泰斗

營業中

休息中

啱啱搬黎元朗又正當月圓之夜 揾d靚d既餐廳同朋友食飯打卡朋友介紹就試下依間位於大樹下既泰國餐廳係巿中心行過去都係幾個字內在環境好大好舒服長頭髮既員工既態度都好好 身為愛魚之人緊係揀條魚食下鹽燒盲曹 $208即場燒出黎燒得啱啱好 魚肉保持嫰滑 好香好貼心有2個汁 而且個汁好好味 好快已經食晒一碟2碟汁啱啱好 泰式香辣蝦膏海鮮炒河 $128有青口 蝦 魷魚等 好多料估唔到咁大碟 好抵河粉炒得好好食個汁好入味炒得均混鐵板蠔仔蛋 $148大大碟呀 而且超多蠔係入面蠔粒粒都鮮甜肥美加上蛋炒得金黃香脆真係食到停唔到口冬蔭功大頭蝦湯 (細) $148入面好多大頭蝦 好多料冬蔭功酸酸地鮮味好飲 唔會太辣叫細都可以筆到4 5碗出黎下面一直暖住佢keep住個温度椰汁沙冰 $68即場整出黎 加埋朵泰國蘭花好有泰國feel奇異果沙冰 $68超好飲 新鮮奇異果味feel到好多奇異果而且唔會好酸 好香飲到好乾淨打卡一流環境舒服有室外可以坐比大家睇下大大既月亮同波波燈埋單$844.82個人都飽到爆炸仲有咁靚既景值呀 

父親節同屋企人去咗元朗呢間泰國菜食晚飯。呢度嘅環境好適合打卡，有室外同室內座位。呢度個booking都幾滿，如果想試就記得早啲訂位。 原隻燒魷魚 燒魷魚好大隻，爽口彈牙，點埋泰式酥辣汁好惹味。 泰式香燒雞 半隻 燒雞即叫即整，大概要等20分鐘左右，燒雞肉質好嫩，而且雞皮好香脆。 馬莎文咖哩牛坑腩配薄餅 牛坑腩炆得好淋，馬莎文咖喱甜甜地，有椰香味。同薄餅夾埋一齊食口感好豐富。蝦醬炒飯 炒飯份量好多，幾個人share都夠食。入面仲有炒蛋、臘腸、豆角等。蝦醬味香濃，唔會太鹹，好惹味。

今日黎到元朗大樹下東路，品嚐一間新營業既泰國餐廳，餐廳走泰式異國風情感覺，除左濃濃的泰國環境同文化，餐廳亦都有好多影相打卡既位置，個個位置都有不一樣的感覺！餐廳門外更是必到打卡位，除左有坐的凳鞦韆，仲有心形藤樹，餐廳更支持寵物到訪！餐廳除咗大廳嘅位置四面都有vip位置！可以先行預約！再加上房既位置都有唔同既佈置景❤️今次我同朋友會首先試一個lunch set！入面有冬陰功湯、生蝦、煙三文魚、北海道帶子青芒沙律、燒大頭蝦、燒西冷條、一口生菜包、芒果糯米飯！一個套餐有齊咁多嘢食真係好抵食！再加上食物質素非常之超班！海鮮新鮮，沙律味道獨特！仲有一口生菜包啱曬唔係好食得多嘢嘅我！西冷條熟度啱啱好！芒果糯米飯香滑軟熟！之後朋友再叫咗個泰式椰青果凍，龍眼冰果凍，再叫咗兩個椰子雲呢拿雪糕球，加上芒果慕絲蛋糕！好味又特別！朋友最後再叫左個沙律三部曲；包括帶子，軟殼蟹同大蝦做主食，海鮮食落亦好新鮮！飲品方面我地叫左個泰式菠蘿冰，我叫左個青檸梳打！味道清新又開胃！！

住喺元朗咁耐，真係好少去大堂附近食嘢。鄰近元朗市區，門口有車位，非常方便駕駛人士。裝修華麗，設有室內室外雅座，環境舒適，夠寬敞。🥗柚子沙律 $98柚子新鮮，加入辣椒🌶️等調味好過癮🍡串燒沙嗲雞（兩串）$38🍡串燒沙嗲豬(兩串）$38串燒都係鍾意食雞串多啲，大串又厚肉🥖蒜蓉包 $36翠笙好味，蒜蓉牛油香口濃郁 🧈🐠酸辣青檸明爐魚 $228魚大條滑身，旁邊放有一碗酸辣青檬湯，可以慢慢加入去，入面仲有粉絲，吸收晒湯底嘅精華。🦐原盅椰青大頭蝦冬陰公湯（細）$128平時冬陰功都是用火爐作為底座，今次將冬陰功放入椰青入面，保留左椰青嘅味道，亦都有泰式風味。🥥椰青 $48原個大椰青，新鮮即開，清新好味😋

成班女去食飯吹吓水好開心㗎😌今次我哋就揀咗位於元朗嘅泰斗，佢係一間新派嘅泰國菜館黎既，同時環境好靚好適合打卡，戶外有心形花花燈、室內就有木系裝飾打卡，座位闊落又好坐，鍾意私隱度高嘅，仲有幾間VIP房添。汁燒安格斯牛小排$198肖戰五成熟嘅牛小排，有震震嘅牛肉味，脂肪不多，啱晒對健康有要求嘅人士，配以酸辣泰式汁，好match。泰式生蝦$118配以辣椒粒、生蒜片、苦瓜，配料泰式酸辣汁，好惹味，生蝦肉質彈牙，口感很好。泰斗金麵配香茅雞扒$168完全冇諗過呢碗麵份量咁大，我哋幾個人都食唔晒，今年肉質比較淋身，而且可以索晒咖喱汁，香茅雞扒係厚切嘅，啖啖肉。小食拼盤（細）$148拼盤包括有炸蝦餅、魚餅、泰式雞卷和粉絲皮春卷，炸得乾身，又香脆，配左泰式醬，風味十足。蒜蓉包$36一疊四片嘅蒜蓉包，好濃味，配埋咖喱係Perfect match❕鹽燒馬友$248經理介紹我哋嘅鹽燒馬友，係選用當日既新鮮魚即製，所以好香魚味，配埋淡淡咸香，我哋一致認為呢條鹽燒馬友好好食！咖哩雜菜$118由於我哋嗌咗好多肉類，所以帶返個咖喱集材配蒜蓉包，又可以食啲蔬菜。食完飯吹完水又有得打卡，我哋都對呢間餐廳好滿意，仲約埋下次

家人聚餐預先book左呢間新開泰國菜試下位於元朗既獨立屋，空間超大裝修又靚又有特色，位置舒服好啱同一大班親戚朋友一齊黎食！最推介係燒牛小排 熟度啱啱好個醬辣辣地點埋好惹味明爐魚個湯好好味 酸酸地好開胃上網見到其他人食芒果糯米飯睇落好靚即刻叫左個黎試下 糯米飯好Q彈嘅 唔係好黏口，同埋芒果都好甜 同啲糯米飯好夾！餐具碟果啲全部都好精緻 睇得出有花心機訂製，好多店員，隨時隨刻都搵到人幫手，而且好有禮貌 好主動，相信好快會成為多人推薦好多人食嘅餐廳

上網見泰斗係元朗新開分店，成間餐廳設計又靚又吸引😍住附近嘅我緊係唔會錯過😉🍴皮蛋蝦餅推薦‼️有驚喜好彩有叫🥹外邊脆口彈牙蝦肉內裏大大粒糖心皮蛋，皮蛋無鐵鏽同「尿臭」味，沾上甜甜地醬汁更惹味😋🍴小食拼盤(4件)2款蝦餅🍤非常彈牙爽口，原味蝦味好香濃正！另一款孜然味好重雖然本人唔太好但都OK嘅👌🏻圓形係魚蛋(?)口感彈牙味道有點似魚肉有微微孜然味幾好食👌🏻春卷內有粉絲木耳紅蘿蔔，脆身外皮內餡口感粉粉的🥰🍴鐵板柯仔蛋餅一定❗️一定❗️要趁熱食‼️柯仔肥美鮮甜無沙無腥味，配合嫩滑脆邊蛋餅同超多香蔥真係食唔停🤤可惜有點油幸好最底中間有少許芽菜，但個人仍然認為值得一試👍🏻🍴馬拉盞通菜食泰菜必食馬拉盞😋大大碟鮮嫩通菜咸道適中帶點微辣，加上香口蝦米炸蒜令整道菜更鮮香🍴芒果糯米飯甜品點可以唔叫芒果糯米飯💛半個香甜味重芒果，幾舊一口軟糥椰香味濃糯米飯 (綠色斑斕味最好食💚) 呢個份量非常好👍🏻🍹芒果沙冰一黎到哇出聲好吸引😍芒果味濃郁整體又唔會好甜，沙冰口感綿滑冰唔太多，即使沙冰溶後芒果味都幾濃💛🍹青檸梳打比一般飲到嘅優秀🤩杯外型幾特別🤔青檸未完全吉爛味道已經非常重又濃，酸酸甜甜爽呀😎——————💁🏻‍♀️總結會再次

最近同同事早收工 近近哋去咗元朗呢間泰國菜食晚飯💓呢度嘅環境好適合打卡 無論室外定室內 都充滿泰式風情🇹🇭價錢唔貴 份量都好多 重點係味道都唔錯 真心值得再encore🥰 而且呢度個booking都幾滿🫣如果想試就記得早啲訂位！▫️小食拼盤裏面有泰式雞卷、魚餅、蝦餅、粉絲皮春卷 全部都係新鮮即炸 酥脆但唔油膩 個人最鍾意食蝦餅 彈牙之餘蝦肉實正 唔會好粉 再配埋泰式辣醬 好正宗之餘又啖啖惹味💓▫️串燒沙嗲豬(兩串）燒到岩岩好 嫩滑唔鞋 沙嗲汁味道濃郁 香口惹味 ▫️馬莎文咖哩牛坑腩配薄餅大推😂牛坑腩炆得好淋 馬莎文咖喱啱晒我呢啲好怕食辣嘅人💓甜甜之餘仲有椰香味 薄餅香脆滿滿嘅牛油香味 配料仲有洋蔥、薯仔、車厘茄 夾埋一齊食口感好豐富👍🏻唔鍾意食辣嘅一定要試吓呢款🔥▫️泰嫩海南雞（半隻）海南雞嫩滑無骨 食落啖啖肉 雞皮香滑唔肥膩 雞肉完全唔鞋口 而且份量好足 兩個人都食唔晒🤣▫️芒果糯米飯呢個必食😍店員話笀果系每日朝早新鮮採購 香甜軟嫩 鮮甜多汁 糯米飯椰香味十足 軟糯無比 唔會好黏口 食到最後好飽都要食晒個甜品👍🏻👍🏻👍🏻▫️椰汁沙冰食泰國菜點可以唔叫椰汁沙冰 濃郁爽甜🥰

📍 泰斗 (元朗)元朗大樹下東路大旗嶺村633號地下———————————————呢間餐廳係位於元朗嘅一間超大獨立屋，裝修夠晒靚，成個環境空間感極高，啱晒一大班朋友嚟聚會🎉亦都好啱情侶嚟拍拖💖🥰 餐廳到處都係打卡位，食物方面賣相都唔錯，啱晒鍾意影相嘅朋友們～ 唯一就係位置有少少偏遠，可能要揸車先會比較方便，不過勝在都有得泊車! 大家週末可以考慮去元朗半日遊，順便試吓呢間泰菜😋冬蔭功大頭蝦湯（細）(💰: 148 hkd)冬陰功酸酸辣辣，飲落仲充滿咗海鮮嘅鮮甜味，湯料都好足，除咗有好鮮甜嘅大蝦之外，湯底都有唔少菇類，總括嚟講味道好濃郁～泰式燒豬頸肉(💰: 128 hkd)豬頸肉外皮燒到脆卜卜好香口，上到枱仲熱辣辣，肥瘦同每件厚薄適中，肉質軟腍嫩口，配上酸酸哋嘅魚露汁簡直係絕配😍泰式香燒雞（半隻）(💰: 188 hkd)燒雞即叫即整，需時大概20分鐘左右，上枱嘅時候香噴噴仲冒緊煙超吸引，肉質好嫩，一啲都唔鞋口，而且雞皮好香脆，粉絲蝦煲(💰: 298 hkd)粉絲蝦煲有三隻大蝦🦐🤩 全部都好大隻好鮮甜，墊底嘅粉絲份量超多，我哋完全冇叫飯麵都好夠曬飽肚!!芒果沙冰(💰: 68 hkd)呢個我都會

同朋友慶祝生日，佢想食泰菜，喺佢屋企附近search吓，就發現呢間比較新開嘅泰國菜。搭68E馬田壆落車，行兩步轉左就到，比想像中方便。黎到見到間餐廳真係好大，戶外仲有個好大既area, 真係好似去咗泰國一樣。去到入面都覺得好大，裝修好泰式、好靚、好舒服！服務員都好熱情，招呼左我哋去好闊落嘅卡位。打開餐牌，真係有啲眼花撩亂，菜式真係好多，但係我哋得兩個人，就主觀揀啲平時鍾意食嘅嘢。泰式生蝦🌶️🌶️嚟到仲凍到出緊煙，生蝦新鮮又彈牙👍🏻👍🏻配生蒜點埋醬汁，簡直Perfect呀生菜包🌶️🌶️好大碟好吸引，叫咗小辣，肉碎份量大，香辣惹味，同生菜清爽口感配搭後好好食泰式辣椒膏炒青口🌶️賣相吸引，青口夠新鮮、又大隻、冇沙，都有八隻左右，配菜仲有不少嘅芫荽🌿同洋蔥泰式濕炒河（豬）河粉係炒得好味嘅，略嫌個汁覺得有啲偏甜泰式香菜肉碎炒飯呢個真係冇得彈👍🏻香料好香，加埋好多豆角切粒，配埋個飯好出色👍🏻回味無窮椰汁沙冰 🍧 青檸七喜清甜、解渴飯後必選餐牌上面仲有好多嘢想食，例如柚子沙律、串燒、咖喱系列… … 已約定友人到我生日再嚟 🥰🥰

今日黎到元朗食泰國菜，呢間泰斗係位於元朗既獨立屋，空間超大超靚，入面既裝修夠哂華麗，好啱同一大班親戚朋友係到聚餐！✨咖哩老虎蝦每一碟都有三隻大過手掌既老虎蝦，個頭好肥好大。老虎蝦外層炸得好香脆，連殼都食得。每隻都有啖啖肉好新鮮。咖哩醬有濃郁既椰汁香味，配上薄餅真係好正！如果你係咖哩控，咁呢碟菜絕對唔會讓你失望嘅！✨泰式燒牛肉沙律牛肉既份量好多，肉質鮮嫩多汁，燒得恰到好處，每啖都有啲少許既焦香味，夾住蔬菜、番茄、洋蔥、西芹等配菜一齊嚟食，口感爽脆，真係讓人一試愛上。而個汁酸酸甜甜又帶少少鹹香辣味，令人胃口大開。係一道好食嘅涼拌菜！✨大頭蝦冬蔭功個湯既味道好香好辣，因為加左香茅、檸檬葉、薑等等香料，配合埋辣椒同魚露，令啲辣味唔會刺鼻，而係令人上口，又有種燥燥嘅感覺。再嚐嚐湯底，真係啖落都幾鮮甜，而啲大頭蝦就更加鮮甜，肉質乾爽有嚼勁，唔會過熟，味道好香，咬落去都好多汁。✨芒果糯米飯一上碟已經覺得好靚！佢既糯米飯色澤好靚，咬落去口感亦都唔一樣，啲糯米全身都係Q彈嘅，唔係好黏口，而芒果嘅香味令得啲糯米飯更加芳香。同埋芒果都好成熟，食落鮮甜多汁，啖啖香甜，配埋少少咸既椰汁，真係一流！

母親節book左枱嚟食飯，8點鐘已經話呢樣冇個樣冇，幾款野話要預訂，但經whatsapp訂位又冇講，呢方面已經唔夠貼心。最基本既通菜！都話冇。可能見我地有d不滿，又行返過嚟話有人取消個火山排骨 可以比我地。野食方面叫左咖哩蟹（蟹少 一定冇一隻）火山排骨 冇咩味 似煲湯排骨生菜包 串燒 菜苗 均屬麻麻最燥係個泰式生蠔 張相係生蠔上面有d泰式汁，好喇 一嚟到 d蠔上面有一大堆應該係炸蒜，我仲以為錯單 就叫職員，個職員話係咁架 你去泰國食都係咁，圖片只供參考。我話會唔會相差咁遠。講真 好食都由佢 重點係難食 唔夾，仲要蠔好咸 唔係海水味個種咸。唯一係環境唔錯如果你只係食環境 打打卡 唔計較食物質數，可以嚟試試

原盅椰青大頭蝦冬蔭功 $128.0（細）都幾足料，落咗大頭蝦但係冬陰功偏酸 覺得好似味道唔夠紮實但係賣相係好靚嘅串燒沙嗲豬（兩串）串燒沙嗲牛（兩串）串燒沙嗲雞 (兩串）同平時出面食到嗰啲就唔係太大分別賣相都幾靚 唯獨是係沙嗲汁可以再濃啲咖哩老虎蝦咖喱唔夠濃 有啲水 蝦肉肉質唔差但係咁大個碟剩係得三隻真係有啲嚇親😂😂烤薄餅用嚟點咖喱就啱啱好泰式蝦肉炒金邊粉蝦肉好彈牙 略嫌覺得金邊粉唔夠味🥲🥲Pina ColadaBangkok's summerWhite Temple嘢飲係幾靚嘅 不過好似落得太多酒😂令到成杯嘢飲嘅balance唔係咁好-店員嘅服務態度真係好好佢哋一見到有咩需要就會幫手而且餐廳內部裝修真係好靚好似去咗泰國咁樣我相信食物質素係可以提升嘅希望下次嚟食嘅時候會好食啲

從來都唔會打食評，今次真係忍唔住要打篇野警惕大家！同朋友一共六位book左台，好期待今晚餐飯。現場環境裝修都好好，氣氛唔錯，所以入到餐廳都非常期待！開頭點左8-9樣野食，等左半個鐘未到，要親自追！普通泰式小食不過不失，但主菜份量又貴又少，味道普通。最慘係以下呢兩樣真係經典，要比個‘伏’佢！1. 椰奶汁青口青口係好多隻，但所有都係得個榖，一舊肉都無。離哂譜！2. 芒果糯米飯芒果唔新鮮無味，劣食。憤怒離場，無下次！！

見到呢間野有其他分店 諗住應該都可以可能期望太高所以整體黎講員工有禮裝修有心思同埋乾淨既如果純粹黎打卡係可以既又有地方泊車但食物強差人意，落錯單 又等得耐叫左牛同雞串燒，黎左豬同雞叫左紅咖哩牛坑腩，黎左黃咖哩牛肉叫左生蝦 蒜蓉包 成個鍾都未上落單同事落完單 已經覆左1次我地嗌既野食都唔明點解可以落錯附近有2張檯既客人遲過我地黎食物已經黎哂其實等得耐都唔係問題，但落錯單 而且野食上檯既時候唔熱味道亦都吾講得上係好食但要讚既係 整個過程員工好有禮貌，服務良好可惜食物🥲 而且性價比吾高真係唔會再有下一次