泰巷 (都會駅商場) (已結業)

早餐時段食慣一般茶就今次試下泰式雞扒調味略微似泰式風味 入味嫩滑，肉腸仔一舊味道表達唔到，以前未食過嘅但就Okay！河粉唔散夾落唔爛 齊齊口一啖啖 幾好湯底就有得揀冬蔭功真心正，食慣港式試一試冬蔭功湯底又真係幾有趣，酸酸地唔算辣但又幾開胃，早餐嚟講係抵去試試。炒蛋用嘅油有啲香，食落唔係用平時花生油，但唔知用咩啦，總之幾香 蛋算係幾滑嘅。麵包就正正常常 烘好就出餐 ， 無咩評價。員工正常服務態度，算係幾好。環境裝修唔似泰式 反而似係美式，哩樣幾搞笑😂😂😂整體嚟講 算係唔錯👍🏻👍🏻👍🏻…查看更多

一朝早去食早餐 第一次食呢間泰國餐廳 見到有冬陰功湯底粉麵就入去試下 四個人唔使等就可以入座 五分鐘左右就上菜冬陰功豬扒湯米粉湯底夠味 米粉同湯底都幾夾 豬扒食落就一般般 偏鹹 另外有份炒蛋多士跟埋 炒蛋炒得幾靚有驚喜 多士就一般般冇咩特別泰式凍檸茶飲落去真係有泰式風味 一樣都係偏甜我自己覺得ok 其他朋友反而要加水溝淡佢個甜味泰式奶茶另一位朋友叫左一杯泰式奶茶 佢話都幾有泰式風味 因為比較多奶 同埋都係偏甜總結早餐食冬陰功湯麵 都幾過癮 有機會會嚟試埋佢個午餐…查看更多

今天和媽媽去了調景嶺探望親戚，之後順道在附近逛逛和食個下午茶😝平時工作太忙，都沒有時間陪伴父母，難得一天的行程令我倍感幸福🥰這次光顧了一間泰國餐廳，售賣很多常見的泰式炒、湯粉、麵、飯、小食和飲品。由於在親戚家已吃了一點東西，而且剛好2點多，便點了下午茶餐來食😋-1️⃣泰式香茅豬扒炒河 $33這個炒河的顏色很深，很有鑊氣，而且不會太多油👍🏻香茅豬扒炸得很香口，而且腌製得很入味，配芽菜來吃，能減少油膩感。以這個價錢來說，份量多，味道也不錯，性價比高👏🏻-2️⃣熱泰式奶茶（跟餐送）這個奶茶和前幾次的台式奶茶相反，茶味比奶味濃，很有港式風味😆…查看更多

工作關係跟同事黎到調景嶺Lunch ，一上電梯就見到呢間泰國餐廳，內𥚃裝修不錯，樓底高，純白色牆身加淺啡色地板感覺乾淨舒適！餐牌當然以泰式為主，有飯、船麵、小食等。望到餐牌後忽然好掛住泰國豬手飯，所以叫左『傳統風味無骨豬手飯』，另散叫『燒沙爹雞肉串』傳統風味無骨豬手飯豬手鹵得入味，肉質未算嫰腍；外皮厚身煙靭，但唔可以食得多，真係會好漏！燒沙爹雞肉串雞肉串有香茅味，挺有風味；沙爹醬花生味濃郁且帶少少辣，一人一串過下口癮不錯啊！…查看更多

話說番學番早，中間有兩個鐘時間食飯，就同d同學去附近食野🤔佢地想食泰巷😂我地見學生又有得平，咪入去睇下，咁佢d餐其實都偏貴，5x起跳，咁我地幾個都係揀左佢特價餐牌入面既泰味金不換穀飼牛飯😂😂😂三個叫一樣既飯，一樣既野飲，都係飲凍泰式奶茶😂😂😂笑死但個餐黎到，個飯同餸都ok, 唯獨杯奶茶有d失望，我果杯好似水咁，同學果兩杯就正常，好彩個姨姨好好幫我加濃d茶😍😍😍但係都係好淡😭😭😭可能我唔好彩或者味覺有d差整體黎講，食得開心😂😂就可以…查看更多

成間舖咁大間一樽煉奶？無煉奶既麥皮就好似出街唔著底褲麥皮同煉奶就好似五大訴求咁係缺一不可你出街會唔會唔著底褲？更何況你係一間泰國餐廳服務員叫我自己用砂糖一樽煉奶就睇透你間店唔單止唔細心，仲好冇同理心.…查看更多

其實係第一次黎到調景嶺食野，原來地鐵站一出就有商場，眼利既朋友好多就簡到佢想食d咩，就簡左黎食泰國菜。叫左個4人餐，先問左店員呢到有咩出名，店員介紹呢到既燒雞出名好食，所以我地都叫左隻。芭堤雅原隻燒雞，外皮香脆，雞肉好入味又有肉汁，真係好唔錯。椰子雞湯，清甜好味，有好濃既椰子味，雞柳絲有好多。鹽燒泰式烏頭，鹽燒得黎保持到魚既肉質都幾滑，無需再加任何醬料都好好食。泰式豬肉炒河，帶有少少辣味，炒得都乾身。風味拼盤有蝦片，蝦餅，雞肉串同野菜卷。整體都幾有驚喜，估唔到隨便搵間餐廳都食到間高水準既餐廳。…查看更多

都會駅依個商場唔算多餐廳。九點半鍾，本身想食大快活，不過條隊長到一個點。就轉陣去呢間，相反地佢就完全坐唔滿。其實佢早餐同大快活既價錢都相差不遠，不過邪惡度好似無咁高。我叫左17號。佢蛋有幾款揀，特別啲係白汁碎蛋，不過我要左炒蛋。一上到黎，份量其實正常。不過個雜菜沙律令人好失望！佢只係一片蕃茄，一片青瓜，之後幾條好細既生菜。絕對似伴碟多過一個沙律！不過佢既香煎雞扒做得幾唔錯，雖然有啲薄，不過個皮煎得好脆，抵讚。我都留意到佢用比較少餐廳用既牛油，以我認知係一款較健康既牛油。不過低碳早上我都只係可以食半塊多士。呢個牛油既味同質感都light好多。有趣一提，佢啲員工係推車仔送早餐！哈哈！…查看更多

今日去咗男朋友公司附近嘅將軍澳搵嘢食，都係想食泰國或者馬來西亞菜就揀咗呢間， 見裝修四正同價錢唔貴，店經理又好有禮貌👍我哋叫咗兩個一人晚市套餐，黃咖哩豬扒配雞油飯同埋泰式牛肉炒河，加配咗兩個小食，係泰式鳳爪同埋沙嗲串燒雞肉～個炒河都算係有鑊氣，唔係好油膩，但係牛肉有啲韌，有輕微嘅辣，唔太食到啲咩特別既泰式風味，似茶餐廳嘅乾炒牛河比較多😅咖哩相對辣啲， 咖哩汁幾稠，豬扒份量幾多同幾鬆軟，黃油飯唔太香，無咩特別跟餐嘅雞肉串燒有啲香茅嘅香味，幾嫰滑，但係個沙爹汁好稀，淨係食咗少少花生醬味，完全冇沙爹既香...喺呢個商場嚟講呢個價錢食到 正正常常嘅泰國菜都可以接受既～…查看更多

比餐牌上面嘅冬陰公海皇飯吸引住，就試一試佢呢個推介。我預期嘅湯飯係湯比飯多少少，點知嚟到嘅時候，湯嘅份量係湯麵咁多，基本上我係見唔到飯同埋送。佢嘅海鮮有一隻蝦，一圈魷魚，一隻連殼青口，仲有啲魚肉碎。佢嘅湯底好濃味，酸辣啱啱好，但配麵會好啲，配飯始終要用匙羹「不」，變相飲埋啲湯，就會好咸。以泡飯黎講利苑真係無得彈！！咁當然一分錢 一分貨啦。唔要求做到利苑咁，但至少係咸淡度及餸菜上可以改善一下。朋友另外叫咗一個黃咖喱飯，不過不失，味道正路，少少甜，唔太辣，無咩餸。…查看更多

泰巷食晏晝最好早啲出嚟攞枱一過咗大約12:30就非常多人。今日12:00已經嚟到呢度攞咗一張10人枱，咁就唔使同人地排隊迫。呢度啲咖喱飯好好食今日食咗一個咖喱豚肉飯。青咖喱比較辣所以揀咗。青咖哩都煮得幾好食有好香嘅椰香味。不過都係唔係好夠辣飯嘅份量可以多少少。同事就揀咗無骨豬手飯同埋海南雞飯。兩款嘢食都唔錯不過份量就少咗啲。佢哋嘅食後感想都覺得唔錯嘢飲我就叫咗泰式奶茶，泰式奶茶同港式奶茶比，泰式奶茶多咗一份香味。幾有特色…查看更多

經常來吃下午茶 味道和價錢也不錯 下午茶吃了番茄通粉和吐司 味道好食 會再回頭👍🏻👍🏻👍🏻👍🏻👍🏻👍🏻👍🏻👍🏻👍🏻👍🏻👍🏻👍🏻👍🏻👍🏻👍🏻👍🏻👍🏻👍🏻👍🏻👍🏻👍🏻👍🏻👍🏻👍🏻👍🏻👍🏻👍🏻👍🏻👍🏻👍🏻❤️❤️❤️❤️❤️❤️❤️❤️❤️❤️❤️❤️❤️❤️❤️❤️❤️❤️❤️❤️❤️❤️❤️…查看更多

星期日 , 去到 將軍澳-明愛專上學院 參加了 天主教 聖體聖血感恩祭 之後 , 就和幾位教友一起步行到 都會駅商場 的 泰巷 吃晚餐 ~Menu ~ 我點了 傳統風味無骨豬手飯 $ 59 : 端來時 , 見豬手大大件 , 本來就是滿心歡喜的 , 吃了一口之後 , 頓時內心一沉 ; 豬手的味道滷得超鹹 , 肉質乾硬 , 豬手的皮韌得猶如橡膠 , 而且師傅連把豬手斬件也未斬好 .... 說句實在話 , 筆者人到中年 , 牙力實在有所不及 , 真的用了不少時間 , 用出了不少牙力 , 才能成功咀嚼和嚥下 ~本篇完 ~…查看更多

有較長午飯時間就走黎試下呢間啦海南雞，正常水準，雞唔鞋口，飯幾香，不過以前應該有三款醬，依家得番一款...焗豬頸肉飯，比想像中夾，蕃茄汁夠開胃，好食，不過耐咗啲，同埋細份咗啲…查看更多

泰巷初開張時質素都唔錯 有時同屋企人都會落去食晚餐 但越黎越差 已經好有一段時間冇再去過 今次見佢新裝修完 諗住比多次機會試下 我地一家三口叫左個二人餐 我地唔算大食 所以二人餐夠哂飽個湯我地就叫左冬蔭海鮮湯個湯唔錯 唔會太咸太辣 而且入面啲料都足個海鮮拼盤不過不失 值得一提既係串燒個醬幾好味第三項我地叫左火車頭菠蘿海鮮炒飯 我地覺得個炒飯有啲過濕同埋過冧 無果種粒粒分明既炒飯口感 同埋個味道有啲淡 不過因為其他菜式都係偏濃味 所以都可以接受最後個主菜我地就叫左泰式明爐冬蔭羅非魚 條魚煎過 而個湯係冬蔭公湯底 由於係做湯底 所以冇一開頭個餐湯咁濃味 酸酸地配個魚 都算唔錯 條魚都夠大 而且都新鮮既 而個鍋入面都有好多配料 有牙菜、通菜、魷魚、木耳、金菇 重點係仲有我最鐘意既粉絲 個粉絲配冬蔭功湯咁食 超正跟餐有兩杯飲品 我地一杯叫左泰式凍檸茶 另一杯本身想叫港式既凍檸茶既 但係佢地無港式既😂 唯有叫凍檸水杯泰式凍檸茶個味我地唔係太鐘意 似係有啲酸既藥水味因為我地未飲過正宗版既 所以唔知係我地接受唔到個味 定係餐廳整得唔好飲整體黎講 無咩好突出既位 但當係落樓食晚餐唔想等位 又想食下泰國菜既話 都可以黎食下既…查看更多