泰妹記泰國菜館 (已搬遷) 新店位置

難得週末無落雨, 當然要入個元朗郊郊遊, 食好西行完屏山文物徑, 坐輕鐵出返元朗搵野食, 非常方便。心血來潮想食泰國野，雖然openrice comment不多, 但係見個門面又幾有泰國Feel, 就膽粗粗試下, 估唔到有驚喜wo!順帶一提, 餐廳既服務態度非常友善(全部都係泰國人黎架!!), 見我地2個人好似揸唔到主意叫咩好, 又會主動介紹我地食D咩, 又怕我地食唔曬, 都叫我地留一留手, 唔好叫咁多住, 最後真係岩岩好, 今次真係大滿足呀!

餐廳由泰國人經營，價錢幾抵，味道可以。不算出色...最好味係蝦餅，大大件熱辣辣、好彈牙。生菜包、冬蔭公就尚可，香料好似落得唔夠...覺得唔太惹味。相比起我平時幫襯開上水某間泰國餐廳，差不多價位，呢間味道較遜色...

經同事推介，試咗呢間泰妹記泰國菜，啲嘢食真的不錯。特別係個黃咖喱蟹併特大蒜蓉包，好好味，我九歲個囡囡都話正😋，仲有個生蝦好鮮味，沙爹串燒豬牛雞都冇投訴，仲有個芒果糯米飯甜品，我老婆更加大讚👍🏻，可能廚師真係泰國人主理，所以好有水準，另外這間菜館雖然不是很大地方，但是都有一張12人大圓枱比我地成班同事一家大小來一個開心美味聚餐，感覺良好😃👍🏻絕對值得一再幫嚫👍🏻！加油呀泰妹記💪🏻😊

朋友話想食泰國菜 甘自己都有食開佢嘅下午餐所以就介紹朋友試食下啦 夜晚D餸都幾唔錯 冬陰功湯味道幾正 仲有蒜蓉包超級好味 味道好香 包又夠脆 生蝦都幾唔錯嘅 不過聖子就有點鹹同埋有小小腥 龍眼冰都係我次次去到必點嘅野 我嘅摯愛

說到食泰國菜 大家一定會想起九龍城但原來元朗都有不少泰國小店友人就推介了這一間小店午餐 $32有飯點嘢飲有甜品仲有味道仲好好食！第一就點了一個蝦醬炒飯好有蝦醬味仲有飯炒得好乾身第二就係濕炒雞河Cyn個人黎講就覺得太濕了但友人就覺得很美味第三就係金邊粉其實味道不錯只是有點過甜

第一次來到朗屏食街就有新收穫青咖哩配蒜蓉包簡直絕配！青咖哩香甜，蒜蓉包排得靚靚，單吃蒜蓉包已經很滋味了！再來熱辣辣冬蔭公湯蛋包金邊粉賣相很吸引，吃起來份外小心翼翼，怕破壞本來美感最後來個香軟椰汁芒果糯米飯，芒果很甜，糯米亦軟硬適中今餐吃得很滿足，價錢十分公道，物超所值，是愛吃泰菜的新去處！

是夜邀約朋友在妹記共進晚餐二人行是次點了魚餅作前菜老闆特別推薦了蒜蓉包佐以咖哩汁格外惹味泰國菜中也少不了馬拉盞炒通菜也是一貫的高水準粉絲蝦煲有驚有喜味道鮮味之外份量也特多粉絲是泰國牌子質感比中國產的有咬口微微的魚露有畫龍點睛之效我步出了餐廳, 抬起頭看到那一輪皖潔的明月令人想起去年在曼谷昭拍耶河畔右手執象啤,左手輕搭著那個她今晚, 一切的風韻猶在

話說週末約左朋友入元朗行山,諗住透透氣呼吸新鮮空氣♥行完山當然要餐好!決定左食泰國野就入左黎!2個人都肚餓就叫左好多野食泰國餐一定要有蝦餅蝦餅爽口彈牙!正😄之後當然唔少得咖哩，叫左黃咖哩配豬肉,再叫左個無國界蒜容包!!蒜容包加埋咖哩一齊食非常好味!!之後再叫個粉絲蝦煲同泰式金邊粉粉絲蝦煲非常多粉絲!我抱住咩都試下就加埋d咖哩汁一齊食粉絲!估唔到咁夾又好味!值得一試♥金邊粉賣相特別!上面有蛋花tim!!兩個人真係食唔到咁多!因為份量大碟又唔貴!最後唯有打包拎走😜見到隔離枱叫左個咖哩蟹包大大個!真係勁想食!下次叫多兩個friend再食過先得😄

因為到元朗行山，知福田徑食市林立，所以行完山專誠過黎睇下，見呢間野貼d相好似好吸引，就諗住試下😁😁因為7點時間尚早既關係，所以唔駛等好耐就有位。迅速落完單，等十五鐘度，d餸就開始陸續送到，不過，可能小本經營，廚房得兩個人既關係，有d餸上得慢，不過食落才發現都值得既，因為超好味，而抵食夾大件。😁😁😋😋