泰排檔

今日下晝同朋友嚟咗泰排檔。餐廳係米芝蓮推薦，成日大排長龍！牆上掛住好多泰國裝飾，真係有濃厚嘅泰國味。餐廳概念同泰國thongsmith一樣，供應各種地道泰國街頭美食，而且價錢好平。餐廳九成食材同香料都從泰國直接入口。廚房同樓面嘅人全部都係泰國人，特別係大廚，佢係米芝蓮出身，食物嘅質素一定有保證。和牛船面 $88呢碗和牛船面係招牌菜，金邊粉滑溜，湯底又鮮又甜，帶住濃濃嘅香料味，食到有香茅、檸檬葉等香料。和牛肉質好嫩，油花分布得好均勻，充滿油香。金邊粉口感更添彈性，吸收晒湯底嘅美味。其他配料仲有芽菜、通菜、牛丸，非常豐富。香辣金不換炒豬肉碎 $78呢度都係招牌菜，好出名！豬肉碎炒得香噴噴，熱辣辣，非常惹味！內裏有紅椒、洋蔥，口感都好豐富。辣味啱啱好，唔會太過刺激，真係一口接一口。最重點係面頭有兩隻流心太陽蛋，配埋蛋黃汁一齊食真係特別好味。醉貓炒河 $118河粉炒得恰到好處，滑滑地，帶點煙靭，好有鑊氣。醬汁好惹味，辣辣地，河粉吸埋醬汁嘅味道。和牛肉質嫩滑，芥蘭同紅椒爽脆，口感多元化。泰式奶茶 $8泰式奶茶好抵飲，甜而唔膩，茶香濃郁，好正宗。龍眼冰 $18龍眼冰清爽可口，龍眼嘅天然甜味，加上冰冷嘅感覺，好解渴。…查看更多

一直都好想試呢間泰國菜，啱啱開張嗰陣就好多人排隊，所以等到近排先去試到🥹平日晏晝去都要排吓隊，不過大概10至15分鐘就入得😬 餐廳概念同泰國thongsmith一樣+各種地道泰國街頭美食，廚房、樓面都係泰國人，而大廚更加係米芝蓮泰菜出身！重點係價錢好貼地😍和牛船麵（蛋麵） $88可能因為餐廳9成食材由泰國直接入口，包括蒜頭、香料，船麵食落同喺泰國食一樣😋湯底濃郁，配料仲好豐富，除咗和牛之外仲有丸同炸豬皮，和牛有返咁上下厚度，口感豐富Pad thai $88Pad thai上枱嘅時候熱辣辣，炒得好惹味，味道酸酸甜甜幾開胃，蝦都大大隻，口感彈牙😋燒豬頸肉 $88同朋友一致大贊呢個燒豬頸肉，份量多之餘每塊肉都好大塊，上枱嘅時候同樣熱辣辣。豬頸肉肥瘦適中，外層燒得好香，有咬口得來又唔會難嚼。另外個個汁都超級好食😍芒果糯米飯 $78糯米飯篜得啱啱好，軟糯煙韌，椰漿味濃郁，芒果都好新鮮，夠曬香甜😋店員姐姐仲同我哋講佢哋係用新鮮嘅椰青水自己整椰漿😮睇得出餐廳好比心機做好每一樣野食🥹泰式奶茶 $8見到餐牌嘅時候俾呢個價錢震驚到😧質素好掂，入口順滑，以泰式奶茶嚟講唔會太甜，一定要嗌😍…查看更多

禮拜五lunch又係自己一個人食，於是決定行遠少少，去試下 最近好hit 嘅 米芝蓮餐廳 【泰排檔】試過嘅 同事 同 朋友都話一定要嗌佢哋嘅船麵。所以我就最簡單純粹的點了 他們的船麵 同 一杯 泰式奶茶。因為一人食，所以一去到唔洗等位，直接安排你去吧檯自己坐。船麵有豬腩肉，豬肉丸，炸豬皮，九層塔，炸乾蒜同少許通菜。先飲個湯，如所見，非常濃郁，而且唔鹹，最特別係炸豬皮浸住嚟食，係真係好好味！個湯我係可以飲埋。泰式奶茶味道濃厚，而且不太甜。整體而言，值得推薦，如果中午來試，一個人會比較容易拎到位，另外餐廳有加一服務費。…查看更多

泰國菜真係好啱我口味～估唔到呢間舖頭個主廚原來係Samsen嘅前任主理人！食物質素有保證。一入門口已經聞到陣陣泰國地道餐廳嘅香味。🤩🤩🤩叫咗黑豚肉船麵、香辣金不換炒和牛飯同炸蝦餅。碗黑豚肉船麵呢，個湯底好濃郁，好鮮甜，配咗金邊粉，索晒啲汁好正。個和牛炒飯又香又辣好開胃，不過食到最尾有啲鹹。件蝦餅都嚇親我，又大件又厚身，咬落去仲好彈牙。另外仲試咗斑蘭雪糕，第一次食呢隻味，都幾好食㗎！🫶🫶🫶…查看更多

此店新開張時去過一次，那時大排長龍，不久便取得米芝連推薦，排隊的食客更多。今午剛好經過見客人不多，便入內食晏。只叫了船河和飲品。陸續多了人客，由於地方狹窄，侍應不斷叫我向前坐，飯真吃得不舒服。最重要的卻是，那船河十分不好吃，而價錢卻是偏貴的！…查看更多