影片
港鐵柯士甸站 A 出口, 步行約5分鐘
繼續閱讀
電話號碼
66480179
營業時間
今日營業
12:00 - 15:00
18:00 - 23:00
星期一至四
12:00 - 15:00
18:00 - 21:30
星期五至日
12:00 - 15:00
18:00 - 23:00
公眾假期
12:00 - 15:00
18:00 - 23:00
以上資料只供參考, 請與餐廳確認詳情
相關文章
放工去油麻地拎嘢，等待期間掃社交平台見朋友去咗一間食店食泰菜話，仲話會再去；望下店名搜索下資料，在文苑街果帶⋯難得過海，又閒著就行去睇下乜狀況。大約晚上6點45分全店滿座，門外有一對情侶排隊等候，未見長人龍就試下。大約等了20分鐘就入內啦，雖然已經日落時分，但天氣開始熱，有成廿幾卅度，等位期間其實都熱；如果夏天嘅話唔會排隊⋯但入座時有有十多人嘅人龍了。煮湯粉麵/沙律區只有一位廚師主理。另外，店內環境都好逼夾，用餐期間可能要有被輕微碰撞嘅心理準備。鹹蛋木瓜沙律$88在灣仔的泰麵吃過鹹蛋木瓜沙律後念念不忘，見這家menu也有這一道沙律，二話不說就先點一份，我揀嘅係半隻辣椒辣度。 有點寄望⋯可惜略嫌唔夠鹹蛋黃，味道上不過不失嘅，講真無比較無傷害⋯今次來第一大目標係試個和牛船麵 $98價錢比起灣仔藍屋果間平了幾十蚊，所以要求都預先調節一下，整體是不錯的。湯底濃郁，但唔似得藍屋果間令我想飲晒啲湯；牛肉當然一定係唔同級數同肉嘅厚道和份量都有明顯差別。另有加一服務費。用餐完畢離去，嗰時繼有長長人龍等位。
繼續閱讀
超人氣嘅泰國小店，終於比我試到啦 ·͜· ♡聽講大廚係米芝蓮泰菜餐廳 sᴀᴍsᴇɴ 出身唔怪得由 8 月開業到依家都仲係日日咁長龍，仲要冇得訂位，去到都係乖乖地排隊啦 ~等足 1 個鐘終於入到去，店面好細但室內裝潢有泰國風味，氣氛好好。○ 醉 貓 和 牛 炒 河 // $118炒得好夠鑊氣，本身帶有少少辣味，可以揀走辣 .ᐟ.ᐟ闊身河粉口感滑溜而且特別軟糯，唔會痴埋一舊。每啖都食到爽滑和牛片，可惜份量太少，三個人分有少少唔夠喉。○ 啖 啖 蟹 肉 奄 列 // $168上枱好夠熱辣辣，奄列係半煎炸，充滿蛋香。入面有唔少蟹肉，食落好鮮味，點埋泰式辣醬非常惹味。○ 泰 式 九 層 塔 炒 蜆 // $108同樣可以走辣，炒到夠曬鑊氣，醬汁味道香甜配埋香濃九層塔好惹味，蜆肉大大粒好鮮甜但部份有沙。○ 芒 果 糯 米 飯 // $78芒果新鮮香甜，糯米飯粘糯有嚼勁 ꒰ ´ ꒳ `∗꒱食到米粒既口感，配搭埋椰漿 + 脆脆，味道唔太甜，即刻被秒殺了。♡ ♡○ 泰 式 奶 茶 // $38正宗泰式沖法，奶味非常香濃，不過個人偏好更濃茶味。○ 龍 眼 冰 // $38○ 新 鮮 椰 青 // $58特別揀選過大size，椰青水特別多又清甜。店內廚房樓面都係泰國人，老闆親切又搞笑，係咁同我地講水 ᴍᴀᴋ ᴍᴀᴋ ꉂꉂ( ˊ ᗜ ˋ *)ʬʬ想追加甜品時又話唔洗啦你地夠晒甜不過部份店員唔係好識廣東話 ꒰ ꒪ ω ꒪ |||꒱所以落單要細心確認 + 埋單記得 ᴄʜᴇᴄᴋ 清楚˗ˏˋ 特別留意 ˎˊ˗ 依度只收現金 (對面有7仔可以提款)其實仲有好多主菜小食未試，臨走時仲見到隔離枱嘅泰式雪糕都好吸引。睇餐廳位置以為走平民路線，但其實價錢唔平 ꒰ •᷄ ᯅ •᷅ ꒱，主菜份量偏細，加上要排隊 & 店內坐得好迫，建議下次都係外賣自取啦 ٩꒰ ´ᆺ`꒱۶𝐓𝐈𝐏𝐒：ꔛ 大部分菜式都可以同店員講要少辣 / 走辣ꔛ 餐廳唔大，建議最多 2-4 人同行
繼續閱讀
近期佐敦人氣泰式排檔，平日夜晚都要排成個鐘先有位，而餐廳已經坐得好迫，店員都算友善，有人生日仲會捧住蛋糕唱生日歌，為壽星送上祝福。① 黑豚肉船面 $88② 和牛船面 $98同朋友一人一碗船面打底，湯底個味幾好，不過豚肉肉質幾韌下，豬肉丸亦無乜特別。③ 炸雲呑 $88夠脆夠香口，都食到有啲餡料。④ 泰式炒芥蘭 $68夠鑊氣，芥蘭爽脆，好食。⑤ 生菜包香葉豬肉碎 $88幾重香葉味，微辣幾惹味，肉碎唔算太碎，都幾有咬口，好食⑥ 醉貓炒河 $118好食！有兩隻大虎蝦，加埋菜心，小粟米等炒，可惜河粉太少，四個人分一人得兩啖。⑦ 芒果糯米飯 $78糯米飯口感粘糯就，味道唔會太甜，同朋友簡直秒殺。⑧ 泰式奶茶 $38⑨ 斑蘭香茅茶 $38全店唯一熱飲就是斑蘭香茅茶，朋友說不錯；泰式奶茶正常好飲。單看呢間泰排檔店名及位置以為走平民路線，但其實價錢都唔平，食物份量偏細份，整體味道唔錯但不算驚艷，平均每人消費$260+但大家都只有七成飽，加上要排成個鐘先有位入座，成件事性價比唔算高。
繼續閱讀
係佐敦可以用平民化嘅價錢食米芝蓮菜式，當然要一試～樓面侍應仲好識搞氣氛，人情味一流！裝修充滿着泰式嘅風格和牛船麪面底選左金邊粉，湯底非常濃郁掛麵，和牛肉質好鮮嫩，有入口即溶既感覺！配上彈牙多汁既牛丸，果然係呢間店既代表作！Pad Thai金邊粉吸收哂醬汁的酸甜味，搭配脆口的豆芽和花生，配埋爽脆彈牙既大蝦🍤，炒得微乾身，火候啱啱好！飛天通菜雖然只係用左簡單既蒜同辣椒炒，但味道非常惹味，通菜炒得爽脆，好開胃🤤班蘭雪糕奶香與班蘭的自然甜味好夾，雪糕好軟滑，仲配上椰子肉同花生粒，增加口感！消暑一流！泰式奶茶奶與茶的比例恰到好處，甜而不膩，正宗泰國味道～
繼續閱讀
慕名而來朝聖前Samsen廚師開嘅「泰排檔」，米芝蓮推薦，又係 foodie吹大左嘅排隊人氣店，試完覺得有啲失望，同朋友排隊排咗成個鐘先入到座，點知入到去發現啲位窄到喊，上菜快到好似食緊快餐咁，食物分量又偏細，試完之後覺得同Samsen和牛船河嘅質素真係差一大截。總括嚟講，可以一試如果你唔介意等一個鐘以上，但整體無一道菜會令你想返轉頭再排隊食。 冬陰功湯 – 排隊期間，店員好貼心拎咗碗冬陰功湯出嚟畀排緊隊嘅人試飲，話限定15碗。我試完覺得好正宗，酸辣得來夠濃郁，心諗$108真係值得一試。點知入座後點咗一碗，送到檯嗰碗同試飲嗰碗完全係兩回事！湯色明顯淡咗好多，懷疑佢為咗賣多幾碗加咗好多椰漿去溝稀咗個湯，最後飲落只係滿口椰漿味，完全搵唔到試飲嗰陣嘅驚艷。泰式生蝦 - 虎蝦幾爽口，但個汁完全無味，帶唔出蝦嘅鮮味，普普通通，無咩特別。 燒豬頸肉 - 係預先燒好，上檯時只係微暖，完全無炭火香，肉質唔入味，食落真係幾失望。 虎蝦醉貓炒河呢個係全晚少數有驚喜嘅菜式。虎蝦本身無咩味道，但好爽口；反而個炒河真係幾好味，有好似喺泰國食到嗰種鑊氣，算係挽回咗少少分數。 A9和牛船麵 – $98嘅價錢，喺香港算係中價船麵，但同Samsen比真係差好遠。湯底唔夠濃郁，金邊粉份量仲要少得可憐，食完完全唔飽肚，無滿足既感覺。 飛天通菜 - 呢碟炒通菜幾有驚喜，豆醬落得夠重手，仲有啲鑊氣，算係全晚表現好嘅一道菜。 芒果糯米飯中上水準，椰漿飯幾香，芒果又夠甜，作為甜品算係唔錯嘅收尾。 整體嚟講，「泰排檔」嘅名氣同社交平台吹捧真係有啲過譽。食物質素同排隊時間完全唔成正比，同Samsen既和牛船河比，簡直係差天共地。如果你係泰菜fans，試一次當體驗都無妨，但想搵一間值得一試再試嘅泰菜餐廳，呢度可能唔係你嘅首選。
繼續閱讀