泰巷 (已結業)

這天剛好在附近工作，lunch time不長，便隨便找間餐廳。進了一間泰菜餐廳，但點了all day breakfast，確實搞笑又冒險。多士偏軟，而漢堡排、香腸都是一般料，沒什麼驚喜，但又不至於失望。沙律菜反而不錯，醬汁開胃。而最美味的就是拍不到的黑松露炒蛋，黑松露味十分足夠，炒蛋夠滑，總算為這個all day breakfast 加分。本身走進泰菜店吃這個就有一點怪，但食物質素還可，希望有機會吃他們的泰國菜吧！

舉個例子 餐C6 $37 凍飲+$3 OK~其實都唔係第1次食....今次真係唔講唔開心...佢凍飲+$3我可以接受..但每一個外賣要$3好..我忍...今日仲怪...個餐由$37蚊....突然變左$40....其實真係好唔合理~問職員為何外賣+3蚊個理由係話..外賣叫堂食餐牌每個要+$3...但又冇外賣餐牌...真心覺得食肆咁樣唔OK....大家如果想叫外賣..$46個早餐 有其他揀的話...首選...都唔好考慮佢

💦💦潑水Viva二人餐$168+10%俾佢價錢吸引左☹️但係啲食物既質素好失望🍵首先個椰子雞湯得啲青檸味淡到好似水咁，跟住個冬蔭公青口似係🍅茄汁青口多啲，好酸，完全唔係冬蔭公既味道🙄🙄不單止食物質素差，連服務都好差埋單叫左三次等左十幾分鐘先埋到😑😑😑

我自己係仲意食辣，呢個泰式明爐冬蔭烏頭已經令我食上癮！哈哈！真係好好味！我男朋友話有小小腛，不過我接受到，烏頭d肉好滑，湯底好夠味，相比起其他店既冬蔭烏頭，呢間既湯底更酸更辣，雖然係辣，但又會不停想食個隻，d配菜要滾到最後先食，夠入味！環遊THAI Pizza 一出就要即刻食啦，如果唔係好快涷！值得讚既係，佢個邊脆，餡同餅既比例岩岩好！

之前黎食過個甜品拼盤，對個cute cute芒果紫米壽司念念不忘，其實佢個榴槤泡芙都好食，不過一次過食太多會好"流"～芒果紫米壽司既甜度岩岩好，”in un”吾chi牙， 加左片茫果，酸酸地，有返小小水份，一啖咬落去，口感認真吾錯，好岩女仔食！但食完會有小小滯，所以如果想食呢個，之前就吾食咁飽啦！

dinner點左個泰式風味拼盤，芝士焗波士頓龍蝦配油酥餅，菠蘿海鮮炒飯，甜品拼盤同埋椰子沙冰！gor芝士焗波士頓龍蝦ge 龍蝦肉就少左d，塊油酥餅就咁食有啲dry，如果有芝士龍蝦汁點黎食就好啦！仲有，佢有比埋蟹鉗，唔洗自己咬到嘴都爛！呢個椰子沙冰我幾仲意，夠清新！要等一陣等佢融多d先飲到半冰既狀態，有時想飲佢都未融得切～不過枝飲管唔夠長，飲到下面要倒黎飲！

第一次黎泰巷食，其實係行過舖頭見到人地條魚炸的好靚，就即興入左去食！問點菜姐姐先知條炸魚係泰式明爐冬蔭烤爐魚，盛惠＄118！原來可以揀烏頭，不過姐姐話烏頭會有小小腥，如果食吾到腥就叫爐魚！當條爐魚上枱個陣，佢既賣相令我食欲為之一振，炸得好靚！！！！不過煲左一陣，條爐魚有d難壓落d湯度，要暴力小小，叉開條炸魚～ 除左賣相驚喜，味道都不得了！條爐魚外脆內軟，加埋d冬蔭功湯一齊食，一流！d配菜都好好食，夠曬入味，辣到si si聲都要繼續食！呢碟冬蔭烤爐魚，正！

一大班朋友食泰菜慶祝生日，又唔想去九龍城咁隔涉喎，近近地試下荃灣呢間先!首先，明明打左去book檯既，職員又話無record，幸好時間尚早大把位。坐低之後，水又無、menu又無，完全無service可言 未落order就要收定$50現金既切餅費，使唔使咁急呀 食物方面，冷盤三文魚刺身味道唔錯，少少酸夠開胃。炸魷魚沙律圖文不符，魷魚得果幾條唔夠分，柚子太辣。雞串燒得果6串又係唔夠分既，而且唔夠熱 冬蔭公湯既用料算多，有大蝦同鮮魷，夠辣夠熱 另外，蝦餅、燒豬頸肉、咖喱包、炒河粉同生蝦算係最正常!最最最差既係條烏頭魚，開左火成15分鐘，d肉都仲係又霉又凍，證明條魚唔新鮮，嚮投訴之下，職員俾我地換過第二樣餸。8個人一共叫左12樣菜式，食極都唔飽，皆因d份量真係少到呢，食完成餐飯都唔知食過d咩呀 味道一般之餘價錢又唔平，好失望!

今日黎左呢間食下午茶，叫左個芝士熱狗拼薯條，呢個熱狗都幾大件，不過吾夠「芝」味 我自已就非常中意芝士既，如果呢個熱狗可以爆晒「芝」就最正了薯條好彩係呢隻脆薯姐，吾係幼猛猛果隻，好味不過話晒呢間係泰式餐廳，如果呢個熱狗可以mix泰式style應該都會幾特別

今日下就一起身就落左屋企樓下搵野食醫肚，自己一個其實都難叫d咩，不過見呢到有午餐食就入左去，我平時的習慣除了睇午餐有咩食之外就最中意拎晒成份menu黎睇下有冇咩特別野可以試下，呢到的食物選擇算多，價錢又吾算貴，最後我嗌左碗火車頭湯河粉，裡面都足料既，有蝦、札肉、肉丸同手撕雞，不過個麵底就吾算多，食晒成碗麵仲覺得...可以繼續食🙈🙈🙈下次可能要叫夠兩碗先夠飽

是晚，與家人於荃新天地的泰巷叫了一個二人套餐，在芸芸眾多食物中，尤記得紅咖哩芝士焗波士頓龍蝦和農夫包。雖然紅咖哩芝士焗波士頓龍蝦的咖哩一點也不紅色、也不很辣，但滿滿的蝦膏佐以咖哩，吃得人食指大動！大呼爽！賣相令人垂涎三尺！滿滿的蝦膏佐以咖哩！食指大動！其次，農夫包配料尚算豐富，咖哩配麵包亦是一讚！香芒糯米壽司、千層糕、窩夫伴雪糕、金山榴槤塔，賣相漂亮，單賣售68元，中規中矩之作。

喺荃灣要搵個有格調的地方可以舒舒服服坐低傾偈食晏，哩度算係唔錯嘅選擇，食物質素亦不容置疑。 環遊THAI薄餅：薄餅夠脆，菠蘿又甜，下午茶推薦之選！ 椰青（後）、青檸梳打（前）青檸梳打幾大枝！哩個椰青超正！估唔到咁好飲！係我飲過咁多椰青中最好飲嘅椰青！椰青水清甜、椰肉嫰到好似18歲嘅初戀！必推！

泰國料理中常見炸鱸魚，酥脆香口，沾甜酸或酸辣汁，想想也流口水！但在家炸鱸魚太煩了，所以小妹通常見到有爐魚，都會叫來試一試！這裡的炸鱸魚，配上酸辣冬蔭功湯，酸辣帶甜、酥脆帶嫰！食到小妹要畀一個like! 另外，甜品拼盤抵食之選，有齊芒果糯米壽司、千層糕、榴槤泡芙、雪糕，一次過滿足四個願望。 常言道，甜品是另一個胃，一個填飽不了我們的胃——金山榴槤塔，爆漿的榴槤泡芙，食埋剛剛好！

兩個女仔行完街，由於太攰，想搵個地方抖抖順便girl’s talk！門口阿姐都好好，畀左個角落的卡位我們，靜靜地，岩晒我們兩個girl’s talk！見到有間叫Thai Cafe，就入左去，叫左一杯香芒沙冰和薄荷青檸梳打。薄荷青檸梳打同一般出面飲差唔多，正正常常，但芒果沙冰有驚喜，比想像中好飲，好濃郁的芒果味，但由於我們岩岩食完lunch無耐，但如果淨叫兩杯野飲會唔抵，所以叫多個芒果糯米壽司，以為壓實晒D糯米會好硬，但又唔會！幾甜、幾好食！個杯幾靚！＄48，壽司造型得意。

是日跟小Bu四處逛逛，晚飯時決定試試這間泰式餐廳。見到這裡有二人餐，也省卻點菜的煩惱，直接在裏面選擇。頭盤我們選了泰式拼盤。其中魚餅，炸雞及春卷均新鮮熱辣，十分香口。而我們認為最特別的是泰式三文魚刺身，肥美的三文魚，配上青檸辣椒醬，十分開胃。主菜要了古法燒香葉烏頭及青咖哩三文魚腩配油酥餅。可惜這條烏頭欠缺黃油，不夠肥美。反而微辣的青咖哩配上嫩滑的三文魚腩，效果不錯，可惜油酥餅放得太久時會變韌。甜品拼盤有榴槤塔，千層糕，香芒糯米飯及千層窩夫伴雪糕。由於小Bu跟我都不吃榴槤，所以我們不知榴槤塔味道如何，至於千層糕及香芒糯米飯就甜味略淡。而我們最喜歡的則是千層窩夫伴雪糕，窩夫香脆，配上芒果雪糕，令人吃不停口。「真係笑咗！」小Bu望著我身後道。「點解？」我問。「你後面枱個兩個男仔真係好脾氣，坐低到宜家食甜品，水都無杯，催左幾次都無人理。」「呢度人手分配有問題，啱啱隔離Gas爐無氣，有成三個伙計去搵Gas，洗唔洗咁多人？」「有啲枱就無人理，有啲枱就好多人理，呢度既人手分配真係要諗諗。」