泰太廚房

營業中

休息中

A heartwarming dinner with our great neighbours and it was my first visit to this famed Thai kitchen in Tai Po. We started the sumptuous meal with garlic bread that was warmly toasted. Two dishes needed ordering in advance; the crab curry in a bread container was unique and very rich, whereas the roast pig was also very good with crispy skin and the pork was guiltily tasty with roasted fat. The satay was excellent, likely because the meat was very fresh. The prawn cake was of average standards,

呢間泰國菜一睇佢既裝修就知佢好地道，佢直情有個人係出面燒佢最出名既乳豬架！不過要book,所以我就無食到啦，叫左炒粉絲，豬頸肉同咖哩包！佢既炒粉絲好香，幾夠镬氣。咖哩包都係，不過好大份，兩人食只係食左一半其他都要打包、建議多人d share 先叫！不過豬頸肉就差左d, 豬頸肉最緊要要香同juicy, 但呢度個豬頸肉就太乾啦，如果可以juicy d就perfect啦！

剛剛跟朋友食完泰太廚房 ，一試難忘  一行六人收工入去大尾篤，好期待 ，去到坐室外 ，有風扇不算太熱，而且感覺好像去了泰國一樣，十分放鬆 因為預先order了半隻招牌菜炭燒乳豬，果然沒有令我們失望，真的好好味，值得一試

中學同學們相約飯局, M同學就提議入去大尾督食呢間泰菜查實我地大部份都係大埔區居民, 所以地點唔算太遠不過我住左咁耐都未食過大尾督任何一間泰菜館!! 哈哈 加上艾同學話佢既乳豬好食, 一於試下啦!(註: 乳豬要訂GA, 有心去試既OP友記得打去訂定)呢排D天氣都凍到DEE DEE震, 入到大尾督呢D地方更加係凍到雪條咁去到, 有同學仔已經到左, 安排左我地坐係室外位置室外既燈光又較為微弱, 又凍冰冰, 完全符合主題 - 月黑風高..@@好, 講完無聊野入正題喇, 由於M同學佢地早到左, 已經預先諗定左叫D咩食其實對我黎講泰菜基本上乜都岩食, 夠濃味又香口, 又有辣野食 不過都欣賞下佢個MENU....佢個MENU好大張, 整到成份報紙咁大, 幾過癮SCAN過一轉, D野既價錢都比其他泰菜館較為偏貴...不過係得呢D區域都預左咁上下喇, 始終唔係巿中心唔劏你等幾時?XDDDDDDDDDDDDDDDDDDDDDD第一味上場係活蝦刺身一碟唔知8定10隻... 蝦上面鋪左一塊蒜片之後點埋汁食, 冇想像中咁辣BOR又蝦肉都爽口, 但係同出面食日本野個D玻璃蝦又有D唔同呢隻感覺上爽得黎又彈牙,

與友人踩單車，3點幾從堤壩落返黎，見到忠誠、芭堤雅都爆人，我提議去呢間「泰太廚房」，其實三間都未食過（第二日再入大埔食忠誠，覺得非常不堪，見我另一篇食評），因友人食煙，選擇坐室外，環境非常特別，室外的木檯與裝飾都有一種置身於東南亞的感覺，坐低就即刻叫左幾支Singha泰啤，有冰杯，加分！本來再點生啤($200/2L $300/3L)，好飲但唔平，但係店員話暫時沒有提供，可惜。總共叫5個菜，生蝦、蝦餅、串燒、咖哩蟹麵包、金邊粉。生蝦：有8隻，唔平，$138。新鮮，醬汁夠酸、夠辣，但不夠完美。元朗薄荷葉比它好。蝦餅：無驚喜但唔差，炸完即刻拎出黎，夠熱，但都係唔平，$88。串燒：三串豬、三串雞，燒得唔會太硬，容易咬，價錢忘記了。咖哩蟹麵包：有用蛋花咖哩，但唔係成隻蟹上，得蟹肉，食到有蟹味但分唔到蛋/蟹，麵包焗得很脆，淋上咖哩汁後也不會太難切。金邊粉：普通冇特別，相都冇影。去泰國無數次，食過n+1碟Pad Thai，好耐之後先知，原來Pad Thai就係金邊粉，兩者的名字好像同Phnom Peth(金邊)一D關係都冇。

朋友一早book定係大尾篤的泰太廚房, 附近原來有唔少餐廳. 門口有泊車位, 揸車既朋友就方便d.因為當日星期二, 客人不多. 餐廳面對住海景, 有室外室內座位, 環境不錯.先先叫左一隻乳豬 (指定要叫半隻起的), 餐廳門口設有火爐, 即叫即燒. 乳豬皮燒得脆卜卜, 好有特色.不過waitress擔心剩下的半隻沒有客人叫, 要我們整隻要才可以叫. 朋友竟然答應, 果然係big fan.麵包咖哩蟹肉 - 外圍的麵包焗得好脆. 咖哩香甜, 只可惜蛋花太多, 不太吃得出蟹肉. (可能係特登扮蟹肉) 除此以外, 味道都okay.無骨雞腳 - 我無食, 不過朋友話好好好辣. 即刻飲左兩枝可樂.蒜炒椰菜苗 - okay, 普通野.地獄明盧燒魚 - 魚邊伴有雜菜及草菇, 辣湯惹味. 魚好新鮮, 而且啖啖肉. 我很喜歡^^另外朋友叫了一款名字很特別的飲料, 叫人渣2號. 其實只係加有酒精的雜果汁, 會連同shaker一起送到你面前, 幾好笑總括食物質素很好, 加上環境, 是悠閒舒適的一餐. 不過要注意最好先打去book枱順便確認一下食物, 例如燒乳豬如果我們不是成隻要便吃不到了, 而且當日亦沒有生蝦,

一家十口好開心問朋友借車由屯門出發，長話短說，服務差，劉華講今時今日咁既服務態度係唔夠，女侍應幫我地點左兩個餸就開始黑面，同你地落兩個餸就走啦。。。。（好差態度）叫住佢話未落完，佢都無理我，大佬呀！十個人架。再叫個老闆娘，原來差唔多，應該係兩母女。佢幫我地点菜時黎左兩碟生蝦，其間外父座第一將碟蝦放中間，漏左將碟蝦低盤一同囉到中間放置比大家分享，老女人（老闆娘）就話兩隻碟係一齊，可唔可以唔好亂攪，幫幫忙、呢句超心刻下。成家人因为佢地既服务，一D都食得唔開心。

今日係泰太廚房食午飯，位置不算隔涉。門口有6個車位。來之前book左位，不用等候。環境方面，門口有幾張大桌，不過比較熱，所以坐左係入面。入面有8張桌，環境尚好。食物方面，叫左一個面包蟹，炒貴刁，冬蔭功，燒豬頸肉。面包蟹既蟹肉太少，但個面包好脆。貴刁外型精緻，味道帶酸，冬蔭功帶酸微辣，大蝦肉有少少煤。燒豬勁肉燒得不夠香脆，醬汁較淡。整體來說，可以一試。價錢每人150左右，食到好飽。

揸車入大尾督行下，揾到呢間。傻仔唔知佢門口有車位，仲泊左咪標，門口可以泊到8架車左右。無訂位興起食就唯有食早D，6點！3個人，叫左細嘅冬陰公湯，上枱再點火熱住佢，有1隻大頭蝦，改良過適合我地香港人口味，唔太辣酸酸地！係我喜歡的味道！仲叫左咖哩蟹肉農夫包，呢個好味！有小小似咖哩版蟹粉，好creamy ~個包外脆內軟，麵包索左咖哩汁仲正！仲叫左串燒，見到門口有炭爐有人即燒先叫，佢仲有燒乳豬，要預計，不過我地個日臨時去所以無訂佢都話有得食~仲叫左炸豬手，普通。3杯嘢飲呢間價錢偏貴，唔介意熱小小坐外邊位好舒，裝修靚嘅

食左幾次忠誠, 今次試街尾既呢間麵包蟹: 嗰晚得返一個俾人訂左, 燒乳豬都係，要之前訂，最少亦要半隻，都係下次啦~PAD TAI: 個蛋網好靚, 個粉就酸左D,重味左D, 但都好好味, $88, 有好多蝦, 超彈又新鮮, 我地估係咪用生蝦刺身D蝦黎做燒鱔: 一串, 2件, $38, 貴D下次唔叫, 羊串平D幾好味併盤: 5種, 好似$119, 5種, 有雞翼魚餅蝦餅等等, 有D係一種得2件, 但就係一份剪開當2件...呢個真係貴啦....泰式鴨: 非常好味, 成碟都好靚, 有炸過既絲, 亦有處理過既橙皮絲, 個汁有淡淡既橙味, 睇得出好俾心機整, 好過好多4星級酒店出品, 但係好可惜個鴨乾過柴,好硬好鞋, 亦唔好味, 希望只係失手啦, 單係個汁真係好味到極蝦魚餅呢個係用個大CLAY碟盛起, 質地有DD黏但係唔漏, 好香泰式香料味, 一PAT醬咁, 有蝦係PAT嘢裏面, 魚味就食唔到, 適合配白飯/包食。但係佢冇跟, 另叫又唔底。呢個時候廚師行過，好想叫停佢話佢知好好味！　呢間泰式Ｄ，多Ｄ種類，但係幾貴，忠誠就實惠Ｄ，做法近港式ＤＤ。２間都好味！

中秋節晚約了朋友一家到大美督賞月，所以訂定位嚟食飯。我哋坐outdoor，這𥚃環境不錯，有個鞦韆㖭，天氣好，又有啲風，仲可以邊食邊賞月，感覺很好。我哋order咗拼盤，柚子沙律，沙爹雞，黃咖喱雞，燒豬脾，炒貴刁和炒什菜。拼盤- 有蝦餅，魚餅，雞翼和春卷。賣相不錯，十分香脆，蝦餅有蝦味又彈牙，味道不錯，春卷有很香芋頭味，好味呀。柚子沙律- 我冇試，但老公話味道唔錯。沙爹雞串- 燒得很香，雞肉醃得入味，而且嫩滑，囝囝很欣賞，仲要食多串㖭。黃咖喱雞- 少少辣，鷄肉滑。我覺得有少少芒果味，所以不太喜歡。燒豬脾- 諗住會係脆皮的，但原來係稔嘅，有部份又太乾，有點失望。好彩有部份不乾的，味道還不錯。炒貴刁- 賣相好，麵質不錯，味道也好。炒什菜- 味道ok，菜也甜。整體ok啦，可以再試。

朋友車我入去大尾篤食thai food, 以為入面無啖好食, 原來有幾間泰國菜餐廳係咁旺場0既.本身打算去第一間, 但太多人啦, 唔想等, 所以試下呢度.叫佐碟拼盤, 有蝦餅, 魚餅, 春卷, 雞翼, 最壴歡蝦餅無酒雞: 原來係類似避風塘炒雞粒,辣架, 但係好食.泰式雞肉炒粉: 好味呀, 呢個, 食碟清, 仲好食過0係 thai度食0既. 好惹味, 粉係乾身0既, 好鐘意咁食.豬頸肉: 表面香脆, 肉質仲係好juicy架,唔會燒乾.下次再去啦。

這是我第1篇食評,請多多指教!與朋友六人飯聚,順道慶祝一個月前的朋友生日本來打算到大埔的巴希雅燒烤,可惜一星期前已告知8點full booking唯有轉吃泰菜所以位book好,不用等環境椰林樹影,但怕有蚊和下雨,坐了在室內是日進食的包括:雞肉串燒配上的醬汁有很香的花生味,令普通的雞肉加分相片是給已我們吃了一大半的小食拼盤雞亦,魚餅,蝦餅,素春卷其實沒什麼特別,但香脆可口,令我很快樂濕炒牛河其中一位朋友點名要叫的,但其他朋友吃過後都認為如果叫乾炒比較好不過不失吧,但份量好多,很好蟹肉焗包我覺得非常好吃蟹肉很多配以不知是咖哩汁還是什麼creamy但不漏但有朋友認為它略甜而且好大個,6個人食岩岩好,但待應把它切成了五小塊,要我們後期加工又給吃了一半的菜苗炒豬肉香味撲鼻,菜很甜豬肉不少,不太辣,剛剛好雖然只叫了五樣,但很飽本來想叫的燒魚就沒叫了飲品方面椰青解渴,忘記是$20還是$25,價錢都可接受朋友的飲品:椰汁xx..沒影還有藍莓特飲,其實是利賓納我還看見有種飲品叫人渣一號,名字好笑總結份量多,味道不錯,價錢合理

今日姨姨生日諗住同佢食餐好既前一日已經打左電話去book位點知一去到話我冇book位比埋個電話record比佢睇先信我有打過黎今日落雨天, 分左我地坐出面, 極多飛蟻。甘都算, 照坐啦, 分左一張台比我地, 係6人位黎迫我地3個人坐埋一邊~因為另一邊滴水...請問我係咪去左茶餐廳,要我坐埋一邊?食野都食得唔開心,又唔係平, 我過忠誠食唔好?點解要食佢?最後講左幾次先比第2張台我地坐底左已經有幾隻飛蟻飛埋黎, 都算。照叫啦...d菜到左...我地頭頂個盞燈有幾十隻飛蟻~不斷跌d翼落黎我地已經嚇到死, 好怕d飛蟻跌落去d野食度叫佢轉我地入去坐佢話無位,無位明明入面有2張吉台最後佢個manager既解決方法係熄出面既燈..咩應變方法呀?咩都睇唔到...出面d客人其實已經好想調入去, 但無人理!最後最後n隻蟻係我地台面, 又係d碟度加埋我見到四腳蛇忍無可忍叫佢地打包3個waiters行過都唔理~叫左第4次先有人幫手打包埋單3個人要成6舊水呢個價可以坐得舒舒服服!我唔會再黎呢間野service差到爆...d人又勁蠢...我唔明點解唔可以先調嚇到死既客入去坐住先。就算有人book左位咪打去叫佢地遲

本來想食忠誠，但係太多人，唯有行過啲試吓呢間啦!一行四人，叫左三餸一湯個細冬陰功好正，夠酸夠辣，份量又足，我地每人都有兩碗，啲蝦好新鮮青咖哩雞唔太辣，啲雞好滑，而且仲有唔少茄子正一飯桶睇落細細盅，但個桶其實幾深，啲飯炒得夠乾身，好足料濕炒河粉呢個味道雖然普通啲，但個汁幾好味，而且好多菜本來仲叫左個薄餅，點知追極都冇，結果取消左成晚都冇人加個水