泰斗 (TKO Gateway西翼) (已結業)

之前搵到食過泰國餐廳，但係執咗而家改成泰斗，夜晚食燈光有啲暗，有裝修，坐都OK ，但張凳今日見到有啲污糟😂叫咗四個餸 加4串串燒魷魚有啲鹹菠蘿炒飯有兩個版本，一個平啲$138，另一個貴d $168 ，我哋叫咗個貴嘢，係幾好食，焦糖菠蘿，係幾好食，餐廳切好一片片，可以就咁食。炒咗通菜係幾野味椰子雞就太‘杰’ 水份好似唔夠咁，想飲個湯，但同預期有落差佢有火熱住，保持温度，但餐廳今晚冷氣好足，坐得耐有d凍最後叫左串燒，其實大家都好飽串燒幾厚肉，對得住個價錢今晚都食咗$600最後最後餐廳太好生意，好多人等位，但係佢哋唔係好大，所以最後食咗75分鐘都一定要走啦。

聽就聽得多，但入去食就真係第一次。入到去環境幾好，有梳化坐，仲有啲咕𠱸添，一啲都唔迫，坐落去都幾舒服。我就嗌咗一個泰式肉碎飯+泰式凍奶茶嗰飯一上到嚟都幾香，仲有隻蛋係上面添！味道唔錯，有輕微辣辣地，啲肉碎炒得好香，配埋啲香料味，好夾呀！唔好睇佢配白飯平平無奇，餐牌上醒佢係都幾高人氣，啲肉碎好好餸飯，一啖肉碎一蛋白飯，正呀！凍奶茶，唔似其他茶餐廳嘅奶茶，係比較傳統嘅泰式凍奶茶，茶味冇港式奶茶咁濃，應該係用錫蘭紅茶，比較甜。都幾好飲㗎！

真係味覺出事先會食第一☝️叫位個個男仔已經好唔醒目明明係俾number 飛正常直接叫number 佢竟然係2位 3位咁樣叫喂 大哥 我哋都一頭霧水 叫到我哋 指示不清晰 又唔叫啲同事幫手帶位或者指下邊度淨係識講個度個度坐到落尾餐牌都冇 幾個同事企喺度唔知發緊夢仲要有啲釘書機雜物喺我張枱度 我要幫手清埋😴生蝦啲蝦衰嗰啲急凍蝦個汁冇味串燒啲肉老過你阿嫲 啲汁又係冇味叫生菜🥬包 就咁俾生菜俾返我係咪要生菜包我問佢有人就咁叫生菜？打邊爐咩咁啱又係叫位嗰個男仔答我 佢話有人咁叫 咩料我已經食到冇哂希望諗住俾機會個冬陰功魚又係冇味 其實個廚師都好味可以整到重口味嘅泰國菜完全冇味 唯一有味係支1664 因為唔洗佢哋整我覺得仲會食個啲 真係零要求或者個味覺出事

次次經過呢間泰國餐廳，都見到幾多人，今日終於黎試下。我地叫左1️⃣泰式生蝦💰98有7隻生蝦，配上泰式辣海鮮醬，生蝦唔夠九龍城食嘅新鮮彈牙🥲2️⃣泰式生菜包💰98肉碎好惹味，炒得好香口，調味香辣，刺激到味蕾，包住爽脆生菜一齊食，口感豐富，好健康🫣3️⃣泰式生胡椒炒青口💰128青口份量多，隻隻都好厚肉，但唔係食到好重生胡椒味，調味比較輕手🥲4️⃣燒牛肉沙律🥗💰108燒牛肉份量多，但略嫌牛肉比較多筋，難咬🥲。調味好，食落酸酸辣辣，好開胃🤤消費價錢：2人💰475.2，人均💰237.6結論：（10分為滿分）味道：6.5/10性價比：6.5/10回頭指數：6.5/10餐廳名稱：泰斗餐廳地址：將軍澳常寧路2號TKO Gateway 西翼1樓W114號舖

上個月同朋友去坑口行街，經過TKO Gateway，諗住順便食飯！經過這間泰國餐館，見食評幾好，所以就入咗去食個下午茶！下午茶水準還可以！未必一定有驚喜！但唔算差個種！

約咗朋友食晚飯，揀左間近近地既泰國菜，之前食過其他分店都覺得唔錯♥ 泰式炒河 $98平時就食開金邊粉多，今次就突然想食炒河！呢份炒河碟頭份量好多！我地揀左配搭雞，而配料仲有蛋花、紅蘿蔔同芥蘭，味道適中唔算好油♥ 馬莎文咖哩牛坑腩配薄餅🥩 $148薄餅最岩就沾上咖哩食🥳馬莎文咖哩唔會好辣甘就唔會搶哂d味帶甜甜地，而牛坑腩則炆得超淋！仲有薯仔🥔作配菜♥ 泰式燒豬頸肉 $108燒豬頸肉啖啖肉肉質厚實，配埋個泰式醬汁帶微辣十分惹味😋♥ 串燒沙嗲豬 $32串燒牛一份有兩串燒得好香！蘸上沙嗲汁真係冇得輸🤩♥ 千層糕 $48 上次試咗芒果糯米飯，今次就試下千層糕，一客有6粒係超好食！梛汁味勁重勁香😍千層層次分明，仲好有特色咁每粒都唔同款♥ 洛神玫瑰花茶 $48飲翻一壺熱嘅洛神花茶，酸酸甜甜好開胃🫶🏻♥ 草莓蝶豆花梳打🍹 $48嗌左杯蝶豆花諗住靚靚地打下卡，漸變色由紫到紅好靚，淡淡草莓口味

泰斗 - 坑口分店@thaimaster_hk 性價比超高🇹🇭連鎖泰國餐廳♥️環境裝修好舒服✨更設卡廂夠哂闊落價錢合理又好味🤝人均消費$250食到飽飽。手打炸蝦餅$88入口啖啖肉～蝦餅即叫即炸🔥外皮香脆～非常彈牙。泰式生蝦 $98 一共有7隻生蝦～配上泰式海鮮醬生蒜🧄同辣椒🌶️唔錯👍🏻。鹹魚雞粒炒飯 $88炒飯粒粒分明🍚 材料豐富有菜心🥬蕃茄🍅雞蛋🥚鹹魚🐟雞粒🐓。汁燒魷魚筒 $108原隻魷魚～燒到恰到好處魷魚入口彈牙又帶鮮味🩷。芒果糯米飯🥭$58食泰國菜必點嘅甜品熱辣辣糯米飯🍚配上香甜🥭芒果肉同埋🥥椰汁～好好味🤤仲叫左兩款泰式飲品～好有驚喜👍🏻。芒果沙冰 $48完全冇諗過咁大杯🤩飲落係清新芒果香。椰汁紅豆冰 $38椰汁味濃～配上有嚼勁紅豆🫘～好味📍將軍澳常寧路2號TKO Gateway西翼1樓W114號舖

天氣好熱在坑口順便食完晚飯才返屋企經過商場有間泰國餐廳“泰斗”當✈️轉泰國🤣原個椰青大蝦冬陰功$128正常冬陰功酸辣味有蝦有菇還有椰青肉湯的份量都好多小食拼盤 $148泰式雞卷/魚餅/蝦餅/粉絲皮春卷全部都炸得鬆脆唔會太油膩有齊泰國味道馬莎文咖哩牛坑腩配薄餅$148香濃洋蔥薯仔咖哩汁牛腩坑諗不會韌薄餅煎得好香脆雜菜炒飯$88加入大量椰菜花粒/菜芯/芥蘭/菇類仍然有鑊氣飯粒粒乾身好惹味超級大杯沙冰🍹士多啤梨沙冰$48清香士多啤梨味沙冰幼滑芒果沙冰$48香濃芒果味又唔會太甜

兩個人叫咗菠蘿炒飯、2串雞肉串燒、咸肉炒什菜、芒果糯米飯、2杯飲品（椰青、冷檸茶）。份量剛好。整體來說也算ok⋯ 但菠蘿炒飯d海鮮真係麻麻⋯ 9:30pm要離坐，我哋八點幾入坐，食得有d急⋯

約咗朋友仔食飯，想食泰國嘢，揀咗呢間抵食又大碟嘅泰國餐廳，食到勁飽╰☆炸軟殼蟹柚子沙律 $108軟殼蟹大隻又新鮮，食落好鮮味柚子份量勁多😍 清甜柚子加上泰式酸辣汁，非常清新醒胃，仲有腰果增加脆脆嘅口感，好豐富╰☆泰式生蝦 $98食得泰菜點少得佢，一碟有7隻，生蝦大大隻啖啖肉而且好爽口╰☆串燒沙爹雞 $32$32有兩串，好抵食！雞肉嫩滑有肉汁╰☆泰式蝦肉炒金邊粉 $98金邊粉炒得幾有鑊氣，口感好彈牙，一啲都唔油膩，而且勁大碟，份量十足！╰☆手打炸蝦餅 $88炸至金黃色嘅脆炸蝦餅，一啖咬落去，滿滿蝦肉，扎實香甜芒果沙冰｜薄荷朱古力沙冰 $48兩杯都勁大杯😍沙冰香甜綿滑好冰涼

每星期例牌同呀媽食飯，呢個星期就食泰菜。近近地係將軍澳食。當日試左幾個菜式，當中我最鍾意原盅椰青大頭蝦冬蔭功同炸軟殼蟹柚子沙律。原盅椰青大頭蝦冬蔭功 $128冬蔭功用成個椰青上，有菇菌、大蝦同大量香料。酸酸辣辣開胃得黎飲落暖立立，我飲左好幾碗😋炸軟殼蟹柚子沙律 $108想食呢個因為係屋企懶得剝柚子皮😂軟殼蟹香脆唔油，仲有腰果同蝦乾，配埋柚子一齊食咸香得黎帶酸甜。雞串燒(2串) $32 / 牛串燒(2串) $32泰式香燒雞(半隻) $148洋甘菊香茅花茶 $48Pina Colada $68

今晚真的不得了😍好耐無去將軍澳，朋友帶我食好野，係商場內一間泰國餐廳。去到已經全場滿座，好耐無見過咁的場面🤣🤣🤣原個椰青大蝦冬陰功$128，喝一口好味到“哇”一聲😍除左冬陰功酸辣味，有好多種菇類，好味吾使1分鐘就KO晒🤣🤣🤣2串 牛肉沙嗲$32，牛肉大件厚身肉嫩，還有炭燒香味👍🏻馬莎文咖哩牛坑腩配薄餅$148，牛腩坑好淋吾韌，連薯仔都已入味，咖哩汁有椰香調味香濃好惹味😻菠蘿海鮮炒飯$138，全個新鮮菠蘿，裝滿粒粒有咖哩味炒飯，加入超多新鮮菠蘿粒同提子乾，配埋魷魚/蝦/青口一流！芒果沙冰$48，簡直震撼，大杯到吾識形容🤣🤣🤣好香芒果味吾算甜，食完飯沙冰都未飲完🤤Pussy Foot $48，清新冰凍甜美啱啱好！呢間真係要介紹給住在將軍澳的朋友仔，色香味區全！

最近我係將軍澳附近試到呢間CP值幾高嘅泰式餐廳🤭連朋友都話要再encore😚所以要分享下俾大家啦原盅椰青大頭蝦冬蔭功($128)佢嘅冬蔭功真係夠曬足料又好味🥰首先佢嘅用料好足下，淨係大頭蝦都有一兩隻🤭加埋其他配料，真心一啲都唔少🤤而佢嘅湯真係好濃郁，飲落酸酸甜甜帶點辣，仲有少少椰青嘅清香，真係幾正蒜香軟殼蟹($88)呢個我一定要推薦俾愛吃軟殼蟹嘅你哋👍🏻佢哋嘅蒜香軟殼蟹真心好正🤭佢哋嘅軟殼蟹除左好夠新鮮之外，佢啲肉同膏都好多下，所以食落好有鮮味同好夠蒜味🤭加上佢炸得啱啱好，食落夠曬香口又唔會過硬😝真心好推薦俾大家馬拉盞通菜($88)呢個通菜食落都唔錯🤭通菜夠新鮮又唔會炒得過老👍🏻配埋醬汁，食落又香又夠鑊氣🥰超啱用黎配飯食芒果糯米飯($58)佢嘅芒果糯米飯表現都好好㗎🤭芒果新鮮得黎又夠甜🤤糯米飯煙韌得黎又香甜，配埋又香又濃嘅椰汁，真係好香好好食🥰超啱做飯後甜品另外，我哋仲叫左椰青($42)同珍多冰($38)，兩杯都幾好飲😍用黎配正餐，都真係幾夾

疫情解封，身邊朋友個個都去旅行，唔係去日本都去泰國玩，搞到我都好想食泰國菜😂😂 想搵間正宗泰菜，坑口呢間街坊泰菜係不二之選👍 之前已食過，今晚再次品嚐，環境有泰式休閑感覺，擺設有心思，最緊要係味道夠正宗惹味😎🌟柚子沙律$58先黎個沙律醒下胃，海量柚子肉一梳梳配以紫洋蔥，有咬口嘅蝦米等，再以泰式魚露調味，酸甜中帶有豐富口感，零舍開胃🤩🌟泰式燒豬頸肉$108燒豬頸肉啖啖肉肥瘦適中，未食已聞到好香炭燒味，點埋靈魂泰式醬汁，微辣好啱香港人口味，正😎🌟串燒沙嗲豬（兩串）$32🌟串燒沙嗲雞（兩串）$32串燒燒得啱啱好，豬肉同雞肉都好嫩滑，滿滿炭烤味，沙嗲醬好香花生味，唔會太稀或太杰，推薦👍🌟馬莎文咖喱牛坑腩配薄餅$148薄餅配咖喱好夾，呢款馬莎文咖喱唔辣但好惹味，牛坑腩好腍入曬味，仲有薯仔好足料🤩🌟薄荷菠蘿乳酸$48清新唔甜配泰菜一流，大大杯唔錯👍🌟椰青$42好多枱都叫咗，好清甜🤩🌟芒果糯米飯$58有驚喜，糯米飯熱辣辣，配搭芒果同椰汁正呀👍

有時放工會去將軍澳搵嘢食泰斗✨裝潢充滿泰式擺設 環境寬敞舒適中間仲有棵樹 好有泰國渡假feel 📷食物選擇有好多 仲有好多款菜式想食🥚鐵板蠔仔蛋蠔仔蛋煎至金黃色 一上枱已經聞到好香蠔仔份量好多好飽滿 點埋泰式辣醬 食到唔停口 👍🏻🥘 椰香青咖喱牛肉咖喱味香濃可口 椰香味好香牛肉份量好多 配菜有豆角同泰式矮瓜🥖 蒜蓉包蒜蓉牛油味烤得好香 配埋青咖喱一齊食係Perfect match🥥 泰式香辣蝦膏海鮮炒河有大蝦、青口、魷魚等海鮮再用泰式香料同蝦膏一齊炒 好香又入味 😋💛 芒果糯米飯有半個芒果 超級鮮甜心形糯米飯上枱暖暖地 好煙靭 加椰漿好香啊🤍🥥 椰汁西米糕食泰國嘢必點甜品🥥 椰青兩個都好清甜 椰肉香滑好滿足🤍