泰潮 (嘉咸街) (已結業)

今日晏左少少收工，所以就同同事一齊撐枱腳，食埋個晚餐先番屋企！同事尼講，唔需要太有情調🤣所以就揀左呢間小店。一人套餐都有成11個選擇。我地揀左「泰式青咖哩配豬頸肉」同埋「原個菠蘿海鮮炒飯」。店員先送上餐湯🥣冬瓜大大件，湯頗清甜，不錯。套餐配有小食，我地揀左「泰式酸辣鳳爪」和「香茅雞翼」。鳳爪好食！夠凍夠爽，酸辣味適中，非常開胃！雞翼同同事一人一隻，過下癮咁啦！主菜來了，豬頸肉好多，肉質爽，咬口十足。青咖哩香濃唔辣，撈飯食好滋味！🍍菠蘿炒飯用了心心碟來代替菠蘿殼，好搞笑，雖然有小小失望，不過誠意答夠！😆 飯粒炒得乾身惹味，青口大隻飽滿，整體都不錯。套餐配飲品，我地各自加左6蚊配泰式特飲椰汁冰同埋青檸梳打。最後最後，就是送甜品！入面有煙韌西米及香芋粒，味道香甜清新！價錢$88-$118, 中環區尼講，晚餐有齊湯、小食、主菜、飲品、甜品，都幾抵食！

香港人鍾意去泰國旅行，更鍾意食泰國菜，今日收工就同同事係中環一帶食晚飯chill下。見到有間叫泰潮的餐廳，而且仲係米芝蓮推薦，真係要入去試試。餐廳都算闊落，疫情關係隔開台坐，感覺空間更大。首先有黃瓜🥒給我們作餐前小吃，晚餐可以選擇一人套餐，而且好抵食。我選了米芝蓮海南雞飯，已經有配泰式青瓜沙拉同泰式青雞湯。仲可以選多個小食，我選了泰式酸辣鳳爪，再包杯野飲，我選了凍奶茶。成個餐都係$90咋，超划算。朋友就選了泰式雞肉炒飯，小吃就泰式香矛雞中翼，也是配奶茶，$98也是十分划算的。好快野食就上台，海南雞超滑超香，仲配搭雞油飯好有心機，酸辣鳳爪無得頂，夠曬開胃，香矛雞中翼也是大大隻脆卜卜，個泰式炒飯都係好正，大大碟又炒得夠香夠口感。兩杯冰凍的奶茶，夠大杯，用鐵杯裝勝在少冰但夠凍，最後餐廳還送小甜品，像大菜糕那樣的糕點，十分有心思。這樣的安排，係菜式同餐具方面都做得好好，果然米芝蓮推薦的餐廳。

要不是早前看了友人的食評，也不知道嘉咸街有間泰國餐廳，仲要係米芝蓮推介泰菜食府，所以已經即時 mark 低咗，趁這天要來舊屋打掃，就順便過來吃頓晚飯。原來裡面嘅地方都幾闊落，全店以綠色為主調，裝潢光鮮，檯與檯之間有足夠空間，門口仲放咗部篤篤車，可以打卡影相，亦令到餐廳更添泰國氣氛！先睇下餐牌，原來晚市係以套餐為主，有多款一人套餐，另外亦有二人及四人套餐。至於散點方面就有主食、沙律、輕食、泰式湯粉、泰式湯類、飲品及甜品等可供選擇。我哋揀咗兩個一人套餐，每客套餐都會配有一款小食同飲品。米芝蓮海南雞飯 ($90)：雞飯奉送泰式青瓜沙律同泰式清雞湯。跟飯的雞湯非常清甜， 完全無落味精，內有一大件軟腍入味的冬瓜。青瓜沙律酸咪咪又帶點辛辣，既美味又醒胃。雞件肉質甚佳，入口皮爽肉嫩，留有肉汁，加上已經去咗骨，吃起來啖啖肉，食得好滋味。金黃色的油飯亦很有水準，入口油香蒜香四散。至於另一個一人套餐就點咗泰式炒金邊粉 ($98)：碟金邊粉賣相好靚，而且炒得夠曬乾身，入口爽韌分明，配上青檸汁的酸酸甜甜，加上材料豐富，有大大隻的蝦、豆干同芽菜，撈埋側邊嘅花生碎一起吃，惹味非常！每客套餐都配有一款小食，我哋揀咗

用openrice app 落單買外賣自取，有半價餐買，十分抵食~25元既香矛豬扒飯+冬瓜例湯~ 雖然豬扒有少少干，但味道唔錯，份量又足，絕對抵食。31元既海南雞飯+冬瓜例湯~ 油飯很香雞肉嫩滑加埋有少少辣的醬汁~ 正~31元既滷水豬脾飯+冬瓜例湯~ 豬脾很淋又很入味，十分出色~40元既蝦球炒金邊粉+冬瓜例湯~ 炒得夠干又夠香，十分惹味。雖然買的全部都是半價餐，但論份量及味道都沒有hea做。。保持到水準，好味。絕對抵食。。。

是日等埋honey收工去左泰潮食晚飯見到餐牌上寫米豬蓮的海南雞飯真係好吸引 見到有一人晚餐所以同honey點左海南雞飯餐加串燒雞肉 凍龍眼梳打我就點左泰式豬髀飯 要通菜同埋熱的香茅薑蜜餐湯系冬瓜湯 有少少胡椒味 飲落唔錯海南雞飯見到都Honey話雞件好滑 油飯都唔差泰式豬髀飯泰式豬髀飯的豬髀件數好多另外個豬皮好琳 肉質好滑加埋泰式辣醬真係好開胃 另外有埋大腸同雞蛋 仲有酸菜熱香茅薑蜜 凍龍眼冰因為特飲所以我地加左錢真系有驚喜 熱香茅薑蜜好香香矛味 飲落身體暖暖龍眼冰也唔錯 好多龍眼肉飯後甜點唔少得椰汁榚職員服務態度好 值等再來食！

今日放工係附近搵野食揀左呢間泰國野因為見到門口個米芝蓮LOGO應該冇揀錯出面一個玻璃既廚房,可以見到廚師係度煮唔停手因為疫情關係, 好多人都賣外賣, 堂食唔多人, 可以坐得好鬆動叫左兩個一人餐有一個飯或面, 一個小食, 仲有一杯飲品黃咖哩牛根腩飯: 原本諗住叫紅咖哩, 但店員話黃咖哩好食D, 就信佢, 轉左黃咖哩有好香既椰香味, 辣度唔太辣, 岩哂我口味, 仲有佢既牛根腩份量好多, 食極都仲有, 牛腩唔UN, 牛根又好似啫喱咁, 口感豐富冬蔭功豬肉丸金邊粉: 冬蔭功味調得岩岩好, 唔太辣, 濃濃既冬蔭功, D味入哂落D食材度, 大蝦, 豬肉丸, 通菜, 成碗粉配得好出色小食叫左泰式鳳爪同雞翼, 兩個小食都好滿意, 泰式鳳爪又酸又辣,好開胃, 雞翼好香脆最後仲有甜品作結, 係大菜糕, 有清新既感覺呢餐係好有泰國味道既一餐

上網搵到中環呢間泰潮係米芝蓮推介嘅餐廳，而且價錢又唔貴，所以就去左試下餐廳提供一人套餐，幾十蚊有交易，而且有飯、有湯、有飲品、有甜品，仲可以自己選配一款小食。我就揀左米芝蓮海南雞飯，配泰式青瓜沙律、泰式雞清湯，小食就要串燒豬頸肉。佢個海南雞飯真係相當唔錯，啲雞肉勁嫩滑，而且油飯夠竹。而佢個串燒豬頸肉既醬汁都好惹味！朋友點左一份泰式炒金邊粉，小食選配青木瓜沙律（小份）我都試左少少個金邊粉，佢個擺盤夠哂靚，食落個味道都幾似喺泰國食既風味！而且仲有大大隻蝦喺面，幾足料。米芝蓮海南雞飯（$90)泰式青瓜沙律串燒豬頸肉泰式炒金邊粉（$98)青木瓜沙律（小份）

因為肺炎嘅關係，令一年一度去泰國之旅都取消咗，咁掛住泰國嘅我，唯有喺香港搵返啲正宗泰國菜食下補數啦！今日就嚟咗喺公司附近嘅泰潮食返個我最鍾意嘅海南雞飯！以晚餐一人套餐黎講，其實性價比真係好高！我哋叫咗一個海南雞飯餐，油飯超級好食，勁香，d雞肉超滑，又冇骨，配埋佢秘製嘅雞醬同埋青瓜，勁香口！另外一個叫做豬髀飯，佢啲餸完全cover晒成個飯，足料到爆！佢啲醬汁都好講究，一個雞醬點海南雞，紅色甜酸醬用嚟點雞翼，綠色用嚟點豬髀！套餐仲要配一個小食，我哋就揀咗無骨鳳爪同埋雞翼，兩樣都份量唔少！當然唔少得要飲返杯正宗泰國奶茶，獨特嘅香味完全就好似係泰國當地飲緊咁！仲要有甜品！抵到爛！枱與枱之間距離非常遠，食得安心！

今日收工又好耐冇食過海南雞飯，見到巷仔入面有一間感覺有一點懷舊的泰國餐廳，就即管試一試，店員的服務態度好好，招呼週到， 我和友人都叫了兩碟比較出名的來食，一碟是米芝蓮推介的海南雞飯，另一碟是豬髀飯，既然稱得上米芝蓮推介，點都要試一試，食落去米飯滲透著雞香，飯都呈現在金黃色，雞的份量亦都十分足夠，他亦都有兩種醬可以畀我們點來吃，另外每個餐亦都有其他餐前小食可供選擇，例如鳳爪、雞翼、串燒雞或豬肉串等等，和送一杯熱或凍飲，豬髀飯感覺上比較肥瘦適中， 亦無放太多醬汁導致味道過重，夜晚每人消費不過一百，加上中環地區，抵食，值得推介

今日嘅飯係唔係人食噶，煮一煲飯用半碗水係唔係啊，真係第一次食到咁硬嘅飯，我一個禮拜都食兩三次泰潮就這一次係真係忍唔住，點左咁多次泰潮都係我第一次寫評論，真係服左今日嘅飯，以後唔會食啦

收工同🐢🍯一齊食埋晚餐先返屋企，冇得去泰國食水門雞飯，唯有嚟呢間米芝蓮餐廳試吓啦。入到呢間餐廳都真係好泰國嘅，因為餐廳中間有個象神爺爺，而且佢個佈置都好泰式，簡簡單單咁。我哋每人嗌左個一人餐，因為呢度最出名嘅係海南雞飯，咁當然係要試吓啦。佢啲雞真係好嫩滑，雞皮都好爽身唔會有肥膏，而佢個雞汁都唔會好辣。而最驚喜嘅係佢個油飯都好香，香得來又唔會成隻碟油淋淋，確實係唔錯。而我自己就帶咗佢個冬陰功豬肉丸金邊粉嚟試吓，佢個冬陰公一啲都唔辣，偏向椰漿味重啲，但係味道都唔錯嘅，而佢個豬肉丸都好爽口彈牙。每個餐都會跟一個小食，我哋試咗佢個泰式鳳爪，佢哋鳳爪一開二，一啖一舊，唔辣得來酸酸地好開胃。另外仲試咗佢個雞肉串燒，佢個雞肉唔會燒到好乾，反而仲好滑，在沾滿晒沙嗲汁，真係好想食多幾串。嘢飲我就帶咗佢個泰式凍檸茶，一開始以為係普通凍檸茶，但係飲落有一陣泰式香料嘅味道，我自己覺得好好飲好鐘意。食飽飽之後佢仲有個椰青大菜糕，佢個大菜糕好爽口，而且好香椰子味，入邊仲有啲椰子肉，又好好食。我覺得呢個價錢有咁多嘢食，而且仲要樣樣都有返咁上下質素，確實係唔錯嘅選擇。

我特別鍾意幫襯小店，好多大集團嘅食肆已經有一大批支持者，而小店係而家呢個時間我覺得需要我哋多啲幫襯，今日就試吓呢間小店係食泰國嘢嘅，餐廳環境同裝修都睇得出花咗心思，價錢中等，二百幾蚊有一個二人餐。先來個冬陰功湯，冬陰功湯味道濃烈，材料十足，鮮蝦大大隻入口彈牙，辣味令到我特別開胃。小食拼盤新鮮炸起,魚餅同春卷都做到外脆內軟，香脆好味。主菜我地㨂左海南雞同青咖喱豬頸肉，青咖喱夠香辣，豬頸肉好入味，海南雞好滑，隻雞真係有雞味而且好嫩口，配埋油飯一齊食，正啊。最後有埋椰汁糕做甜品，二百幾蚊有咁多樣嘢食，所以話支持小店係有我嘅道理呢。

因為openrice做緊外賣自取，之前食過lunch真係覺得好鬼抵，而且知道質素如何，所以今日收工諗唔到食咩好，就醒起呢度，一於再幫襯！因為疫情應對措施嘅關係，雖然店仔細細，但每枱距離已經拉遠左，所以坐滿都只會得往日一半嘅客量，而且我嚟到嘅時候係包場。既然冇人，當然揀堂食啦！食得安心丫嘛！😂唔係咩慶祝，所以就揀左最抵食嘅一人套餐，同同事一人揀一款再share。我揀左米芝蓮海南雞飯套餐，雞都有雞味唔會淋batbat，飯佢跟返泰式用啲泰國碎米，薑黃味好香，值得得獎嘅。雖然醬汁唔多選擇，但鍾意佢啲雞夠滑，而且佢個泰式青瓜沙律細細粒好易食，好岩我，又夠fresh。同事揀左泰式青咖哩蝦球飯，青咖哩個咖哩底椰汁味好香偏甜少少，眼見蝦球都好大隻，而且超多甜椒，豆角果類蔬菜，好健康，咖哩唔太辣，送飯唔錯。泰式酸辣鳳爪味道非常之正宗，無骨爽口仲幾大份，做開胃小食就非常好。泰式香茅雞翼秉承泰式炸嘢style，都炸得幾出色，但係味道就相對比較普通。椰汁冰嘅椰奶味豐富，用料充足。泰式香茅薑蜜就有豐富嘅herbs味，夠natural，加左奇亞籽，又健康左。

輪到我去接老婆放工喇，去左間中環嘅泰國菜茶仔，我間唔中去公司總部開會都會食下。至於個環境就一般泰式餐廳咁。我同老婆一人食左一個晚餐，佢食海南雞，我食青咖哩牛腩。首先就一人一碗胡椒湯，個湯都幾濃胡椒味，但都唔會太過辣。個串燒就普普通通，唔會太乾，但都香口。我就食青咖哩牛腩，個咖哩好香，而且椰汁味都幾濃下，送飯好好。老婆就食海南雞，好好食。佢個雞皮好滑肉嫩，而且都有D雞味，真係好好食。至於個雞飯都幾香。個雞醬就普普通通，反而個青瓜沙律就有D驚喜，好新鮮爽脆。我就飲龍眼冰，幾清新，D龍眼都幾甜，用黎送咖哩一流。最後個椰汁糕就好有驚喜，唔係好甜，但好重椰汁味，超好食。

前晚大食妹同朋友仔咋咋臨去左泰潮食個頗早嘅晚餐就返屋企休息不得不說, 泰潮嘅防疫意識都幾強, 係政府未公佈話要每張枱距離－米半嘅時候已經做咗類似嘅措施客人嘅左右兩邊枱係唔會有人坐嘅, 俾人食得更加安心大食妹同朋友仔嗌左個二人套餐:-<冬陰功湯>冬陰功口味偏辣, 配料都幾多, 有豬肉丸、菇菌同蝦<泰式炸魚餅拼春捲>泰式炸魚餅拼春捲係鮮炸嘅, 熱辣辣脆卜卜<泰式蒜蓉炒雜菜>泰式蒜蓉炒雜菜幾有鑊氣, 種類都唔少<泰式青咖哩豬頸肉>泰式青咖哩豬頸肉好啱送飯, 肉質爽口<泰潮海南雞(例牌)>海南雞分量幾多, 食落一啲雪味都冇<雞油香飯>雞油香飯就有少少失手, 飯底偏濕, 未能做到粒粒分明