湯，冬瓜湯味清帶胡椒味，尚可(少少味精味，但又未至於出面那些味精湯好味精。)*海南雞飯*雞胸部位好滑，肉色白絕無粗糙線條，對比對面間泰國人海南雞甚至乎蘇施黃講個間勝利小廚，呢間d海南雞好好多，惟油飯比較乾，味淡，美中不足之處。*鹵豬手飯*豬手好lum，好滑。但配菜太多，變相豬手比例較少。*炸燒肉*小食(我唔係好記得真實叫咩名，該店其中一樣推介。)，唔好order，炸得太耐，好硬，都唔知自己食緊既原來係舊燒肉。呢間d海南雞飯非常之好，定價三十多元，算抵，晚飯時段好多人等位，但流量好快，等十多分鐘就有位。

自己鍾意食雞, 叫左個海南雞飯, 個湯算ok快到, 不過超細碗, 味精味頗重...............期待的雞飯到喇, 肚餓的人, 應該饑不擇食, 但個飯又硬又涷, 雞又"鞋"又冇雞味................唔知係唔係lunch time, 我地d碟未清, 待應問都唔問申手過來收碟.............我差d要好似阿媽打仔咁用筷子打佢先至縮手..............仲有呀, 冷氣勁涷, 叫佢地收細d, 佢地話冇得校, 你信唔信? 我返到屋企傷風呀, 你話我仲會唔會去?

早陣子電腦壞了，打算到黃金去替電腦裝修，路過這一家新開的店子，便試了這兒的雞飯。一個三十多元的套餐，包了飯及湯和前菜，算是價錢相宜。先說說湯，那是一小碗冬瓜雞湯。有雞味，但是味精也重。雞飯，雞好吃，但飯比較乾身。雞很滑，又不太肥，雞味濃。飯是的確比較少雞味，但乾身，而且在雞飯中算是不油膩的了。結論：若我再去黃金的話，會再去吃。

d雞幾好味, 又滑, 碟飯都好夠熱, 湯又夠熱, 不過d飯唔夠雞味, 可以再用多些雞湯和香茅蔥蒜煮飯, 只有黃薑粉令d飯係黃色係唔夠的o地方好細, 冷氣夠, 地方整潔o

想一想，呢間可算係深水埗絕少數嘅泰式海南雞飯店...某日行過，見到佢哋新開張。諗諗又好似好耐冇食泰式海南雞，就走咗入去...地方企企理理，侍應態度頗殷勤...但嘢食唔掂就乜都冇用...當然係叫海南雞。先來個湯，味頗清，但揾嚟揾去都唔見雞雜，算la，叫自己唔好咁多要求...切雞登場。標榜無骨，自己就唔太喜歡，不過無所謂la。食落皮肉皆頗滑，算係唔錯...油飯色水"擰立立"，油光滿佈，極吸引。吃一口，咦....冇雞油味，亦欠油香，耐人尋味...umm...揾次機會試埋個鹵豬手，始能定奪....