影片
2月25日, 今日漫無目的地喺銅鑼灣搵食, 求其地中咗上嚟呢間泰妃雞~ 記得之前都食過佢其他分店, 佢每日都會推出一兩款$15泰式湯粉, 都算幾抵食~ 不過今晚突然想食咖哩, 所以佢呢度主打嘅海南雞同平爆嘅湯粉都無叫到, 主力食飯! 點知… 咁就出事喇…::: 沙嗲串燒 ::: $58 (半打)心血來潮又想試下呢度d沙嗲串燒. 觀乎半打都唔洗$60, 又可以每款任揀, 於是每樣串燒都要咗一串~ 分別係豬、牛、羊、雞腎、雞軟骨同司華力腸~ 奇怪呢度有雞腎雞軟骨但就偏偏無雞肉… anyway, 半打雜錦串燒好快就一次過上晒, 每串份量都好大, 形成一個大堆頭串燒拼盤! 當中最好味嘅係司華力腸~ 大大碌界埋花方便醬汁入味~ 正! 肉類方面牛肉唔錯, 啖啖肉夠juicy. 不過豬肉就有少少乾, 仲食到有朕油臆加臊臭味… 個羊呢就燒得太乾肉質亦太瘦, 勁柴皮! 其餘嘅雞腎同雞軟骨到有少少油臆味… 顯然全部串燒都應該係一早燒好兼擺咗一段時間… 唔怪之得咁平啦…::: 甜咖哩羊腩飯 + 凍奶茶 ::: $45呢個甜咖哩睇樣都知佢一d都唔辣! 帶有濃膩奶香嘅咖哩有少少似馬來咖哩, 但可能因為落咗好多洋蔥, 又比馬來咖哩甜好多~ 羊腩炆得老咗d, 肉質都係硬硬韌韌咁… 唔算好入味. 不過最大鑊一定係個白飯! 硬都呀媽都唔認得! 絕對唔係隔過夜嗰隻硬法, 反而更似係未煮熟嘅半生熟米咁! 好在都叫有d咖哩汁撈下先叫做無咁乾硬… 仲要啖啖都要認真細嚼慢咽, 以防食完胃痛!凍奶茶夠晒大杯~ 茶味濃但有少澀, 奶比例都唔錯. 其實成杯野味道ok~ 但飲完感覺好漏… 飽到咩咁…::: 泰式豬髀飯 + 凍檸茶 ::: $45豬髀飯同海南雞飯都係泰國野裏面唔少得嘅兩款常見菜式, 但係要整得好食又真係唔容易~ 呢個泰式豬髀飯上到枱已經見到佢嘅特色唔多, 先係個汁好稀好似湯咁, 搞到個飯好以湯飯, 呢個時候都仲未知d飯硬到爆… 豬髀嘅肥位尚ok, 但係瘦肉部份好實好韌, 好似煲完湯嗰舊瘦肉咁, 而且絕對係唔新鮮嘅… 咸菜亦只係似早早預備一大盤, 要用到先筆起, 所以凍冰冰… 而食過其他地方嘅都仲會有少少椰菜, 再加半隻蛋, 呢碟飯真係一無是處, 加埋d硬飯, 仲要冇辣汁點豬髀, 非常失望…凍檸茶中規中矩, 茶味濃而澀, 檸檬冇乜味.呢間泰妃雞地方超大座位超多, 環境都算唔錯~ 不過地方大而人手不足亦會影響服務質素, 想話叫人拎d碟都好難… 雖然即使其實拉勻環境價格食物係算合格, 但今餐d飯真係硬到令人有消化不良嘅危險! 所以無計啦~ 唯有比個喊~
繼續閱讀
馬拉盞炒通菜：通菜炒得爽脆夠火侯，加咗D脆蒜粒好夾好味。泰式豬脾飯套餐：豬脾整得太淋一夾就爛，汁太多D飯太濕唔好食，冇勿驚喜。泰式海南雞飯套餐：D雞整得夠滑好...<正>，加特別汁漿好味，雞飯色香味全，
繼續閱讀
某個星期日...逛完旺角已是晚餐時間...再在銅鑼灣出沒...隨手接到一張傳單...看到是泰國餐廳...於是決定晚餐地點就是它...i love spicy spicy...^o^~************************一般泰式汁醤都有...((($15)))雞絲湯金邊粉...雞絲很滑...份量也不少...這個價錢能夠在銅鑼灣吃晚餐...物超所值吧...*o*"((($15)))豬手湯金邊粉...不是我吃不予置評...金邊粉真的很美味...加添泰式辣椒和醋汁...開胃辣辣...i loving it...#u#~燒烤珍寶腸...想不到是一整條珍寶腸 = 一串...*_*"份量驚人...價錢超值...$58有六串...但吃下去才知道不是(((燒烤)))珍寶腸...而是(((油炸)))珍寶腸...被騙了...=n="雞軟骨和雞腎相比起珍寶腸...真正的小小巫見大巫...*.*~不是(((燒烤)))...而是(((油)))炸...看得見的(((油)))膩... @n@"再看真一點...原來串燒都是從超市買回來的...*_*"座位以十五元一碗湯麵來說...算是十分寬敞了...*u*~最愛泰式(((湯)))...剌激yummy yummy...#u#~因為掃完街不久...肚子不太餓...所以食物款式只有這麼一點點...^_^"
繼續閱讀
經過銅鑼灣有人派傳單 $15 一碗泰妃雞麵，咁平？而家咩都貴，心諗平預左會細碗Ｄ，於是約同朋友去上去試，地方整齊，燈光優暗，又有柔和音樂，感覺有浪漫情調餐廳 feel，但佈置又係泰國景，不太 match ， 但又可接受喎，當時晚上 8:45pm 只得數張台客，可能情調好，客人食完野拿著飲品談心。原來 $15 係無泰妃雞麵，只有其他選擇。普通 size，雞絲可粉，沙爹牛肉金邊粉，今時今日 $15 真係超值啊！但沙爹唔夠多，比較淡，金邊粉好似幼身可粉，好好食。馬拉戔炒通菜，$45 略為細碟左，又唔夠鑊氣，菜身未入味，我雖然喜歡食清淡，但正宗泰國菜應該係濃味架麻，清淡即係未夠師傅啦！炸軟瞉蟹，$45，蟹仔炸得香脆，味道濃香，但配料多過蟹，不過都要讚因為做得好好味。係銅鑼灣要醫肚 $15 一碗麵真係唔食對唔住自己，但要求高既呢度未必岩你。我地埋單時，個經理每樣菜都問我地比評價，可見得佢地係有心想做好既，咁大家不防去比機會佢地啦！
繼續閱讀
我同女友兩個都要食雞脾飯，之前果次去我食咗個香葉肉碎炒飯，都幾好，不過食開海南雞脾飯，所以叫多個鹹魚炒介蘭之後就一個叫咗湯，一個叫凍奶茶，雞脾都同灣仔水準差不多，夠香夠滑，介蘭比較油，不過都可以接受。
繼續閱讀