泰屋 (東成里) (已結業)

同老公搾車入元朗...本來諗住去容龍....點知無位...於是入左黎呢度試下....! 門口望到個環境唔錯...不過...選擇坐入面...驚有蚊呀!兩人叫左碳燒黃花魚($88), 估唔到幾滑!兩隻芝士焗生蠔($30), 幾香唔錯!一隻粉絲蒸帶子($58), 揀左隻有膏既....好大隻...不過...帶子唔太爽口!炒雜菜($60), 炒前已要求少油少鹽, 但都係好油!最好叫左個簿餅($22), 呢個好過蕉葉整既...唔油, 乾身!整體幾好....如果秋冬坐出面幾好...夏天就咪搞!

It is situated in an inconvinient place in Yuen Long, but it has free parking access to its customers. Not bad.Standard thai food, in an average price but it has very nice seats and surrondings.Drinks are super! Lots of non-alcoholic cocktails to choose from

2006年4月16日晚和屋企人共有三大一bb去泰屋食飯，呢間嘢聽左好耐，但都未有試過，今次難得想起就去試下!駕車去到有免費泊車，不錯!環境都不錯，裝修都很好啊!食物味道都不錯,可惜服務就不夠，侍應不夠，很多時沒人理會~~打電話去問路時，個接線生沒話要book位，去到七點多泊低車都要等兩張，奉勸各位下次一定要book位，因為真係會有好多人喺門口等位!1) 飲品：珍多冰及龍眼冰，同其他泰菜館差不多2) 炒什菜- 超細碟，都唔夠食，我諗佢比錯左，後未見到人地隔離好大碟3) 沙爹串燒半打- 雞一般，牛肉就好老好痴牙3) 炒金邊粉- 好味，好大隻蝦4) 蒜蓉薄餅- 淨食好味，食晒都未有咖哩嚟5) 豬頸肉- 好耐都未嚟，以為要等即燒添，點知上菜時啲豬頸肉得少少暖6) 青咖哩粟子雞煲- 追左三次單都冇人理會會比多一次機會佢，下次去多次睇下會唔會啲服務有改進!!

叫左10個餸漏3個order左薄餅諗住咖哩食,值頭話無單炒飯眼見一碟碟出緊催佢,佢仲話炒緊啦~!之後仲走左去~!值至我地走叫佢先攞碟菜出黎,但到最終碟飯都係未炒~!仲要d泊車仔整花左我朋友架車條bumper甩曬油服飾態度又九流

一行4人, HK$590, 包括:- 蒜蓉焗生蠔2隻(因太夜, 買剩2隻, 好美味, 又大又肥美, 又新鮮, 仲有海水味)- 咸魚炒西蘭花, 椰菜花, 及雙姑(材料自由配搭, 連煮食方法都由自己話事, 咸魚味都算濃, 炒得幾好)- 炭燒多寶魚($118, 比起酒樓食更好味, 更抵)- 印尼咖哩牛骨腩(普通左D)- 青咖哩雞(好味)- 雜菜餅(LEE 個貴左D, 得5小塊, $55, 又無咩特別)- 3客薄餅(共9塊)- 3杯特飲+ 1支啤酒環境真係好好, 不過一定要坐outside先有feel, 夏天就可能太熱.

情人節當天係呢度食晚飯, 第一次o黎呢度o既感覺係幾難搵, 一去到, 又落住雨, 除左室內..得d 有頂o既室外位可以坐..但係我地都決意要坐室外, 貪其有氣氛~o個晚規定一係叫set dinner ($268 per head), 一係就叫出面o既seafood.. (都要叫到$268)..見set dinner 不太吸引, 於是決定叫出去選o野食.. 一來可以任選唔駛限住限住, 二來出去左選右選心情都開心d~ ^^一出到去, 仿似自己去左泰國咁.. 有一排排seafood 係你前面呀, 有魚.. 日本長腳蟿.. 蝦.. 墨魚.. 帶子.. 生蠔..又有牛扒..豬扒.. 腸仔..牛仔骨.. 有d 係白色o既茄子.. 都係第一次見.. 仲有10 幾20 樣菜比你選, 好開心~2個人叫左:1) 芝士焗生蠔: 好好食呀~ 面頭全部都係芝士容, 加埋生蠔又滑又鮮..2) 蒜容焗帶子: 佢連埋殼上, 但係呢個有少少"un".. 麻麻地3) 鼓椒炒日式長腳蟿: 呢個好貴呀.. 成300 幾蚊, 得8 件度, 但係一上檯, 我已經索到好香喇.. 一咬.. 哇.. 好味到震呀! d 蟿好新鮮, 加埋

泰屋户外坐位好似Gold Coast Chilli,坐得幾舒服,不過summer就唔好攪我,户外有BBQ bar任揀seafood,仲有免費車位,今次叫咗燒生蠔,$80半打都好抵食,重好鬼大隻,過唔夠蒜茸,但隻冇"渣"又冇"沙",幾新鮮!皮蛋炸蝦球,d皮蛋唔係糖心,唔正!炸蝦表面夠彈牙夠脆但冇乜蝦味,馬拉盞炒通菜麻麻地,同西貢旺泰差好遠,黃咖喱牛筋腩剩係得牛筋完全冇肉,好重椰汁味但唔夠spicy,原味脆包就幾好,夠熱又軟中帶脆.總体加埋環境,可以再嚟嘅!

假日去真係好多人，訂o左位都要等10分鐘到，環境都有泰國Feel，好似旅行食晚飯咁，佢地安排我地坐o係二樓，好多人又嘈，o的位好似好迫咁，可能多人做節啦，o果晚我地叫o左;主菜:1)碳燒蠔(好正，好有鮮味!!)2)鹽燒花螺(OK，but食o左D 鹽好鬼咸)3)咖哩煮大蟹腳(咖哩汁超正，食o左好多碗飯)4)蒜蓉燒大蝦(好多肉，好多膏)5)海南雞飯+ 例湯(好有雞味)6)椰子魚翅湯(好清甜)7)蒜蓉炒芥菜(最尾先到，可能漏單)甜品:1)椰汁芒果西米露(咸o既，可能係泰式掛?)2)南瓜布甸(布甸好似焞蛋味??)3)椰膏x 2 (一般，but好大件)飲品:1)象啤x 6 (同一般啤酒無分別)今餐食得幾好，侍應好忙，加o野食都要等o下先有機會叫到佢，服務都好好o既，我地下次都會有興趣再o黎食o既，可以推介朋友，hehehe.....今餐埋單要千幾蚊^3^ .....本人覺得都值o既

環境很好,最好唔好假日去,因侍應可能忙d!個男經理好似忙到有點不耐煩,但其他侍應都好禮貌!冬蔭功好味.但紅咖喱牛腩可能落多了香料,攪到好似好(蘇)味,但其實係金不換多左!有一個叫xx 果醬薄餅,裡面有椰絲的, 非常好味!串燒好味!燒蠔好味, 但燒得耐左,縮得好細!有杯叫xx西柚冰,好好味!

剛去完，炭燒生蠔，＄８０／半打，好正．塊面咁大ｏ既扇貝，有點靭．＄６５／隻冬陰公湯好好味．我會再去．

我也是從http://www.yl.com.hk/thai/index.htm 見到呢間泰國餐廳，於是帶媽媽等一家人去試，間餐廳環境真係幾正，好有泰國feel，個咖哩炒蠏好好味，我本身唔太喜歡辣，但我都覺得好好味，七個人叫九個餸另加甜品，都食得晒，上次係黃金海岸香辣屋，都唔好食，食剩好多。不過地點遠D，要揸車，唯服務一般。

環境不錯，服務都幾好，係添水慢少少唧! 食物方面，同香x屋大致相同。燒鯖魚幾好味，好大條，又夠肥美，$138食得過。紅咖哩鴨都不錯，可惜d鴨硬左少少，用油酥餅送汁真係不得了!!!!!越夜越多人，都幾好坐，有戶外有室內任君選擇。

大打折扣!週六跟男友開開心心，想搵個有feel餐廳食飯，去到元朗新港酒店旁的餐廳，原來已轉了老細變成”泰屋”，不妨試試．食物選擇很有限，味道平平，價格不便宜，但服務非常欠佳，完全破壞心情！！結脹離場時，侍應經理一句多謝都無，見你出門口當見唔到，好像錢已付了不用再理會，更由得客人自己顧自己的想法子駕車離開！來這裡的人通常有駕車，因地點較僻，但這裡的服務員非常傲慢無禮，站著幾個人只顧招手示意進場的車輛，對己付賬的我們置諸不理！明明看著我們的車因被其他車阻礙無法離場，多次要求也無人理會安撫，光坐二十分鐘才有人理！！！又不交待或叫人”走位”，竟還叫我們剷上草叢駛走！！沒料到開開心心俾錢食飯會食得咁唔開心！如果唔怕自己的車除時被刮花，方可到這間泰屋食飯！最後，我們花了半小時，還被人”命令”收鏡（車的倒鏡）再”涉”邊位自行離場！食得咁唔開心何必喎！很後悔跟情人來這裡！乜feel都無晒　＞＿＜

近期到過，係有啲"泰風味"但太貴兼無特色，全部抄人。位置太偏，全靠食裝修，但都幾多蚊，食完要比蚊揪水，重要擔心白紋依蚊......

從http://www.yl.com.hk/thai/index.htm 睇到d環境好正，咁就姑且一試。一去到間餐廳，環境真係幾正，但一打開Menu發現原來係香辣屋集團，菜色選擇同味道都非常標準，無新意，價錢唔使擔心，同香辣屋差唔多。