泰巷 (將軍澳廣場) (已結業)

星期日來到將軍澳廣場食下午茶，因為隔離西餐廳要等位，但見呢度無人排隊就入來試下下午茶餐牌都有好多選擇(不過唔記得影相)泰式凍檸檬荼 (跟餐+$3)面頭個塊應該係薄荷葉，檸檬荼入面係無檸檬，應該係泰式既特色泰式凍奶茶 (跟餐$+3)肉丸船河(轉左做米粉)下午茶來講，都要$42，好在份量都唔少，肉丸都有5粒，米粉食極都仲有，有少許通菜做配菜手撕雞船河 $45呢碗反而有舊蘿蔔做配菜，唔係碗碗都應該一樣既咩河粉吸埋d湯一齊食唔洗+1服務費

本身係將軍澳之友，男朋友提出想食泰國野食， 我地即刻就諗到食呢間! 因為一年前食過覺得好唔錯，可以再試! 好才都無失望! 環境黎講算幾好! 同埋地點都方面， MTR 試蓋5分鐘就到! 星期五晚上7點時段，唔使等位就入得!睇下餐單先!我地選左3樣野食!個豬排真係同個菜單講既一樣!超爆脆! 好美味! 唯獨係個咖喱， 食落有D 酸臭味(定係青咖哩本身係咁呢?) ，同經理反映， 原本話重新上過一個set 比我地， 我地話唔使， 經理建議換過另一款口味既咖哩比我地， 服務態度幾好! 係好味既， 只係份量有D少一碟3串， 都算夠食! 仲有兩杯野飲!最後埋單只係HKD198! 好抵!

禮拜日，選了這間thai cafe 諗住食個雞脾,沙律，薯角點知。。出菜慢到，等左20分鐘黎到。。唔明咁既set都要等咁耐第一啖試個薯角，一咬落去。。凍既薯角🤣犀利。。。20分鐘既等待換來冷冷的食物之後叫個 waitress 幫我換了服務態度又唔好認真不會再推介依間餐廳食。完

~去到嗌野食之前已經發覺餐具未洗乾淨，第一個waiter唔反應，要嗌到第二個先幫我換~張餐單用白紙造上面仲要有污漬，軟賴賴~叫野食叫到一半考慮一下個waiter即刻彈開，無服務態度可言~之後加單等左20分鐘都未到要催完再催先知漏左單~D咖喱唔太泰式，二人餐可以有兩個咖喱菜式都唔跟一個飯，每個飯要加12蚊

夜晚4個人嚟食四人餐，叫咗個冬蔭功鱸魚店員好快就拎咗gas爐嚟，然後冇耐就上埋條魚下面有生菜，金菇，雲耳，蘿蔔，粉絲香料有芫茜，蔥，辣椒，香茅材料索哂冬蔭功湯底嘅汁十分入味，不過我哋一時冇睇火煲到乾哂，要即刻閂細火同加湯椰子雞湯幾好飲，份量都好夠分，4碗有多加錢叫咗個雞油飯，但係冇雞味，只係有黃黃嘅顏色，早知就叫個白飯算上湯浸娃娃菜，個湯都幾清甜，啲菜偏淋拼盤有泰式鳳爪，蝦餅，雞肉串燒，春卷最正嘅係有泰式辣醬同沙嗲醬鳳爪比較辣，怕食辣嘅朋友要小心黃咖哩雞配法包好香濃惹味，入面嘅雞肉好滑嫩上面有爆香咗嘅蒜片，法包索晒啲咖哩汁都好好食軟殼蟹炸得香脆，有足足兩大隻蟹，下面亦有黃咖哩

開業多年，都是最近才增設早餐時段。早上想食早餐又一個選擇的好地方。下午茶試了多次，味道尚好。而今次到這店不同的，是吃早餐，選擇也很多，坐位舒適濶落，價錢也大眾化，略嫌粉麵湯底咸咗DD。

以前都食過几次 以前都還好 點知今次食一開始已經黎錯野再上菜上得極慢而且態度又差等個飯等成40分鍾 難怪出面門口無人排隊 以後不會再來味道都還好 只不過份量比較少唔算抵食

叫左肉碎生菜包同有星星廚師推薦既豚肉河，2樣味道都極差，超級無敵鹹。落單坐左就半個鐘先黎野食，水等到黎第二樣野先黎，態度仲要好差。從未係openrice寫過評論，無論好唔好食，但係呢間野真係伏到一個點!!!!!!!!從未試過咁難食既野，咁差既態度!!!真係俾錢買難受!!!!!!!!抱住想試新野既心態黎，點知中晒伏😡絕對唔會推薦俾人，除非想試伏野就黎食啦，真係唔知d正評點樣黎😡絕非打手，係嬲到打咁多字

水準之下, 星期日晚上7點, 等了一陣就有檯菠蘿雞絲炒飯無味, 問侍應妹妹攞豉油, 居然話無就走開了餐牌上跟之前很大改變間唔間中都會幫襯一下, 今次見到有好大張招聘廣告, 不知是否人手影響, 1. 蜆只有16隻...(算尚可接受), 但居然有3隻無開2. 豬手飯, 好厚一件...查問後, 解說是.(有著數啦, 份量多左), 睇真d 仲有豬毛送3. 明顯人客少左, 但招呼都是慢, 慢, 慢

呢間成日都有人排隊。商場內選擇其實不多 黎黎去去都係連鎖食肆午餐選擇長期都係嗰堆 叫左海南雞 同奶茶 上左食緊嗰陣見到隔離枱一家四口個海南雞多我成三份一 係雞多左。。。好過份奶茶都有泰式味。。吾夠曼谷飲正宗 差一截 唔建議特別加錢叫 整體來講都好普通下次唔會再嚟

無骨豬手的豬皮实在太多毛，飯又未完全煮熟，吃入口時已觉得太硬, 細看就會發覺有一些飯粒仍是實在的白色，證明未煮熟透 ， 怪不得这商场的其他餐廳 及酒樓都要等位，这間卻不用等位。 我當時選擇這間餐廳完全是因為不想排隊等位，希望立即入座。 這個故事教訓自己， 以後就算心急唔想等位，都千祈唔好去食 一些不用等位的餐廳，浪費金錢，自己難受。

Happy Friday 梗係要食好d同同事去左將軍澳廣場食呢間泰國野!同事話想食佢既豬扒喎，講到好好食咁😍Lunch time 時段都唔洗等位 👍我地叫左個青咖喱爆脆吉列豬扒飯, 黃咖喱爆脆吉列豬扒飯，泰式香辣肉躁煎蛋飯，Thai酸辣無骨鳳爪。職員話青咖喱會辣d 但我自己覺得都唔係話好辣 味道差唔多 但青咖喱比較多香草味炸豬扒方面覺得佢炸粉比較多 食少少已經滯左 而泰式香辣肉躁煎蛋飯，都無咩特別，正正常常既一個飯。意外地覺得Thai酸辣無骨鳳爪好好食，因為好夠辣味!!

今日和同事約好收工後攻打四方城聯誼一吓打之前一定要食飽先有精神和力氣食糊一於在將軍澳廣場尋食先，見呢間店幾多人就入去試吓，睇餐牌原來係食泰國嘢，我哋叫左幾款美食、一個炒飯和炒河一齊食飛天炒通菜(蒜蓉/馬拉盞)，我哋選左馬拉盞非常野味，每一條菜都好嫩好入味泰式風味拼盤脆炸泰式鮮蝦餅，鹹鹹地好彈牙風味泰式香蘭雞，雞肉索左香蘭葉味，好清香脆炸泰棒野菜卷，香脆可囗燒沙爹雞肉串，好香沙爹味，雞肉嫩囗芭提雅燒雞，燒雞size中等，有肉，燒得好香，而且有三種唔同醬汁點THAI冬蔭海鮮湯，冬蔭功嗰味好正，好香椰香味，入囗好濃滑，有好多唔同海鮮，蝦好彈牙，青囗幾大隻泰味蝦頭膏鮮蝦炒飯，好大碟飯，炒得好乾身，蝦頭膏好香，鮮蝦爽口金不換炒泰式河粉（可選牛肉、豬頸肉或雞柳），我哋選左豬頸肉，豬頸肉鮮嫩，河粉粗幼適中，滑而不膩榴槤椰子沙冰，係我選擇，首先榴槤蓉好甘香，然後就係椰子既香甜泰式青檸薄荷Soda，我問個同事乜野感覺，佢話飲落好清新，冇乜特別今餐好好味食得好飽，可以有力氣打足十六圈

叫咗碟泰式豬頸肉炒飯, 完全冇味, 啲豬頸肉加埋, 絕對少過喺茶餐廳叫個餐蛋麵嗰塊午餐肉. 至於個泰式沙律, 完全唔係嗰回事, 似caesar salad多啲. 好彩過海南雞飯, 總算ok. 總括而言, 選擇少, 收咁嘅價錢, 絕對有更多好過佢嘅選擇.

排隊等得內服務員態度惡劣食物品質差根本唔係俾人食！無骨海南雞飯有骨😤😤！！冬陰公湯唔夠辣😤😤菠蘿海鮮炒飯個菠蘿有異味😤😤凍檸茶唔夠甜好似冇糖咁！！真係貼錢買難受下次真係唔好去食！！